مەتو دوستۇمغا ئۇچۇق خەت(ئەنگەر)

angar

	مەتو دوستۇمغا ئۇچۇق خەت ساتىرا دوستۇم ساڭا بەك موھىم  سوزلىرىم بار ئاڭلىغىن، مەتولۇقنى بولدى بەس ،ئەمدى تامام تاشلىغىن، بەك پۇشۇردۇڭ ئىچىمنى ئاڭلاپ ھەيران قالمىغىن، كېچىكمەيسەن ئۆزگەرسەڭ خەقتىن كىيىن قالمىغىن. * زامانىۋى جاھان بۇ زامانىۋى يۈرۈپ قوي، ماسلىشىپ ھەم دەۋىرگە ھايات پەيزىن سۈرۈپ قوي، خەق قەيەردە سەن نەدە كۆزۈڭ ئېچىپ كۆرۈپ قوي، ئارتۇق ئەمەس سۆزلىرىم ،كەل دوستتۇڭنى سۆيۈپ قوي . * قاچانغىچە بۇرادەر سەن زاماندىن دادلايسەن، خۇددى ئۆچۈڭ باردەكلا بۇ  زامانغا باقمايسەن. تولا پەش قىپ ئۆتمۈشنى كونىلىقنى ياقلايسەن، تۇماق بىلەن دۇپپىنى ئېيتقىن قاچان  تاشلايسەن؟. * سۆزلەپ بېرەي مەن ساڭا "زامانىۋى"ئۇقۇمنى، يۇقتۇرايچۇ ساڭىمۇ "مەدەنىيلىك"يۇقۇمنى. ئالماشتۇرغىن كاستومغا ئۇچاڭدىكى" توقۇم"نى، دورالمىدىڭ ئەجەپمۇ راستىن ئېيتسام پوقۇمنى. * چاقىردىغۇ ھۆكۈمەت زامانىۋى بولغىن دەپ، سېنىڭ بىلەن مېنىڭكى ئەنە شۇنداق غېمىن يەپ. ئىشەنمىسەڭ ئاڭلىغىن ھەممە يەردە شۇلا گەپ، مۇقام- ساما ئورنىغا ئالماشتۇردۇق شۇڭا رەپ. * قارا ئاكاڭ قارغايغا قويىۋەتتىم چېچىمنى، بويىۋالدىم سېرىققا چېچىمدىكى ئېقىمنى. ئاڭلىغۇم يوق زادىلا ئۇنداق مەتو ئىسىمنى، "زاكوفۇ"غا  ئۆزگەرتتىم "زاكىر" دىگەن ئېتىمنى. * چاقىرىمەن قىزىمنى" شاكىرا "دەپ يېقىملىق، چۈشەر قىزىم دېسكوغا كېچىكتۇرمەي رېتىملىق. ئەركىلەتسەم "خالو"دەپ كۈلۈپ بېرەر بەك ئىللىق، مېنى تاتتى ئوغلۈممۇ يېتىشلىك ھەم تېتىملىق. * نەزىر –چىراق، توي-تۆكۈن  رېستۇرانغا جايلاشتى، بىلىسەنغۇ ئۆزۈڭمۇ خەقلەر شۇنداق  "باي"لاشتى. ئىجاد بولۇپ يېڭىلىق قىز-چوكانلار" چاي"لاشتى، گۈزەللىككە ئىنتىلىپ يۈز -كۆزىنى مايلاشتى. * ياۋرۇپاچە پاسۇندا بىزەپ قويغىن ئۆيۈڭنى، چايناپ تۇرماي تىلىڭنى ئۆزگەرتكىن  ھەم سۆزۈڭنى. باققىن يەنە  ئەتراپقا ئاچقىن دەيمەن كۆزۈڭنى، ئۆزلۈك ھەمدە خاسلىق دەپ قىيناۋەرمە ئۆزۈڭنى. * بولۇپ كەلدىڭ  سادىق ئەر ،رەڭلىك سۆرۇن يات ساڭا، تېنىچ ئاققان ئېقىندەك دولقۇنلۇرۇڭ يوق ئاڭا. ‹مەدەنيەتلىك› جاھان بۇ سەندەك ئاخماق يوق يانا، ئېچىنمىدىڭ ئۆمرۈڭگە،يا بولمىدىڭ ئەۋلىيا. * مەدەنىيەتنىڭ بەلگىسى تانسا ،رامبۇ،ئاتلوشكا ئىچەلىسەڭ مەي- شاراپ ،چېكەلىسەڭ  تاماكا. ياسىتىۋال ئۆزۈڭگە كۆركەم قىلىپ كارتوشكا، ئايالىڭغا ئېلىپ بەر ،ئەرمەك قىلىپ  ئاپشاركا. * پولو ،مانتا،لەغمەن يەپ ئوتتى ئۆمرۇڭ يېرىمى، (يوقمىكىنتاڭ بىلمىدىم يېڭىلىقنىڭ سېزىمى)، تېتىپ كۆرگىن سەنمۇ ھەم مالاچۇەرنى،خوگۇنى يەپ باققاندا بىلەرسەن ئۆزگە يەمنىڭ تەمىنى. * گۈزەللىكنىڭ ئۆلچىمى قىسقا يوپكا،ئۇچۇق بەل، نەزەر سالغىن ئەتراپقا كېرەك قىلساڭ ئۇمۇ تەل . "ھايات دىگەن مانا شۇ"ئۇرۇپ قوياي ساڭا يەل، (ئىچىڭ قاخشال بولسىمۇ ،تاشلىرىڭغا بەرگىن ھەل). * يەنە دىسىم يەنە شۇ مەدەنىيرەك بول ئاداش، بۇ كۈنلەردە بەك ئازدۇر ساڭا مەندەك بىر قاياش، لايىق كۆرسەڭ سۆزۈمنى كەل بولايلى بىز يولداش، بىز ئۈچۈنلا چاقنايدۇ ئاسماندىكى زەر قۇياش. ئۆز يازمام

