ھاياتىدىكى ئارمانلىرىم....

parixta427

	‹‹ھاياتىمدىكى ئارمانلىرىم››                                                         بىپايان دىڭىزدىكى سۈزۈك سۇ بەزىدە شاۋقۇن سىلىپ دەھشەتلىك دولقۇنلىنىدۇ ۋە بىر پۈتۈن گەۋدە بولۇپ تۇرغان سۇ ھەيۋەتلىك ۋە رەھىمسىز تاشلارغا ئۇرۇلۇپ ئۈنچە مەرۋايىتتەك يالتىراق زەزم زەم سۇلىرىنى چاچىرىتىپ چىقىرىدۇ،ھەمدە چۆل-باياۋانلارغا سىڭىپ كىتىدۇ.شۇنىڭغا ئوخشاش ئادەم ھاياتىمۇ بىر پۈتۈن گەۋدە بولۇپ تۇرۇشقا ئىمكانىيەت بولمايدىكەن . كىشىلىك تۇرمۇش ھەرۋاقىت-ھەر زامان-ھەرقاچان كىشىلەر تەسەۋۋۇرىدىن بەكمۇ يىراق ھەمدە كىشىلەر ھىس قىلىپ يەتمىگەن يەرلەردىن چىقىدىكەن.....11 يىشىىمدىن باشلاپ ئۆز ئانامدىن ئايرىلىپ ئۆگەي ئانامنىڭ قولىغا قالغان،مەن ئۈچۈن  ياخشى كۈنلىرىمنى ئەسلەشمۇ ناھايىتى قىيىن بىر ئىش....شۇنداق كۆزۈمنى يۇمۇپ ئەسلىسەم شىخابا دىكى شۇ بىر ئېغىزلىق ئويىمىز گە كىلىپ- كىتىدىغان مىھماننىڭ كۆپلىگىدە شۇنداقلا قونۇپ قالىدىغانلارنىڭ كۆپلىگىدە ئۆيىمىز بىرەر كۈنمۇ بىكار قالمايىتتى .قىش كۈنلىرى بولسا ئوزلىرىدىن باشقا كىيىۋالغان جۇۋا-جەندىلىرىنى سىلىپ قويسىمۇ  ئۆينىڭ يىرىمىنى دىگۈدەك ئىگەللەپ كىتەتتى.     مىنىڭ ھەر كۈنى سەھەر تۇرۇپ مەكتەپكە مىڭىش ئالدىدا پۇتۇمغا ئورۇندۇق قويۇپ بويۇم يەتمىگەن ئورۇن-كۆپىلەرنى يىغىدىغىنىم يەنى ئۆگەي ئانامنىڭ ‹‹موخىركا››چىكىپ ئولتۇرۇپ ئاچچىق موخىركىنىڭ ئىسىنى پۈۋلىگەچ مىنى ئوي ئىشلىرىغا بۇيرىغىنىنى يەنى مخىركىنىڭ ئىسىدىن  بولسا كىرەك  سارغىيىپ كەتكەن بىگىز بارماق لىرىنى ئەسلەيمەن...ئۆزۈمنىڭ ئۆگەيلىكىنىڭ  قاتتىقلىقىدىنمۇ ياكى ماڭا مىھىر بىلەن قارىمامدۇ بىرەر قىتىممۇ ئانا دەپ چاقىرىپ باققىنىمنى بىلمەيمەن.خوشنىلار ئۆگەي ئانامنى ئىزدەپ كىرسە  ئۇ ئۇخلاۋاتقان بولسا ئۇنڭ قولۇم بىلەن نوقۇپ ئويغۇتىدىغىنىم ئىنىق ئىسىمدە...بەلكىم ئۇ ئۆگەيلەيدىغاندۇ ياكى مەن ئۆگەيلەيدىغاندىمەن،‹‹ئۇلۇغ اللە››ھەرگىز باللىرىنى ئۆز ئاتا-ئانىسىنىڭ تۆت كۆزىدىن ئايرىمىسۇن....1970-يىلى ئىشسىزلارنى تۆۋەندە تەربىيەلەش(زەيجاۋيى)دەيدىغان سىياسەت چىقىپ قالدى،ئائىلىمىزدە ئاچام مەندىن 11 ياش ئەتراپىدا چوڭ  ئۇ بۇرۇنلا ياتلىق بولۇپ كەتكەن ىەم شەھەرلىك يول ئىدارىسىنىڭ ئىشچىسى.بىز ئىككىلا قىز ئىدۇق لىكىن ئۆز ئانام قىسقىغىنە ھاياتىدا مەن تۇرمۇشلۇق بولۇپ ئىش بىلگىدەك بولغاندا بىلسەم 12 بالىلىق بولۇپ ھەممىسى دۇنياغا كۆز ئىچىپ تۈگەپ كىتىپ ئاچام ئىككىمىز لا قالغان ئىكەنمىز.