بايلارمۇ بىچارە

xungkari

	بايلارمۇ بىچارە     بايلار چەتئەلدە پۇل خەجلىسە ، دائىم كىشىلەرنىڭ گۇمانىنى قوزغايدۇ. بىر قېتىم بىر باي ئامېرىكىغا ساياھەتكە چىقىپ ، يېپيېڭى بىر باغلام ئامېرىكا دوللىرىنى ئېلىپ نەرسە كېرەك سېتىۋالغىلى كىرىپتۇ. لېكىن، مال ساتقۇچى ئۇنىڭدىن گۇمان قىلغاندەك :      بۇ نىمە ، بۇنى قەيەردىن تاپتىڭىز؟ ــ دەپ سوراپتۇ . چۈنكى بۇ ئامېرىكىلىق مال ساتقۇچى يۈز دوللارلىق پۇلنى كۆرۈپ باقمىغان ئىكەن. بۇمۇ ئەجەپلىنەرلىك ئەمەس. نۇرغۇن ئامېرىكىلىقلار يۇز دوللارلىق پۇلنى كۆرۈپ باقمىغان، بۇنداق يۇقۇرى سوممىلىق پۇل پەقەت روسىيەدىلا بار.         بايلار ئۆز دۆلىتىدىمۇ باش قېتىنچىلىققا دۇچ كېلىدۇ.  ھەر كۈنى پۇللىرىنى قانداق خەجلەش، نىمە سېتىۋېلىش، نەگە قويۇش، ئۇرۇق – تۇققانلىرىدىن ئۆزىنى قانداق قاچۇرۇشنىڭلا كويىدا يۈرۇيدۇ. مۇنداق  بىر گەپ بار ئەمەسمۇ «بەختىيارنىڭ جاڭگالدىمۇ تۇققىنى بولىدۇ» . بىر قېتىم بىر بانكىر بىلىپ بىلمەيلا ئۆز مال- مۈلكىنى ئاخبارات ۋاستىلىرىگە ئاشكارلاپ قويۇپتۇ. نەتەجىدە قىرىق نەچچە ئادەم ئۆزىنى بانكىرنىڭ تۇققىنى ياكى نىكاھسىز تۇغۇلغان بالىسى دەپ ئاتىشىپتۇ، بۇلارنىڭ ئىچىدە بالىسى دىگەن  ئون نەچچە ئادەمنىڭ يېشى ھەتتا بانكىرنىڭ يېشىدىنمۇ چوڭ ئىكەن.      بايلارنىڭ ۋاقىت چىقىرىپ تىياتىرخانىغا بېرىپ ئويۇن كۆرۈشىمۇ ئاسان ئەمەس. لېكىن، ئويۇن كۆرگەن ۋاقىتتىمۇ ئۇلارغا ئارامچىلىق يوق. ھەر قېتىم ئويۇن باشلانغاندىن كېيىن ئالدىنىقى بىرنەچچە رەتتە ئولتۇرغانلارنىڭ يانفپۇنى توختىماي سايرايدۇ. بايلار يانفۇنىنى ئېتىۋەتسە سودىغا  تەسىر يېتىشىدىن ئەنسىرەيدۇ، قاراپ تۇرۇڭلار، بىر تېلفۇندا  : «ياخشىمۇ سىز ، سىلەر نېفىت سېتىۋالامسىلەر؟» دىسە يەنە بىرسىگە «سىزگە نېفىت كېرەكمۇ؟ بولىدۇ، مەن دەرھال مالنى ئېۋەتەي» دەپ ۋاقىرايدۇ. ئۇنداقتا ئەتراپتىكى كىشىلەر چۇ؟ ھەمىسى قۇلۇقىنى دىڭ تۇتۇپ دىققەت بىلەن گەپكە قۇلاق سالىدۇ. ھازىر نېپىتنىڭ باھاسى قانچە پۇل ، ئۇلار ھەر ۋاقىت سودىلىشىشقا تەييار.  ھەممە ئادەم دەككە – دۈككە ئىچىدە ئولتۇرىدۇ. نەتىجىدە كونسېرت نېفىت سودىسىغا ئايلىنىپ قالىدۇ.        سالامەتلىك مەسىلىسىمۇ ئىزچىل بايلارنى قېيناپ كەلمەكتە. ئوزۇقلۇق ھددىدىن زىيادە ياخشى ، تۇرمۇش رېتىمى تەرتىپسىز بولغاچقا ، چوڭ – چوڭ كىسەللىكلەردىن خالىي ئەمەس ئەلۋەتتە ، ئۇلاردا پۇل ئېشىپ – تېشىپ تۇرىدۇ، ئەڭ ياخشى دوختۇرخانىغا بېرىپ داۋالانسا  ، ئەڭ ياخشى مۇتەخىەسىسلەنى تەكلىپ قىلسا بولىدۇ. لېكىن ئۇلار بەك باي بولغانلىغى ئۈچۈن  داڭلىق دوختۇرلار ئۇلارنىڭ تېنىدىن ھەر تۈرلۈك كىسەللىكلەرنى تېپىپ چىقىدۇ.  بەزى كىسەللەكلەرنى ھېچكىم ئاڭلاپ باقمىغان. ئۇلارنىڭ داۋالاش ئۇسۇللىرىمۇ ھەرە چاقتۇرۇش، چىۋىن چاقتۇرۇش دىگەندەك ئاجايىپ-غارايىپ .      يەنە بىخەتەرلىك مەسىلىسىمۇ بار.  بايلار ۋەھىمە ئىچىدە ئۆتىدىغان بولۇپ ئوغرىدىن ، بۇلاڭچىلىقتىن ، شۇنداقلا تۇتقۇن قىلىشتىن ساقلىنىش ئۇلار ئوقۇشقا تېگىشلىك دەرس. سەپەرگە چىققاندا نۇرغۇن كىشىلەر ئۇلارنى قوغداپ ماڭىدۇ، ھەتتا ھاجەتخانىغا كىرمەكچى بولسىمۇ ، ئالدى بىلەن ئامانلىق قوغدىغۇچىلىرى كىرىپ تەكشۈرۈشى كېرەك.  ئەتراپىدا بىرەر شەپە بولۇپ قالسىلا ، نېرۋىسى دەرھال جىددىلىشىدۇ. بىر قېتىم بىر باي لېفىتقا ئولتۇرۇپ بىنادىن چۈشۈۋاتقاندا، ئىنتايىن بەستلىك ئىككى ئەر كىشى لىفىتقا چىقىپتۇ، ئۇلار بىر ئىت يېتىلىۋالغان ئىكەن، باي قورققىنىدىن تىترەپ كېتىپتۇ . ئۇ ئىككى ئەر بۇ ئەھۋالنى كۆرۈپ ، ئۆزلىرىنىڭ ئىتى بۇ كېشىنى قورقۇتۇۋاتقان ئوخشايدۇ دەپ ئويلاپ « يات»  دەپ ۋاقىراپتۇ، كىم بىلسۇن گەپ تېخى ئاخىرلاشمايلا باي بېشىنى قاماللىغىنىچە ئۆزىنى يەرگە تاشلاپتۇ، دىمەك ئۇنىڭ ئىنكاسى  ئىتنىڭ ئىكاسىدىن تېز بولغان. دىلنۇر ئەخمەت تەرجىمىسى « تەرمىلەر ژورنىلىدىن»

