يەنە داۋاملىق ئوينامدۇق؟؟؟

oguz2

	ئەسسالام مىسرانىم ئەھلى مەن بىر ئىككى ئىغىز سۆزلەي   مىنىڭ بىر نەۋرە ئاكام باتى شۇ قىمارنىڭ دەردىنى تارتىۋاتقىلى نەچچە يىل بولدى،نەچچە قىتىم خوتۇن ئىلىپ نەچچە قىتىم قيىن ئانىسىدىن تاياق يەپ قاشىرىپ كەتتى،ھازىرمۇ يۇرىيدۇ 40 ياشقا كىرىپ قىلىپمۇ، يانچۇغىدا موچەننىڭ تايىنى يوق گىپىنىڭ يوغانلىقى تىخى ئۇ بەڭگىنىڭ...

مارشال

	بىزنىڭ يېزىدىمۇ تۆتى بار،ساپلا ئۇيغۇر بالىلار،مەن پات-پات ئىشىكتىن ئويناۋاتقان ياشلارنى كۆرۈپ قويىمەن،لېكىن،ئۇ نەرسىگە قاراشقىمۇ چولام يوق. 60ياشلىق بىر ئادەم بار،ھەر كۈنى شۇ ئېلىكتۇرۇنلۇق ئۇيۇنچۇق ئوينايدىغان،ئىچىگە ئادەم پاتماي قالىدۇ،بۈگۈن بىر مۇھىم ئىش بىلەن بىزنىڭ يېزا بىلەن ئارىلىقى 3كېلۇمىتىر كېلىدىغان دېلىۋىزىيەنىڭ بازىرىغا بېرىپ قالدىم،ئۇ يەردە 3-4سائەت چاممىسىدا تۇرۇپ قالدىم،خەنزۇلار تېراكتۇر ئوڭشىتىش،ئۇغۇت سېتىۋىلىش بىلەن ئالدىراش،ئۇيۇن ئوينايدىغان،تاماشا يىغىلدىغان يەردىن پەقەت خەنزۇ بازىرىدا ماجاڭخانىدىن بىرنىلا كۆرۈپتىمەن،لېكىن،ئەتراپتا ئېلىكتۇرۇنلۇق ئۇيۇنچۇقخانا،تورخانا،بېليارتخانا دېگەن نەرسىلەرمۇ يوق ئىكەن،خەنزۇلار ئۆز ئىشى بىلەن ئالدىراش ئىكەن. بىزنىڭ يېزا بازىرىدا تورخانىدىن 3بار،بۇنداق مۇنبەر كۆردىغان ئىش ئەسلا يوق،ساپلا ئۇيۇن ئويناش بىلەن ئاۋارە ھەممە ياشلىرىمىز ئۇيۇن ئوينايدۇياكى مۇڭداشقۇدا رومانتىك مۇھەببەت قۇربانى بولغانلار،ئېلىكتۇرۇنلۇق ئۇيۇنچۇقخانىدىن تۆتى بار،ئادەم پاتمايلا قالىدۇ،كەينى تەرەپتە خېلى كۆپ بېليارت(كالاڭچۇر)دەمدۇ،شۇ نەرسە بەك تولا،ئۇ يەردىمۇ نۇرغۇن بىكارچى ياشلىرىمىز بار،تاماكىنى قىڭغىر چىشلەپ،كالتەكنى تۇتۇپ،كۆك دۇخاۋىنىڭ ئۈستىدە يۇمىلاق تاش سوقىدىغان ئەزىمەتلەر،كۈندە بىكارچىلىقتا قىلدىغانغا ئىش تاپالماي،مۇشۇ نەرسىنى ئوينايدۇ. 