بىر ئاتىنىڭ ئوغلىغا يازغان خېتى

DOPPIQI

	بىر ئاتىنىڭ ئوغلىغا يازغان خېتى ئەسەر ئاپتورى: dawirdax مىكروفون ئالدىدا: قۇربانجان ئىسمايىل كىرىشتۈرگۈچى: مەخمۇتجان ئابدۇجېلىل(رىۋايەت)     ﺋﻪﺳﺴﺎﻻﻣﯘ ﺋﻪﻟﻪﻳﻜۇﻡ ﺋﻮﻏﻠﯘﻡ، ﻳﺎﺧﺸﯩﻤﯘ ﺳﻪﻥ، ﺗﯧﻨﯩﭻ-ﺋﺎﻣﺎﻥ ﺗﯘﺭﯗﯞﺍﺗﺎﻣﺴﻪﻥ، ﺋﻮﻗﯘﺷﻠﯘﺭﯗﯓ ئۇتۇقلۇق،ﻛﯜﻧﻠﯩﺮﯨﯔ ﻣﻪﻧﯩﻠﯩﻚ ﺋﯚﺗﯜﯞﺍﺗﻘﺎﻧﺪﯗ؟ ﺑﯩﺰﻟﻪﺭﺩﯨﻦ ﺋﻪﮬﯟﺍﻝ ﺳﻮﺭﺍﺷﻨﻰ ﺧﺎﻟﯩﺴﺎﯓ،ﺑﯩﺰﻣﯘ ﺋﻮﺑﺪﺍﻥ ﺗﯘﺭﺩﯗﻕ، ﺳﻪﻥ ﺋﯚﺗﻜﻪﻥ ﺗﻪﺗﯩﻠﺪﻩ ﻗﺎﻳﺘﯩﭗ ﻛﻪﻟﻤﯩﮕﻪﭺ ﺋﺎﭘﺎﯓ ﺳﯧﻨﯩﯔ ﺳﯜﺭﯨﺘﯩﯖﮕﻪ ﻗﺎﺭﺍﭖ ﭘﺎﺕ-ﭘﺎﺕ ﻛﯚﺯ ﻳﯧﺸﻰ ﻗﯩﻠﯩﺪﯨﻐﺎﻥ ﺑﻮﭖ ﻗﺎﻟﺪﻯ، ﺑﻪﻟﻜﯩﻢ ﺳﯧﻨﻰ ﺳﯧﻐﯩﻨﻐﺎﻧﺪﯗ، ﺳﯩﯖﻠﯩﯔ ﺩﺍﯞﺍﻣﻠﯩﻖ ﺳﯧﻨﯩﯔ ﺋﻮﺗﺘﯘﺭﺍ ﯞﻩ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﺩﻩ ﺋﺎﻟﻐﺎﻥ ﺗﻪﻗﺪﯨﺮﻧﺎﻣﯩﻠﯩﺮﯨﯖﻨﻰ ﻛﯚﺗﯜﺭﯛﭖ، ﻣﻪﻧﻤﯘ ﺋﺎﻛﺎﻣﺪﻩﻙ ﻳﺎﺧﺸﻰ ﺋﻮﻗﯘﻳﻤﻪﻥ ﺩﻩﻳﺪﯗ، ﻣﻪﮬﻪﻟﻠﯩﺪﯨﻜﯩﻠﻪﺭ ﯞﻩ ﺋﯘﺭﯗﻕ-ﺗﯘﻗﻘﺎﻧﻼﺭ ﺩﺍﯞﺍﻣﻠﯩﻖ ﺳﯧﻨﻰ ﺳﻮﺭﺍﻳﺪﯗ، ﮬﻪﻣﻤﯩﻤﯩﺰ ﺳﯧﻨﻰ ﺳﯧﻐﯩﻨﺪﯗﻕ. ﺋﻪﻣﺪﻯ ﻣﻪﺧﺴﻪﺗﻜﻪ ﻛﻪﻟﺴﻪﻙ:     ﺋﻪﺳﻠﻰ ﺑﯘ ﮔﻪﭘﻠﻪﺭﻧﻰ ﺳﺎﯕﺎ ﺩﯦﻤﻪﻱ ﺩﯦﮕﻪﻥ ﺋﯩﺪﯨﻢ ﺑﺎﻻﻡ، ﺑﯩﺮﺍﻕﺳﯧﻨﻰ ﺑﯧﻘﯩﭗ ﭼﻮﯓ ﻗﯩﻠﻐﺎﻥ ﺩﺍﺩﺍ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ، ﯞﻩﺗﻪﻥ-ﺧﻪﻟﻘﻘﻪ،ﻣﯩﻠﻠﻪﺗﻜﻪ ﻳﺎﺭﺍﻣﻠﯩﻖ ﺑﯩﺮ ﺋﻮﻏﻼﻥ ﺗﻪﺭﺑﯩﻴﻪﻟﻪﺵ ﯞﻩﺯﯨﭙﯩﺴﯩﻨﻰ ﺯﯨﻤﻤﻪﻣﮕﻪ ﺋﺎﺭﺗﻘﺎﻥ ﺋﺎﺗﺎ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﺳﺎﯕﺎ ﺩﯨﻴﯩﺸﻨﻰ ﻻﻳﯩﻖ ﻛﯚﺭﺩﯛﻡ، ﻟﯧﻜﯩﻦ ﺋﯧﺴﯩﯖﺪﻩ ﺑﻮﻟﺴﯘﻥ ﺑﺎﻻﻡ ﻣﻪﻥ ﺑﯘ ﮔﻪﭘﻠﻪﺭﻧﻰ ﮬﯧﭽﻜﯩﻤﮕﻪ ﺩﯨﮕﯩﻨﯩﻢ ﻳﻮﻕ، ﺧﻮﺷﻨﯩﻤﯩﺰﻧﯩﯔ ﻗﯩﺰﻯ ﺋﺎﻟﻤﯩﺮﻩ ﭼﻪﺗﺌﻪﻟﻠﯩﻜﻠﻪﺭﻧﻰ ﺑﺎﺷﻼﭖ ﻛﻪﭘﺘﯩﻜﻪﻥ، ﻣﻪﻥ ﮬﻪﻣﻤﻪ ﺋﻪﮬﯟﺍﻟﻨﻰ ﺷﯘ ﻗﯩﺰﺩﯨﻦ ﺑﯩﻠﺪﯨﻢ، ﻣﻪﻥ ﺑﯘ ﮔﻪﭘﻠﻪﺭﻧﯩﯔ ﻳﺎﻟﻐﺎﻥ ﺑﻮﭖ ﻗﯧﻠﯩﺸﯩﻨﻰ ﭼﯩﻦ ﺩﯨﻠﯩﻤﺪﯨﻦ ﺋﯜﻣﯩﺖ ﻗﯩﻠﻐﺎﻥ ﺋﯩﺪﯨﻢ ﺑﯩﺮﺍﻕ ﺭﻩﮬﯩﻤﺴﯩﺰ ﺭﯦﺌﺎﻟﻠﯩﻖ ﻣﯧﻨﻰ ﺋﯩﺸﻪﻧﺪﯛﺭﯛﺷﻜﻪ ﻣﻪﺟﺒﯘﺭ ﻗﯩﻠﺪﻯ ﺋﻮﻏﻠﯘﻡ!!     ﻣﻪﻥ ﺳﯧﻨﯩﯔ ﺋﯚﺗﻜﻪﻧﺪﻩ ﻣﯧﻨﻰ ﻣﺎﺷﯩﻨﺎ ﺳﻮﻗﯘﯞﻩﺗﺘﻰ، ﺷﻮﭘﯘﺭ ﻗﯧﭽﯩﭗ ﻛﻪﺗﻜﻪﭼﻜﻪ ﺳﺎﻗﭽﯩﻼﺭﻣﯘ ﺋﺎﻣﺎﻝ ﻗﯩﻼﻟﻤﯩﺪﻯ، ﺩﺍﯞﺍﻟﯩﻨﯩﺶ ﺭﺍﺳﺨﻮﺩﯨﻨﯩﯔ ﻳﯧﺮﯨﻤﯩﻨﻰ ﻣﻪﻛﺘﻪﭖ ﻛﯚﺗﯜﺭﺩﻯ، ﻗﺎﻟﻐﺎﻥ ﻳﯧﺮﯨﻤﯩﮕﻪ ﺳﯩﻠﻪﺭ ﺑﯩﺮ ﺋﺎﻣﺎﻝ ﻗﯩﻠﺴﺎﯕﻼﺭ ﺩﻩﭖ ﺑﯩﺰﺩﯨﻦ 3000 ﻛﻮﻱ ﭘﯘﻝ ﺋﺎﻟﻐﯩﻨﯩﯖﻨﯩﯔ ﺋﻪﺳﻠﻰ ﻳﺎﻟﻐﺎﻥ ﺋﯩﻜﻪﻧﻠﯩﮕﯩﻨﻰ، ﺳﯧﻨﯩﯔ ﺋﯘ ﭘﯘﻟﻼﺭﻏﺎ، ﺋﯧﻨﺘﯩﺮﻧﯧﺘﺘﺎ ﺗﻮﻧﯘﺷﻘﺎﻥ ﺑﯩﺮ ﻗﯩﺰ ﺩﻭﺳﺘﯘﯕﻨﯩﯔ ﺗﯘﻏﯘﻟﻐﺎﻥ ﻛﯜﻧﯩﻨﻰ ﻗﯩﺰ ﺩﻭﺳﺘﯘﯕﻨﯩﯔ ﺗﻮﺳﯘﺷﯩﻐﺎ ﻗﺎﺭﯨﻤﺎﻱ،ﮬﻪﺷﻪﻣﻪﺗﻠﯩﻚ ﺋﯚﺗﻜﯜﺯﯛﭖ ﺑﯧﺮﯨﭗ، ﺋﯘ ﻗﯩﺰﻧﯩﯔ ﯞﻩ ﺋﯘﻧﯩﯔ ﺩﻭﺳﺘﻠﯩﺮﯨﻨﯩﯔ ﮬﯚﺭﻣﯩﺘﯩﮕﻪ ﺋﯧﺮﯨﺸﻜﻪﻧﻠﯩﻜﯩﯖﻨﻰ ﺑﯩﻠﺪﯗﻕ،ﻳﻪﻧﻪ ﻳﺎﺗﺎﻗﺘﯩﻜﻰ ﮬﻪﻣﻤﻪ ﺳﺎﯞﺍﻗﺪﺍﺷﻠﯩﺮﯨﻤﻨﯩﯔ ﻛﻮﻣﭙﯩﻴﻮﺗﯘﺭﻯ ﺑﺎﺭ، ﭘﻪﻗﻪﺕ ﻣﯧﻨﯩﯖﻼ ﻳﻮﻕ، ﺩﻩﺭﺳﻠﯩﻜﻠﻪﺭﻧﻰ ﻛﻮﻣﭙﯩﻴﻮﺗﯘﺭ ﺑﯩﻠﯩﻤﻠﯩﺮﯨﮕﻪ ﺑﯩﺮﻟﻪﺷﺘﯜﺭﯛﭖ ﺋﯚﮔﻪﻧﺴﻪ ﺑﻪﻙ ﻛﺎﻟﻠﯩﺴﯩﻐﺎ ﭼﯜﺷﯩﺪﯨﻜﻪﻥ، ﮬﻪﻡ ﺑﯘﻧﺪﯨﻦ ﻛﯧﻴﯩﻦ ﻛﻮﻣﭙﯩﻴﻮﺗﯘﺭ ﺑﯩﻠﻤﯩﮕﻪﻧﻠﻪﺭﻧﯩﯔ ﻛﯚﺯﻯ ﺋﻮﭼﯘﻕ ﻗﺎﺭﯨﻐﯘ ﺑﻮﭖ ﻗﺎﻟﯩﺪﯨﻐﺎﻧﻠﯩﻘﯩﻨﻰ، ﺳﺎﯞﺍﻗﺪﺍﺷﻠﯩﺮﯨﯖﻨﯩﯔ ﻛﻮﻣﭙﯩﻴﻮﺗﯘﺭﯨﻨﻰ ﺳﻮﺭﺍﯞﯨﺮﯨﭗ ﺧﯩﺠﯩﻞ ﺑﻮﻟﻐﺎﻧﻠﯩﻘﯩﯖﻨﻰ ﯞﻩ ﺑﯘﻧﺪﯨﻦ ﻛﯧﻴﯩﻦ ﺩﻩﺭﯨﺴﻠﻪﺭﺩﻩ ﻧﺎﮬﺎﻳﯩﺘﻰ ﺗﯩﺮﯨﺸﯩﺪﯨﻐﺎﻧﻠﯩﻘﯩﯖﻨﻰ ﺑﯩﻠﺪﯛﺭﯛﭖ ﺗﺎﻻﻱ ﮔﻪﭘﻠﻪﺭ ﺑﯩﻠﻪﻥ ﺑﯩﺰﻧﻰ ﺋﺎﻟﺪﺍﭖ7500 ﻛﻮﻳﻐﺎ ﺩﺍﯕﻠﯩﻖ ﻣﺎﺭﻛﯩﻠﯩﻖ ﻛﻮﻣﭙﯩﻴﻮﺗﯘﺭ ﺋﺎﻟﺪﯗﺭﻏﺎﻧﻠﯩﻘﯩﯖﻨﯩﯔ، ﺋﻪﺳﻠﯩﺪﻩ ﺋﯧﻨﺘﯩﺮﻧﯧﺖ ﺗﻮﺭﯨﺪﺍ ﻗﯩﺰﻻﺭ ﺑﯩﻠﻪﻥ ﻣﯘﮬﻪﺑﺒﻪﺗﻠﯩﺸﯩﺶ ﺋﯜﭼﯜﻥ ﺋﯩﻜﻪﻧﻠﯩﮕﯩﻨﻰ ﺑﯩﻠﯩﭗ ﻗﺎﻟﺪﯨﻢ ﺋﻮﻏﻠﯘﻡ!!! ﮬﺎﺯﯨﺮ ﻳﺎﺗﺎﻗﺘﺎ ﭘﻪﻗﻪﺕ ﺳﯧﻨﯩﯖﻜﯩﺪﯨﻦ ﺑﺎﺷﻘﺎ ﮬﯧﭽﻜﯩﻤﻨﯩﯔ ﻛﻮﻣﭙﯩﻴﻮﺗﯘﺭﻯ ﻳﻮﻕ ﺋﯩﻜﻪﻥ، ﺳﯩﻨﯩﭙﯩﯖﺪﯨﻜﻰ ﺑﯩﺮ ﻗﯩﺴﯩﻢ ﺋﻮﻏﯘﻟﻼﺭ ﺑﯩﻠﻪﻥ ﻛﯜﻧﺪﻩ ﺩﯦﮕﯜﺩﻩﻙ ﺩﻩﺭﯨﺴﻜﻪ ﻗﺎﺗﻨﺎﺷﻤﺎﻱ، ﻛﻮﻣﭙﯩﻴﻮﺗﯘﺭ ﺋﺎﻟﺪﯨﺪﺍ ﺋﻮﻟﺘﯘﺭﯗﭖ،ﺩﻩﺭﯨﺴﻜﯩﻤﯘ ﺗﻮﻟﯘﻕ ﻗﺎﺗﻨﺎﺷﻤﺎﻱ، ﻛﯧﭽﯩﻠﯩﺮﯨﻤﯘ ﺋﯘﺧﻠﯩﻤﺎﻳﯟﺍﺗﻘﺎﻧﻠﯩﻘﯩﯖﻨﯩﻤﯘ ﺑﯩﻠﺪﯨﻢ ﺋﻮﻏﻠﯘﻡ، ﺳﯧﻨﯩﯔ ﻛﻮﻣﭙﯩﻴﻮﺗﯘﺭ ﺋﺎﻟﻤﯩﻐﺎﻥ ﭼﺎﻏﺪﺍ ﺗﻮﺭﺧﺎﻧﯩﻼﺭﺩﺍ، ﻛﻮﻣﭙﯩﻴﻮﺗﯘﺭ ﺋﺎﻟﻐﺎﻧﺪﯨﻦ ﻛﯧﻴﯩﻦ ﺑﻮﻟﺴﺎ ﻳﺎﺗﺎﻗﺘﺎ،ﻛﯧﭽﻪ-ﻛﯜﻧﺪﯛﺯ ﺋﯘﺧﻠﯩﻤﺎﻱ، ﺗﺎﻣﺎﻗﻨﯩﻤﯘ ﯞﺍﻗﺘﯩﺪﺍ ﻳﯩﻤﻪﻱ، ﺗﻮﺭﻏﺎ ﭼﯩﻘﯩﭗ ﺋﻮﺭﯗﻗﻼﭖ ﻛﻪﺗﻜﻪﻧﻠﯩﻜﯩﯖﻨﻰ، ﺩﻩﺭﯨﺴﺘﯩﻤﯘ ﺋﺎﺭﻗﯩﻐﺎ ﭼﯧﻜﯩﻨﯩﭗ ﻛﻪﺗﻜﻪﻧﻠﯩﻜﯩﯖﻨﻰ ﺑﯩﻠﺪﯨﻢ ﺑﺎﻻﻡ.