تالانتلىق رىياسەتچى مۇنىرە غۇپۇر ئېكران يۈزىدە...

چېچەك

	تالانتلىق رىياسەتچى مۇنىرە غۇپۇر ئېكران يۈزىدە                   (تېما يوللىغۇچى: چېچەك-ساداقەت ئەنۋەر)                شۇنداق بىر ھاياجانلىق ھېسىياتىمنى مۇنبەردىكى ئەزىزلەر بىلەن ئورتاقلاشقۇم كېلىۋاتىدۇ...بارماقلىرىم كۇنۇپكا تاختىسى ئۈستىدە تىنماي ھەرىكەت قىلىۋاتقاندىمۇ ئىچىمدىن بىر خىل خۇشاللىق ئۇرغۇپ  چىقىۋاتىدۇ..نېمىكىن دەپ ئويلاۋاتامسىلەر...تېما ماۋزۇسىنى كۆرۈپلا بىلىپ بولدۇڭلار ھەقىچان... شۇنداق،كۆرگىنىڭلاردەك تالانتلىق رىياسەتچى،ئۇيغۇر رىياسەتچىلىك سەھنسىدىكى تۆمۈر چولپان،ئۇيغۇر دىكتور-رىياسەتچىلىك سەنئىتىنى يەنىمۇ بىر بالداق يۇقىرى كۆتۈرگۈچى ،يېڭى بىر ئەۋلات ‹مېھىرىبان ئانىلار› جەمئىيتىنىڭ ئەزاسى ئەل سۆيگەن ۋە ئەلنىمۇ سۆيگەن رىياسەتچىمىز مۇنىرە غۇپۇر ئاتلان تىل تەربىيلەش مەركىزى ئۇرۇنلاشتۇرغان ‹2012-يىللىق ئاتلان تالانتلىقلىرى › كېچىلىكىگە رىياسەتچىلىك قىلىپىتۇ... بۇ كېچىلىكىنى تاسادىبىيلا ئەلكۈينىڭ ئىتوتلار سەھپىسىدىن كۆرۈپ قالدىم...ھاياجانلاندىم..تۇلۇق قىسىمنى يوۋكۇ تورىدىن تېپىپ كۆردۈم،قانداق كۆردۈم دىمەمسىز،ئاۋال پەقەت مۇنىرە غۇپۇر ھەدىمىز رىياسەتچىلىك قىلغان كۆرۈنۈشلىرىنى كۆرۈپ بۇلۇپ ئاندىن قايتا بۇ كېچىلىكىنى كۆردۈم..شەخسىيەتچىلىك بىلەن ئېيتسام، مۇنىرە غۇپۇر ھەدىمىزنىڭ ئېكران يۈزىگە قايتا چىققانلىقىنى كۆرۈش ئۈچۈن بۇ كېچىلىكىنى كۆرۈپ چىقتىم دېسەممۇ بولىدۇ..ئاتلاننىڭ بۇ كېچىلىكىمۇ شۇنداق ياخشى ئۆتكۈزۈلۈپتۇ..لېكىن نەزىرىمىدىكى ئەڭ يارقىن نۇقتا يەنىلا مۇنىرە غۇپۇرغا مەركەزلىشىپ قالغاندى.. مۇنىرە غۇپۇر ھەدىمىزنىڭ قاچاندىن باشلاپ ئېكران يۈزىگە چىققانلىقى ئېسمىدە يوق..پەقەت ئېسمدە قالغىنى بىر قېتىملىق رىياسەتچىلەر مۇسابقىسىمۇ ئىشقىلىپ شۇنداقراق بىر مۇسابىقە كېچىلىكىدە ،مۇنىرە ھەدىمىزنىڭ ناخشا ئېيتقانلىقى يادىمدا،يېشىل كۆينەك كىيگەنغۇ دەيمەن..تۇنجى قېتىملىق شىنجاڭدىكى ‹ئون مۇنەۋەر دىكتور-رىياسەتچىلەرنى باھالاش تېلۋىزىيە مۇسابقىسى›دە مۇنىرە غۇپۇر ھەققىدە دەسلەپكى چۈشەنچىگە ئىگە بولغان ئىدىم...شۇ قاتاردا مەھمۇت مەخسۇت،پاتىگۈل سەئىدى،مۇھەممەتئېلى قاسىم،نەشپەت ئۆمەر قاتارلىق دىكتور-رىياسەتچىلەرمۇ بار ئىدى..