باشقىلار ئۈچۈن ياشا (ھېكايە )

eerpan

	باشقىلار  ئۈچۈن ياشا ھېكايە نەجىپ .مەھبۇز  ( مىسىر ) ئۆزبەكچىدىن ئۇيغۇرچىلاشتۇرغۇچى : ئىرپان ئابدۇراخمان كەچقۇرۇنلىرى بېغىغا كىرىپ ئۇنىڭدىن خۇشاللىق تېپىشنى ياخىشى كۆرەتتى .بۇ ئۇنىڭ ئادىتىگە ئايلانغان ئىدى . ئۇنىڭدىن باشقا چاغلىرىنى ئۆيىدە ئۆتكۈزەتتى ، زۆرۇر ئىش بولغاندىلا كوچىغا چىقاتتى . ئىللىق سىنتەبىر ئايلىرىنىڭ بىرىدە ئۇ بېغىغا كىرىپ ئەتراپقا نەزەر تاشلىغىچە رېشاتقا بويلاپ كەلدى . ئۇ گۈللۈكتىكى گۈللەردىن ھۆزۇر ئالغانچە ، قوشنا ھۆيلىنى ئايرىپ تۇرغان سىم توساق ئالدىدىكى كروسلوغا كېلىپ ئولتۇردى . كەچلىك گېزىتنى قولىغا ئېلىپ ئوقۇشقا باشلىدى . ئۇنىڭ يۈرۈش –تۇرۇشىدا ، چىرايىدىن بىر خىل غورۇر بالقىپ تۇراتتى .ئۇنى ھازىرقى ھالىتىدە بىرسى كۆرسىمۇ بىرەر ئسىل ئائىلىنىڭ خوجايىنى دەپ قالاتتى .ئۇ باشقىلاردىن خاتىرجەم ھالىتى ھەم بىر ئىشلارغا تەمكىن مۇئامىلىسى بىلەن ئايرىلپ تۇراتتى ، كۆزلىرىدىن دانالىق ھەم مەرتلىك نۇرلىرى بالقىپ تۇراتتى . يۇمۇلاق بېشى ۋە قېلىن بۇرۇتى ئۇنىڭ بۇ تۇرقىغا تولىمۇ ماس كەلگەن ئىدى .ئۇ قىرق بەشلەرگ كەلگەن بولسىمۇ ، كۆرۈنىشىدىن ئوتتۇز بەش ياشلاردەك كۆرۈنەتتى . ئادۇراخمان ۆرىسلوغا يانچە ياتقانچە گېزىت ئوقۇشقا شۇنچىلىك بېرىلىپ كەتكەن ئىدىكى ،تۇيۇقسىز چىققان ئاۋازدىن چۆچۈپ كەتتى . -        ئەەسىلامۇ ئەلەيكۇم ، ئاكا ئۇ گېزىتنى قويۇپ قوشنىسىنىڭ بېغى تەرەپكە ئۆرۈلدى .ئڭ ياقتا بىر قىز ئۇنىڭغا قاراپ تۇراتتى . قىزنىڭ كۆزلىرى نۇرلۇق ، قاپقارا كۆزلىرىدىن ئىشەنچ ھەم سەمىمىيەت بالقىپ تۇراتتى . ئابدۇراخماننىڭ يۈزىگە ياسىمەننىڭ خۇش پۇرىقىنى تارىتىپ مۇزدك ئۇرۇلدى . -        ۋەئەلەيكۇم ئەسسالام ، سامارا – جاۋاپ بەردى ئۇ . قىز كۈلۈمسىرەپ قويۇپ يېنىدىكى كۈچۈكى بىلەن ئويناشقا باشلىدى .قىز ئون ئالتە ياشتا .قىزنىڭ چىرايلىق يۈزلىرى ۋە كېلىشكەن قەددى - قامىتى خېلىدىن بۇيان ئابدۇراخماننىڭ خۇشاللىقىنى ئوغۇرلىغان ئىدى . ئۇ قىزنىڭ ئىتىنى ئىشارە قىلىپ سورىدى : -        ئەھۋالى قانداق ئۇنىڭ ؟ -        خۇداغا شۇكرى پۈتۈنلەتي ياخشى بولۇپ كەتتى . -        ھەر ھالدا – دېدى ئۇ كۈلۈپ – ئىسكەندىرىيەنىڭ ھاۋاسى ياراشمىغاندەك قىلىدىغۇ ئۇنىڭغا  ؟ -        ئۇنداق ئەمەس ،ئۇ يەر بۇنىڭغا بەك ياراشتى ،ئۇ يەردە بەك خۇشال ئوينىدى . ئۇ كۆزىنى سامارادىن ئۈزمەي قاراپ تۇرۇپ ، ئۇنىڭ ئاپتاپتا قارايغان يۈزى ، جەزبىدار كۆزلەرى ئۇنى تامامەن رام قىلىۋالدى . -        سامارا قۇياشتا تازا كۆيۈپسەن ھە ؟ قىز كۈلۈپ قويدى . ئابدۇراخماننىڭ مەنىلىك قاراشلىرىنى يەنىمۇ ئۆتكۈرراق تۇس ئالدى .ئۇزۇندىن  بىر يانغا تاشلاپ قويغان ئويلىرىنىڭ ئورنىنى شېرىن خىياللار ۋە ئارزۇلار ئىگەللىدى .ئۇ ئورنىدىن قىمىر قىلماي ئولتۇرۇپ يېنىدىكى ئەرمەك كۈچۈكىنى ئويناۋاتقان ساماراغا زوق بىلەن ئۇزاق قارىدى .سامارا بولسا كۈچۈكىنىڭ ئۇزۇن ، ئاپئاق تۈكلىرىنى سىلاپ ئويناپ ئولتۇراتتى .كۈچۈكمۇ خۇش بولۇپ دۇمبىلىرىنى لىكىلداتقىنىچە ئىگىسىنىڭ قولىنى يالىدى ۋە تىزىغا سەكرەپ چىقىۋالدى . سامارانىڭ يۇمشاق ، ئۇزۇن چاچلىرى بوينىنى ئوراپ تۇراتتى .ئابدۇراخمان بۇنىڭغا قاراپ زوقلىنىۋاتاتتى .قىز ئۇنى بالىلىقىدىن باشلاپ ‹ ئاكا › دەپ چاقىراتتى ، ھازىرمۇ ھەم شۇنداق .ئۇ چاغلاردا ئۇ قونچاق ئويناپ يۈرىدىدىغان كىچىك قىز ئىدى .بۇرۇن ئۇنى شۇنداق چاقىرسا ئۇ خۇش بولاتتى ، چۈنكى ئۇ ئۇنى قىزىدەك كۆرەتتى .ئەمدى بولسا قىزنىڭ ئۇنداق چاقىرىشى ئۇنى خىجالەت قىلاتتى ، ھەتتا كۆڭلى يېرىم بولاتتى . ناۋادا ‹ ئاكىسى › ئۇنىڭغا ئۆيلەنسە بۇ توغرا بولارمۇ ؟ تۈرمۇۈش قۇرۇش يېشىغا يەتكەنلەر ئۈچۈن ياش توسالغۇ بولمايدۇ ھەم بۇنىڭغا ئېتىبار بېرىشمەيدۇ .ئەمما بۇ بەخت ئۈچۈن كۈرەش قىلىش بەك قىيىنغا چۈشەمدىكىن ؟ ئۇ ئىچكى ئىشلار ۋەزىرلىكىدە ئىشلەيدىغان تەپتىش ، ئايدا ئون بەش فونت بىلەن كۈنىنى ئۆتكۈزىدۇ . .ۇنىڭ يىغىپ قويغان مال  دۇنياسى ۋە مەنسىبى بىلەن قىزنىڭ يۈرىكى ئالالىسىمۇ ، لېكىن قىزنى سۆيگەن تەغدىردىمۇ ئۆزىنىڭ ھىسسياتىنى يېڭىشى قىيىن ھەم بۇنىڭغا ئامالى يوق ئىدى .ساھىبجامال قىز ئوم ئالتە يىلدىن بۇيان كۆز ئالدىدا چوڭ بولدى .