40ياشتىن ئاشقان مەن تۇنۇيدىغان 20دەك ئادەملىرىمىز بار،ئۇلار ھەر كۈنى بىر خەنزۇنىڭ دۇكىنىغا كىرىپ،ئاق ھاراق ئىچىدۇ،پۇلى قالمىسا،1.5يۈەنلىك(二锅头（دەپ بىر ھاراق بار،شۇنى ئىچىدۇ. بىر ئىككى قەۋەتلىك بىر بىنا بار،2-قەۋەت داڭلىق قىمارخانا سورۇنى،10-20يۈەن ئوينايدىغان ئىش يوق،ئەڭ تۆۋەن بولسا،1000سوم،يۇقىرسى 100مىڭ يۈەنگىچە ئوينايدۇ.نۇرغۇن كىشىلەر ئۆي-مۈلىكىدىن،يېرىدىن ئايرىلدى،خۇتۇنى تاشلىۋاتقان ئەرلىرىمىزمۇ بار. يېزا بازىرىغا بارسام،شۇ يەردە بىكارچىلىقتا گەپ ساتىدىغان نۇرغۇن گۆدەك ياشلار،ئەتە قانداق ئۆي تۇتارمەن،مەن نېمىش قىلىۋاتىمەن،ئاتا-ئانام ماڭا مەڭگۈ باقىۋەندە ئەمەسقۇ دەپ ئويلايدىغانلار بەكمۇ-بەك ئاز. ئاتا-ئانىنىڭ بوشلۇقى،ئىشتا ھۇرۇنلۇقى بالىنىڭ مىجەزىدە ھەرخىل خارەكتىرنى شەكىللەندۈردىكەن.نۇرغۇن يەرلەر خەنزۇنىڭ قولىغا ئۆتتى. ئاددىيسى،بىزنىڭ مەھەللىدىمۇ ھازىر %60يەر خەنزۇنىڭ قولىدا،كېيىن،شۇلارنىڭ قولىدا ئىشلەيدىغان ئىشلارمۇ بولدىغان ئوخشايدۇ. بىزنىڭ يېزا گەپنىڭ ئۇچۇقى،ئۇيغۇرلار يېرىنى سېتىپ،ئۇيۇن-تاماشا،ھازىرقى باياشاتچىلىق،ئېسىل ماشىنا ئېلىپ،كىرا قىپ پۇل تېپىش.... بۇ يەردىكى كۆچمەن خەنزۇلارنىڭ ئويلايدىغانى كېيىنكى ئەۋلادلىرىم ئۈچۈن يەر ئالىمەن،تېرىقچىلىق قىلىمەن،ئىگىلىك تىكلەيمەن،كېيىنكى ئەۋلادلىرىمنىڭ بەختى مېنىڭ مەڭگۈلۈك ئارمىنىم........ شۇ يېرىنى سېتىۋاتقان ئۇيغۇرلىرىمىز گەنسۇنىڭ نەچچە مىڭ مېتىر ئېگىزلىككە ئەپكەش بىلەن سۇ تۇشۇپ،تاغنىڭ ئۈستىگە تېرىقچىلىق قىلىۋاتقىننى كۆرگەن بولسا،ئازراق ئويغىنىش بولارمىكىن دەيمەن....مەن شۇ گەنسۇ ۋە ئىچكىردىكى خەنزۇ دېھقانلىرىنىڭ ھەقىقىي ياشاش مۇھىتىنى كۆرگەندىن كېيىن،نېمە ئۈچۈن شىنجاڭغا كېلىپ بېيىپ كەتكەنلىكى،قانداق ياشىسىا بولدىغانلىقى توغۇرلۇق كۆپ ئويلاندىم.شۇڭا،خەنزۇلار ئىچكىردىن كەلسە،بۇ يەرنى جەننەتتەك كۆردىغىننى ھەقىقىي چۈشىنىپ يەتتىم.

مەھمۇد

	ھازىر قەشقەر تەرەپلەردە ئانچە يوق لىكىن شۇ قىماۋازلار ئۆزى بىلىدىكەن . خوتەن شەھەر ئىچىدە ئۇنداق ئويۇنچۇقخانىلاردىن نەچچىنى كۆردۇم . ھەممىسىدە لىق ئۇيغۇر .

qintax

	ئىچكىرى ئۆلكىلەردە نىۋاق بۇنداق نىمىلەرگە ئىشەنمەس بۇلۇپ كەتكىلى، بۇلار ئەمدى ھۇجۇمنى ناھىيە ،يېزا قىشلاقلارغا رەزىل قۇلىنى سۇنىۋاتىدۇ، ھۆكىمىتىز بۇنىڭغا تىزرەك بىر تەدبىر قوللانسا بۇلاتتى، لېكىن بەزەن  بىر ئۇزىنى بىلەلمەيۋاتقان قاپاقباش قېرىنداشلېرىمىز ھىلىغىچە ھۇشۇنى تاپالماي ۋاقىت ئىسراپ قىلىپ يەر شارىغا يۇك بۇلۇپ يۇرىدۇ. بۇلارنى بىرى قۇڭىغا تېپىپ ئەكىرمىگەن بولغۇيتتى؟!

umidwar99

	مارشال يوللىغان ۋاقتى  2012-4-24 08:50 PM بىزنىڭ يېزىدىمۇ تۆتى بار،ساپلا ئۇيغۇر بالىلار،مەن پات ... نەگىلا بارسا مۇشۇ ئەھۋال ئېغىردىن ئېغىر، نۇرغۇن ئورۇنلار ئۆز كىشىلىرىمىزگە ئېھتىياجلىق تۇرۇپ ئادەم تاپالمايدۇ، ئەمما بىزنىڭ بىكارچىلىرىمىز بەش - ئون كوي دىباۋ غا ھاراق ئىچىپ قىمار ئويناپ، ھۆكىمەتنى ماختاپ يۈرگەن......... ئېلىكترونلۇق ئويۇنچۇقخانىنى جامائەت پىكرى بىلەن چەكلەش تەس، ئەڭ ياخشىسى ئىمكان بار ئەتراپىمىزدىكى ئادەملىرىمىزنى بىرنى بولسىمۇ قولىدىن تارتىۋېلىش.

kaLGundi

	ئاپرىن سىزگە ئەلنەزەر قېرىندىشىم. مۇشۇ ئىشقا قارىتا بىز بىر جامەئەت پىكرى توپلىشىمىز كېرەك نۇرغۇن ياش قىز ئوغۇللىرىمىز  مۇشۇ قىمارنىڭ دەردىدىن ۋەيران بۇلۋاتىدۇ.  ئەتراپىمىزدىكى قېرىنداشلىرىمىزنى قۇلىمزىدىن كىلشىىچە توسايلى. قايسى كۇنى ئىككى بالا مۇشۇ قىماردا نۇرغۇن پۇلنى ئۇتتۇرۋىتىپ يانچۇقىدا پۇل يوق پۇل تېپىشنىڭ كويىدا بىر ئەسكى تۈسكە ساتىدىغان خەنزۇنىڭ پۇلىنى ئوغۇرلاپ تۇتۇلۇپ قاپتىكەن.

篮球美女

	مەن ھېچنمە دىمىدىم ، لېكىن بۇ تېمنى ئوبدان ئوقۇپ چىقتىم . تېما ئىگىسىگە كۆپ رەھمەت !

