غاز ساتىمەن (سۇۋادان)

suwadan

	غاز ساتىمەن [blockquote]بىر كىشىنىڭ 20 ياشلارغا كىرگەن ئوغلى بار بولۇپ، دادىسى ئۇنى قولىدىن ھېچ ئىش كەلمەيدۇ دەپ قارايدىكەن، شۇڭا بۇ كىشى ئوغلىغا ئازراق ھۈنەر ئۈگۈتۈپ قوياي دەپ ئويلاپ، بىر يەكشەنبە كۈنى ئەتىگەندە ئۇ ئوغلىنى يېنىغا چاقىرىپ دەپتۇ: -ئوغلۇم، سەنمۇ چوڭ بولۇپ قالدىڭ، ئانچە مۇنچە ئوقەت قىلىشنىڭ يولىنى ئۈگەن، ئەتە-ئۆگۈن ئەسقاتىدۇ- دەپتۇ، ئاندىن بىر غازنى ئوغلىغا تۇتقۇزۇپ: -بۈگۈن يەكشەنبە، بۇنى بازارغا ئاپىرىپ سېتىپ كەل، نەچچە پۇل دىسە 25 كوي دىگىن، باھا تالاشسا 20 كويغا بەرسەڭ بولىدۇ دەپتۇ. ئوغلى ماقۇل دەپ غازنى كۆتۈرۈپ بازارغا كېلىپ ئەپلىك بىر جاينى تېپىپ، غازنى ئالدىغا قويۇپ ئولتۇرۇپتۇ. بالا كەچ بولغىچە ئولتۇرۇپ غېزىنى ساتالماپتۇ، ئەمدى ئۆيگە كېتەي دەپ تۇرىشىغا سەتەڭ بىر ئايال كېلىپ غازنى سوراپتۇ، بالا 25 كوي دەپ، ئايال 20 كوي دەپ، ئىككىسى كېلىشىپ بالا غازنى كۆتۈرۈپ ئايالنىڭ ئۆيىگە ئاپىرىپ بېرىدىغان بوپتۇ. ئۇلار ئايالنىڭ ئۆيىگە كەپتۇ، ئايال ئۇنىڭغا چاي دەملەپ بېرىپتۇ، بالا چاي ئىچىپ ئولتۇرسا ئىشىك چېكىلىپتۇ، ئايال: ۋاي ئېرىم كېلىپ قالدى، بىردەم مۆكۈپ تۇرۇڭ دەپ بالىنى كىيىم ئىشكابىغا سولاپ قويۇپتۇ، سىرتتىن كىرگەن كىشىمۇ چاي ئىچىپ ئولتۇرسا يەنە ئىشىك ئۇرۇلۇپتۇ، ئايال يەنە ھېلىقى كىشىنى  ۋاي ئېرىم كېلىپ قالدى دەپلا ئۇ كىشىنىمۇ شۇ ئىشكاپقا سولاپ قويۇپتۇ، دىمەك ئۇمۇ ئايالنىڭ ئېرى ئەمەسكەن، 3- قېتىم كىرگەن كىشى ئايالنىڭ ئېرىكەن، ئۇلار چاي ئىچىشىپ، خېلى ئۇزۇندىن كېيىن چىراقنى ئۆچۈرۈپ ئۇخلىشىپتۇ. ئىشكاپ ئىچىدىكى ئىككىسى ئەمدى ئاران تىنغىدەك بوپتۇ، قاراڭغۇدا بىر بىرىنىڭ چىرايىنىمۇ كۆرمەيدىكەن، بىر چاغدا بالا بوش ئاۋازدا گەپ قىپتۇ: -ئاكا، غاز ئالامسەن؟ ئەر ناھايىتى بوش ئاۋازدا: ياق، ئالمايمەن دەپتۇ بالا ئاۋازىنى سەل يۇقۇرلىتىپ: -ئاكا، غاز ئالامسەن، دەپتۇ. ھېلىقى ئادەم ئۆي ئىگىسىنىڭ ئاڭلاپ قېلىشىدىن قورقۇپ: ھە، نەچچە پۇل دەپتۇ. -20 كوي دەپتۇ بالا، ئەر 20 كوينى بېرىپ غازنى قۇچىقىغا ئېلىپ ئولتۇرۇپتۇ. بىردەم ئۆتۈپ بالا: ئاكا، غېزىمنى قايتۇرۇپ بېرە دەپتۇ، ئۇ كىشى، ھەي، غېزىڭنى ماڭا ساتتىڭغۇ دىسە، بالا ئاۋازىنى يۇقۇرلىتىپ: بېرەمسەن- بەرمەمسەن دەپتىكەن، ھېلىقى كىشى قورقۇپ كېتىپ دەرھال قايتۇرۇپ بېرىپتۇ.   يەنە بىردەم ئۆتۈپتۇ، بالا ھېلىقى كىشىگە ئاكا، غاز ئالامسەن دەپ غېزىنى يەنە سېتىپتۇ، ئۇ بىچارە ئاۋازى ئۈنلۈك چىقىپ كەتسە ئۆي ئىگىسىنىڭ بىلىپ قېلىشىدىن قورقۇپ بالىنىڭ دىگىنىنى قىلىپتۇ. شۇنداق قىلىپ ئۇ بالا كېچىچە غېزىنى سېتىپ، كەينىدىن قايتۇرىۋېلىپ تاڭ ئاتقۇزۇپتۇ.     تاڭ يۇرىشى بىلەن ئۆي ئىگىسى سىرتقا چىقىپ كېتىپتۇ، ئىشكاپ ئىچىدىكى ئادەممۇ دەرھال قېچىپتۇ، بالا ئارقىدىن غېزىنى كۆتۈرۈپ ئۆيگە كەپتۇ. بالا ئۆيگە كەلسە دادىسى پىشايۋاندىكى كارۋاتتا چاي ئىچىپ ئولتۇرغان، قاپاكلىرى ساڭگىلاپ كەتكەن، بالا دادىسىنىڭ ئالدىغا بېرىپ خوشال ھالدا:  -دادا، دادا، كۆردىڭمۇ، سەن مېنى 20 كويغا سات دىگەن غازنى مەن 2000 كويغا سېتىپ، يەنە تېخى غازنى قايتۇرۇپ كەلدىم دىيىشىگە دادىسى چاچراپ قوپۇپ بالىنى شاپىلاق بىلەن بىرنى ساپتۇ، بالا گاڭگىرىغان ھالدا: - دادا، نىمە ئۇرىسەن مېنى دىسە، دادىسى: ھەي شۇم، ئەكە پۇلنى، غازنى كېچىچە ماڭا ساتتىڭ دىگۈدەك.   مەنبە: بۇ تېمىنى ئىلگىرى «شەبنەم» تورىدا ئوقۇغان ئىدىم، ئاپتورى ئېسىمدە قالماپتۇ، مىسرانىمدا كۆرمىگەنلەر بولسا ئوقۇپ باقسۇن دەپ يوللىدىم، مىسرانىمغا كۈنۈۋالغۇچە كونا تېمىلارنى يوللاپ تۇراي دەيمەن، بۇندىن كېيىن چوقۇم يېڭىدىن يازىمەن. [/blockquote]

