يۇقالسۇن«مىللەت»پەرەسلەر!

vmvdwar-uyhur

	ئەسسالامۇ ئەلەيكۇم مۇنبەر ئەھلى ! مەن مىسرانىم مۇنبىرىگە ئەزا بولغىلى ئانچە ئۇزۇن بولىمىدى .بىراق مۇنبەرگە ئەزا بولغاندىن بېرى نۇرغۇن تىمىلارنى ئەستايىدىللىق بىلەن كۆرۈپ چىقتىم ،شۇنداق تالانلىق ئەزالار باركەنكى يازغان تىمىللىرى ھەقىقەتەن كىشگە زوق بېغىشلاش بىلەن بىرگە چۇڭقۇر تەربىيىۋى ئەھمىيتى بار ئىكەن .مۇنبەردىكى نۇرغۇنلىغان داڭلىق ئەسەرلەرگە ياندىشىپ يەنە بىر قىسىم "مىللەت "پەرەسلەر يازغان "نادىر " ئەسەرلەرمۇ  مەۋجۇت بۇلۇپ تۇرۇپتۇ .ھەتتا بۇ "مىلللەت"پەرەسلەر يازغان نادىر ئەسەرلەر نۇرغۇنلىغان مۇنبەرداشلىرىمىزنىڭ ئالقىشىغا ئىرشىپ ،ئىنكاسكا ئىرشش ۋە قوللاشقا ئىرشش جەھەتتە خىلى ئالدىنقى ئورۇندا تۇرۇپتۇ . بۇ "مىللەت"پەرەسلەرنىڭ "نادىر "تىمىللىرى قايسى مەزمۇندا ؟ھەممىسى مىللەتنىڭ ئەپىت-بەششرىسىنى ئېچىپ تاشلىغان ،پالانى قىز دادىسدەك ئادەمگە ئاشنا بوپتۇ -يەي.پۇستانى پوقساقال ئوغرى ئۆزىنىڭ قىزىدەك قىزنى ئازدۇرۇپ يۇرۇپتۇ-يەي،پالانى زەيپانە يىگىت ،پۇستانى ناتىۋان قىزنى ئازدۇرۇپ يۇرۇپتۇ -يەي.پالانى ئوغرى ،پۇستانى جالاپ ،ئۇ شاپاقچى .بۇ سۇلامچى ،ئاندا قىمارۋاز ،ماندا بەڭگى ......................قىسقىسى پۈتۈنلەي ئەخلاققا يات ،نۇمۇسسىز ئىشلارنىڭ ھەممىسىنى "ئۇيغۇر "دىگەن بۇ ئۇلۇغ نام بىلەن بىرلەشتۈرۈپ يېزىپ ئوقۇغان كىشىنى ،توۋا "ئۇيغۇر " مىللتى دىگەن شۇنداق بىر پەسكەش مىللەتكەن -ھە.دىگەن قاراشقا كەلتۈرۈپ قۇيۇپتۇ .   توغرا !ئاشۇنداق مەزمۇندىكى تىمىلارنى يوللىغانلار بەلكىم ئاشۇ ئىشلارنى ئۆز كۆزى بىلەن كۆرۈپ ،ئۆز قۇلقى بىلەن ئاڭلاپ ،ئاندىن باشقا ئۇيغۇرلارغا "ئىبرەت"بولسۇن دەپ يوللىغاندۇ .بەلكىم نىيتى مىللەتنىڭ يۈز -ئابرۇيىنى قوغداش ،ھەممە كىشىنىڭ مىللەتپەرۋەرلىك ئىڭىنى يۇقىرى كۆتۈرۈش ئۈچۈندۇ .