كېيىن تارىم سەنئەت كېچلىكى،ئابدۇللا ئابدىريىم سەنئەت كېچىكلىكى قاتارلىق نۇرغۇن كېچىلىككە رىياسەتچلىك قىلغانلىقىنى كۆردۈم.(پىلاستىنكدىن كۆرگەن ئىدىم)..شىنجاڭ خەۋەرلىرىگە چىققان ۋاقتىنى تازا ئېسمىگە ئالالمىدىم،بىراق ئەڭ ئېسمىدە قالغىنى <تەڭرىتاغ گۈلزارى> پىروگىراممىسى..سۆزلەشتىن تارتىپ ئولتۇرۇش،قىياپەتكىچە شۇنداق تەمكىن،شۇنچلىك ئېسل،خۇددى مۇشۇ كەسىپ ئۈچۈن تۇغۇلغاندەكلا... ‹شىنجاڭ ئاياللىرى›ژزۇرنىلىنىڭ 2004-يىلدىكى سانىغا(قايسى سان ئىكەنلكىنى تازا ئېسمىگە ئالالمىدىم،كەچۈرۈڭلار.) بىر ئەسەر يېزىلغان ئىدى.تېمىسى ‹مېنىڭ دوستلرىم›.ئاپتور مۇنىرە غۇپۇر ھەدىمىز بىلەن ئالىي مەكتەپتىكى ساۋاقداش ئىكەندۇق،ئەسىرىدە مۇنىرە غۇپۇر،رىزۋانگۈل يۈسۈپ قاتارلىق بىر قانچە دوستلىرى ھەققىدىكى خاتىرلەرنى يېزپتىكەن..شۇ ئەسەرنى ئوقۇغاندىن كېيىن مۇنىرە غۇپۇرنى تېخىمۇ چوڭقۇر چۈشىنىش پۇرستىگە ئىگە بولغان ئىدىم..ئاپتورمۇنىرە غۇپۇر ھەققىدە ‹رەتلىك،يارىشملىق كىينىپ،دائىملا تېتىك يۈردىغان،ئاۋازى شۇنچلىك يېقىملىق قىز ئىدى...كېيىن ئۇزۇن ئۆتمەي مەكتەپتىكى ھەرخىل پائالىيەتلەرگە بۇلبۇلدەك يېقىملىق ئاۋازى بىلەن ئۆزگىچە ھۆسىن قوشاتتى›دەپ يازغان ئىدى. مۇنىرە غۇپۇرنىڭ ‹رىياسەتچلىك سەنئىتى›دېگەن كىتابىنى ئوقۇپ چىقتىم..ئۆز كەسپىگە قانچىلىك يۈرەك قېنىنى سەرىپ قىلغانلىقىنى،كەسپىنى قانچىلىك قىزغىن سۆيدىغانلىقىنى ئۇشبۇ كىتاپتىن،مۇنىرە ھەدىمىزنىڭ مىكرو بىلوگىدىن،ئەلكۈيى مۇنبرىدىكى مۇبارەك يازغان ‹ئېكران ئالدىدىكى ئايال قەھىرىمانلار›دېگەن تېمىغان قالدۇرۇلغان يەنە بىر تالانتلىق رىياسەتچىمىز شەمسىيە ئەبەيدۇللانىڭ ئىنكاسىدىن كۆرۋېلىش تەس ئەمەس... ئارىدىن شۇنچە يىللار ئۆتۈپ مۇنىرە ھەدىمىزنى ئېكران يۈزىدە قايتا كۆرگەندە، بۇ خىل ھاياجانلىق تۇيغۇلار مېنىڭ مۇشۇ قۇرلارنى يېزىشمغا تۈرتكە بولدى.بۈگۈنكى كۈندە مىكرافون ئالدىدىكى مۇنىرە غۇپۇر يەنىلا شۇنچلىك جەزبىدار،ئاۋازى يەنىلا شۇنچىلىك يېقىملىق،بۇرۇنقى تۇيغۇلارنى قايتا تېپىۋالدىم .كۆپچىلكىمۇ شۇنداق بولسا ئەجەپ ئەمەس،ئۇنداقتا قەلبىمىزدىكى بۇ ئەل سۆيەر رىياسەتچمىزىنى قايتا كۆرۈپ باقايلى... https://uyghur-archive.com/misranim/thread-76188-1-1.html

