مەخپىي رېتسىپ: تېرىڭىزنى ئاقارتماقچى بولسىڭىز

OMAR0998

	يېڭى سەۋزىنى يۇمشاق ئېزىپ، سەۋزىنىڭ سۈيىنى ئەتىگەن ۋە كەچتە يۈزگە سۈرتۈپ، يۈز قۇرغاندىن كېيىن، باشقا كېرەكلىك مايلارنى ئىشلەتسە، (بۇرۇنلادا ئۆسۈملۈك مېيى سۈرتۈلگەن قول ياغلىق بىلەن يۈزگە يەڭگىل ئۇرۇپ بېرەتتى.) ئاندىن بىر ئىستاكان سەۋزە سۈيى ئىچىپ بېرىلسە، يۈزدىكى سەپكۈن يوقاپ، تېرە تەبئىي ئاقىرىپ پاقىرايدۇ. كۆرىيەنىڭ بەزى داڭلىق يۈز ئاقارتىش مايلىرىغا سەۋزە تەركىبى قىتىلغىننى بەلكىم بىلىدىغانلار بولۇشى مۇمكىن. ئۇ مايلارنىڭ باھاسى ئاز دېگەندىمۇ 100 سومدىن ئېشىپ كىتىدۇ. لىمون سۈيى ۋە كالا سۈتى : تېرىسى مايلىق ياكى ئوتتۇراھال كىشلەر قەرەللىك ھالدا لىمون سۈيىگە كالا سۈتىنى قوشۇپ ، ئۇنىڭدا يۈزىنى يۇيۇپ بەرسە ، تېرىنى ئاقارتىپ ، پارقىراق قىلىدۇ.     شوخلا سۈيى : بىر دانە شوخلىنى سىقىپ سۈيىنى چىقىرىپ ، ئۇنىڭغا بىر قوشۇق گلىتسېرىن قوشۇپ ئاندىن بۇ سۇيۇقلۇق بىلەن يۈزنى ھەر كۈنى 10–15 مىنۇت ئەتراپىدا يۇيغاندىن كېيىن ، ئىلىمان سۇ بىلەن تېرىنى چايقاپ ، تېرە ئاسراش مەلھىمى سۈرتۇۋالسا بولىدۇ . بۇ ئۇسۇلنى ئۇزۇن مەزگىل داۋاملاشتۇرسا يۈزدىكى سەپكۈننى سۇسلاشتۇرىدۇ ھەتتا سەپكۈننى يوقىتىدۇ .     سەۋزە شىرنىسى : ئىككى قوشۇق سەۋزە شىرنىسىگە 20 تامچە لىمون سۇيى قوشۇپ ، كۈنىگە ئىككى–ئۈچ قېتىمدىن يۈزگە سۈرتۈپ ، 20–30 مىنۇت ئەتراپىدا تۇرغۇزغاندىن كېيىن يۇيۇۋېتىپ ، تېرە ئاسراش مەلھىمى سۈرتۇپ بەرسە ئۈنۈمى ياخشى بولىدۇ .     مامكاپ گۈلى سۈيى : بىر تال مامكاپ گۈلىنى بىر ئىستاكان قايناقسۇغا چىلاپ ، سوۋۇغاندىن كېيىن ، مامكاپ گۈلىنى سۈزۈپ ئېلىۋېتىپ ، سۈيى بىلەن ھەر كۈنى ئەتىگەن ۋە كەچتە سەپكۈن ئورنىنى يۇيۇپ بەرسە ، ياخشى ئۈنۈم بېرىدۇ .     لىمون ۋە تەرخەمەك سۈيى: ھەر كۈنى يۈزنى يۇيغاندىن كېيىن ، لىمون ۋە تەرخەمەك سۈيىنى بىر نەچچە قېتىم سەپكۈن ئورنىغا سۈرتۇپ ، بىر سائەت ئەتراپىدا تۇرغۇزغاندىن كېيىن يۇيۇۋەتسە ھەم بۇ ئۇسۇلنى بىر ئايغىچە داۋاملاشتۇرۇپ بەرسە ، سەپكۈننى يوقىتىپ ، تېرىنى ئاقارتىدۇ .     تۇرۇپ ۋە شوخلا ياپراقچىسى : يۈزنى پاكىز يۇيۇپ ، تېرە ئاسراش مەلھىمى سۈرتۈپ ، ئاندىن يۈزگە بىر نەچچە پارچە تۇرۇپ ياكى شوخلا ياپراقچىسى چاپلاپ ، يېرىم سائەت تۇرغۇزغاندىن كېيىن ، سوغۇق كالا سۈتى بىلەن يۇيسا ياخشى ئۈنۈم بېرىدۇ . ئادەتتە ئالما ۋە بىيە ياپراقچىسىنىڭ ئۈنۈمىمۇ ياخشى بولىدۇ.     يوپۇرماق مەلھىمى : خۇشبۇي كەرەپشىنىڭ يېشىل يوپۇرمىقىنى ئۇششاق چاناپ ، ئۇنى بىر ئىستاكان قېتىققا ئارىلاشتۇرۇپ ئىككى–ئۈچ سائەتكىچە تۇرغۇزۇپ ، كۈنىگە ئۈچ قېتىم يۈزگە سۈرتۈپ بەرسە سەپكۈننى يوقىتىدۇ .     تىرناقگۈل يوپۇرمىقى شىرنىسى : تىرناقگۈل يوپۇرمىقىنىڭ شىرنىسىنى يۈزگە سۈرتۈپ بەرسە ، يۈزدىكى سەپكۈننى يوقىتىپ ، تېرىنى ئاقارتىدۇ. مەنبە  ياشلىق مۇنبىرى