ئەپسۇس ،مىڭ ئەپسۇس! لىكىن بۇ مەقسەتكە ھەرگىزمۇ يىتەلمەيدۇ ،يىتەلمەيدۇ ئەمەس بەلكى مىللەتنىڭ يۈز-ئابرۇيىنى ئاشۇ يامان ئىش قىلغانلاردىنمۇ بەكرەك تۈكىدۇ ،دۇنيا خەلقى ئالدىدا ئۇيغۇر مىللىتىنىڭ يۇز ئابرۇيىنى ،غۇرۇرىنى ،ئەخلاقىنى ،ھەرقانداق يامان ئىش قىلغان ئادەمدىن بەكرەك يەر بىلەن يەكسان قىلىدۇ .   ھەي "مىللەت"پەرەسلەر ئەقىل كۆزۈڭلار بىلەن كۆرمەمسىلەر ؟ئاشۇنداق تىمىلارنى يېزىشقا ئىشلىگەن كاللاڭلار نىمشقا شۇ تىمىنىڭ تەسىرىنى ،ئاخىرقى نەتىجىسىنى ئويلىمايسىلەر ؟سىلەرنىڭ ئاشۇ مىللىتىمىز ئارسىدا ساقلىنۋاتقان ناچار ئىللەتلەرنى ئېچىپ تاشلىغان "نادىر"تىماڭلارنى بىزلا كۆرگەن يەنى پەقەت ئۇيغۇرلارلا كۆرگەن بولسىغۇ ،ماقۇل !ئىبرەت ئالاتتى .بىراق بۇ دىگەن تور ،ئاممىۋى سورۇن ،خەلىقئارالاشقان ،دۇنيانىڭ بۇلۇڭ-پۇچقاقلىرىدىكى ھەممە مىللەت كىشلىرى بىمالال پائالىيەت ئېلىپ بارالايدىغان ئاممىۋى سورۇن .سىلەرنىڭچە سىلەر يوللىغان ئاشۇ "نادىر"تىمىلارنى باشقا مىللەت كىشلىرى كۆرمەسمۇ ؟سىلەرنىڭچە خەنزۇ ،رۇس ،ئىنگىلىس،ناتسىس،ئەرەب.........قاتارلىق دۇنيادىكى نۇرغۇنلىغان مىللەت ئىچىدە ئويغۇر تىلىنى پەقەت ئۇيغۇرلارلا بىلىپ قالغان مىللەت بىلمەسمۇ ؟شۇنداق ئويلىغان بولسىڭىز پوقنى يەپسىز .دۇنيادا ھازىر 6000 خىلدىن ئارتۇق  تىل بار بۇلۇپ ،ئۇيغۇر تىلى قوللىنىش ۋە ئىشلىتىلىش جەھەتتە دۇنيا بۇيىچە 96-ئورۇندا تۇرىدۇ. دىمەك دۇنيادا ئۇيغۇر تىلىنى ئشلىتىدىغان ئادەم سانى بەلكىم پۈتۈن ئۇيغۇرلارنىڭ سانىدىنمۇ كۆپ بۇلۇشى مۇمكىن ،دۇنيادىكى ئەڭ كۈچلۈك دۆلەت ئامرىكىنى ئېلىپ ئېيتساقمۇ ، ئامرىكىدىكى ئۇيغۇر تىلى دەرسلىكى ئۆتۈلدىغان ئۈچ ئالىي مەكتەپ_كەنساس ئونۋېرسىتيتى،ئىندىاننا ئونۋېرسىتيتى،ۋاشىنگىتتون ئونۋېرسىتيتى داڭلىق ئونۋېرسىتىتلاردا ئۇيغۇر تىلى دەرىسلىكى تەسس قىلىنغان .