بۈگۈن يەنى 2012 - يىلى 4- ئاينىڭ 21- كۈنى شىئەندىكى ئۇيغۇرلار ئۈچۈن بۇ يىل كىرگەندىن بۇيان شىئەن قاتناش ئۇنىۋېرسىتېتىدا ئۆتكۈزۈلگەن بىر قەدەر چوڭ دائىرىلىك 2012 - يىللىق نورۇز مەشرىپىدىن كېيىنكى يەنە بىر قېتىملىق كاتتا يىغىلىش. مەملىكەتلىك پۇتبۇل بىرلەشمىسىنىڭ 2012- يىللىق ب دەرىجىلىكلەر مۇسابىقىسىنىڭ شىنجاڭ كوماندىسى بىلەن ساھىبخان كوماندا شەنشى ئوتتۇرىسىدا ئېلىپ بېرىلغان مۇسابىقە شۇ كۈنى ئۈرۈمچى ۋاقتى سائەت دە قەدەمىي شەھەر شىئەندە ئۆتكۈزۈلدى. شىنجاڭنىڭ ھەر قايسى جايلىرىدىن كەلگەن
شىئەندە ئوقۇۋاتقان ، بىلىم ئاشۇرۇۋاتقان، خىزمەت ۋە ساياھەتكە كەلگەن ھەم سودا قىلىۋاتقان ئۇيغۇر قېرىنداشلار ۋە يەرلىك كىشىلەر بولۇپ جەمئى 5000 دىن ئارتۇق تاماشىبىن نەق مەيدان مۇسابىقىنى كۆردى. بۇلارنىڭ ئىچىدە 500 گە يېقىن ئۇيغۇر ئوقۇغۇچىلار ئۈسىتىگە كۆك رەڭلىك مايكا كېيىۋالغان بولۇپ، مەيدىسىگە ‹‹ ھۇررا، شىنجاڭ ›› دەپ چوڭ خەت بېسىلغان ئىدى. ئوڭ مەيدىسىگە ئېنگلىزچە 1927 - يىلى قەشقەردە ئۆتكۈزۈلگەن خەلقارالىق پۇتبۇل مۇسابىقىسىنىڭ ئۇچۇرى يېزىلغان بولۇپ، كەينىگە ئاتۇش ئېكساق دېھقانلار كوماندىسىنىڭ ئەنگلىيە كوماندىسىنى 2:1 نەتىجە بىلەن، شىۋىتسىيە كوماندىسىنى 7:0 نەتىجە بىلەن يېڭىغانلىقى ئەسكەرتىلگەن ئىدى.مۇسابىقە ھۇررا سادالىرى ئىچىدە باشلىنىپ باشتىن - ئاخىر قىزغىن كەيپىيات ئىچىدە ئېلىپ بېرىلدى. مۇسابىقە جەريانىدا تاماشىبىنلارنىڭ ئالقىش - سادالىرى ئۈزۈلمىدى، بولۇپمۇ، ئۇيغۇر قېرىنداشلارنىڭ ۋاقىراش ، ئىسقىرتىشلىرى پۈتۈن مەيداننى ئىنتايىن لەرزىگە سېلىۋەتكەن ئىدى. بەزىلەرنىڭ ۋاقىراپ ئاۋازلىرى پۈتۈپ كەتكەن بولسىمۇ، لېكىن ھەرگىز توختاپ قالمىدى. ئۇلار خۇددى يېڭىلمەس زور بىر قوشۇندەك ئەزىمەتلىرىمىزگە توختىماستىن مەدەتلەرنى بەرمەكتە. بىزنىڭ تەنھەركەتچىلىرىمىزمۇ بىزنىڭ ۋە پۈتكۈل دىيارىمىزدىكى قېرىنداشلارنىڭ ئۈمىدىنى يەردە قويماسلىق ئۈچۈن رىقابەتچىلىرى بىلەن جاپالىق ئېلىشتى.ۋاقىت ئۆتۈۋەردى، مۇسابىقە جىددىي داۋاملاشماقتا. بۇ كەسكىن ئېلىشىش ۋە تىركىشىش ھەممەيلەننى جىددىيلەشتۈرىۋەتتى. 1- مەيدان 0:0 نەتىجە بىلەن ئاخىرلاشتى. 2- مەيدان مۇسابىقىمۇ ئەندىشە ئىچىدە داۋاملاشماقتا، ئەزىمەتلىرىمىز ئۆز - ئارا ياخشى ماسلىشىپ، بارلىق تاكتىكىلىرىنى ئىشقا سېلىپ، ھەتتا يارىلىنىپ، كۆپ قېتىم ھۇجۇمغا ئۆتسىمۇ، شۇنچە كۆپ توپ مەستانىلىرنىڭ مەدىتى بىلەن ئۆزلىرىگە