ئاچامنىڭ چوڭ ئوغلىنى تۇغۇلىشىدىلا ئانام-دادملار بالىچىلاپلا بىقىۋالغان ئىكەن،ئۇ ئۇكام مان دىن تۆت ياش كىچىك بولۇپ بىز بىر ويدە ئاچا -ئۇكا بولۇپ چوڭ بولغان ،نىمىشقىكىن ئاتا-ئانام ئۇ ئۇكامغا قاۋەتلا ئامراك بولۇپ دائىملا مىنىڭ ھەسەت قىلىشىمنى قوزغايىتتى،ھەم داۋاملىق قىز بالا دىگەن خەخنىىڭ بالىسى ئوغۇل دىگەن بىزنىڭ چىرىغىمىز نى ياندۇرىدۇ  ئۆلۈپ قالساقمۇ تاۋۇتىمىز ئالدىدا دادام-ئانام دەپ يىغلاپ گۆرىمىز دە بىشىمىز نى قىبلىگە قاراپ ياتقۇزىدۇ،قىزبالا بولسا يىغلاپلا ئۆيدىن سىرىتقا چىقالمايدۇ دەپ ئوغۇل بالىنىڭ رولىنى جىق سۆزلەپ مىنىڭ كاللامغا سىڭدۈرۋەتكەنمۇ  مەنمۇ تۇرمۇشلۇق بولۇپ ئوغۇللۇق بولۇش ئارزۇسىدا كەينى-كەينىدىن ئوغۇل بولۇپ كالسىكەن دىگەن تەمادا كەينى-كەينىدىن ئۈچ قىزلىق بولدۇم،ئىككىنچى قىزىم تۇغۇلۇپلا دادام كەينىدىن ئۆگەي ئانام تۈگەپ كەتتى.مىنى ياتلىق قىلغان ئۇ سەھرايى قىياماتتە يىلتىز تارتىپ قىلىشىمنى نەدىنمۇ بىلەي....ھەر ھالدا ئۇ ئائىلىمۇ شۇ يەرنىڭ شارائىتىغا نىىسبەتەن خىلىلا ھاللىق ئائىلە ئىدى.دادام ئاچام ۋە ئۆگەي ئاناملارنىڭ زورلىشىدا دادامنىڭ مۇشۇنداق تەقۋا‹‹ئاخۇنۇم››ئائىلىسىگە قىزىمنى كىلىن قىلىپ بەرمەن قانداق ئادەمگە بىرىمەن دەپ  ئۆز گىپىدە چىڭ تۇرۇپ مىنى ئۇ ئائىلىنىڭ چوڭ ئوغلىغا ياتلىق قىلدى،يولدىشىمنىڭ بىر  ئىنىسى بىر سىڭلىسى بار بولۇپ  يولدۇشۇم خەنزۇچىدا ئوقۇغان گەپ-سۆزى ئوچۇق تۈزلا ئادەم ئىدى.مەن ئۇ ئۆيگە كىلىن بولۇپ كىرىپ ئۇزۇن ئۆتمەي قىيىن ئىنىم كەينىدىن قىيىن سىڭلىم توي قىلىپ چىقىپ كەتتى،كىيىن سىياسەت ئەسلىگە كىلىپ ئۆز يۇرتىغا قايتۇرۇش دىگەن ئۇقتۇرۇش چىققاندا مەن چوڭ قىزىمنى تۇغۇپ كۆزگە كۆرنۈپلا قالغان ئىدىم،ئۆزۈممۇ ئىچ-ئىچىمدىن شەھەردە تۇغۇلۇپ چوڭ بولۇپ سەھرادا يىلتىز تارتىپ قالغىنىمغا ئۇۋىلىناتتىم ،ئاجىرىشىپ كىتەي دىسەم  قىزىمنىڭمۇ كىچىكلا ئۆگەينىڭ ئالدىدا قىلىشىنى خالىمىدىم،.ئۇنىڭ ئۈستىگە ئاتا-ئاناممۇ تۈگەپ كەتتى كىمگە تارتىشىمەن؟بولدىلا  ئۇ ئائىلىمۇ ئاساسەن مىنى ئۆز قىزىدەكلا بىلەتتى ،تۇرمۇشتىكى ئۇششاق-چۈششەك ئىشلارنى ھىسابقا ئالمىغاندا ئۇللاردىنمۇ  يولدىشىمدىنمۇ پەقەتلا كۆڭلۈم ئاغىرىمايىتتى بولدىلا شۇ ئوماق قىزىم  ئۇنىڭغا ھەرگىز چىدىمايمان.شۇنداق قىلىپ ئۇزۇن ئۆتمەي ئۇ يەردە خىزمەتكە چىقتىم ،ئوقۇتقۇچى بولدۇم ئۇ سەھراغىمۇ كۆنۈپ قالدىم.كەينى-كەينىدىن ئۈچ قىزلىق بولدۇم قىزلىرىم بىر-بىرىدىن چىرايلىق بولۇپ ئۇلارنى دائىم ئۆزۈم كىيمەي كىگۈزۈپ، يىمەي يىگۈزۈپ چىرايلىك ياساپ قوياتتىم،ئۇلار كۆڭلۈمنىڭ خوشلۇقى روھىمنىڭ ئوزۇقى ئىدى..توۋا ئۆزۈمنىڭ يالغۇزلىقىمغا خۇدايىم ماڭا تەڭشەپ بەرگەن قىزلار ئىكەنتۇق مەن يەنىلا ئوغۇل بەرمىدى ئوغلۇم بولغان بولسا نىمىدىگەن ياخشى بولاتتى دىگەن ئارزۇلىرىم  بىلەن ياشايىتتىم.لىكىن خىزمەتچىلەرگە ئۈچتىن ئارتۇق تۇغۇشقا رۇخسەت قىلمايىتتى.مەھىللىدە ھەممىسى قىزلىرىمنى ماختىشىپ بىر -بىردىن چىرايلىق پاكىز ئەدەپلىك خۇددى  قوينىڭ ئارىسىغا ئۆچكە كىرىۋالغاندەكلا سىزنىڭ قىزلىرىڭىز دەپ تەرىپلىشىپ كىتەتتى،مەنمۇ بۇگەپلىرىدىن سۆيۈنۈپ قالاتتىم ھەم قىزلىرىمنى تىخىمۇ چىرايلىق كىيىندۈرۈپ چاچلىرىنى ھەرخىل ئۆرۈپ ياساپلا كىتەتتىم....