غەم ۋە پەم

abbas1

	پەلسەپىدە دۇنيا قارىمۇ قارشىلىقىنىڭ بىرلىكى ئىكەنلىكى مۇئەييەنلەشتۈرۈلىدۇ . كېچىنىڭ كۈندۈزى بۇلغىنىدەك ، خۇشاللىقنىڭ  خاپىلىقى ، كۈلكىنىڭ يىغىسى بولىدۇ. كىشىلىك ھايات ،تۇرمۇشتا خۇشاللىق بىلەن قايغۇ قوشكېزەك . پۈتۈنلەي خۇشاللىققا تولغان ھايات بولمايدۇ ، پۈتۈنلەي قايغۇ بىلەن ئاخىرلىشىدىغان ھاياتمۇ ھەم شۇنداق . ئىنسانلارنىڭ تۇرمۇش ۋە ھاياتقا تۇتقان پوزىتسىيەسىنىڭ ئوخشاش بولماسلىقى << ئۇپىراش >> ۋاقتىنىڭ ئىلگىرى - كېيىنلىكى ياكى ئۇزۇن - قىسقىلىقىنىڭ سەۋەبچىسىلا ، خالاس ، شۇڭا بىزدە : << ئادەمنى غەم قاقشىتىدۇ ، ئۈنىد ياشنىتىدۇ>> دېگەندەك ساغلاملىق دەستۇرلىرى بارلىققا كەلگەن . ئۇنداقتا ، بۇ يەردە تىلغا ئېلىنىۋاتقان << پوزىتسىيە >> زادى نېمىنى كۆرسىتىدۇ؟ بىر باي يېتىپ ئاشقۇدەك پۇلى ، دۇنياسى تۇرۇقلۇقمۇ خۇشال يۈرەلمەسلىكى ، بىر نامرات يوقسۇزلۇقتىمۇ خۇشال ياشىيالىشى مۇمكىن . مانا بۇ پوزىتسىيەنىڭ قۇدرىتى. << پوزىتسىيە ھەممىنى بەلگىلەيدۇ >> دېگەن گەپمۇ شۇنىڭغا قارىتىلغان . ھاياتقا دىققەت بىلەن قارايدىغان بولسىڭىز ، خۇشاللىق ، ساغلاملىق ئاتا قىلالايدىغان نەرسىلەر ، ئىشلار نۇرغۇن . قايغۇغا ، كېسەللىككە مۇپتىلا قىلالايدىغانلىرىمۇ ھەم نۇرغۇن . كېيىنكى تاللاش پوزىتسىيەيىڭىزنىڭ قانداقلىقىدىن بېشارەت بېرەلەيدىغان كۆرسەتكۈچ . تۇرمۇشتا بەزى ئادەملەر كىچىككىنە ئوڭۇشسىزلىقلارغىمۇ ، خاپىلىقلارغىمۇ بەرداشلىق بېرىش جەھەتتە ئىنتايىن ئاجىز كېلىدۇ، ئارتۇقچە غەم يەپ ، ئازابلىنىدۇ. يەنە بەزى ئادەملەر بار ، تاغدەك قايغۇ ئالدىدىمۇ ئۆزىنى ناھايىتى تەمكىن تۇتۇپ ، قايغۇنى كۈچكە ئايلاندۇرۇپ ، ئىشەنچ ، ئغمىدۋارلىق بىلەن ئىشلىرىنى يۈرۈشتۈرۈپ كېتىۋېرىدۇ. تۇرمۇشنى كۆزەتسىڭىز ، خاپىلىق ، ئوڭۇشسىزلىق قەدەمدە بىر پۇتلىشىپ تۇرىدۇ. ئۇلاردىن قانداق << ئاتلاپ >> ئۆتۈشنى بىلسىڭىز ، توسالغۇ بولالمايدۇ. بەزىدە ئۇنچىلا قايغۇرۇپ ، دەرد چېكىپ ياشاشنىڭ ئورنى ۋە ئەھمىيىتى يوقلۇقىنىمۇ بايقاپ قالىدىكەنسىز . دېمىسىمۇ ، قىسقا ھاياتتا ئارتۇقچە ئازاپ چېكىپ ، غەم - ئەندىشىدە ياشاشنىڭ نە قىممىتى ، نە ئورنى بولسۇن ؟ گەرچە ئادەم ئۆمرىنىڭ ھامىيسى بولالمىسىمۇ ، مەلۇم دەرىجىدە مەنىلىك ئۆتكۈزەلىشىنىڭ ھوقۇقدارى . بۇنىڭ رېتسىېپى دەل شۇ ئادەمنىڭ ھاياتقا تۇتقان << پوزىتسىيە >> سىدە. << قايغۇرماڭ ، باتۇرلاچە ياشاڭ >> ، << مەغلۇبىيەت مۇۋەپپەقىيەتنىڭ ئانىسى >> ، << بىر ئوڭۇشسىزلىققا يولۇقساڭ ، بىر ئەقىل تاپىسەن>> دېگەن گەپلەر شۇنى ئۇقتۇرىدۇكى ، << غەم >> نى <<پەم >> بىلەن بىر تەرەپ قىلىش كىشىگە ئۇنتۇلغۇسىز راھەت ، مۇۋەپپەقىيەتلەرنى ئاتا قىلىدۇ، شۇڭا ئەجداتلىرىمىز ئېيتقاندەك ؛ << تاماققا تەم كېرەك ، ئادەمگە پەم >> مەنبە ؛شىنجاڭ  قانۇنچىلىق گېزىتى

bayhenim

	بەك ياخشى تىما بوپتۇ  بۇتىمنى ئوقۇپ ھاياتتىكى نۇرغۇن ئىشلارنى تەپەككۇر قىلىپ قانداق قىلغاندا يەڭگىلى بۇلىدۇ باشقا بىرەر ئىش كەلسە دەپ ئويلاۋاتىمەن

rizwangul0995

	ياخشى تېيمىدىن بىرنى كۆرگىنىمدىن خۇرسەن بولدۇم ، غەم قىلغۇچە ، پەم قىل.

13629982958