مۇنداقمۇ ئالدامچىلار بولىدىكەن

مەلىكە

	ياخشىمۇسىلەر مىسرانىمدىكى دوسلار، بۈگۈن بىر قىزىقارلىق ئىش بىشىمدىن ئۆتتى، سىلەرگە ئىيتىپ بىرەي، بەلكىم ئازراق بولسىمۇ پايدىسى تىگىپ قالار: بۈگۈن ئادەتتىكىدەك ئىشخانىدا ئولتۇرسام بىر تىلفۇن كەلدى، جىددىي ئالدىراش ئىدىم، شۇندىمۇ تىلفۇننى ئالماي بولمىدى: __ۋەي ياخشىمۇسىز؟ __ياخشىمۇسىز، سوفىيەمۇ؟ __ھە مەن شۇ،ئۆزىڭىز كىم بولىسىز؟ __مۇنداق ئىش ئىدى، بۈگۈن خىرىدارىم سىلەرنىڭ شىركەتكە ياڭپىڭ样品(يەنى ئەۋرىشكە دىمەكچى) ئەۋەتىپتىكەن، ئىلىۋالغان بولساڭلار. __ھە چۈشەندىم، قايسى دۆلەتتىن ئەۋەتىپتۇ؟ __تاجىكىستاندىن. __بولىدۇ، مەن سەل تۇرۇپ ئالغىلى باراي، قەيەردە ئۇچرىشىمىز؟ __قىزىل بايراقنىڭ ئالدىدا ساقلاي،شۇ يەردە ئۇچرىشايلى، ياڭپىڭ样品 شى يۇ (西域) دە. ئادەتتە بىزنىڭ خىرىدارلىرىمىزنىڭ كۆپىنچىسى شىيۈ مىھمانخانىسىدا تۇراتتى، مەيلى پۇل ئەۋەتسۇن، ياكى ئەۋرىشكە ئەتسۇن،كۆپىنچىسى شىيۈ ياكى بىيەنجاڭ مىھمانخانىلىرىدىكى ئىشخانىلارغا ئەۋەتەتتى. ئىشلىرىمنى تۈگىتىپ سەئەتكە قارىسام دىيىشىپ قويغان ۋاقىتمۇ كىلىپ قاپتۇ، دىرىكتورىمىز ئىككىمىز بىللە بارماقچى بولدۇق،(ئايال يولداش). دىيىشكىنىمىزدەك قىزىل بايراق يولىدا ئۇچراشتۇق، ئاددىي سالاملىشىپ ئۇ بالا ماشىنىغا چىقتى، تەجىربەم بويىچە ئۇ بالىنى يىڭى تەرجىمان بالا دەپ ئويلىدىم، لىكىن چىرايىدىكى تىرناق ئىزلىرى قارىغان كىشىنى سەل ئەيمەندۈرەتتى. ماشىنىغا چىقىپلا ئۇ بالا خىرىدارىغا تىلفۇن ئۇرۇپ نەدىلىكىنى سورىدى، روسچە تەلەپپۇزى ناھايتتى ئادەتتىكىدەك،لىكىن گەپلىرى خىلى قاملىشىپ قالغان، تاجىكلارنىڭ روسچە گەپ قىلىشىغا ئوخشايتتى، خىرىدارى تاجىك ئىكەندە ،دەپ ئويلىدىم. تۆۋەندىكى ئۇ بالىنىڭ دىئالوگى:(ئۇيغۇرچە مۇنداق) __ئالو ئاكا، مەن ئۇلار بىلەن ئۇچراشتىم، ھە..ھە..،شۇ سودا شىركىتىدىكىلەر بىلەن، ھە؟ سىز قايەردە؟ ...ھە..ھە..يىنىڭىزدىكى دوختۇرغا بىرىڭە، ئورنىنى ئۆزۈم سوراي، (سەلدىن كىيىن بەلكىم دوختۇر بىلەن پاراڭلاشقان بولسا كىرەك) خەنزۇچە: سىلەر قايسى دوختۇرخانا؟ ھە؟ دوسلۇق دوختۇرخانىسى بۇرۇنقى ئۈچىنجى دوختۇرخانا شۇمۇ؟ ھە..ھە..مۇنداق ئىكەندە؟ بىمارغا تىلفۇننى بىرىڭە، ئۇنىڭغىچە بىزگە دوسلۇق دوختۇرخانىسىغا بىرىپ خىرىدارنى ئىلىۋالايلى، ئاندىن 西域گە بىرىپ ئەۋرىشكىنى ئالايلى دىدى، بىز يۆنىلىشنى 西域گە ئەمەس، ئىيتقىنىدەك شىنجاڭ ئونۋىرسىتى يىنىدىكى بۇرۇنقى 3-دوختۇرخانىغا قاراپ ماڭدۇق، نەنمىندىن 3-دوختۇرخانىغىچە بولغان روسچە دىئالوگى مۇنداق: __ئالو ئاكا، بىز ئاز قالدۇق، ھە..ھە..شۇ ئايال دىرىكتورنى ئىلىپ كىتىۋاتىمەن، نىمە؟؟ يۈەن يەتمىدىما؟ دوللار بىلەن ھىسابات قىلسا بولمامدىكەن؟ قانچە يۇەن بوپتۇ؟ 