مەھەللىمىز دە يەنە بىر ياشقا چوڭراق ئايال بولۇپ بۇ ئۆمرىدە بالا يۈزى كۆرۈپ باقمىغانكەن،بىر ئوغۇلمۇ بىقىۋالغان بولۇپ قىزلىرىڭىزدىن بىرىنى چوقۇم مەن كىلىن قىلىمەن دەپ دائىملا چاخچاق قىلاتتى،مەنمۇ ئۇنىڭ گىپىگە قارىتا ئاۋۋال چوڭ بولسۇن دەپ قوياتتىم.يەتتىنىچى ئاينىڭ مەلۇم بىركۈنى چىڭقى چۈشتە ئۇ ئايال ئۆيگە كىرىپتۇ  ،مەنمۇ دەرىستىن چۈشۈپ چۈشلۈك تاماققا ئۆيگە كەلگىنىم ئىدى،ئۇ ئايال ئوششۇق گەپ قىلمايلا مىنى زورلاپ ئۆستەڭ بويىغا ئىلىپ چىقتى.ئۇ ئايالنىڭ ئۆيى شۇ ئۆستەڭنىڭ بويىدا ئىدى.مەن نىمە ئىش بولدىكىن دەپ ھەيران بولۇپ قارىسام ئۈچ قىزىم يەنە باشقا ئون نەچچە بالىلار بىلەن ئۆستەڭدە سۇغا چۆمىلىۋىتىپتۇ.ئۆستەڭنىڭ سۈيى سۈزۈك ھەم ئانچە چوڭقۇر بولمىغاچقا ئاستىدا ئۈزۈپ كىتىۋاتقان بىلىقلارنىمۇ ئىنىق كۆرگىلى بولاتتى،ئۆستەڭنىڭ ئىككى تەرىپىدە قاتار كەتكەن مەجنۇن تاللار بىر-بىرىگە تەزىم قىلغاندەك بىر-بىرىگە گىرە لىشىپ كەتكەن ئىدى،ئۆستەڭ ئىچىگە ئادەم كىرىۋالسا ئۆستەڭ بويىدىكىلەر ئىچىدىكىلەرنى كۆرەلمەيىتتى،بالىلار شۇنداق كۆڭۈللۈك ئوينايىتتى.ئۇ ئايال ماڭا -قاراڭ قىزلىرىڭىزنى ھىچقايسى بالىلارغا ئوخشىمايدۇ تىرىسى ئاق بۇنداق بالىلار سوغۇقچان كىلىدۇ،بۇلار كۈندە سۇغا چۆمىلىۋەرسە سوغۇقى ېشىپ ئۇيقۇدىن باش كۆتۈرەلمەيدۇ ،ئۇنىڭ ئۈستىگە ئۇلار كۈندىن-كۈنگە چوڭ بولىۋاتىدۇ يامان نىيەتلىك كىشىلەرگە ئۇچراپ قالمىسۇن ئەڭ ياخشىسى سۇغا چۈشسە سىز بىرگە ئىلىپ كىلىڭ ،ئۇلارنى يالغۇز ئىۋەتمەڭ كۈندىلا سۇغا چۈشمىسۇن دەپ ماڭا تاپىلاپلا كەتتى.مەن ئۇچاغلاردا كىچىك بولغاچقا جىق ئويلاپمۇ كەتمەيىتتىم ھەم ماقۇل دەپ رەھمەت ئىيتىپ قايتىپ كىردىم. ھەم شۇنىڭدىن كىيىن قىزلىرىم شۇ ئۆستەڭگە سۇغا چۆمۈلمەكچى بولسا ئۆزۈم بىرگە ئىلىپ چىقىدىغان بولدۇم.كىزلىرىم بىربىرىنى قوغلىشىپ چوڭ بولماقتا،باشلانغۇچ مەكتەپنى چوڭ قىزىم بىلەن ئىككنچى قىزىم ئۆزۈمنىڭ قۇلۇمدا ئوقۇدى.كىچىك قىزىمنى خەزۇچە مەكتەپتە ئوقۇتتۇم،قىزلىرىمنى ھەركۈنى ئۆزۈم مەكتەپكە بىرگە ئىلىپ باراتتىم.چوڭ قىزىم بىلەن ئەڭ كىچىك قىزىم دەرىستە ناھايىتى ياخشى ئىدى،ئوتتۇرانچىسى دەرىسكە پەقەت قىزىقمايىتتى ئۇنىڭ خاراكتىرى ئىنتايىن قورىقماس قەيسەر قىسمانى ئەمگەككە ئامراقراق بالا ئىدى.‹‹ئۇلۇغ ئاللا››ماڭا ئوغۇل بەرمىگىنىگە ئۇ قىزىمنى ئوغۇلنىڭ ئورنىدا كۆرەتتىم ھەم ئۇنىڭدىنمۇ ئىنتايىن سۆيۈنەتتىم،چوڭ قىزىم باشلانغۇچنى پۈتتۇرمەيلا بۇ ئۆيدكى قىيىن ئاتام سەھەردە بامداتقا تاھارەت ئىلىۋاتقان يىرىدە يىقىلىپ كىتىپ يۇقىرى قان بىسىم ۋەمىڭىسىگە قان چۈشۈپتۇ دىگەن سەۋەپ بىلەن تۈگەپ كەتتى،قىيىن ئانام بۇنى قوبۇل قىلالماي ئۇ مۇ  قان بىسىم كەنتۇق بىرتەرىپى سىزىمىنى يوقۇتۇپ ھاجىتىدىن چىقالماي ئىككى يىل يىتىپ قىلىپ تۈگەپ كەتتى.چوڭ قىزىم تولۇقسىز ئوتتۇرا مەكتەپنى پۈتتۈرۈپ تولۇقتا ئوقۇشنى پەقەتلا قوبۇل قىلمىدى.ھەم كەينى كەينىدىن ئوتتۇر تىخنىكۇمغا ئىمتىھان بىرىپ ئۆتەلمىدى ،چوڭ قىزىم تولۇقسىز ئوتتۇرنى پۈتتۈرگەن يىلى يولدۇشۇم ئىشلەيدىغان قول سانائەت ئىدارىسى ۋەيران بولدى،ئۇ ئىدارىدىكى ھەممە ئىشچىلار ئۆيىگە قايتۇرۇلدى.