بۇ قىز ئۇنىڭ يالغاۇز ئۆتكەن ھاياتىغا سوۋغا قىلغان تەغدىرنىڭ يىگانە ئىنايىتى ئىدى .مۇھەببەت ئۇنىڭغا ئاستا –ئاستا يېققىنلاشتى ۋە پۈتۈن ۋۇجۇدىنى ئىگەللەپ ئالغان ئىدى . ئابدۇراخمان قىزنىڭ بەختلىك ۋە تەشۋىشسىز ئۆتكەن بالىلىقىغا شاھىد بولدى .بۇ ئۇنىڭ يالغۇزلىقىنى تېخىمۇ گۈزەل كۆرسىتىشكە سەۋەپ بولغان ئىدى .ئۇ قىزنى ياخشى كۆرۈپ قالغاندىن كېيىن ئۇنىڭ خاتىرجەملىكى يوقالدى .ھازىر ئۇنى ھەممە نەرسە ، ياش قىز بىلەن تاسادىپى ئۇچرۇشىپ قېلىشلار ۋە ئۇنىڭ بىلەن بولغان سۆھبەتلەرمۇ ئۇنى قىينايتتى .ئابدۇراخمان قىزغا مۇھەببەتكە تولغان ھالدا نەرەز تاشلايتتى ، ئەمما سامارا بۇنى سەزمەي ‹ سۆيۈملۈك ئاكا › دېگىنىچە سۆزىنى داۋاملاشتۇراتتى .قىزغا كۆڭلىنى ئىزھار قىلسا نېمە دەپ جاۋاپ بېرەر ؟ قانداق ھېسىياتتا بولۇشۇ مۇمكىن ؟ قىز ئاتىسىغا نېمە دەەيدۇ ؟ قانداق چۈشەندۈرىدۇ ؟ ئۇ چاغدا ھازىرقىدەك كۆرۈشۈش نېسىپ بولامدۇ ؟  ئۇ قىزدىن پۈتۈنلەي مەھرۇم بولسىچۇ ... ئابدۇراخمان قىزنى ئاتىسى – دوستى بىلەن بۇ ئىش ھەققىدە خاتىرجەم سۆزلىشەلەيدۇ .لېكىن ئۇ قانداق جاۋاپ بېرەر ؟ بۇ نېمە دېگەن قىيىن ئىش ھە ! ئۇ كۆزلىرىنى يۇمۇپ بولىدىغان شۇ سۆھبەتنى ئويلاشقا باشلىدى . ‹‹ دوستۇم مەن ناھايىتى مۇھىم ئىش بىلەن ئالدىڭغا كېلىۋاتىمەن . سەن بۇنىڭغا قوشۇلامسەن – قوشۇلمامسەن بىلمەيمەن .. بەلكى بۇ ئىش ھەققىدە دېيىشكە مەن ھەقلىق ئەمەستۇرمەن ، لېكىن ،ەيلى قانداق بولسۇن سەن بىلەن سۆزلىشىپ باقماقچىمەن ... ›› ئۇ خىيالىدىكى سۆھبەتنى داۋاملاشتۇرغان بولاتتى ، ئەمما تولىمۇ تاتلىق ئاۋازدىن ئۆزىگە كەلدى . -        ئۇخلاۋاتامسىز ؟ -        ياق . -        كەچۇرۇڭ ،مەن كۆزىڭىزنىڭ يۇمۇپ ئولتۇرغىنىڭىزنى كۆردۇم . -        مەن خىيال قىلىۋاتاتتىم -        نېمە ھەققىدە ؟ ئۇ ياش سۆھبەتدىشىنىڭ يۈزىگە سەپ – سېلىپ قارىدى .ئۇنىڭغا ھەممىنى دېيىش كېرەكمۇ ؟ ياق بۇنىڭغا تېخى بالدۇر ، ھازىر پۇرسىتى ئەمەس .ئەڭ ياخشىسى دېمەي تۇرغىنىم ياخشى . قىز  ئالدىدىكى خىجىللىقى ئۇنىڭغا قامچا تەگكەندەك بىلىندى .ئۇ بىردەم قىمىرلىماي ئولتۇردى ، ئاندىن قىزنىڭ كۆزىگە قارىدى .