ئەھۋال مانا مۇشۇنداق تۇرسا ،سىز يەنە مىللىتىمىز ئىچىدىكى كىچىككىنە نوقسانلىقلارنى تېپىۋېلىپلا ئۇنى دۇنيا خەلقىگە جاكارلىسىڭىز،سىزنىڭچە ياخشى بوپتىمۇ ؟     سىز مىللىتىمىزدكى قىسمەن ئۇنداق ياكى مۇنداق كەمچىلكنى ئۇيەر بۇ يەردىن تىرىپ كىلىپ توردا ئىلان قىلسىڭىز ،بۇنى كۆرگەن باشقا مىللەت كىشلىرى ئۇيغۇر مىللتىنى ئەزەلدىن شۇنداق ناچار مىللەتكەن دەپ قالمامدۇ ؟ئاتالمىش «مىللەت»پەرۋەرلەر بۇندىن كىيىن ئۇيغۇر مىللىتىنىڭ ھەرقانداق كەمچىلىكىنى ھەرقانداق يەردە جار سېلىپ يۈرمەڭلار ،بۇلۇپمۇ توردا .كەمچىللىك دىگەن مىللەتتە بولمايدۇ ،بەلكى شەخستە بۇلىدۇ ،شۇڭا نەق مەيداندا شۇ شەخسنىڭ ئۆزىگە قانداق تەربىيە قىلسىڭىز بۇلىدۇ ،خەقنىڭ ئۆزىگە گەپ قىلالماي ،توردا ئۇيغۇر قىزى ئاندىغەي ،ئۇيغۇر ئوغلى ماندىغەي دەپ شالىڭىزنى چېچىپ ۋار-ۋارى قىلماڭ .چاۋاكنىمۇ چالىدىغان يەرگە چالايلى .شۇ قىز سىزنىڭ ،مىنىڭ ،سىلەرنىڭ ،بىزنىڭ ئاپىمىز ،ئاچىمىز ،سىڭلىمىز ياكى قىزىمىز ئەمەسمۇ ؟شۇ يىگىت  سىزنىڭ ،مىنىڭ ،سىلەرنىڭ ،بىزنىڭ  ئاتىمىز،ئاكىمىز ،ئىنىمىز ياكى ئوغلىمىز ئەمەسمۇ ؟ گەپ دىگەننى ئويلاپ قىلايلى دوسلىرىم .بۇ مۇنبەرگە ئەسەر يوللىمىغانغا ھەيدەپ چىقىرۋەتسە مىنى ھەيدەپ چىقىرۋىتەتتى ،لىكىن ئۇنداق قىلمىدى .يوللىغىلى بىر نەرسە تاپالمىساق ،جىم تۇرۇپ باشقىلارنىڭ يازغان ئىسىل تىمىللىرىدىن ھۇزۇرلانساق ،ئۇلارغا مەدەت بەرسەكمۇ چوڭ ئىش قىلغان بۇلىمىز ،قانداق بىرسى بىر يەردە كۆرگەن ياكى ئاڭلىغان مىللەتنىڭ يۇزىنى تۈكىدىغان ،زىتىغا تىگىدىغان ئىشتىن بىرنى يازسا ،ھە راس دەپ باش لىڭشىتىپ يۈرىۋەرمەيلى !مىللەتنىڭ يۈزئابرۇيىنى سىز ،مەن ھەممىىمىز بىرلكتە تىرشش ،قوللاش ،ماختاش ئارقىلىق ئەمەلگە ئاشۇرالايمىزكى ،ھەرگىزمۇ مىللەتنى سۈكۈش ،كەمچىلكنى سازايى قىلىش ئارقىلىق ۋۇجۇدقا چىقىرالمايمىز