شۇنىڭدىن كىيىن ئۆينىڭ ھەممە يۈكى ماڭا قالدى،مۇشۇ ئىش ئۇنىڭغا تەسىر كۆرسەتتىمىكىن چوڭ قىزىم تولۇقتا ئوقۇپ ئالى مەكتەپكە بىرىشقا قوشۇلماي ئوتتۇرا تىخنىكۇم ئوقۇپلا  تىز راق خىزمەتكە چىقىپ ئۆينىڭ يۈكىنى يىنىكلىتىمەن دەپ ئويلىغان بولسا كىرەك كەينى كەينىدىن ئوتتۇرا تىخنىكۇمغا ئۈچ قىتىم ئىمتىھان بەردى،ئەمما ‹‹ئاللا››بەندىسىنىڭ يەيدىغان رىزىقىنى نىمىدىن بەرسە شۇنىڭدىن يىمەي نە چارە...ئۇ پەقەتلا ئارزۇسىغا يىتەلمىدى.ئۇ باشقىلارنىڭ تونۇش تۇرىشى بىلەن ئۈرۈمچىدە ئىتتىپاق كۇلۇبى ئەتراپىدىكى بىر تىككۈچىلىك كۇرىسىغا ئوقۇشقا كەلدى،ئۇ ئۈچ ئاي نەزەرىيە ،ئۈچ ئاي ئەمەلىيەتتە ئوقۇپ ئۆزىنىڭ تىرىشچان لىقىدىن ھازىر ئۇستا تىككۈچى بولۇپ خىلىلا ھاللىنىپ قالدى.ئىككنچى قىزىم تولۇقسىزنى پۈتتۈرۈپ ئوقۇشقا پەتلا قىزىقمىدى ھەم ئوقۇشتىن توختىۋالدى.بۇقىزىم ئائىلىمىز نىڭ ئەڭ قىززىقچىسى ئىدى.ئۇ قىزىم ئۆيدە بولمىسا ئۆيىمىز شۇنچىلىك تىپ-تىنىچ جىم-جىتلا ئىدى ھەتتا پاشىنىڭ ئۇچقان ئاۋزىنىمۇ ئاڭلىغىلى بولاتتى.شۇنداق قىلىپ بۇ قىزىم قىشىمىز دىلا تۇرۇپ قالدى.ئۈچىنچى قىزىم خەنزۇ چىدا ئوقۇغان بولغاچقىمىكىن شۇنچىلىك كەم سۆز  ئۆيىمىز دە ئەتىدىن كەچكىچە بىرەرسى بىرەر  ئىغىز  گەپ سورىمىسا چىش يىرىپ گەپمۇ قىلمايدىغان ھەم دوستمۇ تۇتمايدىغان باشقىلارغا سىرىنى پەقەتلا بەرمەيدىغان ،ئۈگىنىشتىن باش كۆتۈرمەيدىغان بالا ئىدى،ئۆزۈممۇ مۇشۇ قىزىم چوقۇم ئالى مەكتەپلەردە ئوقۇپ ھىچ بولمىسا ئوقۇتقۇچى بولۇپ قالار دىگەن ئۈمۈد لەردە ئىدىم.دىگىنىمدەك2004-يىلى شىنجاڭ ئۈنىۋىرستتىنىڭ قانۇن فاكۇلتىتىدىن چاقىرىق كەلدى.ئۇنىڭدىن ئىنتايىن خۇشال بولدۇم،ئۆزۈم بىر ئوقۇتقۇچى تۇرۇپ بىرەر بالامنى ئالى مەكتەپ مەلۇماتىغا ئىگە قىلالمىدىن دەپ شۇنداق ئەپسۇسلىنىپ يۈرگەن كۈنلىرىم بولغاچقا بۇ خەۋەر دىن پۈتۇن ئائىلىمىز بۇيچە شۇنداق خوش بولدۇق.شۇ يىلى مەن پىنسىيەگە چىققان يىلى بولۇپ ئۈرۈمچىنىڭ ئاۋات يىرى (سەنشى خاڭزا)دىن ئۆي ئىلىپ كۆچۈپ كەلدۇق،چوڭ قىزىم بىرى بىلەن مۇھاببەتلىشىپ  1996-يىلى11-ئايدا توي قىلغان ئىدى ،كۈي ئوغلۇممۇ بىر لا بالا  شۇنداق ئوڭلۇق شۇنداق كىلىشكەن ھەم تىرىشچان بالا ئىدى،ئىككىسى ئىككى تەرەپتىن دۇكان ئىچىپ ھال كۈنى خىلى ياخشى ئىدى .ئۇزۇن ئۆتمەيلا زىمىن ئۆيلۈك زىمىن دۇكانلىق بولدى،ھەممە ئۇرۇق تۇققانلارنىڭ ئۇلارغا مەسلىگى كىلەتتى ھەمدە 1998-يىلى 9-ئايدا بىر قىز پەرزەنىت كۆردى ،بۇ نەۋرەم بىلەن تۆت قىزلىق بولدۇم.‹‹ئاللا ››ماڭا ئەزەلدىن ئوغۇل بىرىشنى ئويلىماپتۇ دەيىتتىم ئۆزئۆزۈمگە...لىكىن بۇنەۋرەم ئۈچ ياشقا كىرمەيلا كۈندىن كۈنگە ئۇچقاندەك ئىلگىرلەۋاتقان بۇ ئائىلىگە ئۈشۈك تەگكەندەك بولدى.بۇ كۈيئوغلۇم پۈتۈن ئىنسانىيەتنىڭ ئورتاق دۈشمىنى بولغان ئاق ئالۋاستى‹‹خىروئىن››غا ئۈگىنىپ قالدى.ئىككى يىلغا يەتمىگەن ۋاقىت ئىچىدە پۈتۈن دۇكاننى قۇرۇتۇپ بولدى.