روھى كۈچ ئېلىۋاتقان ساھىبخان كوماندىنىڭ ھەيۋىسىنى يەنىلا سۇندۇرالمايۋاتقان ئىدى. بىراق ، بىزنىڭ قېرىنداشلىرىمىزنىڭ سۈر - ھەيۋىسى يەنىلا ھەممىنى بېسىپ چۈشۈپ چۈشەتتى. بۇنىڭدىن ھاڭ - قالغان ھەر قايسى تاراتقۇلارنىڭ مۇخبىرلىرى ئالاھىدە ئالدىمىزغا كېلىپ، بۇ ھەيۋەتلىك كۆرۈنۈشنى سىنغا ئېلىشتى ۋە سۈرەتكە تارتىشتى. مانا مۇشۇنداق ئۆز - ئارا قوللاش، مەدەت بېرىشنىڭ تەسىرى بىلەن مۇسابىقە ئاخىرلىشىشقا 3
مىنۇت قالغاندا مۇسابىقىدە جىددى ئۆزگىرىش كۆرۈلدى. ئەزىمەتلىرىمىز چىريلىق پاسلىشىپ، بىردىنبىر ھالقىلىق غەلىبە توپىنى ئۈسسۈپ كىرگۈزدى. مانا بۇ ئىناقلىق، ھەمكارلىق ، دوستلۇق ۋە ئۆملۈكنىڭ غايەت زور كۈچ - قۇدرىتى ئىدى. بۇ ۋاقىتتا بىزنىڭ ئالقىش چۇقانلىرىمز تېخىمۇ ئەۋجىگە چىققان بولۇپ، ھۇررا- سادالىرىمىز شىئەن ئاسمىنى لەرزىگە سېلىپ، ھەتتا نەچچە مىڭ يىل ئۇيقۇدا ياتقان قەدەمىي جەسەتلەرنىمۇ قورقۇتۇپ ئويغۇتىۋەتكۈدەك دەرجىدە يىراق - يىراقلارغا تارقىلاتتى.
مۇسابىقە ئاخىرلاشتى، بىز ئەزىمەتلىرىمىزدىن سۆيۈندۇق، پەخىرلەندۇق. ئۇلار ئالدىمىزغا ئۇچقاندەك يۈگرەپ كېلىپ قوللىرىنى كۆكسىگە ئېلىپ، بىزگە ھۆرمىتىنى، رەھمىتىنى بىلدۈرۈشتى. ھەممەيلەن كۆزلىرىدە خوشاللىق، غەلىبە جىلۋىسى، ھەتتا بەزىلەر ھاياجاندىن يىغلاپ تاشىلىدى. بىز كۆرۈش سۇپىسى ئۈستىدە، ئەزىمەتلىرىمىز پەستە. بىر - بىرىمىزگە قانماي بېقىشاتتۇق، توۋلىشاتتۇق، تەبرىكلىشەتتۇق. كۆڭلۇمىزدە نىمىلەرنىدۇر سىرداشقۇمىز كېلەتتى. لېكىن بىزنىڭ نىشانىمىز، دۇئا - تېلەكلىرىمىز ۋە ئارزۇ - ئارمانلىرىمىز ئۇخشاش ئوخشاش ئىدى. بىز ئۇلارنى تونۇمايتتۇق، ئۇلارمۇ بىزنى تونۇمايتتى، بىراق بىزنىڭ يۈرۈكىمىز، كۆزلىرىمىز، غايىلىمىز، ئۈمىدلىرىمىز تونۇشاتتى. يۇرت سۆيگۈسى، يۇرت مۇھەببىتى ۋە ئىستكلىرىمىز،قىسمەتلىرىمىز بىزنى تونۇتتى. قەلبىمىزدە بىرلا سۆز ، ئۇ بولسىمۇ، ئۆملۈك، ئۆملۈك pيەنە ئۆملۈك !......تۆۋەندە مۇسابىقىنىڭ بىر قىسىم سۈرەتلىرىنى تورداشلارنىڭ ھوزۇرىغا سۇندۇق.
يوللىغان ۋاقتى 2012-4-22 11:14:13 AM
.gif)
.gif)
