ئىككى ئېغىز سۆز

naziza

	ئارتۇق گەپ بىلەن خوشۇم يوق ، بىۋاسىتە تىمىغا كېلەيلى . باياتىن تور ئارىلاپ بىرنەرسە كۆرۈپ ئولتۇرۇپ ، " بۇ ئىككى ئاشىق-مەشۇقلارغا قاراپ باقايلى" ( يۈسۈف ۋە ئەلفىرە ئىسىمىدىكى ئىككى ياشنىڭ ناخشا فىلىملىرى ئىكەن ) گە كۆزۈم چۈشۈپ قالدى . ۋە يەنە شۇ بۇرۇنقىدىن ئازراقمۇ تەرەققىي قىلمىغان مېڭىسىز ، قۇۋۋەتسىز ، پۇراقسىز ، تەمسىز ، مەنىسىز ... يەنە بىر نېمە "سىز " ئىنكاسلارنى كۆرۈپ تىلداشلىرىمغا ئىچ-ئىچىمدىن ئېچىندىم . بىز ئۆزىمىزنىڭ تېتىقسىزلىقىمىزنى تور دۇنياسىدا كامالەت بابىغا يەتكۈزگەنىكەنمىزكى ، ئەييۇھەنناس ، ئەبگالىقىمىزنى ئىنكاسلار ئارىسىدىكى يالغان ئالىيجانابلىق بىلەن كۈچەپ يوشۇرساقمۇ نومۇسسىز ، مەسئۇلىيەتسىز مەسخىرىلىرىمىز ئىشتاننىڭ پۇشقىقىدىن سىيرىلىپ چۈشكەن نىجاسەتتەك بىزنى تور دۇنياسىدا لەت قىلماق ئېتىپتۇ . مەن بۇ ئىنكاسلاردىن ھېچقانداق لوگىكىلىق مەنا ياكى يەكۈن ئالالمىدىم ، ياكى پەقەت مۇنداقلا مەنىلەر چىقتى دېسەكمۇ بولغۇدەك : 1. ئۇيغۇر ئېنگلىزچە ناخشا ئېيتماسلىقى كېرەككەن ؛ 2. ئۇيغۇر مۇھەببەتلەشمەسلىكى كېرەككەن ؛ 3. ئۇيغۇر تورغا ناخشا فىلىملىرىنى چىقارماسلىقى كېرەككەن ... دېگەندەك ... ئۇنداقتا ، ئۇيغۇر نېمە ئىش قىلىشى كېرەك ؟ ئۇيغۇر توردا قوڭ كوچىلىشى كېرەكما ؟ ھەي قاچان قۇتۇلارمىز مۇشۇ ئىللەتلىرىمىزدىن . مەنغۇ ئۆزۈمنى ئەزەلدىن سىلەرگە ئوخشاش قانداقتۇر مىللەتنى نۇرلۇق يولغا باشلىغۇچى ، جاھالەتتىن قۇتقۇزغۇچى زىيالىي ياكى ئۆلىما ئورنىغا قويۇۋالمايتتىم . لېكىن بۇ يەردە قانداقتۇر بىر مەنتىقە قالايمىقانلاشتۇرىۋېتىلگەنمۇ قانداق تىلداشلار ؟ كەتمەن چاپماي ئاق نان يەيمەن ، قوي باقماي پاخلان يەيمەن ، دەيدىغان ناچار خۇيىمىز ، جاھىل مېجەزىمىز 21-ئەسىرنىڭ سېمۋولى بولغان ئۇچۇر دۇنياسىدىمۇ يىراق-يېقىنغا خۇشبۇيىنى چاچقىلى تۇرغان بۈگۈنكى كۈندە ، بىر كىشىنىڭ ئوتتۇرىغا دادىل چىقىپ ، ھاي بولدى ئەمدى ، دېيىشىگە قانچە زار ئىكەنلىكىمىز تۇيۇلدى ماڭا . بىر كىشىگە قالپاق كىيگۈزۈپ تون پىچىشقا شۇنچە ماھىر قەۋم ئىكەنمىزكى ، تور دۇنياسىدا ( مۇنداقچە ئېيتقاندا ، دۇنيانىڭ مەلۇم بىر بۇلۇڭىدىكى مەلۇم بىر كومپيۇتېر ئالدىدىلا ) كىشىلەرنىڭ ۋە شەيئىلەرنىڭ ماھىيىتىگە باھا بېرىۋېتىدىغان ، ئال پىچاقنى كەس XXXچاقنى دەپلا خالىغانچە بىلجىرلايدىغان مەسئۇلىيەتسىزلىكىمىز ، توردىكى بىزنىڭ تولىمۇ پىشىپ يېتىلمىگەن كىشىلەردىن ئىكەنلىكىمىز ، پىغان بىلەن سېزىلدى ماڭا . ئەسقەر كۆكبۆرىنىڭ " باللا باللا ھەي باللا ، باللا قاچان چوڭ بولار " دېگەن تېتىقسىز ناخشىسىمۇ بۇ ۋاقىتنىڭ ئۆزىدە ماڭا نەقەدەر چوڭقۇر مەنالارنى بەخش ئەتتى . باشقىلار پوقنى ئوتتۇرىدىن ئىككىگە بۆلۈپ قويسا ، ئەتراپىدىكى كىشىلەر ئۇنى ماختاپ ، قوللاپ ، ھېچبولمىسا يېتىشتۈرۈپ چىقىدىكەن . بىزدىن بىرى پوقنى ئوتتۇرىدىن ئىككىگە بۆلۈپ قويسا ، ئەتراپىدىكى بىزدەك پوقنى ئوتتۇرىدىن ئىككىگە بۆلەلمىگەنلەر ، ئۇنى تېخى ياراتمايمىز ، زاڭلىق ئېتىمىز . قالپاق كىيدۈرىمىز ، تون پىچىمىز . چۈنكى بىز قازى كالان ، تور ئەھلى ئەمەس . چۈنكى بىز ئەخلاقنىڭ ئەلچىلىرى ، تور ئەھلى ئەمەس . چۈنكى بىز ۋىجداننىڭ چاقىرىقى ، تور ئەھلى ئەمەس . چۈنكى بىز ئەۋلىيا ، ئادەم ئەمەس . بۇنداق بىر توپ كىشىنى ، مەن كاللامدا ئەڭ قەبىھ ئەڭ ئېچىنىشلىق ئاقىۋەتلەر بىلەن باغلاپ تەسەۋۋۇر قىلالايمەنكى ، لېكىن ئۇلارنىڭ پىشانىسىدىن روناق تاپارلارغا خاس نۇرنى كۆرەلمەيمەن . مەن كايىسام بەك كايىپ قالىدىكەنمەن ، لېكىن مېنىڭ بۇ يازمامدا ھەرقانداق ئۆچمەنلىك ۋە شەخسىي غەرەز يوق ، ئەسلى تىمىدىكى ئۇ شەخسلەرنىمۇ تونۇمايمەن ، ناخشىسىنىمۇ ئاڭلىدىم چالىلا ، لېكىن شۇ ئىنكاسلارنى كۆرۈپ ئازراق قايناپ قالدىم . شۇڭا مەن بەك قاينىماي ، باشقۇرغۇچىلارمۇ بۇ يازمىنى تۇنجى يازما بولغاندىكىن ئىلتىپات قىلىپ تەستىقلاپ قويۇڭلار ...