قىززىق ، قىزنىڭ چىرايى ئۆزگەرگەن ، قىپ – قىزىل لەۋلىرى تىترەيتتى .قىز ئۇنىڭغا بىردەم خۇدۇكسىرەپ قارىدى – دە ، ئۆيى تەرەپكە يۈگرەپ كېتىپ قالدى .ئابدۇراخمان كەينىگە ئۆرۈلۈپ قارىدى ، كۈلگىنىچە ئۆزىگە يېققىنلاپ كېلىۋاتقان ئۇكىسىنى كۆردى .ئابدۇراخماننىۇ يۈرۈكى قانداقتۇر بىر نەرسىنى سەزگەندەك تېز سوقۇپ كەتتى .ئۇ چاندۇرماي ئۇكىسىدىن سورىدى . -        ھە ، دوختۇر ، ئىشلار قانداق ؟ ياش يىگىت كۈلۈپ قويدى . -        سەن نېمە دېگەن بەختلىك ھە ! ئاكا ؟ ئۇ بۇ گەپنى نېمىگە قارىتىپ دەۋاتقانلىقىنى بىلسىمۇ ،چۈشەنمىگەندەك قايتا سورىدى . -        بەختلىك ؟ -        ھە ، ئەلبەتتە . سامارا بىلەن سۆزلەشكەن ھەرقاندا ئادەم ئۆزىنى بەختلىك سانىسا بولىدۇ . ‹ ئۇكان ئۆتۈپ كەتكەن كاززااپ ياكى ئەخمەق .. ئەسلىدە سامارا بىلەن سۆزلەشكەن ئادەم بەختلىك ئەمەس ،بەلكى ئۇنى خىجىل قىلىپ قاچۇرۋەتكەن ئادەم بەختلىكتۇر .بەلكىم بۇ ياش بەختلىكتۇر . بۇ ئۇنى چۈشۈنەرمۇ ؟ئۇ مېنى مەسخىرە قىلىپ كۈلۈۋاتقاندۇ ؟ ئابدۇراخمان ئۆزىنىڭ ھاياجىنىنى چاندۇرماسلىق مەقسىتدە گەپنى باشقا يەرگە بۇراپ ئۇنىڭدىن سورىدى : -        تۈنۈگۈنكى كېچىنى قانداق ئۆتكۈزدۇڭ ؟ ئەنۋەر ئۇنىڭ يېنىغا كېلىپ ئولتۇردى . -        ئاخشام  ‹‹ئەل – ئاينى  قەسرى ›› ناھايىتى قىززىق ئىشلار  بولدى ، شۇ يەردە بولدۇم . ئۇ ئۇكىسىغا  جىمغىنە  قاراپ ئولتۇرۇپ ، خىيالىدا باشقا نەرسىلەرنى ئويلاشقا باشلىدى .ئۇ ئەنۋەرنى  ياخشى كۆرەتتى ،خۇددى باشقا ئۇكىلىرىنى ئاسرىغاندەك ئاسراپ ، مېھرىبانلىق كۆرسۇتۇپ كەلگەن ئىدى .لېكىن بەزى چاغلاردا يۈرۈكى تەشۋىشكە تولاتتى .راستنى ئېيتقاندا ئۇكىسى سامارا ھەققىدە گەپ قىلسا ئۇنى يامان كۆرۈپ قالاتتى .ئۇكۇسى قىزنىڭ نامىنى تىلغا ئالسا قىينىلىپ بىئارام بولاتتى .ئاكا ئەنۋەرنىڭ پارلاق كەلگۇشى ئۈچۈن كۆپ مېھنەت قىلدى .لېكىن ئۇكىسى چوڭ ئاكىسىنىڭ يۈرۈكىدىكى تۇيغۇلارنى چۈشۈنەمدىكىن ؟ ئۇكىسى ئۇ گۈزەل قىزنى باشقا بىرىنىڭ ياخشى كۆرۈپ قالىدىغانلىقىنى خيالىغىمۇ كەلتۇرمەيتتى . ئۇ ئۆزىنىڭ تەشۋىشلىرى بىلەن بەنت ئىدى . -        مەن مۇھىم بىر ئىش ھەققىدە مەسلىھەت ئالغىلى كەلگەن ئىدىم . -        ئابدۇراخماي ئۆز ھېسسىياتىنى چاندۇرماي خاتىرجەم ھالدا دېيىشنى ئېيتتى . -        گېپىمنى ئاڭلا – سۆزلەشكە باشلىدى ئۇكىسى ئولتۇرمايلا – ھازىر خىياللىرىم بەك قالايمىقانلىشىپ كەتتى .بىر ئايدىن كېيىن دوختۇرخانىدىكى پىراكتىكام تۇگەيدۇ . ئوقۇتقۇچۇم مېنى برۇن دوختۇرخانىسىدا دوكتۇرلۇققا تەكلىپ قىلدى .ئادۇراخمان خېلى يەڭگىل تىنىپ خۇشال بولۇپ ۋاقىردى . -         تەبرىكلەيمەن ، تەبرىكلەيمەن ، سەن بۇنىڭغا لايىقسەن . ئاپىرىن . ئەنۋەرنىڭ گېپى تۇگۇمىگەندەك قىلاتتى ، ئۇ سۆزنى داۋاملاشتۇرماقچى بولىۋاتقاندەك قىلاتتى .ئۇ خىجالەت ئارلاش قوشۇپ قويدى . -        ياق ... مەن دېمەكچى ...ئەگەر كەتسەم  ئۆزەم يالغۇز كەتمەيمەن . -        ھېچنەرسىنى چۈشەنمىدىم –  ھەيران بولۇپ ئابدۇراخمان ، لېكىن يۈرۈكى قانداقتۇر بىر تەشۋىشنى سەزمەكتە ئىدى . ئەنۋەر ھاياجىنىنى بېسىلىپ سۆزىنى داۋام قىلدى . -        مەن ئۆيلىنىپ خويۇنىمنى بىرگە .ېلىپ كېتىمەن . -        توساتتىن بۇ گەپ چىقتىغۇ ؟ بۇرۇن ئۇنداق گەپ بولۇنمىغانغۇ ؟ -        بولمىغان . -        ئەمىسە نېمە بولدى ؟ -        نەگە بېرىشىمنى بېكىتمەستىن بۇرۇن بۇ ئىشلارنى دېمەي دېگەن ئىدىم . ئابدۇراخمان سۈكۈتكەكە چۆكتى . ئۇ ئۆز ھاياجىنىنى بىر ياققا قويۇپ سورىدى : -        سەن قەتئىي شۇ قارارغا كەلدىڭما ؟ كىمگە ئۆيلەنمەكچى سەن ؟ -        ساماراغا – دېدى ئەنۋەر قوشنا ئۆينى ئىشارە قىلىپ . ئابدۇراخمان بۇ گەپلەرنى سۈكۈت ئىچىدە تۇرۇپ ئاڭلىدى . -        سېنىڭ پىكرىڭ قانداق ؟ -        ياخشى تاللاپسەن ، دەل جايىدا تاللاپسەن – دېدى ئابدۇراخمان غۇدۇراپ . -        سەندىن مىنناردارمەن ئاكا .سەندىن ئۆتۈنەي ماڭا ياردەم بەرگىن ، ئەتە ئۇنىڭ دادىسى بىلەن كۆرۈشەيلى ، ئىشىنىمەنكى ئۇ چوقۇم رەت قىلمايدۇ . -        ماقۇل دىگىنىڭدەك قىلايلى . -        مېنىڭ بىرنەچچە ئايلا ۋاقتىم بار . مەن بۇ ۋاقىتتا ئۆيلىنىشىم ۋە ئەنگىلىيىگە بېرىشقا تەييارلىق قىلىشىم كېرەك ، مەن شېرىن ئېيىمىزنى ئېسىلزادىلەردەك ساياھەت قىلىپ ئۆتكۈزمەكچىمەن . ئەنۋەر چىقىپ كەتتى . ئابدۇراخمان ئۇ ئىشىكنى يېپىپ قارىسى يۈتكۇچە ئارقىسىدىن قاراپ تۇردى .