ئىلنازە

	ياشلىرىمىز ئويغانسا بۇلاتتى، ئويۇندىن ھىچنىمە چىقمايدۇ قېرىنداشلار.... ھاراق تاماكا زىيانلىق، بۇنى ھەممىمىز بىلىمىز، لىكىن بۇنى ئىشلەپچىقىرىشنى قوللايمىز، توسمايمىز، بۇنىڭدىن كېلىدىغان پايدىنىڭ شېرىنلىكىنى دىمەيلا قوياي، ياش-ئۆسمۈرلەر، ئوقۇغۇچىلارنىڭ تورخانىغا كىرىشىنى چەكلەيمىزيۇ، ئۇ نىمىشقا تورخانىغا كىرىدۇ، كىرەلەيدۇ؟ مۇشۇ ‹‹ئەۋزەل›› شارائىتنى كىم ھازىرلاۋاتىدۇ؟ دىگەنلەرنى خىيالىمىزغا كەلتۈرۈپ قويمايمىز، ‹‹ئەۋزەل›› شارائىتلارنى تەرتىپكە سالمايمىز.... ياشلار كەلگۈسىنىڭ ئۈمىدى، كەلگۈسىنىڭ خوجايىنلىرى دەپ جار سېلىشلىرىمىز بار، ئۇلارغا ياخشى، ساغلام ئۆسۈپ يېتىلىش مۇھىتى يارىتىپ بېرىۋاتقانلىرىمىز ساناقلىقلا،قاتا چاي، خاتا چايلاردىن كېلەلمەيۋاتقان ئاتا-ئانىلىرىمىز، بەدىنىدىن ھاراقنىڭ‹‹خۇشپۇراق›› لىرىنى ئەتراپقا چېچىپ دەرس سۆزلەۋاتقان، تاماكىسىنى قىڭغىر چىشلەپ دەرس چۈشەندۈرۈۋاتقان مىھرىبان، جاپاكەش باغۋەنلىرىمىز....

turklan

	مەن كۆرگەن ھەم ئاڭلىغان گەپلەرمۇ بەك تولا بۇ توغرىسىدا،بىزنىڭ مەھەللىگە پۇر كەتكەن مۇنداق بىې ئىش بار ،ئۇ بالا  خېلى باي ئىدى ،لىكىن قانداق بۇلۇپ مۇشۇ يولغا كىرىپ قالدى بۇنى بىلمىدىم.ئاخىردائەسلىي -ۋەسلىنى ئۇتتۇرۇپ ،خوتۇن باللىرىنى تاشلاپ ،يۇرتتىن بېشىنى ئېلىپ چىقىپ كەتتى.ھارىز قانداقراق ياشاۋاتىدۇ .بۇنى بىلمەيمەن.مۇشۇ ئالىي مەكتەپتىكى بىر نەچچە تۇنۇشلۇرۇم بارئىدى،ئۇلارمۇ بىكا بولسىلا شۇ يەرگە بارىدىكەن.قايسى كۇنى ئاشۇلارنىڭ  بىر كېچىدە 15000يۇئەن ئۇتتۇرۋەتكەنلىكىنى ئاڭلاپ ئۆز قۇلاقلىرىمغا ئىشەنمەيلا قالدىم.بىر ئوقۇغۇچىدا قانداق بۇلۇپ شۇنچە كۆپ بۇلىدۇ؟كىيىن ئاڭلىسام  ئۇلار قەرىزگە بۇغۇلۇپ قىممەت باھالىق كومپىيوتىرلىرىنى سېتىشىپ  يەنە بەزىلىرى ئوقۇش پۇلىنى تاپشۇرمىغانىكەن  شۇنىمۇ ىۇشۇپ ئۇتتۇرۋۇتۇپتۇ.نىمە كۈن ئۇلارغا ؟مۇشۇ نەرسىە ئەنە شۇنداق نى نى يىگىتلىرىمىزنى خار زەبۇن قىلىپ قويدى.ئەرلىك غۇرۇرىنى ئويلاشمايدىغان قىلىپ قويدى .ئەرلىرىمىزنى تاپتىن چىقىرىپ ئاياللىرىمىزنى ئازاپتا قويدى .ئەمىليەتتە ئەركەكلىرىمىز بۇنىڭغا تاقابىل تۇرالايتتى ،بىراق نىمە ئۇچۇن بىزلەر توغرا يولدا ماڭماي ..................ھەي سۆزلىسەم گەپ جىق ،ئەمدى قالغانلارمۇ سۆزلەپ باقسۇن.،،،