ھازىرقى زامان ھىكمەتلىرى

nazigul8

	ھازىرقى زامان ھىكمەتلىرىدىن پارچە 1-ئاشلىقنى دىخان ئىشلەپچىقىرىدۇ، لېكىن 1-دەرىجىلىك ئۇن يىيەلمەيدۇ، قوينى چارۋىچى دىخان باقىدۇ، لېكىن دىخان كۈندە گۆش يىيەلمەيدۇ. پاختىنى دىخان ئىشلەپچىقىرىدۇ، لېكىن ياخشى پاختىدىن ئىشلەنگەن كىيىملەرنى دىخان كىيەلمەيدۇ. 2-خەلىق نادان بولسا ھۆكۈمراننىڭ باشقۇرمىقى ئاسان بولىدۇ. 3-دۆلەتلەر ئۆزىنىڭ مەنپەئەتى ئۈچۈن ئىتتىپاقلىشىدۇ ۋە دۈشمەنلىشىدۇ. 4-ئادەتتىكى ئادەملەرنىڭ ئەقلىدىن ئېزىشى، شۇ ئادەملەرنىڭ ئۆزىنى ھالاك قىلسا، دۆلەت باشلىقلىرى ۋە دانىشمەنلەرنىڭ ئەقلىدىن ئېزىشى، پۈتكۈل دۆلەت ۋە خەلىقنى ھالاك قىلىدۇ. 5-پۇخرا قانۇنغا خىلاپلىق قىلسا، قانۇننىڭ جازاسىغا ئۇچرايدىكەن. ئەگەر ھۆكۈمەت جانۇنغا خىلاپلىق قىلسا، كىمنىڭ جازاسىغا ئۇچرايدىكىن؟! 6-ھەرقانچە كاتتا ئالى مەكتەپتە ئوقۇغانلارمۇ، جەمىيەتتىن ئىبارەت بۇ كۆپ ئىقتىدارلىق مەكتەپنى ئوقۇمىسا، زىيالى ئېتى خىيالى بولۇپ قالىدىغان ئىشكەن. 7-شەكىلۋازلىق ئەۋىج ئاالغان مائارىپنىڭ تەربىيەلەيدىغىنىمۇ بىر توپ شەكىلۋازدىن ئىبارەت. 8- پەرمان: خەلىقنىڭ مەنپەئەتى زىيانغا ئۇچرىسا مەيلى، ئەمما دۆلەتنىڭ ئوبرازى زىيانغا ئۇچرىمىسۇن. 9-بۇرۇن ئىمپىرىيىلەر باشقىلارنىڭ زىمىنىنى زورلۇق بىلەن بېسىۋېلىش ئارقىلىق قۇرۇلاتتى، ھازىر بولسا باشقىلارنىڭ مىڭىسىنى كونتۇرۇل قىلىش ئارقىلىق، قۇرۇلىدىغان بولدى. 10-بۇرۇن ئادەملەر جىسانى جەھەتتىن قۇل قىلىنغان بولسا، ھازىر روھى جەھەتتىن قۇل قىلىنىۋاتىدۇ. 11-ئۇرۇشنىڭ نەتىجىسى ئاجىزلار مۇنقەرىز، كۈچلۈكلەر خۇنقەرىز. 12-ئىنسانلار ھەددىدىن زىيادە ئەقىللىقلىشىپ كەتكەنلىكتىن، ئۆزلىرى يەيدىغان نەرسىلەرنىمۇ ساختا ياساش ئەۋىج ئالماقتا. 13-يەرشارىغا پاتمىغان ئادەم، ئۇزۇنلىغى 2 مېتىر، كەڭلىگى 0.8 مېتىر كېلىدىغان يەرشارىغا پاتىدۇ. 14-ھازىرقى دەۋر ئىختىساسلىقلار دەۋرى ئەمەس، ئىقتىسادلىقلار دەۋرى. 15-نەزىر چىراق ئىشلىرىنىڭ ھەشەمەتلىك ئۆتكۈزۈلۈشى، شۇ مەرھۇمنىڭ ئۆلۈمىنى تويغا ئوخشاتقانلىقتىن  ئىبارەت. 16-ئەجداتلىرىنىڭ تارىخى تىراگىدىيىلىرىدىن ساۋاق ئالمىغان مىللەت، باشقىلارنىڭ ساۋاق بېرىشىگە مۇھتاج بولىدۇ.       مەنبە: ئۇيەر بۇيەردىن تېرىۋالغانلىرىم، كۆرۈپ قويۇشقا ئەرزىپ قالار.