بىچارە قىزىم ئىچ-ئىچىدىن تۈگىشىپ كىتىپ باراتتى،مەن قىزىمغا ئەزەلدىن ئاجىرىشىپ كەتمەمسەن دىگەن تەكلىپنى بىرىپ باقمىدىم،ئۇ كۈيئوغلۇمغا مەنمۇ ئىنتايىن ئامراق ئىدىم.ئوغلۇم بولمىغاچقىمۇ ئوزۈمنىڭ ئوغلىدەكلا كۆرەتتىم.بىچارە نەۋرەمنىڭ ھەر گىزمۇ  دادىسىز  چوڭ بولۇشىنى خالىمايىتتىم،شۇڭا قىزىمنىڭ ئۆزىگە قويۇپ بەردىم.ئىچ مىجەز بۇقىزىم قاقاقلاپ بىرەر قىتىتممۇ كۈلۈپ باقماي 10يىل ئۇنىڭ دەردىنى تارىتتى.ئككىنچى قىزىم 1999-يىلى نەۋرە ئاكامنىڭ ئوغلىغا يادلىق قىلدىم.خۇداغا شۈكرى ئۇمۇ كەينى-كەينىدىن ئىككى قىزلىق بولدى.توۋا ‹‹ئاللا››ماڭا راسلا بۇئۆمرۈمدە ئائىلەمگە بىرەر ئوغۇلنى نىسىپ قىلماپتۇ،ئۇنىڭ تۇرمۇشى پەقەت يولدىشى ئىشلەپ بۇ تۆت جاننى باقىدىغان بولغاچقا ئايدىن-ئايغا ئارانلا ئۇلاشتۇرىدۇ ئىشىنچىسى يوق ئەمما ئۇ ئىنتايىن بەخىتلىك ياشايدۇ.بۇنىڭغىمۇ شۈكرى...ئەمدى ئۈمۈدۈم كىچىك قىزىمدا قالغان ئىدى،لىكىن ئۇ ھەممىدىن يامان چىقتى.شاراڭ-شۇرۇڭ ئات كۆتىرەر قىمغۇر باش كۆتىرەر دەپ ئۇ قىزىم2008-يىلى ئالى مەكتەپنى پۈتتۈرۈپ 6-ئايدا تەتىل قىلىپلا ھەپتە ئۆتمەي يوقاپ كەتتى.ئۇ ئەزەلدىن ئۆيدىكىلەر بىلەن مۇڭداشمايىتتى،مەكتەپكىمۇ ئۆيدىن قاتناپ ئوقۇيىتتى.بىرەر كۈنمۇ ئۆيگە كەلمەي قالىدىغان كۈنى يوق،شۇنداق ئىچ مىجەز ھەم كەم سۆز بالا ئىدى.توۋا ئىزدىمىگەن يەر قالمىدى بارمىغان پالچى قالمىدى چوڭ قىزىمنى مەسلەتچىم دەپ خاتىر جەم ئىدىم.ئەمما ئۇمۇ كۈندىن كۈنگە تۈگىشىپلا كىتىۋاتاتتى،ئۇنىڭغا قاراپ ئىچىم شۇنداق سىرىلىدۇ..ئىككىنچى قىزىم كۈچ بىرەتتى  ئۇمۇ ھازىر ئىككى بالىنىڭ ھاجىتىدىن ئاران چىقىپ تۇرمۇش ھەلەكچىلىكىدە يۈرىدۇ،كىچىك قىزىم كۆڭلۈمنىڭ خوشلۇقى ئىدى ئۇ تۇيۇقسىز يوقاپ كەتتى،دادىسى ئىككىمىز ئاغىرىپ كەينى كەينىدىن دوختۇر خانىدا يىتىپ قالىدىغان بولۇپ قالدۇق،ئۇ يوقاپ بىر ئاي بولغان كۈنى نومۇرى چىقمايدىغان بىر تىلفۇندا  تىلفۇن قىلىپ ئۆزىنىڭ ئىچكىرى ئۆلكىدە ئىكەنلكنىى ھەمدە ئۆزىنىڭ بىخەتەر ئىكەنلىكىنى ئەنسىر مەسلىكىمىز نى ئىيتىپلا بىزگە بىرەر ئىغىزمۇ گەپ قىلىشقا پۇرسەت بەرمەستىن تىلفۇننى قويىۋەتتى،شۇنىڭدىن كىيىن ئىچىمنى بىرنىمە يەيىتتى ئەمما ئۇنىڭ ھايات ئىكەنلىكىنى بىلىپ بىرقەدەر خاتىرجەم بولدۇميۇ لىكىن ئۇنىڭ جىم-جىتلا كەتكىنىگە نىمە سەۋەپ بولغىنىنى ھەرقانچە ئويلاپمۇ يىتەلمىدىم.نىمە ئۈچۈن ئۇقىزىم بىلەن ئۇنى  كەم سۆز دەپ ئويلاپ ئۇنىڭ بىلەن پىكىر ئالماشتۇر مىغانلىقىمنى ئۇنىڭ بىلەن مۇڭداشمىغانلىقىمنى ئۇنىڭ نىمە ئويلايدىغىنىنى بىلمەيدىغانلىقىمدىن ئۆز-ئۆزۈمنى ئەيىپ لەپلا  يۈرەتتىم،ئۇ شۇۋاقىتتا 23ياشتا بولۇپ شۇنداق ئەخلاقلىق بالا بولغان ،شۇياشقا كىرگۈچە باشقا قىزلاردەك بىرەرى بىلەن ئارلىشىپ مۇھەببەتلەشكەن دەپمۇ قارىمايىتتىم،،توۋا ئۇنى قايسى تەرەپتىن ئويلىسام بولا؟...كۈنلەر ئەنە شۇنداق ئۆتەتتى .ئاددىسى ئۇ ئالى مەكتەپنى پۈتتۈرۈپ بولغۇچە مەكتىپىگە بىرەر قىتىممۇ بىرىپ باقماپتىمىز.