«ئىزدىنىش» رومانىدىن تاللانغان ھېكمەتلەر

نازىنە

	☆ تەقدىرگە رەھمەت،تەقدىر بەزىدە قوناق شېخىغا لاچىن قوندۇرىدۇ،بەزىدە شوخ مارالنى كېگىز ئۆيدە ئۇخلىتىدۇ.   ☆ دۇنيادىكى ھەممىلا نەرسە ئادەمنىڭ ئىرادىسىگە قاراپ يارالغان بولسىدى،دۇنيادا خاپىلىق بولمىغان بولاتتى. ☆ ئۇلۇغ مەقسەتنى كۆزلىگەن ئادەم ئۈچۈن ھىسياتقا ،شەخسى ھەۋەسكە بىرىلىش ئىرادىسىزلىك سانىلىدۇ . ☆ گۈلنىڭ ئېچىلىدىغان ۋاقتى بولىدۇ .ۋايىغا يەتكۈزمەي ئۇنى مەجبۇرىي ئچىلدۇرىمەن دىسەڭ ئۆلتۈرىسەن. ☆ قىيىن شارائىت ئىنسان ئىرادىسىنى سىنايدىغان بىردىنبىر ئۆلچەم. ☆ ئىنسان دۇنياغا ياشىغىلى تۇغۇلمايدۇ،ياراتقىلى تۇغۇلىدۇ.بىر كېسەك ياراتساڭمۇئىنسانسەن. بىر كۆچەت تىكسەڭمۇ ئىنسانسەن ، لىكىن باشقىلارنىڭ ياراتقىنىنى بىكار يېتىپ  يەۋەرسەڭ ،يايرىغان ، سەمرىگەن،نام ئاتاق تاپقان بىلەنمۇ ھايۋانسەن. ☆ پەزىلەتلىك ئادەمنىڭمۇ ئەيىبى بولىدۇ. يېقىن دوستنىڭ بىرلا ئەمەس ، بىر قانچە ئەيىبىنىمۇ كەچۈرۈشكە توغرا كېلىدۇ.   ☆  ئارتۇقچە مەغرۇرلۇق ئادەمنىڭ باشقا پەزىلەتلىرىنى خىرەلەشتۈرۈپ قويىدۇ.      ☆ ئۇلۇغ ئىشقا بەل باغلىغان بىر ياش تەلەپچان ۋە قەتئىي بولمىسا،ھەر قانچە ئەقىللىق بولغىنى بىلەنمۇ يېرىم يولدا توختاپ قالىدۇ . ئەقىل سېنى غايە يولىدا ئۇچۇرىدىغان قانات ، تەلەپچانلىق  بىلەن قەتئىيلىك شۇ قاناتقا ھەرىكەت بېرىدىغان كۈچنىڭ مەنبەسى.     ☆ ياشاشتىكى مەقسىتىمىز ـ ئىنسانلارغا پايدا يەتكۈزۈش ۋە شان– شەرەپ ئۈچۈن ئۆمۈر بويى ئىنتىلىش.     ☆ دۇنيادا مۇھەببەتتىنمۇ لەززەتلىك ئىش بار. ئۇبولسىمۇ غايە يولىدا ئىزدىنىش.      ☆«قوغلىغاندىن قاچ، قاچقاننى قوغلا»دەپتىكەن. ئوڭايلا ساڭا بېرىلگەن قىزنىڭ قانچىلىك قەدىر-قىممىتى بولاتتى؟   ☆باشقىلارنى بەخىتسىزلىككە ئۇچرىتىشنىڭ ئۆزى ئەڭ چوڭ بەخىتسىزلىك. ☆ ئىنسان بار ئىكەن مۇھەببەت بار بولىدۇ، ئىنسان ئۈچۈن مۇھەببەت يۈكسەك قەدىر-قىممەتكە ئىگە بىر پەزىلەت.   ☆خىيالدىن ئەمەلىيەتكە ئۆتۈش بىر چوڭ سىناق، كىتابلاردىكى چىرايلىق سۆزلەرنى يادلىۋالغان بىلەن ئىستىقبال قولغا كەلمەيدۇ.   ☆ ناچار تۇرمۇش ئىچىدىمۇ راھەتلىنىشنى بىلىش ـ بىر ئىنسانىي خىسلەت.   ☆ تۇرمۇش جەڭگىۋار ھاياتنىڭ بىر قاينىمى بولسۇنكى، ئۇ ھەرگىزمۇ ھېچكىم قىيا كۆزىنى     سالمايدىغان شىۋاق باسقان بىر چۆل بولۇپ قالمىسۇن.   ☆ ئەمەلىيەت بىلەن كىتاب ئەقىدىلىرى ئوتتۇرسىدا بىر كۆرۈنمەس سېپىل بولغانغا ئوخشاش ،  بىزنىڭ ھاياتقا قارىشىمىزدىمۇ بىزنى مەڭگۈ ئايرىپ تۇرىدىغان بىر خىل يۇشۇرۇن سېپىل بار.      ☆بەزىدە سەۋرى- تاقەتمۇ بەخىت كەلتۈرىدۇ . لېكىن بەزىدە سەۋرى- تاقەتمۇ  ھالاكەتكە ئېلىپ بارىدۇ . مەن نېمىشقا ھالال ئەمگىكىم  بىلەن  ھاياتىمغا  يېڭى  مەنە  ـ  خۇشاللىق بېرەلمەيمەن؟                                                                         ☆ ساپ مۇھەببەتلىك پاكىز يۈرەكنى پۇل  بىلەن ئۆلچىگىلى بولمايدۇ.          ☆  ئۈمىدۋارلىق ـ ئەڭ چوڭ بايلىق، كەڭ ئالىي پەزىلەت.                             ☆  كەچۈرۈش كېرەك. ئۆزۈڭنى پۇتلىغان بىرسىنى كەچۈرۈش ـ كەچۈرمەسلىكىڭ سېنىڭ پەزىلىتىڭگە باغلىق. ساڭا تىغ ئۇرمىغانلا بولسا سەن ئۇنى ئۆز پەزىلىتىڭ بىلەن قولىدىكى تىغنى تاشلاشقا مەجبۇر قىل . ھەرگىزمۇ ئۇنى تىغ ئۇرۇشقا مەجبۇر قىلىپ قويما.      ☆ بەزى ئادەملەرنىڭ نادان بولۇپ ئۆسكەنلىكىدىن رەنجىشنىڭ ھاجىتى يوق بىراق ئۇلارنىڭ بەزىلىرى نادانلىقتىن قۇتۇلغان . ئۇلار سېنى ئۆزىدىن تۆۋەن ھېسابلايدۇ. ئۇلارنىڭ بەزىلىرى سېنى باشقۇرىدۇ.ساڭا ئىش بۇيرۇيدۇ. ۋەزىپە تاپشۇرىدۇ. ئۇلارنىڭمۇ بەزىلىرى ئاقككڭۈل ۋە مېھرىبان،لېكىن ئۇلار ھاياتقا ھامان شەپقەتسىز مۇئامىلە قىلىدۇ.مەسىلەن: گۈزەل بىر باغقا بىر ئېشەك كىرىپ قالغان بولسا ، ئۇلارمۇ ئېشەكنى ھەيدەيدۇ. لېكىن ئېشەكنى ئۇرۇش ئۈچۈن باغدىكى ئەڭ ئېسىل مېۋىلىك دەرەىنى ئوشتۇپ تاياق قىلىۋالىدۇ!...          ☆  ئۆزۈڭنىڭ كىم ۋە قانداق ئادەم بولۇشۇڭنى غايە ۋە ئىنتىلىشلىرىڭ ئەمەس، بەلكى جەمئىيەتنىڭ تەلىپى بەلگىلەيدۇ.          ☆  قانائەت ـ كۆرەڭلىكنىڭ باشلىنىشى . قانائەت قىلماسلىق ـ بىلىم تەشنالىقى ، ئالغا ئىلگىرلەشكە ئۈندەيدىغان پەزىلەت، سىزدىكى روھى قانات...        ☆  ئادەمنىڭ قەلبى ئەينەككە ئوخشايدۇ. ئۇ بىرلا سۇنسا قاداق تۇتمايدۇ.       ☆  مېۋىلىك دەرەخنىڭ شاخلىرى كۆپ سۇنىدۇ. سەۋەب كىشىلەر ئۇنىڭغا كۆپرەك تاش ئاتىدۇ.       ☆   كەتمەننىڭ دەردىنى قول بىلىدۇ، لەززىتىنى دىل.       ☆   دەرەخكە ياپراق قانچىلىك زۆرۈر بولسا ، ئىنسانغا پەزىلەت شۇنچىلىك زۆرۈر. خۇددى نەچچە كىشىنىڭ غۇلىچى يەتمەيدىغان دەرەخنى ئادەمنىڭ كۆزىچىلىك يوپۇرماقلار ياشناتقىنىغا  ئوخشاش،  ئىنساندىكى ئەخلاق – پەزىلەتنىمۇ كۆزگە كۆرۈنمەيدىغان ئۇششاق ـ چۈشەك نەرسىلەر تەمىنلەپ تۇرىدۇ.                          مەنبە :  «ئىزدىنىش» رومانى