ئۇ مەيۇس ئىدى ، كۆزىگە ھېچنەرسە كۆرۈنمەيتتى .تۇمان قويۇقلاشتى ۋە ھەممە ياق سۈكۈتكە چۆمدى . ئۇ ئورنىدىن تۇردى ،، ئەمما كىچىك باغچىنى ئايلىنىپ يەنە ئورنىغا كېلىپ ئولتۇردى .ئابدۇراخمان يىگىرمە يىل ئەۋۋەلقى ئۆتمىشىنى ئەشلەشكە باشلىدى .ئۇ چاغلار خۇشاللىق تولا بەختىيار چاغلادر ئىدى .ئۇ شۇ چاغلاردا ناھايىتى خۇشچاقچاق ياش بولۇپ ،كەلەۇسىدىكى ھاياتىغا نۇرغۇن ئۇمۇدلىرى بار ئىدى .ئۇ چاغلارئۇنىڭ ئۈچۈن ھازىرقىدەك  شەپقەتسىز ئەمەس ئىدى .ئابدۇراخمان ئۆينىڭ چوڭى بولغاچقا ، ئاتا –ئانىسى ئىلاجى بار ئۇنى تۇرمۇشتا خۇشال قىلىشقا تىرىشاتتى .مەكتەپتە ئەقىللىقلىقى ۋە تىرىشچانلىقى بىلەن باشقا بالىلاردىن ئايرىلىپلا تۇراتتى .ھەممىسىنى ئۇنىڭدىن پارلاق ئىستىقبالنى كۆرۈشەتتى .شۇنداق بولىشى مۇمكىن ئىدى ، بىراق تۇيۇقسىز ئاتىسى ئالەمدىن ئۆتتى .ئاتا بەختسىز توت يېتىم بالىنى قالدۇرۇپ ئۇ دۇنياغا كېتىپ قالدى .بۇ ئائىلە توت فونت نەپىقە پۇلى ئاران تۇرمۇش كەچۇردىغان بولۇپ قالدى .ئابدۇراخمان ھاياتنىڭ تۈنجى شەپقەتسىز بورىنى بىلەن ئۇچراشتى .ئۇنىڭ بارچە ئارزۇ – ئارمانلىرى ۋەيران بولدى .بۇرۇن ئائىلىنى باققۇچى ئاتا بولغان بولسا ، ئەمدى بۇ يۈك ئابدۇراخماننىڭ زىممىسىگە چۈشتى .باشقا يول يوق ئىدى ، ئۇ دەسلەپ بۇ ھەقىقەتنى چۈشۈنۈپ يېتەلمىدى . يۈرەكنى ئۆرتەيدىغان ئېغىر كۈنلەر باشلاندى .لېكىن ئۇ ھەممىگە چىدىدى .ئۇنىڭ ئۇستىدە ئۇكىلىرىنىڭ ھالىدىن خەۋەر ئېلىش بولغاچقا ، ئۆزى ھەققىدە پەكەت ئويلىمايدىغان بولدى .ئۇ بارلىقىنى ئانىسى ۋە ئۇكىلىرىغا بېغىشلىدى .ئۇ يەنە بىر بەختكە – باشقىلارنڭ بەختى ئۈچۈن كۈرەش قىلىش بەختىگە مۇيەسسەر بولدى . ئۇ ھەتتا ئۆيلىنىش ھەققىدە ئويلاپمۇ قويمىدى .بۇنداق پۇرسەتلەرنى ئۆيىدىكىلەرگە نېسىپ قىلدى . بۇ ئىنسان سەبر قىلغان بىلەن ئۇكۇلىرى سەب قىلالمىدى .ئۇنىڭدىن كىچىكى ساقچى مەكتىۋىنى پۇتتۇرۇپ ساقچى بولدى  ۋە تېزلا ئۆيلەندى .