سىنىپ مەسئۇلىنىڭ كىملىكىنى قانداق ساۋاقداشلىرىنىڭ بارلىقىنى ،قىزىم ئۆزىمۇ تىرىشچان بولغاچقا مەكتەپنىڭ بىرەرقىتىم چاقىرىتمىغانلىقىدىنمۇ  ئۇنى بۇرۇنقىدەكلا ياخشى ئوقۇيدىغۇ دەپ ئويلاپ  تۆت يىل ئوقۇپ مەكتەپ پۈتتۈرگىچە بىرەر قىتىم بىرىپ باقمىغىنىمدىن شۇنداق ئەپسۇسلىنىپ يۈرەتتىم.ئۇ مەكتەپ پۈتتۈگەنچاغدا ئۇنىڭ ئوقۇش پۈتتۈرۈش گۇۋاھنامىسىنىمۇ قولۇمغا ئىلىپ قاراپ باقماپتىمەن.بەلكىم خەنزۇچە خەتنى تولۇق بىلمىگەنلىكىم سەۋەپ بولسا كىرەك ئۇنى قانۇن كەسپىنىڭ تولۇق كۇرىسىنى پۈتتۈردى دەپ ئويلاپ يۈرۈپتىمەن ھەم ئۇنىڭ خىزمەت ئىشىغا ئورۇن ئىز دەپ يۈرۈپتىمەن....كۈنلەر ئۇزىراپ كەچ بولمايىتتى،كىچە بولسا تاڭ ئاتمايىتتى .دادىسى ئىككىمىز ئالدى -كەينى بولۇپ بالنىستىن چىقالمايىتتۇق،شۇ ئارىدىن ئۈچ ئاي ئۆتتى.9-ئاينىڭ 18-كۈنى چوڭ نەۋرەمنىڭ تۇغۇلغان كۈنى بولۇپ ئاشخانىدا لەغمەنگە تەييارلىق قىلىۋاتاتتىم تۇيۇقسىزلا تىلفۇن ئەنسىز سايراپ كەتتى،مەن تىلفۇننى ئالدىم،ۋەي ئايې ياخشىمۇسىز؟...ياخشى سەن كىم؟...مەن سوفيە نىڭ  يولدىشى سوفىيە بۇگۈن ھازىر قىز تۇغدى دىگەن گەپنى قىلدى ،مەن داڭ قىتىپ خاتا ئاڭلىۋالدىممۇ  نىمە دەپ ئۆزۈمنى ئوڭشاپ تىلفۇننى دادىسىغا تۇتقۇزدۇم.چۈنكى ئۇ بىر خەنزۇ دىن كەلگەن  تىلفۇن بولۇپ يولدۇشۇم ماڭا قارىغاندا خەزۇچىنى بەكرەك ياخشى بىلىدۇ دىگەن خىياللار بىلەن ئۇنىڭغا بىرىۋىتىپ نىمە دەيدۇ ؟بۇنىڭ گىپىنى ئاڭلاپ بىقىڭە دىدىم دادىسى تىلفۇننى ئىلىپ ۋەي دىيىشىگە ئۇ بىر نىمىلەر نى دەپلا كەتتى.دادىسى تىلفۇننى تۇتقان پىتى ئۇنىڭ گىپىنى ئاڭلاپ جىملا تۇردى.بىر ئىغىز مۇ گەپ قىلمىدى، ئۇنىڭغىچە مىنىڭ ئىچىم سىقىلىپ نىمە دەيدۇ ؟كىمكەن؟دەپ نەچچە قىتىم سوراپ بولغان بولساممۇ ئۇ ئۈندىمەي تىلفۇننى ئاڭلاپ تۇرىۋاتاتتى،ئۇ ئاخىرى بىر ئىغىز گەپمۇ قىلماي 10مىنۇتلارغىچە تىلفۇننى تۇتۇپ تۇرۇپ ئاخىرى قارشى تەرەپ خوش دىدىمۇ ئەيتاۋۇر تىلفۇننى بىسىۋەتتى.مەن دەرھال ئۇنىڭ قىشىغا كىلىپ كىمكەن ؟نىمە دەيدۇ؟دەپ قايتا قايتا سورۇدۇم .يولدۇشۇم ئۇلۇغ كىچىك تىنىۋىتىپ ئاندىن بىزنىڭ سوفىيە نىڭ يولدىشىمەن دەيدۇ ھەم مەكتەپتىكى ساۋاقدىشىكەن.ئۇلار ئالى مەكتەپتە ئوقۇۋاتقان چاغدا ئۇ خەنزۇ  تۇڭگان ئاخۇنۇم لارنى چاقىرىپ ئىمان ئىيتىپ مۇسۇلمان بوپتۇ.ئوقۇۋاتقان چىغىدىلا نىكاھ ئوقۇتۇپ ئۆي تۇتۇپتىكەن.ئۇلار ئۈرۈمچىدىن كەتكەندە سوفىيە ئالتە ئايلىق قورساق كۆتۈرۈپتىكەن،ئۇ خەنزۇنىڭ يۇرتىغا بىرىپ بۈگۈن قىز دىن بىرنى يەڭگىپتۇ،تىخى ھازىرلا يەڭگىپتۇ،ئۇ ساق سالامات ئەنسىر مەڭلار دەيدۇ دىدى.مەن بۇگەپلەرنى ئاڭلاپ كاللامغەا بىرى بازغان بىلەن سالغاندەك بولغىمنى بىلدىم قالغان ئىشلارنى بىلمىدىم،قانچىلىك ۋاقىت ئۆتتىكىن بىلمىدىم كۆزۈمنى ئاچسام ياتاق ئۆيۈمدىكى كارۋاتتا ياتىمەن .،چوڭ قىزىم  ئىككىنچى قىزىم  ۋە دادىسى ئۈچى چۆرەمدە ماڭا قاراپ تۇراتتى.