يېشىنىڭلار

blackrose

	باھار كەلدى، ياز كەلدى، يېشىنىڭلار، مەجنۇنتالدەك ناز كەلدى، يېشىنىڭلار. تولغۇنۇپ كېلىڭ مىسلى بىر تەنناز، نەغمە –ناۋا، ساز كەلدى، يېشىنىڭلار! ئىللىق قۇياش پىنھانلارنى كۆرىۋالسۇن، بىر قاراپ جامالىڭلارغا تويۇۋالسۇن! ئەركە شاماللار ھېيىقماستىن سۆيىۋالسۇن، سۆيگەنلىرى ئاز كەلدى، يېشىنىڭلار... بۆك،تۇماق،جۇۋا...پەلتۇنى تاشلاڭلار، قاقلىنىپ， راسا بەل-پۇتنى ئاشلاڭلار، قىز-جۇۋانلار ھەددىڭلاردىن ئاشماڭلار، كۆكتە قاقىر، غاز كەلدى، يېشىنىڭلار. قايچىنى ئال،چېچېڭ ياپتى بويۇننى، كېسىۋەت! بىلدۈرۈپ مەدەنىي ئويۇڭنى، سەن ئوينىمىساڭ كىم ئوينار بۇ ئويۇننى، ئوت ئۈستىدە ماز كەلدى، يېشىنىڭلار. «Ｔ»مايكا، شىم، باسنوشكا ياراشقان، ياراشقانلارغا تالاي ئەرك قاراشقان، سەزگۈلەردە تېخى يولدىن ئاداشقان، ھېسلىرىمغا باز-باز كەلدى، يېشىنىڭلار. ئاپئاق پاچاق، ئالما كۆكسى ئېچىلغان، ئىپار، ئەنبەر دىماقلارغا چېچىلغان، ساقال سىلاپ،ـ خەپ!-لىرىدە ئېچىنغان، قامىتى چىنار تاز كەلدى، يېشىنىڭلار! مۈرىسىگە بىر تال بوغقۇچ ئارتىلغان، بەل ئۈستىگە كەسمە سىزىق تارتىلغان، كىيىم-كېچەك زادى نېمىگە يارتىلغان، ئۇچاڭلاردىكى ئاز كەلدى، يېشىنىڭلار؟! يوپكىسى كېلەر بىر غېرىچ قىرىق سانتا، شىم بىلەن تارتىلىپ چىققاندا ساغرا، ھېسلاردا توختىماس داراڭلاپ«ناغرا!»... مانا،پەيىت ئىمتىياز كەلدى، يېشىنىڭلار. لىغىرلايدۇ تەن ئۆستەڭدىكى لايدەك، خوپ ياراشقانمىش خۇددى مايدەك، ئول تۇرقى ئىمىش مىسلى ئايدەك، ساختا تەنناز كەلدى، يېشىنىڭلار. كەيگەنلىرى ئۇزۇن كەلگەندەك گويا، ئىچىدە يا كۆيىۋاتقاندەك ئوت-لاۋا، ئوتقا چىدىماي قىسقا كىيەرمىش شۇڭا، چات ئېرىقلار ساياز كەلدى،يېشىنىڭلار! يىپىنچىدىن ئىچ كىيىمنىڭ رېڭى ئوچۇق، مەيدە ئۆزرە يەنە كىندىكى ئوچۇق، بەلكى يەنە شىمنىڭ كىلتى ئوچۇق؟! كۆڭلەكلىرى داراز كەلدى، يېشىنىڭلار... ئىش پۈتەرمىش بۇ قامەت بىلەن، ياشاپ،ياشىۋېلارمىش «ئامەت» بىلەن، باش چايقايدۇ چوقۇم ئاپەت بىلەن، ياشلىقىغا ئاياز كەلدى، يېشىنىڭلار. مەيدە ئاچ، بىلەك ئاچ، پاچاق ئاچ، ئاچ يەنە ئاز كەلدى،توختىماي ئاچ-ئاچ، لەۋ يالاپ ئۆتتى يېنىڭدىن بىرى ئاچ! -ئاچ!-دېگەن ئاۋاز كەلدى، يېشىنىڭلار. كۈن ئىسسىپ، كۆيدۈرسە نە ئىلاج، ئاچماي تۇرۇپ بولسۇن نەدە راۋاج، ئۇزۇن كىيىملەر بولۇپ تالان- تاراج! ئەخلاقىمىزغا ئاراز كەلدى، يېشىنىڭلار. ئاچقىنىمغا بىكار بۇ ۋايساشلىرىڭ، يىپىپ بولالماس ھەممىنى قاقشاشلىرىڭ، جانغا ھوزۇر بۇ ئاچ-ئاچ...لىرىڭ، ھەممە ھېسقا پەرۋاز كەلدى، يېشىنىڭلار! ساياز- دۆڭ دېگەن مەنىدە. داراز-ئۇزۇن دېگەن مەنىدە. مەنبەسى:ئۆزۈم