كەينىدىن ئىككىنجى ئۇكىسى ئىنجىنىرلىق دېپلومىنى ئېلىپلا ئۆيلەندى .ئابدۇراخمان بولسا بويتاق بولۇپ قېلىۋەردى . ئانىنىڭ ئاۋازىنى ئۇنىڭ خىيالىنى بۆلدى . -        ئابدۇ ، قاراڭغۇدا ئولتۇرۇپ كېتىپسەنغۇ ؟ ئۇ كۈن پاتقاننىمۇ سەزمەي قالغان ئىدى .ئۇ ئېغىر قەدەملەر تاشلاپ ئۆيگە كىردى . -        ئەنۋەر سەن بىلەن سۆشلەشتىمۇ ؟  - سورىدى ئانا . -        ھە      -        خوش ، ئۇنىڭ قارارىغا نېمە دەيسەن ؟ -        ئۇنىڭ تاللىغان قىزى ياخشى .مەن ئەتە قوشنىمىز بىلەن سۆزلىشىمەن .ئەنۋەر ئۈچۈن ئۇنىڭ ماقۇللىقىنى ئالىمەن . -        مانا ئەمدى ھەممە قۇشلىرىم ھەممە ياققا ئۇچۇپ كېتىدىغان بولدى . سەندىن باشقا ھەممىسى  - دېدى ئانا كۆڭلى بۇزۇلغان ھالدا . ئۇ گەپ قىلمىدى . بەلكىم ئۇنىڭغا كېلىۋاتقان بۇ بەختسىزلىكلەر ئۇنچىلىك قورقۇنۇچلۇق ئەمەستۇر .بۇ بىرىنجىسى ئەمەس ئىدى .ھايات ئۇنى بىر نەرسىگە ، سەۋىر –تاقەت قىلىشقا ئۆگەتكەن ئىدى .ئۇ شۇنى چۈشۈنۈپ يەتتىكى ،ھاياتنى باشقىلارغا بېغىشلىغاندا بەخت – سائادەتكە ئېرىشكىلى بولىدىكەن .

musilina

	نېمە دېگەن ئېسل  ئاكا بۇ،قېرىنداش دېگىن شۇنداق كۆيۈمچان بولسا،بىراقزە قېرىنداشلىرىنىڭ بەختىنى دەپ ئۆز بەختىنى قولدىن بېرى قويۇپتۇ... ئېسىل تەرجخمىلىرىڭىزنى قالدۇرماي دېگۈدەك ئوقۇۋاتىمەن،تەرجىىمە قابىلىيىتىڭىزگە ئاپىرىن... كۆپ جاپا چېكىۋاتىسىز..

gurbet_kizi

	najip mahpuz ning hikayilirini xundak yahxi korman , uq kuqa tirlogiysini mu naqqa ketim okuginim nimu bilmayman ,

bayhenim

	musilina يوللىغان ۋاقتى  2012-4-14 12:46 AM نېمە دېگەن ئېسل  ئاكا بۇ،قېرىنداش دېگىن شۇنداق كۆيۈمچا ... مەنمۇ ئەگەشتىم

eerpan

	musilina يوللىغان ۋاقتى  2012-4-14 12:46 AM نېمە دېگەن ئېسل  ئاكا بۇ،قېرىنداش دېگىن شۇنداق كۆيۈمچا ... رەھمەت سىزگە ، مېنى قوللاپ - قۇۋۋەتلىگىنىڭىزگە ، ھەممە ئەسەرلىرىمنى ئوقۇپ چىققانلىقىڭىزنى ئاڭلاپ بەك خۇش بولدۇم . مەن تەرجىمانلىقتا مۇنتىزىم ئوقۇمىغان بولغاچقا بەلكىم خاتالىقتىن خالىي ئەمەس بولۇشى مۇمكەن .