ﻣﯘﺷﯘ ﺗﺎﭘﺘﺎ ﻛﯚﺯ ﺋﺎﻟﺪﯨﻤﻐﺎ ﺳﯧﻨﯩﯔ ﺗﺎﻣﺎﻛﯩﻨﻰ ﻗﯩﯖﻐﯩﺮ ﭼﯩﺸﻠﻪﭖ ﻛﻮﻣﭙﯩﻴﻮﺗﯘﺭ ﺋﯧﻜﺮﺍﻧﯩﻐﺎ ﻗﺎﺭﺍﭖ ﺋﻮﻟﺘﯘﺭﻏﺎﻥ ﮬﺎﻟﯩﺘﯩﯔ ﻛﯧﻠﯩﯟﺍﺗﯩﺪﯗ.     ﺋﻮﺗﻜﻪﻥ ﺗﻪﺗﯩﻠﺪﻩ ﺳﯩﻨﯩﭙﺘﯩﻜﻰ ﺑﺎﻟﯩﻼﺭ ﺑﯩﻠﻪﻥ ﺋﯧﻨﮕﯩﻠﯩﺰ ﺗﯩﻠﻰ ﻛﯘﺭﺳﯩﺪﺍ ﺋﻮﻗﯘﻳﺪﯨﻐﺎﻥ ﺑﻮﻟﺪﯗﻡ، ﺑﯘ ﺗﻪﺗﯩﻞ ﺋﯚﻳﮕﻪ ﻗﺎﻳﺘﻤﺎﻳﻤﻪﻥ، ﺩﯨﮕﻪﻥ ﯞﺍﻗﺘﯩﯖﺪﺍ، ﮔﻪﺭﭼﻪ ﺳﯧﻨﻰ ﺷﯘﻧﺪﺍﻕ ﺳﯧﻐﯩﻨﻐﺎﻥ ﺑﻮﻟﺴﺎﻗﻤﯘ، ﺳﯧﻨﻰ ﻳﺎﺭﺍﻣﻠﯩﻖ ﺋﺎﺩﻩﻡ ﺑﻮﻟﺴﯘﻥ ﺩﻩﭖ ﻛﯚﺯﯨﻤﯩﺰﮔﻪ ﻳﺎﺵ ﺋﯧﻠﯩﭗ ﻣﺎﻗﯘﻝ ﺑﻮﻟﻐﺎﻥ ﺋﯩﺪﯗﻕ، ﻣﻪﻥ ﺷﯘ ﯞﺍﻗﯩﺘﺘﺎ ﺗﯧﻠﻔﯘﻥ ﻧﻮﻣﯘﺭﯨﯖﺪﯨﻦ ﮔﯘﻣﺎﻥ ﻗﯩﻠﻐﺎﻥ ﺑﻮﻟﺴﺎﻣﻤﯘ ﺑﯩﺮﺍﻕ ﺳﯧﻨﻰ ﺑﯩﺰﻧﻰ ﺋﺎﻟﺪﯨﻤﺎﺱ ﺩﻩﭖ ﺋﻮﻳﻼﭘﺘﯩﻜﻪﻧﻤﻪﻥ، ﺋﻪﻣﯩﻠﯩﻴﻪﺗﺘﻪ ﺑﻮﻟﺴﺎ ﺳﯧﻨﯩﯔ ﺟﻪﻣﺌﯩﻴﻪﺗﺘﯩﻜﻰ ﺑﺎﻟﯩﻼﺭ ﺑﯩﻠﻪﻥ ﺋﯧﻨﺘﯩﺮﻧﯧﺘﺘﺎ ﺗﻮﻧﯘﺷﻘﺎﻥ ﻗﯩﺰﻻﺭﻧﻰ ﺩﻩﭖ ﺑﺎﺷﻘﺎ ﺷﻪﮬﻪﺭﻟﻪﺭﮔﻪ ﺑﯧﺮﯨﭗ ﻛﻪﻟﮕﻪﻧﻠﯩﻜﯩﯖﻨﻰ ﺑﯜﮔﯜﻥ ﺋﯘﻗﺘﯘﻡ ﺑﺎﻻﻡ. ﺑﺎﻻﻡ!!! ﺳﻪﻥ ﮬﺎﺯﯨﺮﻣﯘ ﻛﻮﻣﭙﯩﻴﻮﺗﯘﺭ ﺋﺎﻟﺪﯨﺪﺍ ﺋﻮﻟﺘﯘﺭﺍﻣﺪﯨﻐﺎﻧﺴﻪﻥ،ﻗﯘﻟﯩﻘﯩﯖﻐﺎ ﺧﻮﺵ ﻳﺎﻗﻤﯩﺴﯩﻤﯘ ﺳﺎﯕﺎ ﺩﯨﻴﯩﺸﻜﻪ ﻣﻪﺟﺒﯘﺭﻣﻪﻥ، ﺳﯧﻨﻰ ﺗﯚﺕ ﻳﯩﻠﺪﯨﻦ ﺑﯘﻳﺎﻥ ﺋﻮﻗﯘﺗﯩﻤﯩﺰ ﺩﻩﭖ ﺋﺎﺋﯩﻠﯩﻤﯩﺰﺩﻩ ﺋﯩﻘﺘﯩﺴﺎﺩ ﺗﯜﮔﻪﭖ ﻗﺎﻟﺪﻯ، ﻣﻪﻥ ﺑﯜﮔﯜﻥ ﺑﯧﺮﯨﭗ ﻛﯚﺯﯛﻣﮕﻪ ﻳﺎﺵ ﺋﺎﻟﻐﺎﻥ ﮬﺎﻟﺪﺍ ﺳﯩﯖﻠﯩﯖﻨﯩﯔ ﻣﻪﻛﺘﻪﭘﺘﯩﻦ ﭼﯧﻜﯩﻨﯩﺶ ﺭﻩﺳﻤﯩﻴﻪﺗﻠﯩﺮﯨﻨﻰ ﺑﯧﺠﯩﺮﯨﭗ ﻛﻪﻟﺪﯨﻢ، ﺗﻮﻟﯘﻕ ﺋﻮﺗﺘﯘﺭﺍﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺵ ﺧﯩﺮﺍﺟﯩﺘﯩﻤﯘ ﺷﯘﻧﺪﺍﻕ ﻳﯘﻗﯩﺮﻯ ﺋﯩﻜﻪﻥ، ﺋﺎﻣﺎﻝ ﻗﯩﻼﻟﻤﯩﺪﯗﻕ ،ﺳﯩﯖﻠﯩﯔ ﺑﯩﺮ ﺷﯩﺮﻛﻪﺗﻨﯩﯔ ﺑﺎﺳﻤﯩﺨﺎﻧﯩﺴﯩﺪﺍ ﺋﺎﻳﻠﯩﻘﯩﻐﺎ 350 ﻛﻮﻱ ﻣﯘﺋﺎﺵ ﺑﯩﻠﻪﻥ ﺋﯩﺸﻠﯩﻤﻪﻛﭽﻰ، ﺋﯘ ﻣﺎﯕﺎ ﻣﻪﻳﻠﻰ ﺩﺍﺩﺍ ﺋﺎﻛﺎﻡ ﺋﻮﻗﯘﺵ ﭘﯜﺗﺘﯜﺭﯛﭖ ﻛﯧﻠﯩﭗ ﻳﺎﺧﺸﻰ ﻳﻪﺭﺩﻩ ﺧﯩﺰﻣﻪﺕ ﻗﯩﻠﯩﭗ ﻳﯘﻗﯩﺮﻯ ﻣﯘﺋﺎﺵ ﺋﺎﻟﻐﺎﻧﺪﺍ ﻣﯧﻨﻰ ﺋﻮﻗﯘﺗﯩﺪﯗ، ﮬﺎﺯﯨﺮ ﺋﺎﻛﺎﻣﻨﯩﯔ ﺗﺎﻣﺎﻕ ﭘﯘﻟﯩﻨﻰ ﻣﻪﻥ ﺋﯜﺳﺘﯜﻣﮕﻪ ﺋﺎﻻﻱ ﺩﯦﺪﻯ، ﻣﻪﻥ ﻗﯩﺰﯨﻤﻐﺎ ﻳﯜﺯ ﻛﯧﻠﻪﻟﻤﻪﻳﻤﻪﻥ، ﺑﺎﻟﯩﻼﺭﻧﻰ ﺋﻮﻗﯘﺗﯘﺵ ﻣﯧﻨﯩﯔ ﺑﯘﺭﭼﯘﻡ ﺋﯩﺪﻯ ﻣﻪﻥ ﺋﺎﺩﺍ ﻗﯩﻼﻟﻤﯩﺪﯨﻢ ﺋﻮﻏﻠﯘﻡ، ﺋﺎﻛﺎﯓ ﺭﻩﮬﻤﯩﺘﻰ ﮬﺎﻳﺎﺕ ﺑﻮﻟﻐﺎﻥ ﺑﻮﻟﺴﺎ ﺑﯘﻧﺪﺍﻕ ﻛﯜﻧﻠﻪﺭﮔﻪ ﻗﺎﻟﻤﺎﺱ ﺋﯩﺪﯗﻕ ﺋﻮﻏﻠﯘﻡ، ﮬﺎﺯﯨﺮ ﭘﯜﺗﯜﻥ ﺑﯩﺮ ﺋﺎﺋﯩﻠﻪ ﭘﻪﻗﻪﺕ ﻣﯧﻨﯩﯔ ﭘﯩﻨﺴﯩﻴﻪ ﻣﯘﺋﺎﺷﯩﻤﻐﯩﻼ ﻗﺎﺭﺍﺷﻠﯩﻖ ﺑﻮﭖ ﻗﺎﻟﺪﯗﻕ ﺑﺎﻻﻡ، ﺳﯧﻨﻰ ﺑﺎﺷﻘﯩﻼﺭ ﺋﺎﻟﺪﯨﺪﺍ ﻳﻪﺭﮔﻪ ﻗﺎﺭﺍﭖ ﻗﺎﻟﻤﯩﺴﯘﻥ ﻛﻮﻣﭙﯩﻴﻮﺗﯘﺭ ﺋﯧﻠﯩﭗ ﺑﯧﺮﯨﻤﯩﺰ ﺩﻩﭖ ﺋﯘﺭﯗﻕ-ﺗﯘﻗﻘﺎﻧﻼﺭﺩﯨﻦ، ﺧﻮﻟﯘﻡ-ﺧﻮﺷﻨﯩﻼﺭﺩﯨﻦ ﻗﻪﺭﺯ ﺋﺎﻟﻐﺎﻥ ﺋﯩﺪﯗﻕ،ﺋﯚﺗﻜﻪﻧﺪﻩ ﻣﺎﺷﯩﻨﺎ ﺳﻮﻗﯘﯞﻩﺗﺘﻰ ﺩﯦﮕﻪﻥ ﯞﺍﻗﺘﯩﯖﺪﺍ ﭘﯘﺕ-ﻗﻮﻟﯩﻤﯩﺰﺩﺍ ﺟﺎﻥ ﻗﺎﻟﻤﯩﺪﻯ، ﺑﯧﺮﯨﭗ ﻗﻪﺭﺯ ﺳﻮﺭﯨﻤﯩﻐﺎﻥ ﻳﻪﺭﻟﯩﺮﯨﻤﯩﺰ ﻗﺎﻟﻤﯩﺪﻯ، ﺑﯩﺰﺩﻩﻙ ﺳﯧﺮﯨﻘﺘﺎﻝ ﺗﯘﺭﻣﯘﺵ ﻛﻪﭼﯜﺭﯨﺪﯨﻐﺎﻧﻼﺭﻏﺎ ﮬﺎﺯﯨﺮ ﮬﯧﭽﻜﯩﻢ ﻗﻪﺭﺯ ﺑﯧﺮﯨﭗ ﺗﯘﺭﻣﺎﻳﺪﯨﻜﻪﻥ، ﺋﺎﺧﯩﺮﻯ ﺋﺎﻣﺎﻝ ﻗﯩﻼﻟﻤﺎﻱ ﺋﺎﭘﺎﯓ ﺑﯩﭽﺎﺭﯨﻨﯩﯔ ﺋﺎﻟﺘﯘﻥ ﺯﯨﺒﯘ-ﺯﯨﻨﻨﻪﺗﻠﯩﺮﯨﻨﻰ ﺳﯧﺘﯩﺸﻘﺎ ﻣﻪﺟﺒﯘﺭ ﺑﻮﻟﺪﯗﻕ. ﺑﯘﻧﺪﺍﻕ ﮔﻪﭘﻠﻪﺭ ﺩﯦﺴﻪﻡ ﻳﻪﻧﻪ ﺑﺎﺭ ﺋﻮﻏﻠﯘﻡ......!!!!!     