ARSLAN

	«كەمچىللىك دىگەن مىللەتتە بولمايدۇ ،بەلكى شەخستە بۇلىدۇ ،شۇڭا نەق مەيداندا شۇ شەخسنىڭ ئۆزىگە قانداق تەربىيە قىلسىڭىز بۇلىدۇ» ماۋۇ گەپ جىڭ تېتىدى! قوللايدىغانلار ئاتۇق گەپ قىلماي ئەگىشىڭلار ھە!

basut

	تېمىنىڭ مەنىسىنى مەزمۇنىنى ئوقۇغاندىن كېيىن ئاندىن چۈشەندىم،توغرا،بىزگە ئۇنداق«مىللەتپەرۋەر»لەر كېرەك ئەمەس.ياخشى تېمىكەن،رەھمەت سىزگە.

ALDIYAR

	نىمە ئۈچۈن دىمەيمىز؟؟؟ سىز نىمىنىڭ 《مىللەت》پەرەس ئىكەنلىكىنى بىلەمسىز؟مەن تېمىڭزنى شۇنداق ئەستايدىللىق بىلەن ئوقۇپ چىقتىم،ئەسلى ھەقىقى مىللەتچى،مىللەت پەرەس سىز ئۆزىڭز ئىكەنسىز،ھازىر دۇنيانىڭ ھەممەيېرىدە دىمكىراتىيە ئۈچۈن كۈرەش بۇلۋاتىدۇ،دۇنيادىكى ھەممە كىشى ھەقىقى دىمكۇراتىيەنى ئىزدەپ يۈرۋاتىدۇ،لېكىن مەن تېمىڭزنى كۆرۈپ شۇنى بايقىدىم،سىز ئاتالمىش مىللەت پەرەسلىكنى ئۆزىڭز تەرغىپ قىلۋېتىپسىز،سىز بەك بىرتەرەپلىمىك بىلەن ھەم شۇنداق يېنىكلىك بىلەن بۇتېمىنى يېزىپ ساپسىز،تېمىڭزنىڭ مەزمۇنىدىن قارغاندا،ئۇيغۇر تور بەتلىرگە ياخشى ئىشلارنىلا يېزىپ،ئۇيغۇر جەمىيىتىدە بولۋاتقان ناچار ئىللەتلەرنى قەتتى يازماسلىق كېرەك ئىكەندە؟ياق-ياق مەن ھەرگىز سىزدەك قاراشتا ئەمەس،نىمە بولسا شۇنى يېزىش كېرەك،مەنچە بولسا ئۇيغۇرچە توربەتلەر تېخىمۇ كەڭ دايىرلىك ئېچىلىشى كېرەك،ئەتراپىزدا نىمە بولسا شۇنى يېزىشىمىز كېرەك،دۇنياغا داڭقى چىققان ئۇيغۇر ئالىمى شۆھرەت.مۇتەللىپنى ئۇيغۇرچە توربەتلەردە بەس-بەس بىلەن يېزىلىپ بىزگە تۇنۇتقان بولسا،ئۆزىنىڭ داچىسىغا سولىنۋېلىپ ئۆز مىللىتىنى ئەخمەق قىلىپ،ئىككى توك-توك پۇلىنى خەلققە ياردەم قىلىپ قويۇپ،ئۆزىنى بىر چاغلاپ،ناشايان ئىشلارنى بىلەن شوغۇنلانغان ئاشۇنداق بۇزۇق پاسكىنلارمۇ مۇشۇ يەردە يېزىلىشى،ئاچچىق كىنايە قىلىنىشى كېرەك!!! سىز بەك تار دايىرلىك تەپەككۇر قىلدىكەنسىز،مۇنداقچە ئېتقاندا مەن بۇرۇن بىر ئەسەردە كۆرگەن مۇنداق بىر جۈملە سۆزبار ‹ھەي ساقچى يولداش ھەممىز بىر ئۇيغۇر بولغانكى بۇ يانچۇقچىنى قويۇپ بەرسىڭز بولمامدۇ›،سىز بەئەينى مۇشۇنى تەرغىپ قىلماقچى بولۋاتقان ئوخشايسىز؟؟!سىز دەپسىز ئۇنداق بۇزۇقلارنى،جالاپلارنى،يەنە بىرمە-يەنە بىرمىلەرنى بۇيەردە تېما يوللاپ مىللەتنىڭ يۈزىنى تۆكمەي،نەدە كۆرسەك شۇيەردە تەربىيە قىلساقلا بولدى دەپ،نەدە كۆرسەك شۇيەردە تەربىيەنىمۇ قىلمىز،ھەم مۇشۇنداق خەلقى-ئالەم ئالدىدىمۇ ئوچۇق ھالدا ئاچىمىز ھەم كىنايە قىلمىز!!! ئەمدى بەس بەس بەس،،،،،،،،بەلكىم مىنىكى سۆزلىرىم سىزگە ئېغىر كېتىشى مومكىن لېكىن مەن دىمىسەم بولمايدۇ،مىنىكى بۇنداق دىيىشىمنى كەڭ تورداشلارمۇ خاتا چۈشۈنۋالماڭلار،مەنمۇ ئۇيغۇرنى شۇنداق سۆيمەن،لېكىن دىمكىراتىك ئورۇندا تۇرۇپ سۆيمەن!!!ئۇيغۇردا ئالىم بولسا ئۇيغۇردا ئالىم بار دەپ سۆيمەن،ئەگەر ئۇيغۇردا نائەھلى جالاپ چىقسا  نەپرەت بىلەن لەنەت ياغسىكەن دەيمەن!!!

