قۇشخانىدا (1)

ziyaee

	ئاقارغان يۈز،قىيىلغان قاش،قۇيۇلغان ياش،        كېسىلگەن باش،چۇۋۇلغان چاچ،تۆكۈلگەن قان،        تىتىلغان تەن،تۈگۈلگەن مۇشت،كىرىشكەن چىش،        پۈتمەس غەزەپ ئىزى بولۇپ چىقتى بۇ جان.                                          -ئۆلۈم ئالدىدا   ئەنۋەر ناسىرى    شارىلداپ ئېقىۋاتقان ئىسسق قان،ئالايغان كۆز،ئاچچىق تىپىرلاۋاتقان پۇت،چىشلەنگەن تىل،ئېچىنىشلىق مەرەشلەر...    قۇشخانىغا بارغان تۇنجى كۈنى تەنلىرىم تىكەنلىشىپ كەتتى.قاسساپ ئۇستام 15قوينى قاتار تىزىپ،مىنۇتقا يەتمىگەن ۋاقىت ئىچىدە ھەممىسىنىڭ بېشىنى كېسىپ بولغاندا،ئېقىۋاتقان قانلارنى كۆرۈپ يۈرىكىم جىغغىدە قىلىپ قالدى.ئەسەرلەردە قانلار دەريا بولۇپ ئاقتى دەپ تەسۋىرلىگەننى كۆرگەن،قۇشخانىدا گەرچە قان دەريا بولۇپ ئاقمىسىمۇ ئېرىق بولۇپ ئاققاننى كۆردۈم.بايا تېخى ھەسرەتلىك مەرەۋاتقان قوي بىردەمدىلا ئىلغىغا ئېسىلغان تەييار گۆشكە ئايلاندى.بۇ گۆشلەر نە-نەگە بېرىپ كىملەرنىڭ مەززىلىك تامىقىغا ئايلىنار ھە؟    قوتاندىن بوغۇزلانماقچى بولغان قوينى سۆرەپ چىققاندا، ۋەھىمىدە كۆزلىرى چەكچىيىپ ئېچىلغان قويلارنىڭ تىترىگىنىچە قېرىندىشىنىڭ «جاللات»تەرىپىدىن ئېلىپ مېڭىلغانلىقىغا ئۈن-تىنسىز قاراپ تۇرغانلىقىنى كۆرۈپ،بۇ بىچارە بايقۇشلارغا قاراپ ئازاپلىق كۈلۈپ قويدۇم.ھەتتا مەرەشكىمۇ غەيرىتى قالمىغان جاندارنىڭ چىراق يورۇقىدا سوغۇق نۇر چېچىپ تۇرغان پىچاق ئاستىدا ئەلەملىك تىپىرلىشىغا قاراپ ئۆزەمنىڭ كىچىك ۋاقتىمدا قولۇمنى قەلەمتۇراچ كېسىۋەتكەندە يىغلىۋەتكىنىمنى ئەسلەپ قالدىم. قوينى بوغۇزلىغان ئادەملەر ئەلۋەتتە كالىنىمۇ بوش قويمايتتى.شۇنچە زور مەخلۇقنى ئەپچىل ئاماللار بىلەن يىقىتىپ،پۇتىنى تازا چىڭ باغلاپ،بېشىنى ھەم مۇنتىزىملاپ پىچاق سۈركەيتتى.بۇ قاننىڭ ئالدىدا قويدىن چىققان قان ھېچنىمە ئەمەسكەن دەپ ئويلاپ قالدىم.بەئەينى چوڭ ئېچىلغان جۈمەكتىن ئېتىلىپ چىققان سۇدەك شارقىراپ ئاقاتتى.بۇ قانلار ئاللاكىملەر تەرىپىدىن يىغىۋېلىنىپ دوۋفۇ(قان ئۇيۇتمىسى بولسا كېرەك)ياساپ سېتىلاتتى .كالىنىڭ ھەممە نېمىسى قوينىڭكىدىن چوڭ ئىكەن،ئاشقازىنى،ئۈچىيى،يۈرىكى،ئۆپكىسى...بەكلا چوڭ ئىدى.