ﺑﯩﻠﻪﻣﺴﻪﻥ ﺋﻮﻏﻠﯘﻡ، ﺑﯩﺰ ﺳﻪﻧﺪﯨﻦ ﻧﯘﺭﻏﯘﻥ ﺋﯜﻣﯩﺘﻠﻪﺭﻧﻰ ﻛﯜﺗﻜﻪﻥ ﺋﯩﺪﯗﻕ، ﮬﯧﻠﯩﮭﻪﻣﻤﯘ ﺋﯘ ﺋﯜﻣﯩﺖ ﺋﯘﭼﻘﯘﻧﻠﯩﺮﻯ ﺋﯚﭼﻜﯩﻨﻰ ﻳﻮﻕ،ﺳﺎﯕﺎ ﻳﻪﻧﻪ ﭘﯘﺭﺳﻪﺕ ﺑﺎﺭ ﺋﻮﻏﻠﯘﻡ،ﺳﯧﻨﯩﯔ ﺧﯧﺘﯩﻤﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ، ﻛﻮﻣﭙﯩﻴﻮﺗﯘﺭﻧﻰ ﺋﯧﻨﺘﯩﺮﻧﯧﺘﺘﺎ ﻗﯩﺰﻻﺭ ﺑﯩﻠﻪﻥ ﺳﯚﺯﻟﯩﺸﯩﺸﻜﻪ ﺋﻪﻣﻪﺱ، ﺑﻪﻟﻜﻰ ﺑﯩﻠﻤﯩﮕﻪﻧﻨﻰ ﺋﯚﮔﯩﻨﯩﺸﻜﻪ ﺋﺸﻠﯩﺘﯩﺸﯩﯖﻨﻰ، ﺑﺎﺷﻘﺎ ﻛﻮﻣﭙﯩﻴﻮﺗﯘﺭ ﺋﺎﺟﺎﻳﯩﭗ ﻣﯚﺟﯩﺰﯨﻠﻪﺭﻧﻰ ﻳﺎﺭﯨﺘﯩﯟﺍﺗﻘﺎﻥ ﺑﺎﻟﯩﻼﺭﻏﺎ ﺋﻮﺧﺸﺎﺵ ﺳﯧﻨﯩﯖﻤﯘ ﻣﯚﺟﯩﺰﻩ ﻳﺎﺭﯨﺘﯩﺸﻘﺎ ﺗﯩﺮﯨﺸﯩﺸﯩﯖﻨﻰ، ﺩﻩﺭﯨﺴﻠﻪﺭﮔﻪ ﺋﯚﺯﯞﺍﻗﺘﯩﺪﺍ ﺗﻮﻟﯘﻕ ﻗﺎﺗﻨﯩﺸﯩﭗ، ﺑﯩﻠﻤﯩﮕﻪﻧﻨﻰ ﺳﻮﺭﺍﭖ، ﺳﺎﯞﺍﻗﺪﺍﺷﻠﯩﺮﯨﯔ ﺑﯩﻠﻪﻥ ﺋﯚﺯ-ﺋﺎﺭﺍ ﻳﺎﺭﺩﻩﻣﺪﻩ ﺑﻮﻟﯘﭖ، ﺳﯩﻨﯩﭙﺘﯩﻜﻰ ﺋﻪﻻﭼﻰ ﺋﻮﻗﯘﻏﯘﭼﯩﻼﺭﺩﯨﻦ ﺑﻮﻟﯘﺷﯩﯖﻨﻰ ﺋﯜﻣﯩﺖ ﻗﯩﻠﯩﻤﻪﻥ ﺑﺎﻻﻡ،     ﺑﺎﻻﻡ ﺳﯧﻨﯩﯔ ﮬﺎﺯﯨﺮ ﻣﯘﮬﻪﺑﺒﻪﺕ ﺩﻩﻳﺪﯨﻐﺎﻥ ﯞﺍﻗﺘﯩﯔ ﺋﻪﻣﻪﺱ، ﺭﺍﺳﺘﯩﻨﻰ ﺩﯦﺴﻪﻡ ﻣﯘﮬﻪﺑﺒﻪﺕ ﺩﯦﮕﻪﻧﮕﻪ ﻣﻪﻧﻤﯘ ﺗﻮﻟﯘﻕ ﺗﻪﺑﯩﺮ ﺑﯧﺮﻩﻟﻤﻪﻳﻤﻪﻥ، ﺷﯘﯕﺎ ﻣﯘﮬﻪﺑﺒﻪﺕ ﺧﯩﻴﺎﻟﻠﯩﺮﯨﻨﻰ ﺋﻮﻗﯘﺵ ﭘﯜﺗﺘﯜﺭﯛﭖ ﻛﯧﻠﯩﭗ، ﺧﯩﺰﻣﻪﺗﻜﻪ ﺋﻮﺭﯗﻧﻼﺷﻘﺎﻥ ﯞﺍﻗﺘﯩﯖﺪﺍ ﺋﻮﻳﻼﺷﺴﺎﯕﻤﯘ ﻛﯧﭽﯩﻜﻤﻪﻳﺴﻪﻥ ﺋﻮﻏﻠﯘﻡ.     