633نەچچە يۇەنما؟ مەن قاراپ باقاي، لىكىن يىنىمدا ئۇنچە كۆپ پۇل يوق، ھە...ھە...مەندىمۇ 200نەچچە يۇەن بار، دوختۇرخانا دوللار ئالمامدىكەن؟ بىرىڭە تىلفۇننى، ئۆزۈم دەي: بەلكىم دوختۇر ئالغان بولسا كىرەك، خەنزۇچە دىئالوگى ئۇيغۇرچە مۇنداق: __سىلەر نىمىشقا دوللار ئالمايسىلەر؟ ھازىر ھەممە يەردە دوللار ئىلىۋاتىدىغۇ؟ نىمە؟ نىمىشقا ئەمدى؟ ھە... مەيلى ئەمىسە، __ئالو ئاكا، سىزنى-زە، نىمىشقا يۇەن ئىىۋالمىغان ؟سەل تۇرۇپ تۇرۇڭ، دوللارچىلار بىلەن پاراڭلىشىپ باقاي، ئۇنامدىكىن 100دوللارنى پارچىلاپ بىرىشكە. كەينىدىن 3-4 يەرگە تىلفۇن ئۇردى، ئۇرغىنى بەلكىم دوللارچىلار بولسا كىرەك، ئۇلارغا 100دوللارنى پارچىلاپ بىرىشىنى، خاپا بولماي دوختۇرخانىغا بىر كىلىپ كىتىشىنى ئىيتتى، بەلكىم ھىچكىم 100دوللار ئۈچۈن كىلىشنى خالىمىغان بولسا كىرەك. بۇ پاراڭلار بولىنۋاتقاندا ئىچىمدە :ئۆزىنىڭ خىرىدارسى بولغاندىن كىيىن ئۆزى ئاۋال تۆلەپ تۇرسا بولمامدۇ؟ ياكى بولمىسا يىنىدىكى پۇل يەتمىسە ئاپتۇماتىك پۇل ئىلىش ماشىنىسىدىن ئالسىمۇ بولىدىغۇ؟ نىمە دىگەن پىخسىق، ئۇنداق دىمەي جۇمۇ، بەلكىم بۇ بالىدىمۇ پۇل يوقتۇ.... ئۆزۈمچە ئۇ بالىنى توغرا چۈشەندىم. ئارلىقتا ئۆزىگە قانچە پىرسەنت چىقىرىپ بىرىشىمىز كىرەكلىكىنى دىيىشىپ دىگەندەك دوختۇرخانىنىڭ ئالدىغىمۇ كىلىپ قالدۇق، مۇۋاپىق ئورۇن تاپقاندىن كىيىن ماشىنىنى توختاتتۇق، ئۇ بالا: __بەش مىىنۇتتا خىرىدارنى ئىلىپ چىقىمەن، سەل ساقلاڭلار،_دەپ قۇيۇپ چىقىپ كەتتى. دىرىكتۇر ئىككىمىز پاراڭلاشقاچ ئولتۇرساق ئۇ بالا چىقىپتۇ، ياكى بولمىسا 100دوللارنى سىلەر پارچىلاپ بىرىڭلار.50دوللار بولسىمۇ مەيلى، خىرىدار 5-قەۋەتتە ئىكەن. بىز ماقۇل بولدۇق. 315يۈەننى بەردۇق، دوللارچۇ؟ دىسەم __ 5-قەۋەتتە خىرىدار، يۇرىڭە بولمىسا بىللە چىقايلى. ئىچىمدە 50دوللارغا بىللە چىقىپ يۇرمەي دەپ، بولدى ،تىزرەك چىقىڭلار ئەمىسە دەپ قويدۇم. 10 مىنۇت،20مىنۇت، يىرىم سائەت، شىركەتتە ئىشلار بەكلا جىق ئىدى، ئۇنىڭ ئۈستىگە شىركەتتە مەنمۇ يوق، دىرىكتورمۇ يوق...ئىككىلىمىزنىڭ ئىچى تىتىلداشقا باشلىدى: __نىمانداق مەسئۇلىيەتسىز ئادەم بۇ، يا چىقىپ سەۋەبىنى دەپ قويمايدۇ، ساقلاۋىرەمدۇق دەيمەن، ئەجىبا كىسىلىنى تىخى كۆرسەتمىگەن بولغۇيمىتى؟ .... ئىككىمىز تاغدىن-باغدىن پاراڭلىشىپ بىردەم ئولتۇردۇق، ماشىنىنىڭ ئالدىدا ئولتۇرۇپ ئەينەكتىن يول بويىدا قوناق سىتىۋاتقان بوۋاينى كۆردۈمدە تۇيۇقسىز قوناق يىگۈم كەپقالدى، پەسكە چۈشۈپ ئىككى تال سۇدا پىشۇرۇلغان قوناقتىن بىرىمىزگە بىرىدن سىتىۋالدىم-دە ماشىنىغا چىقىپ بىرىدىن يىيىشكە باشلىدۇق، ئىككىمىز قوناقنى يەپ يىرىملاشقاندا دىرىكتور تۇيۇقسىز بىر ئىشنى ئالغاندەك ئەندىكىپ كەتتى: __ئاپلا سوفىيە ،بىز ئالدىنىپتۇق. قوناقنى مەززە قىلىپ يەۋاتقاندا نىمە دەۋاتقانلىقىنى ھىس قىلىپ ئۈلگىرەلمىدىم: __كىم ئالدىنىپتۇق؟ دىرىكتور قولىدىكى قوناقنى يىيىشتىن توختىدى، : __ئەخمەق قىز، بىز ئالدىنىپتۇق، ئۇ قارىغاندا ئالدامچى ئوخشايدۇ، بىر سائەت بولدى، 300نەچچە يۇەننى ئىلىپ جىممىدە يوقاپ كەتتى، بۇ ئالدامچىلىق بولماي نىمە؟ تىلفۇندا بايا توك يوق دەۋاتقان، تىلفۇن ئۇرساقمۇ ئىتىك ئىدى. __ھە؟؟؟ قوناق يىيىشتىن مەنمۇ توختىدىم، لىكىن پەقەت ئىشەنگۈم كەلمەيتتى، بىر ئۇيغۇر يىگىت-ھە؟ ماۋۇ يولداشنىڭ ئالدىدا مىنى شاھىد قىلىپ قويۇپ ئالدىسا-ھە؟ ئاقلاپ ئۈلگۈردۈم: __ياقەي،مۈمكىنمۇ؟ مىنىڭ نۇمۇرۇمنىمۇ بىلىدىغان تۇرسا، ھەتتا بىزنىڭ تىجارەت دائىرىمىزنىمۇ چۈشىندىغان تۇرسا، قانداقمۇ 300نەچچە يۇەننى دەپ ئالدىسۇن؟ دىرىكتور ئۆزىنى تۇتالماي كۈلۈپ كەتتى: __ساددا قىز، بىز ئالدىنىپتۇق،بايام پەقەتلا ئويلىماپتىمەن، سەن ئويلاپ باققىن، دوختۇرخانىدا ھازىر نەدىمۇ كىسەل كۆرۈپ بولۇپ ئاندىن پۇل تۆلەيدىغان ئىش بولسۇن؟ بۇ بىر، ئىككىنجى، يىنىدا يۇەن بولمىسا دوللار ئالماشتۇرسىمۇ ئەڭ ئاز بولغاندىمۇ 1000دوللار ئالماشتۇرىشى كىرەك ئىدى، چۈنكى بۇ يەردە يەنە يۇەن كىرەك، لىكىن ئۇ بالا پەقەتلا 100دوللار ئالماشتۇرىشنىڭ گىپىنى قىلدى.... ھا..ھا...كۈلۈپ كەتتىم، قولۇمدىكى قوناقنىمۇ يىيىشنى ئۇنتۇپ قالدىم، ۋاي خۇدايىم، بۇ قويمىچىلارنىڭ يامانلىقىنى، ئەمدى شىركەت ئۇچۇرىنى سۈرۈشتە قىلىپ تۇرۇپ، يەمچۈك تاشلاپ قويمىچىلىق قىلىشنى باشلاپتۇ-دە؟ __بولدى، قوناقنىمۇ يەپ بولدۇق، تەملىككەن، ئەمدى كىتەمدۇق؟ مىنىڭ يەنىلا ئىشەنگۈم كەلمەيتتى، مۇشۇنداق ئوڭاڭلا بىزنى ئالداپ كەتتى...ھەرنىمە بولسا315يۇەن... كۆپرەك پۇل ئەمەس ئىكەن، لىكىن ماۋۇ يولداشنىڭ ئالدىدا مۇنۇ ئۇيغۇر يىگىتى مىنى تولىمۇ ئوسال قىلغان ئىدى... __بىر قوناق 2.5يۇەن، ئىككىنى سىتىۋالدۇق،5 يۇەن، بايامقى315يۇەن ،جەمئىي 320يۇەن، دىمەك بىر قوناق 160يۇەن...ھا...ھا...ئۆمرۈمدە بۇنداق قىممەت قوناق يەپ باقماپتىكەنمەن... ئىككىمىز بىرھازا ئۆزىمىزنىڭ ئەخمەق ئىكەنلىكىمىزنى دىيىشىپ ،كۈلۈشۈپ كەتتۇق... __ئىشخانىدىكىلەرگە دىمەيلى-ھە؟ سەت تۇرىدۇ... __شۇنداق قىلايلى، دىمىسىمۇ بەك ئەخمەقلەرچە ئالدىنىپتۇق... ئىككىلىمىز يول بويى ئەخمەقلىقىمىزگە كۈلۈشكىنىمىزچە ئۆز-ئۆزىمىزنى مەسخىرە قىلىپ ئىشخانىغا قايتىپ كەلدۇق.... مانا شۇ بىر تىلى 160 يۇەنگە توختىغان قوناقنىڭ شاپائىتىدىن قوسقۇممۇ ئانچە ئاچماي ئىشخانىگە كىلىپلا بىرىنجى بولۇپ قىلغان ئىشىم سىلەرگە دىرىكتور ئىككىمىزنىڭ شىركەتتىكىلەرگە دىيىشكە بولمايدىغان گەپلەرنى قىلىپ ئولتۇرۇپتىمەن... __مەنبە: ئۆزۈم. بۈگۈن بولغان ئىش.

سۈمەييە

	ھەقىقەتەنمۇ قىممەت قوناق يەپسىلەر . قوسقىڭىز ئاچمىسۇن ئەمدى ھى ھى ھى ھى (چاقچاق ھە) دىمىسىمۇ بۇنداق ئىشلار ھازىرقى بۇ ئالدامچىلارغا نىسبەتەن تەبىئى ئىش بوپ قالغان چىغى با بۇنىڭدىن كىيىن ھۇشيار بولۇڭ ، ھەم ھەممىمىز ھۇشيار بولىشىمىز كىرەك ،

yawayi-0998

	ھا ھا ھا ...  ما ئىشنى كۆرۈڭ ... مۇشۇنداقمۇ ئالدامچىلار بولامدىغاندۇ... بىزمۇ بەنجىاڭدىن   شۇنداق نەرسىنى ئەكىرمىز ھەم   دوللار  ئالماشتۇرىمىز .. لىكىن سىلەرنىڭ قانداق خىزمەتتۇ بۇ ..  ھازىر پەخەس  قىلمىسا بولمايدىغان  بوپ قالدى .. بىر كىمگە ئۇنداق ئاسان ئىشىنىپ كەتكىلى بولمايدىكەن... ئەمدى بىر قىتىم كىرگەن  پاتقاققا  ئىككىنچى قىتىم كىرمەسسىلەن ئەمدى

hiyal0097

	ئالدامچىلارنىڭ كاللىسى ئادەتتىكى ئادەملەرنىڭكىدىن بەكىرەك ئىشلەمدىكىن دەيمەن ، بەزىبىر ئالدامچىلىقلاردىن ساقلىنىمەن دەپمۇ ساقلانغىلى بولمايدىكەن

مەلىكە

	yawayi-0998 يوللىغان ۋاقتى  2012-4-11 04:00 PM ھا ھا ھا ...  ما ئىشنى كۆرۈڭ ... مۇشۇنداقمۇ ئالدامچىلار بو ... گىپىنى قىلماڭ، بەك كۈلۈپتىمەن، توۋا...تۇنجى بولۇپ ئۆزۈمنىڭ ئەخمەقلىقىنى ھىس قىلىپتىمەن بۈگۈن.

halattergul

	رەھمەت جۇمۇ سىزگە خىلى سەگىتىپ قويدىڭىز بىزلەرنى..... ئەمدى تىىخىمۇ دىھقەت قىلمىساق بولمىغۇدەك......

abdulahad

	زامانىۋىې قويمىچىكەندە.

خوراز

	ئانچە مۇنچە قويۇلۇپ تۇرغانمۇ ياخشى ئىش ، كاللىنى تېخىمۇ سەگىتىدۇ . لېكىن مەن دائىم كوچىىدىكى ھىكايە توقۇيدىغان ئۇششاق باللار بىلەن قېرى بوۋايلاغا تولا قويۇلۇپ كېتىمەن.

aptuwa

	ئادەمنىڭ بەزىدە مۇشۇنداق بىخوتلىشىپ قالىدىغان چاغلىرىمۇ بۇلۇپ قالىدۇ .