تۇرۇپ كالا سويغان قاسساپقا قوي قۇشقاچتەكلا بىلىنگىدەك دەپ قالدىم.ئادەملەر بۇ مەخلۇقنىمۇ ئاخىرىدا كانارغا ئېسىلغان گۆشكە ئايلاندۇرۇپ،بۇلاردىن مەززىلىك تاماقلارنى تەييارلايتتى.ھېچكىمگە بوي بەرمىگەن مەغرۇر بۇقىلارنىڭ بىردەمدىلا ئۇستا قاسساپلار تەرىپىدىن باش ئەگدۈرۈلۈپ،باش ئەگدۈرۈلۈپلا ئەمەس بېشىنىڭ كېسىلىپ قان-تېزەكلارگە مىلىنىپ بۇلۇڭدا ياتقانلىقىنى كۆرگىنىمدە ، چامغۇرنىڭ ئورىسى بار،غوجامنىڭ غوجىسى دېگەن ھەقىقەت ئېسىمگە كەلدى . ئۇچلۇق مۈڭگۈزلەرنىڭ ئۆتكۈر پىچاق ئالدىدا كارغا كەلمەي قالغىنىغا ھەم ئەجەپلەندىم.تۇرۇپ قورققۇم كەلدى،مۈڭگۈزدىن ئەمەس مۈڭگۈزنى بويسۇندۇرغان پىچاقنى تۇتۇپ تۇرغان ئادەملەردىن ئەنسىرەپ قالدىم.    قوي،كالا ساق قالمىغان يەردە،ئەلۋەتتە،ئۆچكە-ئوغلاقلار ھەم ئوخشاش تەغدىردىن قۇتۇلالمايتتى.ئەمما ئوخشىمايدىغان يېرى ئۆچكە ئاجايىپ دەھشەتلىك مەرەيتتىكى،پىچاق تۇتقان ئادەمنى سەل ئەيمەندۈرۈپ قوياتتى.ئۇنىڭ ئۈستىگە ئۆچكىنىڭ ئاۋازى خۇددى ئادەمنىڭكىدەكلا چىقاتتى،مەرىسە گويا ئۆچكە ئەمەس ئادەم نالە قىلىۋاتقاندەك بىلىنەتتى.لېكىن ئاقىۋەتتە يەنىلا ئۆچكىنىڭ بېشى بىر يەرگە،ئىچ-باغرى بىر يەرگە،تېرىسى بىر يەرگە تاشلىناتتى، گۆشى بولسا پايدا ئېلىشقا ئالدىراۋاتقان قاسساپ تەرىپىدىن بازارغا ئاپىرىلىپ سېتىلاتتى.   بۇ جاندارلارنىڭ ھەممە نېمىسى پۇل ئىدى،گۆشى پۇل،يۇڭ-تېرىسى پۇل،باش،قول-پۇتلىرى پۇل،ئۈچەي-باغىرلىرى ھەم پۇل .بىر قوي،كالا ياكى ئۆچكە،قاسساپ،تېرىچى،ئۆپكە-ھېسىپچى،كاللا-پاچاقچى قاتارلىق نۇرغۇن كىشىلەرگە ئۆزىنىڭ ئەھمىيەتلىك ئۆلۈمى ئارقىلىق نەپ يەتكۈزەتتى...

su1989

	تۇنجى بۇلۇپ ئىنكاس يىزىپ تىمەندە، بەلكىم دوسلار بۇ تېمىغا نىمە دەپ ئىنكاس يىزىشنى بىلەلمىگەن بولسا كېرەك،قۇشخانىدىن خېلى كۆپ ھىكمەتلەرنى بايقاپسىز جۇمۇ!!!

nazila998

	ئادەمنى بىر خىل ئويغا سىلىپ قويدىغۇ بۇ تىما

subhinur

	مەرھۇم ئەنۋەر ناسىرىنىڭ «ئۇلۈم ئالدىدا » ناملىق شىئىرىنى بەك ياقتۇرىمەن،مەزمۇنى بەك چۇڭقۇر. ھەر بىر جان ئۆلۈمنىڭ تەمىنى تېتىغۇچىدۇر....

dolantograk004

	ھەي بەك سىرلىق جۇمۇ

tohtihan1

	قورقتۇم !

Sir

	سىرلىق

tanha858

	سىرلىق

zorawankiz