angar

	ئىككى شېئىر كۈتۈش كۈتۈشلەرگە قالدىم كۈنۈشۈپ، مۇڭلانسىمۇ  باغرىمدا  پىراق. شۇ ۋىسالسىز كۈتۈشلىرىمدىن، بىر بەختنى سىزىمەن بىراق. * كۈتۈشلەردىن تۈغۇلۇپ ئارمان، چۈشلۈرۈمدە ئۈنلەيدۇ ۋىسال. سۆيگۈ تولغان ئاشىق قەلبىمدە، ئۈمۈدلىرىم چاقنايدۇ ياليال. * قەيسەرلىكنى ئۆگەتتى كۈتۈش، كۆيگۈنۈمگە يوقتۇر ئۆكۈنۈش. مۇھەببەتلىك ھېسلىرىم ئارا، چىچەكلەيدۇ مەڭگۈلۈك سۆيۈش. شائىر يۈرەك رىئاللىق تارتمايدۇ ھېچبىر زوقۇمنى، قەلبىمگە بىۋاقىت يەتكۈزۈپ يارا. بۆپ كەلدى شېئىرلا مېنىڭ دىلكىشىم، مۇڭلىرىم ئۈنلەيدۇ مىسرالار ئارا. * قاچماق بوپ يېيىلغان قاراڭغۇلۇقتىن، شېئىرنىڭ قوينىغا سىڭىپ كېتىمەن. لىرىكام بەزلىسە ئازابلىرىمنى، بۇ سەۋدا خىيالدىن ئېرىپ كېتىمەن. * شۈ گۈلگۈن ھوسنۇڭگە باقسام ھەر نەپەس، شائىرغا  ئايلىنار  ئاشىق يۈرىكىم. سۆيگۈمنى كەشتىلەپ مىسرالىرىمغا، شېئىرلىرىم چېھرىدە كۈلەر تىلىكىم. * ئۆز يازمىلىرىم

kurax114

	ياخشى شىئىر لاركەن

سۇمۇرۇغ

	ياخشى شىېرلار ئىكەن ،تېما ئىگىسىگە كۆپ رەھمەت،

nazila998

	بۇشېئىرىڭىزنى ئاتاپ مەتۇ دوستڭىز  مۇنبردىشىمىز مەتۇ ئەمەستۇ ؟

jassurman

	ئىسىل چىقىپتۇ، ئەجىرىڭىزگە تەشەككۈر!

bayhenim

	jassurman يوللىغان ۋاقتى  2012-4-17 03:14 PM ئىسىل چىقىپتۇ، ئەجىرىڭىزگە تەشەككۈر! ئېرى ئۈلەپكەتكەن بىرە باينىڭ چوڭ خوتىنى بولسا ئېلىڭ بولمىسا

bayhenim

	سىزنىڭ تىمىلىرېڭىزنى بەك ياختۇرۇپ ئوقۇيمەن تېخىمۇ كوپلىگەن تىمىلارنى يوللىشىڭىزنى ئۈمۈت قىلىمەن

ئۆل

	زامانغا ماسلشىپ مالاچۇر يەڭلا ئاجەيىپ كىنايە بىلەن تولۇپتۇ  بۇ شئېر ..ئېسل .