ئەجەپ قىينىدى پىراقىڭ مېنى

yawa-xir

	مەيىن شامال كەلسە پىچىرلاپ، سەندىن خەۋەر ئالغاچ كېلەرمۇ؟ يۈرەك ئارام بەرمەس سىرقىراپ، ئەجەپ قىينىدى پىراقىڭ مېنى، بۇ سېغىنىش ئۇزىراپ كېتەرمۇ؟        سېغىنىش ئۇزىراپ كەتسە ئەگەردە،       كۆيۈپ كۈل بولۇپ ئۆتۈپ كېتەيمۇ؟ خۇشاللىقتىن قالدۇرماي ئەسەر، ئەجەپ قىينىدى پىراقىڭ مېنى، ھىجران بىلەن ئۆلۈپ كېتەيمۇ؟     يەلپۈپ ئۆتەر يۈرەكنى تەشۋىش، ھەر ئويلىسام ئاشۇ كۈنلەرنى.    مۈشكۈل ئىكەن بەداشلىق بېرىش، ئەجەپ قىينىدى پىراقىڭ مېنى،       ئۆتكۈزدۈم بىدار نۇرغۇن تۈنلەرنى.             ئەسلەيمەن دائىم  شېرىن سۆزۈڭنى، يىراقلاردا بولساڭمۇ لېكىن، ئۇنتالمىدىم  ئوتلۇق  مېھرىڭنى، ئەجەپ قىينىدى پىراقىڭ مېنى،    ئۈمىدىم قايتىپ كېلەرسەنمىكىن. كۈندە تەشۋىش،كۈندە قىينىلىش، يىراق مەندىن ئازابسىز ياشاش. لېكىن يەنە ئاشۇ ئىنتىلىش، ئەجەپ قىينىدى پىراقىڭ مېنى،          نېسىپ  بولۇرمۇ  بەخىتلىك ياشاش ؟ ( مەنبە: قەلىمىم  )

ARKZAT

	قەلب تىۋىشلىرىڭىز ئىزھار قىلىنغان ئوتلۇق لىرىكىڭىزغا  مۇبارەك!

ئامىلە

	ئەسلەيمەن دائىم  شېرىن سۆزۈڭنى، يىراقلاردا بولساڭمۇ لېكىن، ئۇنتالمىدىم  ئوتلۇق  مېھرىڭنى، ئەجەپ قىينىدى پىراقىڭ مېنى.

arkin-kuyax

	شۇنداق بەك قىنىۋەتكەن ئوخشايدۇ ھە

enahlik

	بەكمۇ ياخشى يېزىپسىز سىزگە كۆپ رەھمەت. داۋاملىق ئىزدىنىڭ......

sabiyha

	قەلەم تۇلپارىڭىز ھارمىغاي،ياخشى يېزىلىپتۇ.

شاھلالە

	توختاپ قىلڭە بولدى سەۋدايىنىڭ ئۆزى بولۇپسىز

atlancaravan

	بەك ياخشى يېزىپسىز، اللە قولىڭىزغا دەرت بەرمىسۇن! تېخىمۇ ياخشى شئېرلارنى مۇنبەر ئەھلىگە سۇنىشىڭىزنى تېلەيمەن!