zapar

	توينىڭ ئالىدىدا ئۈچ كۈن، كةينىدة ئۈچ كۈن، دةپ... نىمة دېسةك بولاركىن، كاللام ئۆتمةيدىغىنى نىمىشقا بىزدة تىللاش كۆپ. زارلاش كۆپ. ئويلىغىنىم:- بۇ نېمىنى ھةل قىلالىدى؟! دىنى تةربىية قىلسا تور موللىسى دېدۇق، سةنئةتچىنى بىرنىمة دېدۇق، تارىختكى شةخسلةرنىمۇ تىللاپ باقتۇق، ھىندىنمۇ تىللاپتىمىز، يةھۇدىنمۇ تىللاپتىمىز، ئةرةپنىمۇ ماختاپ تۇرۇپ تىللاپتىمىز.ئۇغۇرنىغۇ پةچةت تىللاپ قۇيىمىز... زادى تىللاۋېرةمدۇق. ما مۇنبةردىغۇ تىللىشلار دائىملا زادى. يةنىلا چىرايلىق دېيىشةيلى! مۇڭدىشايلى! تىللاپ ھىچ ئىشنى ھةل قىلالمايسىز، خاتالىقنىمۇ سازايى قىلماي تۇرۇپ، ئالدىدا چىرايلىق نةسىھةت بىلةن قىلىپ باقساق بولامدۇ؟!-يوق. ھةممىز توردا قالتىس ئالىيجاناپ.شالىمىزنى چاچىرتىپ تۇرۇپ ئۆزىمىزنى باشقلارغا نۇقسانسىز ئادةمدةك كۆرسةتسةك بۇلىۋېرىدۇ. تولۇقلىما مەزمۇن (2012-4-18 05:27 PM): ئۆزىمىزنىمۇ تىللاپ ھارمىدۇق.

gvlqay

	تېما ئىگىسىنىڭ پىكىرىنى قوللايمەن ، راست ،‹ئىللەت مىللەتتە بولمايدۇ ،شەخىستە بولىدۇ›،بۇنداق ناچار ئىللەتلەر دۇنيانىڭ ھەرقايسى جايلىرىدا ،ھەرقانداق مىللەت كىشلىرىدە بار بىراق ئۇلار   ئۆزىدىكى بۇ قىسمەن سەۋەنلىكلەر ئۈچۈن مىللىتىدىن تانمايدۇ،ھەممە مىللەتلەر ئۆز مىللىتىدىن پەخىرلىنىدۇ،چۈنكى بۇلار قىسمەنلىك ، بۇنى مىللەت ئۈستىگە يۈكلەپ سۆزلەشكە بولمايدۇ ، مېنىڭچە ئاشۇنداق ناچار قىلمىشلارنى قىلىۋاتقانلارنى كۆرسەك نەق مەيداندا گەپ قىلالىساق قىلىلى ،قىلالمىساق مۇنبەرگە چىقىپ دەرد تۆكمەي يولىمىزغا ماڭايلى ، ئەگەر بەك ئىچىمىزگە پاتماي دېگۈمىز كەپ كەتسە، خەقنى ئۇنداق قىلدى يەي ،مۇنداق قىلدى يەي دەپ سازايى قىلماي ،مۇشۇنداق قىلمىشلارنى قانداق توسۇش ، قانداق ھەل قىلىش ئۈستىدە پىكىر يۈرگۈزۈپ تېما يوللايلى ، شۇنداق قىلمىشلارنى كۆرگەندە بەك غۇرۇرىمىز تۇتۇپ كېتىپ ۋاي پالانى مۇنداق قىلدى، دەپ خەقنىڭ قىلمىشلىرىنى پوككىدە مۇنبەرگە تاشلاپ قويۇپلا ،بىر ئۇخلاپ قوپۇپ ئۇنتۇپ قالىدىغان ‹ۋىژدانلىق مىللەت سۆيەر› كىشلىرىمىز ساماندەك مۇنبەردە، نوچى بولسىڭىز قانداق ئالدىنى ئالىمىز ،قانداق ھەل قىلىمىز ،شۇنى سۆزلەڭ ،بولمىسا تېما ئىگىسى دېگەندەك مۇنبەرگە تېما يوللىمىغانغا سىزنى بىرسى قوغلىۋەتمەيدۇ ،يا جەرىمانە قويمايدۇ، شۇڭا بۇنداق پاخال تېمىلارنى يوللاشنىڭ ئورنىغا جىم ئولتۇرۇپ باشقىلارنىڭ نادىر تېمىلىرىدىن بەھرىنىلەيلى! ئەمەليەتتىغۇ ھازىر مىللىتىمىزنىڭ ئەھۋالى 2000-يىللارنىڭ ئالدى كەينىدىكى ئەھۋالىدىن كۆپ ياخشى، قىسقىسى ھازىر  ناھىيىمىزدە ئاياللارنىڭ قاتار چايلىرى ئاساسەن يوق دېيەرلىك ،بولسىمۇ ناھايتى ئاز ،بۇرۇنقىدەك ئىدارە بويىچە ئوينايدىغان ئىشلار يوق ،ئەرلىرىمىز  بۇرۇنقىدەك كۈندە كەچتە سورۇن تۈزۈپ ھاراق ئىچىپ يۈرىدىغان ئەھۋاللارمۇ ئاساسەن يوق ،ئىدارىدىن مەجبۇرى ئاپارمىسا ئۆزى ئىزدەپ بارمايدۇ، قىز يىگىتلەر توي قىلسا بۇرۇنقىدەك رېستۇران بولاپ ئوينىتىدىغان ئىشلار ئەمەلدىن قالدى،ھەم توي تۆكۈنلەردە قەتئىي ھاراق قۇيۇلمايدۇ، جۈمە كۈنى چوڭ جامەنىڭ ئالدى بۇرۇنقىدەك چۆلدەرەپ قالىدىغان ئىش نەدە ،ھازىر جامائەت پاتماي چوڭ يولغىمۇ چىقىپ كېتىشكە تاس قالىدۇ ،قارايدىغان بولساق تەڭدىن تولىسى 20 -30ياشلار ئەتراپىدىكى  ياش بالىلار ، خىزمەتچى ئاياللىرىمىز ئامال بار ياغلىق ئارتىپ يۈرىدۇ، ناماز ئوقۇيدۇ، رامىزاندا روزا تۇتىدۇ ،بۇنداق دېسەم بۇ چوقۇم قىلىشقا تېگىشلىك ئىشلار دەپ كەتمەڭلار ،نەچچە يىلنىڭ ئالدىدا ئاياللىرىمىز قاتار چاي مېھماندارچىلىقنىڭ تولىلىقىدا بۇنداق ئىشلارغا چولىسى تەگمەيتتى ،ئەمدى كېچىكىپ بولسىمۇ توغرا يولغا مېڭىۋاتىدۇ ،مۇشۇنىڭ ئۆزى غەلبە!شۇڭا ئەمدى يېتەر ،تىللاۋەرمەيلى ،ئەكىسچە ئۇلارنى قوللايلى ،ئۇلارغا ئىلھام بېرەيلى ،توغرا يولدا مېڭىشقا يېتەكلەيلى ،ئېسىمىزدە بولسۇن،مۇنبەردىشىمىز دېگەندەك:‹ئۇيغۇر سۆكۈشكە ئەمەس قوللاشقا موھتاج›!!!