jassurman

	قايسى توردا تىللاپتۇ؟ ۋاي شەرەپسىزلەر! ھېلقى قوڭالتاق جاپى لاردىن ياخشىدۇ بۇ، تېتىقسىزلار ھەممىسى

halattergul

	بۇ گىپىڭىزنىڭمۇ ئاساسىي بار.......مەنمۇ مۇشۇ مۇنبەردىكى بەزىبىر بىر تەرەپلىمە قاراشلارغا قارشى ھەر بىرىمىز ئىنكاس يازغانكەنمىز چوقۇم ئومۇمنى چىقىش قىلىپ يېزىشىمىز كىرەك ......شۇنداقلا مۇتلەق دىمەي نىسبىي ئوتتۇرغا قويۇشىمىز كىرەك .....چۇنكى ھەممىمىزنىڭ تۇرمۇش قارىشى دۇنيا قارىشى ئوخشاش بولمىغاندىكىن بىر مەسىلىگە قارىتا كۆز-قارىشىمىزمۇ ئوخشاش بولمايدۇ.....شۇ تىمىغا قارىتا چۇشەنچىسى ئىنىق بولماي تۇرۇپ پىكىر قلغاننىڭ پايدىسى يوق ......يىغىنچاقلىغاندا.. تەكشۇرمىگەن ئادەمنىڭ پىكىر قىلىش ھوقۇقى يوق .......قانداق دىدىم .....

@tulpar@

	1. ئۇيغۇر ئېنگلىزچە ناخشا ئېيتماسلىقى كېرەككەن ؛ 2. ئۇيغۇر مۇھەببەتلەشمەسلىكى كېرەككەن ؛ 3. ئۇيغۇر تورغا ناخشا فىلىملىرىنى چىقارماسلىقى كېرەككەن ... دېگەندەك ... بۇ نىمە گەپ ئەمدى ئۇيغۇرلار نىمىش كىلىدىكەن، بۇنداق ئىش قىلماي.......

sargarda

	تېمىڭىزنى  كۆرۈپ  سىز  دېگەن  ناخشىنى  كۆرۈپ  چىقتىم  .

سۈكۈت1

	بىز قىلدىغان ئىش جىق ،يۈزىمىزنى ئاياق مېيىدا قاپقارا بويىۋالساقمۇ،بىز يەنىلا بىز ،قارا تەنلىك بۇلالمايمىز.‹ساراي سالسا باشقىلار،داۋرىڭىغا مەن داپ چالاي› دىگەندەك.ئۇ خەقنىڭ ناخشىسى بىلەن مىللىتىمىزنىڭ نىمە ئالاقىسى، بىرەر يېڭىلىق ياراتقان بولسىدى ھەممەيلەن سۈيۈنگەن بۇلاتتۇق.بىزگە بۇيرۇلغان ئىشلار ئەسلى بۇ ئەمەس .

yidayat164

	مېنىڭ كۆزقارىشىم :3-ناخشىسىدىكى كىيۋالغان كىيمى سەل چاتاق.چۈنكى ئۇخىل ھالىتىنى پەقەت ئۆز يولىدىشىغا كۆرسەتسە بولىدۇ.توردا ئېلان قىلىش ياخشى ئىش ئەمەس. قالغان ناخشا  ئېيتىش ۋە تويدىن ئىلگىركى  ئەركىن  مۇھەببەتلىشىشكە مەن ھازىرچە ئاشكارە ئىنكاس بۈلدۈرمەيمەن.

BEHTIYAR

	نىمىنى دەۋاتىسىلەر؟بىر رئوبداق ئوقوپتىغۇ ،ئەمدى بىز مۇنازىلەشمىگەن يۇسۇپجان بىلەن ئەلفىرە قالغان،بۇ،مەۋھۇم دۇنيادا ھەرخل ئادەملەر بار ،ياخشى دەپ قارايدىغانلار ئۇلارغا بەخىت تىلەيدۇ،ئۇتۇق تىلەيدۇ ،بەزىلەر بولسا ‹‹ مەن ياراتمايمەن قوڭامنى باسورۇپ ئولتۇرۇپ،قوڭام منى ياراتمايدۇ ئوسۇرۇپ ئولتۇرۇپ ›› دەپ ھچنىمىنى ياراتمايدۇ ،بۇلارغا ئاچچىقلانساق يۇرەك كىسىلى بۇلۇپ قالىمىز ،مەيلى نىمە ئىش بولسۇن ناچار بولسا ئىبرەت ئالايلى،ياخشى بولسا ئۆزىمىزگە تەببقلايلى دوسلار ،ئاللاھ ئىشلىرىمىزنى ئاسان قىلسۇن .

hoxaryigit