ئۆل

	ئەمسە باي بولۇش پىلانمىنى ئەمەلدىن قالدۇرسام بولغىدەك

kaitmas

	مەن تىخى پۇلى يوقلا بىچارە ئوخشايدۇ دەپتمەن تىخى! http://www.kuznak.com/

kugul

	ئىنسان دىگەن بەكمۇ باي ياكى بەكمۇ نامىرات بۇلۇپ كەتمەي ، ئوتتۇرھال بولغىنى ئەڭ ئەۋزەل. بەك باي بۇلۇپ كەتسە، ئۆزىنى ياراتقان ئاللاھنى ئۇنتۇپ قالىدۇ.

yidayat164

	ئەسسالامۇ ئەلەيكۇم ! زاكاتنى ئىجرا قىلسىدى نۇرغۇن ئىشلاردىن خالى بولاتتى

kapitan115

	باي بولسا بېل گايتىستەك بولسا،ئۆمىرنىڭ ئاخىرنى ۋە بايلىقىنى خەيرى -ساخاۋەت ئىشلىرىغا ئاتاپ......

FOCUS

	ئۆل يوللىغان ۋاقتى  2012-4-17 11:41 PM ئەمسە باي بولۇش پىلانمىنى ئەمەلدىن قالدۇرسام بولغىدەك ... قاچانلا  قارىسا  ئىسمىغا ئوخشاش لاۋزا ئىنكاس يازىدىغان بالىكەن ماۋۇ!!!  تېمىنى پاخاللاشتۇرۇپ ئادەمنىڭ ئىچىنى پۇشۇرغىچە ئوغاۋالىدەك ئىش قىلىڭ بۇرادەر!!!

ئۆل

	FOCUS يوللىغان ۋاقتى  2012-4-18 12:56 AM قاچانلا  قارىسا  ئىسمىغا ئوخشاش لاۋزا ئىنكاس يازىدىغا ... ماقۇل ...سىزگىمۇ تەكلىپ :ئىنكاس ئوقۇماي تېما ئوقۇڭ

anatil8

	ئۆل يوللىغان ۋاقتى  2012-4-17 11:41 PM ئەمسە باي بولۇش پىلانمىنى ئەمەلدىن قالدۇرسام بولغىدەك ... ئۆلجان بۇرادىرىمىزنىڭ ئىنكاسلىرى ماڭا شۇنداق قىززىقارلىق تۇيۇلىدۇ،مەن ئۇنىڭ ئىنكاسلىرىنى ياختۇرىمەن،مىسرانىمنىڭ باللىرى مانا مۇشۇنداق شوخراق ھى ھى ھى ياخشى تىمىكەن بۇ ھە باللا؟ مەن بۇرۇن ئۇيغۇر بايلارنىڭ تومپاي قۇرسۇقىنى كۆتۈرۈپ ئىغاڭلاپ ماڭالمايۋاتقان ھالىتىگە قاراپ باي بولمىسا بولغۇدەك دەپ ئويلىغان ئىدىم، ئادەم بەك باي بۇلۇپ كەتسىمۇ ھاكاۋۇرلىشىپ كىتىدىكەن.

ئايچىن

	بايلارنىڭ پۇلى جىق شۇنىڭغا ئەگىشىپ غېمىمۇ جىق ، كەمبەغەلرەك بولغان تىچمۇ نىمە؟ قايناقسۇ ئىچ كۆڭلۈڭ تېچ دەپ