koznak

	دەل مۇشىنىڭدەك تالاش - تارتىشلاردىن ئاخىرى ھېچ كىشى ھېچ كىشىگە ئىشەنمەسلا بولۇپ يېتىشىپ چىقىدۇ !

ataman0

	ئەسسالامۇ ئەلەيكۇم مەن بۇ تىمىدىن ئۆزىڭنى بىل ئۆزگىنى قوي دىگەن مەزمۇندا چۈشەندىمغۇ ، مىللەت توغىرسدا تىما يازساق ياخشى لىكىن بۇتىما بەك چوڭ قويلۇپ مەزمۇنى تىمىنى كۆچلەندۈرەلمەپتۇ، يەنى قالپاقنى بەك چوڭ كەيدۈرۈپ قويۇپسىز ، ئىللەت شەخىستە بولدۇ توغرا لىكىن شۇ شەخسمۇ مىللەتكە تەۋەدۇ ، شۇنداق ناچار شەخىسلەرنى كىنايا قىلىش ھەم خەلقى ئالەمگە شۇنىڭ ناچارلىقىنى ئاشكارا قىلمىساق ، ناچارلار ناچارلىقىنى قىلىۋەرسە ، كىيىن ئۇنداقلار مەلۇم توپنى شەكىللەندۈرگەندە قانداق قىلىمىز ، شۇ چاغدىمۇ ئىللەت دىگەن شەخستە بولىدۇ مىللەتتە بولمايدۇ دەپ يۈرەمدۇق ، ئۆزمىزنىڭ تەپەككۇرى بويچە پىكىر قىلىپ باقساقمۇ بولىدۇ ، ياخشى بولسا ياخشى تەرپىنى پەخىرلىنىپ تۇرۇپ يازىمىز ، يامان بولسا شۇ يازغانلارنى كۆڭلىڭىزدە خوش بولۇپ كىتىپ ، قىلدىغان ئىش تاپالماي قىلىپ يازدىغان ئوخشايدۇ دەپ قالماڭ ، شۇنداق ناچار تەرەپلىرنى يىزىپ ئاشكارلاپ تۇرمىسا مىللىتىمىزنىڭ گۈزەل ئەخلاقى نەدە قالىدۇ ، دەرەخنىڭمۇ ياۋسىنى پۇتاپ تۇردىغۇ ، ھەممىنى ماختاپ يازدىغان بۇ يە مەملىكەت خەۋەرلىرى ياكى شىنجاڭ خەۋەرلىرى بولمىسا .... نەدە ياخشىراق بىر سۆز ئۇچراپ قالسا ھاياجانلىنىپلام ئۆزىمىزگە ياراپ كەتكەنلىكى ئۈچۈنلام كۆتۈرۈپ تىمىنى كۆچلەندۈرمەن دىمەي، مۇمكىن قەدەر ئۆزىمىز ئىزدىنىپ (ئەلۋەتتە باشقىلاردىنمۇ ئىلھام ئالىمىز ) مۇشۇنداق تىمىلاردا ياڭگىللىك قىلمىساق ، مىللەتنى مەيلى ماختاپ يازسۇن ، مەيلى ناچار تەرپلىرنى سۆكۈپ يازسۇن لايىقىدا بولسا قوبول قىلمىساق بولىدۇ ، مىنىڭچەناچار تەرپنى يازغانلارمۇ ياخشى تەرپىنى يازغانلارمۇ  قايسسىنى يازسا مىللەتكە كۆينۈپ يازىدۇ ، ئەمدى بۇنىمۇ سىز ئىككى ئابزاس يازما بىلەن يوقالسۇن مىللەتپەرەسلەر دىسىڭىز قاملاشمايدۇ.