تۆتىمىز بىر بىرىمىز گە ئۈنتىن سىز قاراپ قانچىلىك ۋاقىت تۇرۇپ كەتتۇقكىن  چوڭ قىزىم ئارىدىكى جىم-جىتلىقنق بۇزۇپ بولدى ئاپا بولغۇلۇق بولدى،ھازىر جەمىيەتتە ئۇنداق ئىشلار ئاز ئەمەس ئۆزۈڭنى ئاسرا ئۆزۈڭگە بىسىم قىلىۋالما دىدى ھەم ئۇ ئىككى قىزىم بىرەر ئىككى سائەت قىشىمدا ئولتۇرۇپ تاماك ئىتىپ تاماقتىن كىيىن كىتىشتى،دادىسى ئىككىمىزلا قالدۇق،ئۇنىڭ بىلەن پاراڭلىشاتتۇق  توۋا نىمىدىگەن بىشى چوڭ بالا بۇ ؟بىز ئۇنى بىقىپ 23ياشقا كىر گۈزۈپتىمىز ،ئۇ كىچىكىدنلا ئىنتايىن ئەخلاقلىق قىز ئىدى .ئاددىسى دوستمۇ تۇتمايىتتى.بۇ قانداق ئىش بولدى ئەمدى،ئۇرۇق-تۇققان  دوسىت-دۈشمەنلەر بىلسە نىمىلەر دىيىشەر.ئەمدى بىشىمىز نى قانداقمۇ كۆتۈرۈپ يۈرەرمىز ئۇلارغا قانداقمۇ دىگىلى بولسۇن.ھازىرغىچە ئۆيگە كەلگەنلەر ئۇنى سورىسا پىراكتىكا قىلىۋاتىدۇ دەپ يالغان ئىيتىپ كەلدىم.ئەمدى كىيىن نىمە دەرمەن؟شۇ كىچىك قىزىمنى مەكتەپ پۈتتۈرسە ئوغلىمىز بىلەن تويىنى قىلىپ قويىمىز دەپ تەما دا يۈرگەن ئۇرۇق تۇققانلىرىمىز ھەم دوسلىرىمىز مۇ بار، ئۇلارغا نىمىمۇ دەرمەن؟دىگەنلەرنى سۆزلىشەتتۇق.يولدۇشۇم ئۆز-ئۆزىگە سۆزلەيىتتى-بالىلار كىچىك ۋاقتىدا قۇچاققا سىغىدىكەن چوڭ بولغاندا قۇچاققا يىقىنمۇ كەلمەيدىكەن بۇ جاھاننىڭ ئىشلىرىغا تۆۋە دىمىسە بىكاركەن.بىز ياش ۋاختىمىز دا بىر قانچە بىز دىمەتلىك قىز لارنى بىرەر بىرەر خەنزۇ بالا بىلەن قىچىپتۇ  ئۇ خەنزۇ نىڭ ئىككى بالسى باركەن ئۇنىڭ ئۆيىنى بوزۇپتۇ ،ئۇنىڭغا ئۇيغۇر بالا چىقمىغاندەك دىيىشسەك يەنە بىرىنى توڭگان قىزى بىلەن توي قىپتۇ  ئۇنىڭغا ئۇيغۇر قىزى چىقمىغاندەك دەپ خىلى ئۇزۇنغىچە ئۇلارنىڭ سۆزچۆچىكىنى قىلىشىپ يۈرۈپ تىكەنمىز،بىزنىڭمۇ بىشىمىز غا بۇنداق كۈنلەرنىڭ كىلىشىنى ئويلىماي قارىغاندا توۋا دىمەپتىمىز دەپ پىچىرلايىتتى.ئۆزۈممۇ ئويلاپ كۆرسەم شۇ زامانلاردا مەھەللىدىكى ياش باللار بىر قانچىسى كۈندىلا ھاراق ئىچىپ مەسلا يۈرەتتى ،يول بويلىرىدا يىتىپ قالاتتى،بىز نىڭ ئائىلىمىز دىكى چوڭلار تەقۋا ئاخۇنۇم بولغاچقا بۇ ئۆيدىكى ئوغۇللار پەقەتلە كەيىپ قىلمىغاچقىا ھەيران قالامدىمكىن ھاراق كەشلەر بىرەر ئىشنىڭ پىشىنى تۇتۇپ  ئائىلە قۇرۇپ ئاتا ئانىسىنىڭ ئۈمۇد لىرىنى ئاقلىمىغان يا جەمىيەتكە بىر كىشلىك ھەسسە قوشمىغان  كۈندە دىگۈدەك كوچىلاردا مەسىت يۇندىلارغا چىلىشىپ ياتقان  جەمىيەت داشقاللىرى دەپ سۆزلەپلا كىتىپ تىمەن توۋا دىسەم نىم بولار؟ئەمدى قاراڭ ئەنە چوڭ كۈي ئوغلۇمنى زەگاغا سوقتۇرۋالغاندەكلا بالا ئىدى  ىازىرقى ئۇنىڭ كۈنىنى ،چوڭ قىزىم ئۇنىڭ دەردىدە كۈندىن كۈنگە سارغىيىپ ئىچ ئىچىدىن تۈگىشىپلا كىتىۋاتىدۇ .قاچانغىچە بەرداشلىق بىرە بىز ھىچنىمە قىلىپ بىرەلمەيمىز .توۋا ئۆتنە جاھانكەنبۇ،بۇ ئاي بۇ كۈنلەردە باشقىلارنى ھەرگىزمۇ بىرنىمە دىيىشكە بولمايدىكەن ،كونىلارنىڭ بۇرۇن تاغ ئايلانسا ھازىر بوسۇغا ئايلىنىپلا سىز گىمۇ كىلىپ قالىدۇ دىگەنلىرى ھەقىقەتكەن قۇمۇ دىگەنلەرنى سۆزلىشىپ ياتاتتۇق.‹داۋامى بار›....