ﺑﺎﻻﻡ ﺑﯩﺰﺩﻩ ﺋﺎﺭﺗﯘﻕ ﮔﻪﭖ ﺋﯩﺸﻪﻛﻜﻪ ﻳﯜﻙ ﺩﻩﻳﺪﯨﻐﺎﻥ ﺑﯩﺮ ﮔﻪﭖ ﺑﺎﺭ، ﺷﯘﯕﺎ ﺋﺎﺭﺗﯘﻕ ﮔﻪﭖ ﻗﯩﻠﻤﺎﻱ، ﺋﯚﺯﯛﯓ ﻳﺎﺧﺸﯩﺮﺍﻕ ﺋﻮﻳﻠﯩﻨﯩﭗ ﻛﯚﺭﻩﺭﺳﻪﻥ، ﺋﺎﻛﺎﯓ ﺭﻩﮬﻤﯩﺘﯩﻨﯩﯔ ﺟﺎﻥ ﺋﯜﺯﯛﺵ ﺋﺎﻟﺪﯨﺪﺍ ﺩﯦﮕﻪﻧﻠﯩﺮﯨﻨﻰ،ﺋﯘﻧﯩﯖﻐﺎ ﺑﻪﺭﮔﻪﻥ ﯞﻩﺩﯨﻠﯩﺮﯨﯖﻨﻰ ﺋﯘﻧﯘﺗﻤﺎ ﺋﻮﻏﻠﯘﻡ!!     ﺋﯘﻧﺪﺍﻕ ﻗﯩﻠﻤﯩﺴﺎﯓ ﺋﺎﻛﺎﯓ ﺭﻩﮬﻤﯩﺘﯩﮕﻪ ﻳﯜﺯ ﻛﯧﻠﻪﻟﻤﻪﻳﺴﻪﻥ، ﺳﯧﻨﻰ ﺋﻮﻳﻼﭖ ﺑﯩﺮ ﺗﯧﺮﻩ، ﺑﯩﺮ ﺋﯘﺳﺘﯩﺨﺎﻥ ﺑﻮﭖ ﻗﺎﻟﻐﺎﻥ ﺋﺎﭘﺎﯕﻐﺎ ﻳﯜﺯ ﻛﯧﻠﻪﻟﻤﻪﻳﺴﻪﻥ، ﺳﯧﻨﻰ ﺩﻩﭖ ﯞﺍﻗﯩﺘﻠﯩﻖ ﺋﻮﻗﯘﺵ ﭘﯘﺭﺳﯩﺘﯩﺪﯨﻦ ﻣﻪﮬﺮﯗﻡ ﺑﻮﻟﻐﺎﻥ ﺳﯩﯖﻠﯩﯖﻐﺎ، ﯞﻩﺗﻪﻥ-ﺧﻪﻟﻘﻘﻪ، ﻣﯩﻠﻠﻪﺗﻜﻪ ﻳﯜﺯ ﻛﯧﻠﻪﻟﻤﻪﻳﺴﻪﻥ ﺋﻮﻏﻠﯘﻡ!!!!!     ﻣﻪﻥ ﺋﯩﺸﯩﻨﯩﻤﻪﻥ، ﺳﻪﻥ ﭼﻮﻗﯘﻡ ﺋﯚﺯﮔﯩﺮﯨﭗ ﻳﺎﺧﺸﻰ ﺋﺎﺩﻩﻡ ﺑﻮﻻﻻﻳﺴﻪﻥ، ﺳﯩﻨﯩﭙﯩﯖﺪﺍ ﺋﻪﻻﭼﯩﻼﺭ ﻗﺎﺗﺎﺭﯨﺪﯨﻦ ﺋﻮﺭﯗﻥ ﺋﺎﻻﻻﻳﺴﻪﻥ،ﺑﯩﺰﻧﯩﯔ ﻛﯜﺗﻜﻪﻥ ﺋﯜﻣﯩﺪﯨﻤﯩﺰﻧﻰ ﭼﻮﻗﯘﻡ ﺋﺎﻗﻠﯩﻴﺎﻻﻳﺴﻪﻥ، ﺧﻪﻳﺮ ﺋﻮﻏﻠﯘﻡ ﺋﯘﻟﯘﻕ ﺋﺎﻟﻼﮬﺘﯩﻦ ﺳﺎﯕﺎ ﺋﯩﻨﺴﺎﭖ ﺗﯩﻠﻪﻳﻤﻪﻥ،ﺋﺎﻣﺎﻥ ﺑﻮﻟﻐﯩﻦ، ﺳﺎﯕﺎ ﺋﯘﺗﯘﻕ ﺗﯩﻠﻪﻳﻤﻪﻥ. ﺳﯧﻨﻰ ﺋﻪﺳﻠﻪﭖ:                                            ﺋﺎﺗﺎﯕﺪﯨﻦ؛ ئاۋازلىقىمۇ بار ئىكەن ،يوللىيالمىدىم ئاۋازلىقىمۇ بەك تەسىرلىككەن باشقۇرغۇچىلار قوشۇپ قويساڭلار بوپتىكەن! مەنبە:خۇشدىل مۇنبىرىhttp://huxdil.com/bbs/forum.php?mod=viewthread&tid=644