ئىلنازە

	رەھمەت بىلىۋالدىم، بىر سىناپ باقاي

13629982958

	بىلىۋالدىم،

ئامىلە

	نەدىكى چول ئالدىراشچىلىقتا، ئاخشىمۇ يۈزنى بەزىدە يۇيۇشمۇ خوش ياقماي پوكلا چۈشۈپ ھېچنىمىنى تۇيماي قالىمەن. ئۇنچە قىممەت مايلارنىمۇ ئىشلەتمەيمەن، مۇشۇ تېرەمگە مىڭ شۈكرى.

rizwangul0995

	رەھمەت ئەجرىڭىزگە ،

سۈمەييە

	ھە ياخشى تىمىكەن ، ياز كەپ قالدى ئەمەسمۇ تىرىمىزنى ئوبدانراق ئاسرىمىساق كۆيۈپ قالىمىز ، بۇ تىمىدا سۆزلەنگەن مەزمۇنلارنىڭ بىر قانچىسىنى سىناپ باققۇم كىلىۋاتىدۇ رەھمەت سىزگە ،

سۈمەييە

	13629982958 يوللىغان ۋاقتى  2012-4-24 11:33 AM بىلىۋالدىم، سىز بىلىۋىلىپ نىمىمۇ قىلاسىز ھى ھى ھى ئوغۇل بالىلارغا خوشياقمايدۇ بۇنداق ئىشلارنى قىلىش ،،،،،

parwinaz

	قولايلىق چارىلەركەن، سىناپ باقاي.

zapar

	قېنى سەتلەر ھۇررا ( چاقچاق ماۋۇ، كىم رەددىيە بەرسە شۇ سەت)

kizzik99

	مۇشۇنداق مەخپى رىتسىپلارنى ئىشلىتىپ بىر چىرايلىق يۈزلىرىنى بۇزۇپ پۇشايمىنىغا تىلىنى چىشىغا يەم قىلىدىغانلارنى كۆپ كۆرگەنتىم، قارىغۇلارچە ئەگىشىپ قىپ بېقىش بىزنىڭلا ئادىتىمىز ئوخشايدۇ. بۇنداق نەرسىلەرنىڭ  كۆپۈنچىسى پەرەس بىلەن  ئېيتىلغان، ئىلمىي نەتىجىسى يوق ئىش. قىلىپ ئاۋارە بولماي ئۆزى ئۆزىنى ھەقىقىي سۆيۈپ، قەدىر قىممىتىنى تونىغاندىلا ئادەمنىڭ ئىچكى دۇنياسى نۇرلىنىپ، يۈزلىرى تەبىيلا نۇرغا چۈمۈپ كېتىدۇ. ھەقىقىي گۈزەللىك مانا مۇشۇنداق ئىچىدىن تېشىغا تىپىش ئارقىلىق بولىدۇ. مانا بۇ زىخمۇ كۆيمەيدىغان كاۋاپمۇ كۆيمەيدىغان مەخپى رىتسىپ.