sargarda

	شىنجاڭ  مەدەنىيتى  ژورنىلىغا  مۇشۇنداق  تەپەككۇر  مىۋىللىرى  يوللىناتتى ... رەھمەت  سىزگە...

nazigul8

	sargarda يوللىغان ۋاقتى  2012-4-9 10:59 PM شىنجاڭ  مەدەنىيتى  ژورنىلىغا  مۇشۇنداق  تەپەككۇر  مىۋىل ... ياقتۇرۇپ كۆرگەنلا بولساڭلار، رەخمەت ئېيتىشقا ئەرزىمەيدۇ. مەيلى نەدىن بولسۇن، مۇشۇنداق ھىكمەتلىك سۆزلەرنى ئۇچراتساملا خاتىرەمگە كۆچۈرىۋالىدىغان ئادىتىمنى تېخى تاشلىيالمىدىمچۇ. ھەم سىزگىمۇ رەخمەت!

ئۆل

	-ھازىرقى دەۋر ئىختىساسلىقلار دەۋرى ئەمەس، ئىقتىسادلىقلار دەۋرى..تازىمۇ  توغرا ....

nazigul8

	ئۆل يوللىغان ۋاقتى  2012-4-9 11:26 PM -ھازىرقى دەۋر ئىختىساسلىقلار دەۋرى ئەمەس، ئىقتىسادلى ... مەنچىمۇ بەكلا توغرا، شۇڭا بۇلارنى يوللاپ قالدىم بۇ مۇنبەرگە، تورداشلارمۇ بىر كۆرۈپ قويسا دەپ.

sargarda

	nazigul8 يوللىغان ۋاقتى  2012-4-9 11:29 PM مەنچىمۇ بەكلا توغرا، شۇڭا بۇلارنى يوللاپ قالدىم بۇ مۇ ... پۇل  تاپالىغان  ئەقىل  ـ  پاراسەتلا  ،  ھەقىقىي  ئەقىل  ـ  پاراسەت  دېمەكچىغۇ  سېلەر  ؟

nazigul8

	sargarda يوللىغان ۋاقتى  2012-4-9 11:53 PM پۇل  تاپالىغان  ئەقىل  ـ  پاراسەتلا  ،  ھەقىقىي  ئەقىل  ـ ... ياق ئۇنداق دىمەكچى ئەمەس، ھازىر پۇلى بارلار ھەر ھەر توغرا بولمىغان ئىشلارنىمۇ يەڭ ئىچىدە ئىش باشلاپ پۇل بىلەنلا توغرا قىلىۋېتىپ بارغان ئىشلارمۇ يوق ئەمەس، ھازىر بەزى چاغلاردا ھوقۇق ۋە پۇل بەكرەك ئىشلەپ كېتىدىغان ئەھۋاللار يوق ئەمەس،  بار،  شۇڭا بۇ سۆز شۇلارغا قارىتىلغان تەنە سۆز.

mahatjan

	ئىلگىركىلەر پادىشاھنىڭ كۆزىدە بولماي كۆڭلىدە  بول دەيدىغان، ھازىرقىلار پادىشاھنىڭ كۆڭلىدە بولماي ئۆيىدە بول دەيدىكەن.

kalamiy

	نىمىدىگەن ئېسىل ھېكمەتلىك سۆزلەر بۇ