گۈل-چۈشى

	سۇۋادان ئۆزىڭىزنىڭمۇ شۇنداق ياخشى تېمىلىرىڭىز بار، شۇنىمۇ قۇشۇپ يوللىڭە،، كونا تېما بولسىمۇ ياقتۇرۇپ ئۇقۇيمىز... قايتا-قايتا ئۇقۇساقمۇ ئەرزىگۈدەك قىزىقارلىق شۇنداقلا تېتىملىق تېمىلارنى يازىدىغان تۇرسىڭىز...

pingivin

	ھەر ھالدا ئۆزىڭىزگە دىققەت قىلىڭ! كىيىنچە ئاشۇنداق غاز ساتقۇچى بالىغا ئۇچراپ قالماڭ يەنە

hababam

	[s:40]  [s:40] كۈلۈپ تۇرۇپ ئويلىنىپ كەتتىم..........  [s:47]

karrwan

	ئالامەت يۇمۇر بوپتۇ بۇ، [s:30]  [s:30]

bala~bala

	ھې ھې ھې  ھې~~~~~بۇ تېما سەلكىندە توخو ساتىدىغان ھىكايە ئىدى~~~~سەت قاملاستۇرۋەتكەنتى~~~~~~~~~~قىززىق جۇمۇ بۇ تېما~~~رەھمەت

bala~bala

	كىم ماڭا قانداق قىلىپ مۇنبەر ئىسمىمىزنى ئۇيغۇرچە قىلىشنى ئۈگۈتۈپ قويىدۇ~~~~~~~زادى قىلالمايۋاتىمەنغو~~~

tozan

	كۈلكىلىك يۇمۇركەن. [s:34]  [s:34]

saptilak

	ئەسسالام سۇۋادان، ياخشىمۇ سىز؟ سىزنىڭ شەبنەمدە ئىلان قىلغان نۇرغۇن ياخشى ئەسەرلىرىڭىز بار ئىدى. شۇنىمۇ تاللاپ يوللاپ بەرسىڭىز، كۆرمىگەنلەر ھۆزۇر ئالسا. بىزدەك ئوقۇغانلار يەنە بىر قىتىم شۇ ئەسەرلىرىڭىزدىن ھوزۇرلانساق.

parexta

	راسىت قىززىق كەن! [s:35] ئىسىل ئەسەرلىرىڭز توختاپ قالمىسۇن