hekmat-uyghur

	داۋامى بار؟!؟!؟!        تازا ئۇرىدىغان  گۇيدىن يەنە بىرسى  چىقىپتۇدە.

131svkvt

	ئاللا بەندىللرنىڭ كۆڭلگە ئنساپ ئاتا قلسۇن.

kalamiy

	نىمىدىگەن ئۇلۇغ ،نىمىدىگەن بۈيۈك ئارمانلار بۇ ..

pikAso

	بالا دىگەننى بېقىپ چوڭ قىلىپ قويسىلا ھىساپ ئەمەس !!!    ئەمما مۇشۇ زاماننىڭ بالىلىرى ئاتا-ئانىسىنىڭ ئۈمىدىنى ئاقلاپ قويسانىمبۇلا ھە!!!                   ئشەنگەن تاغدا كىيىك ياماس       ئەلدىرىماڭ يارەي سىزگىمۇ بىركۈ بارەي

zulalay

	بۇنىڭغا نىمە دىگۇلۇك ئەمدى

gulrayhan

	نمىىدىگەن تەسىرلىك...شۇنداق جىق گەپلەرنى قىلغۇم كەلدى....يۇ....تۇرۇپ قالدىم....ئاخىرىنى ئوقۇپ بولۇپ يازاي.....ئىشقىلىپ بالىلارنىڭ قىز بولسۇنۇ.ئوغۇل بولسۇنۇ ئىنسابىنى بەرسۇن.لېكىن بۇ ئاي بۇ كۈنلەردە قىز بەرمىسىكەن دەپ تىلەپ قالدىغان بوپ قالدىم.قىز بالا بىر ئەينەك ئىكەن.چېقىلىپ كەتمىسۇن دەپ ئەنسىرەيدىغان ئىش......ئوغۇل بولسا تېخى ئىنساپلىق چوڭ بولمىسا.....ۋاي خۇدايىمەي،،،ھەممە ئاتا ئانا بالىلىرىنى بېقىشقا تەربىيىلەشكە كۈچ چىقىرىدۇ..لېكىن مەلەۇم تاشىقى سەۋەپلەر بىلەن بەزى بالىلارمۇ يامان يوللارغا كىرىپ قالىدىكەن...نىم دېگۈلۈك!~!

pak-nur

	ئائىلە تەربىيىسىگە بوشاڭلىق قىلىشقا بولمايدۇ، چوقۇم كىچىكىدىن باشلاپ ياخشى تەربىيەگە ئىگە قىلىش كىرەك.

bayhenim

	ئادەمنىڭ ئارمىنى ئولگەندە  تۇپراققا كۈمۈلۈش بىلەن تەڭ تۈگەيدۇ