pak-nur

	''قىيىن شارائىت ئىنسان ئىرادىسىنى سىنايدىغان بىردىنبىر ئۆلچەم. ☆ ئىنسان دۇنياغا ياشىغىلى تۇغۇلمايدۇ،ياراتقىلى تۇغۇلىدۇ.بىر كېسەك ياراتساڭمۇئىنسانسەن. بىر كۆچەت تىكسەڭمۇ ئىنسانسەن ، لىكىن باشقىلارنىڭ ياراتقىنىنى بىكار يېتىپ  يەۋەرسەڭ ،يايرىغان ، سەمرىگەن،نام ئاتاق تاپقان بىلەنمۇ ھايۋانسەن.'' ياخشى ھىكمەتلەركەن، ساقلىۋالدىم.   تىما ئىگىسىگە رەھمەت.

awatbag

	ياخشى ھىكمەتلەرنى بىزگە يەتكۈزگېنىڭىزگە تەشەككۈر قېرىدىشىم،

blueleaf

	بەك ياخشى رومان ئىدى ، بۇنىڭ ئېلكىتابى بارمۇ ؟

izqi.mardan

	☆«قوغلىغاندىن قاچ، قاچقاننى قوغلا»دەپتىكەن. ئوڭايلا ساڭا بېرىلگەن قىزنىڭ قانچىلىك قەدىر-قىممىتى بولاتتى؟ ما گەپ......

xahla0998

	☆باشقىلارنى بەخىتسىزلىككە ئۇچرىتىشنىڭ ئۆزى ئەڭ چوڭ بەخىتسىزلىك.   كەچۈرۈش كېرەك. ئۆزۈڭنى پۇتلىغان بىرسىنى كەچۈرۈش ـ كەچۈرمەسلىكىڭ سېنىڭ پەزىلىتىڭگە باغلىق. ساڭا تىغ ئۇرمىغانلا بولسا سەن ئۇنى ئۆز پەزىلىتىڭ بىلەن قولىدىكى تىغنى تاشلاشقا مەجبۇر قىل . ھەرگىزمۇ ئۇنى تىغ ئۇرۇشقا مەجبۇر قىلىپ قويما ماڭا ماۋۇ ئىككسى يارىدى رەھمەت

sargarda

	دۇنيادا  مۇھەببەتتىنمۇ  لەززەتلىك  ئىش  بار .  ئۇ  بولسىمۇ  غايە  يولىدا  ئىزدىنىش . چۇڭقۇر   پەلسەپىۋى  ھەقىقەت مۇجەسسەملەنگەن  ئىكەن.

SaN_Siz

	ياخشى  ھېكىمەتلەركەن ، ساقلۋالدىم .. رەھمەت سىزگە !

Janbar

	مەن بۇ ھىكمەتلەرنى شىنجاڭ مەدەنىيىتى ژۇرنىلىدا كۆرگەنىدىم

laptop

	ئىككىنچى ھىكمەت يۈزدە مىڭ پرسەنت خاتا ھەممە ئىش ئادەمنىڭ ئىرادىسى بويىچىلا بولسا ئامرىكىدەك رەزىل دۆلەتلەرنىڭ ئىپلاس ئىرادىلىرى ئەمەلگە ئېشىۋەرسە جاھاننى يىغا زار قاپلايدۇ