othor

	ئاجايىپ مەنىگە ئېگە شىئېركەنغۇ.

maxaalla

	بۇ شېئرڭىز ھازىرقى بىر تۇرمۇش كارتىنىسىنى مۇكەممەل يارىتىپتۇ . ياراتقان ئاللاھ قولىڭىزغا دەرىت بەرمىسۇن

izqi.mardan

	ئەركە شاماللار ھېيىقماستىن سۆيىۋالسۇن، سۆيگەنلىرى ئاز كەلدى، يېشىنىڭلار... شئېر بولا مۇشتاق بولا،رومان بولا مۇشتاق بولا

ئامىلە

	ھەي خۇدا، راسلا، يۆگەنگەنلەر كۆزىنىمۇ ئورىۋالغىلى تاس قالىدۇ، قىلغان قىلىقلىرى ئۇنىڭدىن ئارتۇق. ئاچقانلىرى ئېچىۋالىدۇ يات مىللەتتەك، تېلىۋىزۇردىكى يېڭىلىقنىڭ ھەممىسى بازاردا باردەك.

blackrose

	بۇنداق  تېمىنىڭ كۆرۈرمىنى ئاز بولىدۇ. ئادەتتە بىزدە قامچىلاش بولسا قاچىدىغانلار كۆپ بولىدۇ. تىللاش دەپ بىلىدىغان بۇنداق ساتىرىك ئەسەرلەرنى كۆپۈنچە كىشلەر ياقتۇرۇپ كەتمەيدۇ... بەلكىم ياخشى يازالمىغان بولسام كېرەك. دوستلارنىڭ كۆپرەك تەنقىدىي پىكىر -تەلەپ بېرىشىڭلارنى سورايمەن. ھەممىنى قىلغان شۇ قىسقا كىيىم، ئېچىلغان بەدەن....

azizgul

	مەناسى چۇڭقۇر ، تىلى ئۆتكۈر يېزىلىپتۇ . يىشىنىپ يۈرىيدىغانلار غا  تازا ئۆتكۈر قامچا بوپتۇ . قۇياشمۇ شۇ يىشىنىپ يۈرگەنلەردىن بىزار بولغاچ   مانا بۇ كۈنلەردە ئالتۇن نۇرىنى چاچمىدى.................

blackrose

	ئەمدى يېپىنىڭلار دېسە ئاڭلىسا كېرەك!؟

شاپ

	قىسقا كىيىملىكلەرگە نەق تەككۈزۈپسىز. ئىجادلىرىڭىز مەڭگۈ ئۈزۈلمىگەي!

blackrose

	رەھمەت، سىزگە دوستۇم. كەمىنىنىڭ ئەرزىمەس تېمىسىنى كۆرۈپ ئۆتكىنىڭىزگە..........