nur96

	جاپاكەش ئاتا -ئانىلا

oyhanogul

	توۋاھ..................................   ئى سۈرەتكە قاراپ بەك خىجىل بۇلۇپ كەتتىم

13629982958

jassurman

	بەكلا تەسىرلىككەن. ھەي بىچارە ئاتا-ئانىلار! بەلكىم ئارمىزدىمۇ شۇنداق كەچۈرمىشى بارلار يوق ئەمەستۇ، ئۆزمىزگە كۆرۈنمەيدۇ. ئۇلۇق ئاللاھتىن ئاتا-ئانلارنىڭ ئۆمۈرلىرىنىڭ ئۇزۇن بولىشىنى، ساقايماس كېسەللەردىن خالى بولشىنى، ئىمانلىرىنىڭ مۇكەممەل بولۇشىنى تىلەيمەن!

sabaat

	ئۇقۇپ بولغىچە كۆزلىرىمىدىن ياش چىقىپ كەتتى. بەك تەسىرلىك چىقىپتۇ.

سۇمۇرۇغ

	بەكلا تەسىرلىك ئىكەن،بۇنى كۆرۈپ ۋە ئاڭلاپ ئۆزۈمنى خۇددى ئاشۇ بالىدەك ھېس قىلىپ قالدىم. ھەي جاپاكەش ئاتا ئانىلار،بىز قانداق قىلساقمۇ سىلەرنىڭ بىزگە قىلغان ئەجرىڭلارنى قايتۇرۇپ بۇلالمايمىز.بىز سىلەرنى مەڭگۈ سۈيىمىز.

Nishanem

	ئاتا -ئانا رازى خۇدا رازى !! ھايات ۋاختىدا ئۇلارنىڭ قەدرىگە يېتەيلى!!

Kk2266257

	ھەقىقەتەن  تەسىرلىككەن  ...

bayhenim

	سۇمۇرۇغ يوللىغان ۋاقتى  2012-4-19 02:22 PM بەكلا تەسىرلىك ئىكەن،بۇنى كۆرۈپ ۋە ئاڭلاپ ئۆزۈمنى خۇد ... مەن مۇ شۇنداق ئويلاپ قالدىم ھەم يىراقتىكى ئاتا ئانامنى بەكمۇ سېغىندىم