چېچەك

	ئۆزۈمنىڭ تېمىسىغا ئۆزۈم يەنە ئىنكاس يېزىشقا مەجبۇر بولدۇم،ئازراق تۇلۇقلايدىغان مەزمۇنلار بار ئىدى. ‹ئاتلان تالانتلىقلرى كېچىلىكى›ھەققىدە ئىككى كەلىمە سۆز: مېھىر-مۇھەببەت ئىنسانغا قانات.ئىنساننىڭ قەلبىدە ھامان مۇھەببەت بولىدۇ.مەيلى ئۇ قانداق مۇھەببەت بۇلىشىدىن قەتئىينەزەر.. تېخى باياتتىنلا بىر ئىگە-چاقسىز،سۈيدۈك تۇتىۋالالماسلىق كېسلىگە گىرىپتار بولغان ئانا ھەققىدىكى تېمنى كۆرۈپ ئىچىم ئېچشىقان،ئىزتىراپىلىق ئويلارغا چۆمگەن ئىدىم.لېكىن مېھىر-مۇھەببەتلىك كىشلىرىمىز يەنىلا كۆپكەن،تېما ئىگىسى ۋە ھەرقايسى تورداشلار يەنىلا شۇنداق مېھىرلىككەن. ئاتلاننىڭ بۇ قېتىمقى كېچىلكىدە يىغلىغان 51مىڭ يۈەندىن كۆپرەك پۇل بىزدىكى ساخاۋەت ئىگلىرىنىڭ،مېھىرلىك قەلبلەرنىڭ يەنىلا كۆپ ئىكەنلىكىنى ئىسپاتلايدۇ.مۇنىرە غۇپۇرنىڭ چۈشەندۈرىشى ئارقىلىق بىزگە مەلۇم بولغان مۇھەببەتكە،ساخاۋەتلىك قوللارغا تەشنا ئاشۇ قېرىنداشلىرىمىز ئىللىقلىقىنى يەنە بىر قېتىم ھېس قىلغان  بولسا،مۇھەببەتلىك يۈرەكلەرنىڭ كۆپلىكىنى بىزمۇ ھېس قىلدۇق.ئاتلاننىڭ قۇرغۇچىىسى قاسمىجان مۇئەللىمنىڭ‹بۇگۈنكى بۇ  نەتىجە مېنىڭ ئەمەس،ئولتۇرغان كۆپچىلكىنىڭ›دېگەن بىر ئېغىز سۆزى قەلبمىنى لەرزىگە سالدى. سىز تەسىرلەنمىدىم دېيەلەمسىز؟ئېكراندىكى بىر گۆدەكنىڭ ساندۇققا پۇل تاشلاۋاتقان كۆرۈنۈشىنى كۆرۈپ سۆيۈنمىدىم دېيەلەمسىز؟ياق،چۈنكى سىز مۇھەببەتلىك ئىنسان،بىزمۇ ھەم شۇنداق... قەلىبلەر قەلبىلەرگە تۇتاشسسۇن.مۇھەببەت مۇھەببەتلىك يۈرەكلەرنى ئاپىرىدە قىلسۇن.شۇ مۇھەببەتلىك يۈرىكىڭىزنى،ساخاۋەتلىك قولىڭىزنى ياردەمگە مۇھتاج بولغانلاردىن ئايىماڭ. چۈنكى سىز مۇھەببەتلىك ئىنسان،بىزمۇ ھەم شۇنداق.

oguz2

	قىنى باشقىلار يازغان ئىنكاس قورقۇم كەپكەتتى ئاستا چىكتەي

ئۆل

	بۇ رىياسەتچىنى بەك ياقتۇرىمەن ..بەكلا تەبىئى ،ئەركىن سەھىنگە چىقدۇ ،قىلچە ياسالملىق يوق ...ئەمما بۇ رىياسەتچىمىز ئۆسۈپ كەتكەن چېغى ئېكراندا كۆرگلى بولمايدىغان بولدى

a.sayrami

	مۇنىرە غۇپۇرنى ئايال  رىياسەتچىلەر ئىچىدىكى ئەڭ تالانىتلىقى دەپ قارايمەن..........بۇ كېچىلىكىنى مەنمۇ كۈرۈپ بەك تەسىرلەندىم.

XERHAN

	مۇنىرە غوپۇر باشلىق بولغاندىن بېرى ئىكران يۈزىدە ناھايىتى كەم كۆرۈلىدىغان بولۇپ قالدى . پات پات چىقىپ تۇرسا بولاتتى . قەيسەر ھەبىبۇللا يوقاپ كىتىپ كۆڭلۈم بىر قىسما بولۇپقالغان ئىدى ، يىقىندا يەنە پەيدا بوپتۇ .....

musilina

	تالانتلىق رىياسەتچى مۇنىرە غوپۇر رىياسەتچىلىك قىلغان پىروگىرامما ۋە كېچىلىكەرنى ياقتۇرۇپ كۆرىمەن،قىلچە ياسامىلىق يوق بەك ساپ،راۋان ،جەلپ قىلارلىق سۆزلەيدۇ بۇ تالانتلىق رىياسەتچى ...

abdukorax

	مەن مۇنىرە غوپورنىڭ رىياسەتچىلىكىنى ئەڭ ياختۇرىمەن.ئانا تىلىم ئۇيغۇرچىنى مۇشۇ ئايالنىڭ ئىكراندىكى ئاۋازىدىن ئاڭلىسام  ئانا تىلىم نەقەدەر چىرايلىق ئاڭلىنىدۇ. مەخمۇت مەخسۇت،دۇنيا ھەپتىلىكى پىروگراممىسىدىكى ھىلىقى رىياسەتچى ئەمەتچان قاتارلىقلار ۋە باشقىلار

0999nazuk

	مۇنىرە غوپۇر ھەدىمىزنىڭ يەنە ئىكران يۈزىگە چىققىنىدىن بەك خۇش بولدۇم. مەنمۇ بەك ياقتۇراتتىم بۇ رىياسەتچىنى.....

aptap104

	مۇنىرە غوپۇرنىڭ تىز پۇكمەس روھى ھەممىدىن مۇھىم ، مىنىڭ قەلبىمدىكى بىر گۈزەل رىياسەتچى ! ئۇ مەڭەۈ گۈزەل تۇرسىكەن دەيمەن ....  ئۇ تاتار مىللىتىدىن غۇ دەيمەن ....   تۈركىيلەر ياشنىسۇن ، گۈللىسۇن !