tumurkala

	بۇ تىما بىر تەرەپتىن كىشىنى ئويلاندۇرسا يانا بىر تەرەپتىن سەل يىنىكلىك بىلەن يىزىلغان،ئويلاندۇرۇشى بىزنىڭ جەمىيتىمىزدىكى بىر قىسىم ئىشلارنى مىللەتكە باغلاپ چۈشىنشىمىز راس خاتا،ئەمما باشقىلار سىزچە ئاشۇنداق ئىشلارنى كۆرمەسمۇ؟ھەتتا cctvدىمۇ بىر يىلى ئىچكىردىكى ئۇيغۇر يانچۇقچىلار توغىرسىدا خەۋەر بىرىلگەن،توردا شۇنداق كىشىلەرنى ئەيىبلەش ئۇلارغا بىرىلگەن ئاگاھلاندۇرۇش سىگىنالى،يەنى ئۇلار مەن ئۇيغۇر ئەمەس دىسىمۇ،بىز ئۇلارنىڭ ئۇيغۇر بولىشىغا سالاھىيتى توشمايدۇ دەپ مىڭ كۈچىگەن بىلەنمۇ بۇ ھەقىقەت يەنى ئۇلار راستىنلا بىز بىلەن مىللەتداش،سىز ياخشى ئىش قىلسىڭىز مىللەتداشلىرىڭىز خوش بولۇپ سىزنى بىشىدا كۆتۈرىدۇ،باشقىلارمۇ ئۇيغۇر دىگەن مۇشۇنداق مىللەتكەن دەپ بىزگە قايىل بولىدۇ،ئەكسىچە سىز يامان ئىشلارنى قىلسىڭىز خەلق سىزدىن نەپرەتلىنىدۇ باشقىلار ئۇيغۇر دىگەن مۇشۇنداق مىللەتكەن دەپ بىزگە يۈزەكى قارايدۇ،شۇڭا دىمەكچىمەنكى تىما يوللىغۇچىلاردا ئەيىب يوق،ئۇلار شۇنداق ئىشلارنىڭ كەڭ دائىرلىك يەنى ئومۇمىيۈزلۈك ھادىسە بولۇپ قىلىشىدىن ۋە باشقىلارنىڭ بىر مىللەتكە شۇ كىشىلەرگە قاراپ باھا بىرىشىدىن ئەنسىرەيدۇ،شۇڭا سىز تىما يازغاندا قىزىققانلىق بىلەن ئەمەس بەلكى ئەتىراپىڭىزغا ئوبدان قاراپ پىكىر قىلشىڭىزنى سورايمەن،بىلمىگەننى سوراش،بىلگەننى ئايىماسلىق كىرەك،شۇڭا بۇنىڭغا ياخشى ئويلىنىپ پىكىر يازغۇلۇق،يەنە بىر گەپ مۇنبەردە تىمىنى چۈشەنمەي تۇرۇپ ئىنكاس يىزىپ چىكىتىدىغان تورداشلار كۆپ،بىز بۇ ئادىتىمىزنى ئۆزگەرتىشىمىز كىرەك،يەنى ھەر كىمنىڭ ئۆزىگە چۇشلۇق پىكىرى بولۇشى كىرەك شۇڭا پۇچەك ئىنكاسلاردىن ساقلانغان بولساق!

kuyax123

	توغرا پىكىر. دېمىسىمۇ بەزى تېمىلار ئادەمنى ئۈمىدسىزلەندۈرۈپ،گويا ئەتراپىمىزدا ھەممىلا ئادەم ناچارلىشىپ كېتىۋاتقاندەك گۇمانىي تۇيغۇغا كەلتۈرۈپ قويىدىكەن. شۇڭا قىسمەنلىكنى ئومۇمىيلىق نۇقتىسىدا تۇرۇپ مۇئەييەنلەشتۈرىۋالماي،ئۇيغۇرنىڭ مۇنەۋۋەر ، ئىلغار باشقىلار قىلىمىز دەپ دوراپمۇ ئۈگۈنۈپ كېتەلمەيۋاتقان  نۇرغۇن ئېسىللىكلىرىنى سۆزلەيلى! مائارىپنىڭ سېھرىي كۈچى زەھەردەك ئاچچىق تىل ھاقارەت ئەمەس،بەلكى ئارتۇقچىلىقلارنى مۇئەييەنلەشتۈرۈش ئارقىلىق شەخستە ئىشەنچ تۇرغۇزۇشتۇر.