ساخاۋەتلىك قەلىبلەرگە تەشەككۈر

شەۋقى

	مەركىزىي مىللەتلەر ئۇنىۋېرسىتېتى ئۇيغۇر تىل- ئەدەبىيات فاكولتېتى 2011- يىللىقنىڭ ئوقۇغۇچىلىرى 2012- يىلى 4- ئاينىڭ 7-8- كۈنلىرى 1- ياتاق بىناسىنىڭ شەرق تەرىپىدە بۇ قىز ئۈچۈن ئىئانە توپلاش پائالىيىتى ئېلىپ بارىدۇ.  ھەرقايسىڭلارنىڭ ئۇ نارەسىدە قىزچاققا ياردەم قولۇڭلارنى سونۇشىڭلارنى، ئىئانە توپلىغۇچىلارنىڭ پائالىيىتىنى قوللاپ قويۇشىڭلارنى ئۈمىد قىلىمىز!      بۇ قىزنىڭ ئاتىسىنىڭ تېلفون نومۇرى:  13161659253      پوچتا بانكا ھىسابات نومۇرى:  6221888960001500410 مەكتىپىمىزدە «بىر تەرەپ قىيىنچىلىققا ئۇچرىسا، ھەممە تەرەپ ياردەم بېرىش» پائاليىتى ئۆتكۈزىلدى        2012-يىل 4- ئاينىڭ 7- 8- كۈنلىرى مەكتەپ ئوقۇغۇچىلار پائالىيەت مەيدانىدا مەركىزىي مىللەتلەر ئۇنىۋېرىستېتى ئۇيغۇر تىل- ئەدەبىيات فاكۇلتېتى 2011- يىللىق سىنىپ ئوقۇغۇچىلىرى باش بولۇپ تەشكىللىگەن «شىنجاڭلىق سەبىي قىز مىنەۋەرگە ئىللىقلىق يەتكۈزۈش» تېمىسىدىكى ئىئانە توپلاش پائالىيىتى ئۆتكۈزۈلدى.       مۇخبىرىمىز مەزكۇر پائالىيەتنىڭ تەپسىلىي ئەھۋالىنى ئىگىلەش ئۈچۈن بۇ قېتىمقى پائالىيەتنىڭ ئاساسلىق تەشكىللگۈچىسى ئۇيغۇر تىل- ئەدەبىيات فاكۇلتېتى 2011- يىللىق سىنىپنىڭ سىنىپ باشلىقى ساۋاقداش ئەكبەرنى زىيارەت قىلدى. ئەكبەرنىڭ مۇخبىرغا ئېيتىشىچە، ئەسلىدە ئۇلار بۇ خەۋەرنى توردىن كۆرگەن بولۇپ ئەڭ ئاۋال سىنىپ ئىچىدە بۇ پائالىيەتنى ئۇيۇشتۇرغان. ئۇلار پائالىيەت دائىرىسىنىڭ سىنىپ ئىچىدىلا چەكلىنىپ قالسا ئۈنۈمىنىڭ ئانچە ياخشى بولمايدىغانلىقىنى كۆرۈپ، قايتا- قايتا مەسلىھەتلىشىش ئارقىلىق مەكتەپنىڭ مۇناسىۋەتلىك ئورۇنلىرىغان ئىلتىماس سۇنۇپ مەكتەپ خارەكتېرلىك ئىئانە تولاش پائالىيىتى ئۆتكۈزۈشنى ئۇتتۇرغا قويغان. مەكتەپ ئىتىپاق كومىتېتى، مەكتەپ ئوقۇغۇچىلار ئۇيۇشمىسى، مەكتەپ قىزىل كىرىست جەمئىيىتى قاتارلىق ئورۇنلار كۈچىنىڭ يېتىشىچە بۇ قېتىمقى پائالىيەتنى قوللايدىغانلىقىنى بىلدۈرگەن.         مەزكۇر پائالىيەت شىنجاڭدىن بېيجىڭغا داۋالىنىشقا كەلگەن ئۈچ ياشلىق سەبىي قىز مىنەۋەرگە ئىئانە توپلاشنى مەقسەت قىلىنغان. مىنەۋەر شىنجاڭ خوتەن ۋىلايىتى كېرىيە ناھىيسىدىن بۇلۇپ، يامان خارەكتېرلىك ئۆسمە كېسلىگە گىرىپتار بولغان دەپ دىئاگىنوز قۇيۇلغان. ئاتا- ئانىسى قىزىنى داۋالىتىش ئۈچۈن ئۆزلىرىنىڭ ئۆمۈر بويى يىغقان بىساتلىرىنى سېتىپ قىزىنى داۋالاتقان بولسىمۇ كېسلىدە ياخشىلىنىش بولمىغان، شۇنىڭ بىلەن ئۇلار ئۆزلىرىنىڭ پۈتۈن مال بىساتلىرىنى سېتىپ بېيجىڭغا كەلگەن، لېكىن داۋالاش ھەققى قىممەت بولغانلىقتىن ئىقتىساد جەھەتتە ناھايتى چوڭ قىيىنچىلىققا ئۇچرىغان. شۇنىڭ بىلەن ئاتا- ئانىسى ئامالسىزلىقتىن توردا قىزىنىڭ ھاياتىنى قۇتقۇزۇۋېلىش توغرۇلۇق مۇراجىئەتنامە چىقارغان. فاكۇلتېتىمىز 2011- يىىللىق سىنىپتىكى بىر قىسىم ئوقۇغۇچىلار بۇ ئىشتىن خەۋەر تېپىپ بۇ قېتىمقى ئىئانە توپلاش پائالىيىتىنى تەشكىللىگەن.بۇقېتىملىك ئىئانە توپلاش پائاليىتى باشلىنىپ بىرىنچى كۈنى يەنى 4- ئاينىڭ 7- كۈنىلا ئىئانە قىلىنغان پۇل سوممىسى 12مىڭ يۈەندىن ئاشقان. ئومۇمىي سومما 21 مىڭ يۈەندىن ئاشقان. ئىئانە قىلىنغان بۇ پۇللارنىڭ بىر قىسىمى مىنەۋەرنىڭ داۋالىنىشى ئۈچۈن دوختۇرخانىغا يەتكۈزۈپ بېرىلدى. ئاخىرىدا بىز تېخىمۇ كۆپ ساخاۋەتچىلەرنىڭ بۇ سەبىي قىزغا مېھىرلىك قوللىرىنى سۇنىشىنى ئۈمىد قىلىمز،  بارلىق قېرىنداشلار ۋە ساۋاقداشلار مىنەۋەرنىڭ سالامەتلىكىنىڭ بالدۇراق ئەسلىگە كېلىشىگە چىن قەلبىمىزدىن تىلەكداشلىقىمىزنى بىلدۈرىمىز. شەۋقىي تورى مۇخبىرى ئىسمايىل ھېكىم خەۋىرى مەنبە: شەۋقىي تورى

rahman1

	ئەگەر مەن ئۇرۇمچىدە بولسام جىق ياردەم قىلالمىساممۇ ئون يۇەن ياردەم قىلاتتىم .

gulrayhan

	بۇ كىچىك سىڭلىمىزغا ياردەم قولۇڭلارنى ئايىماڭلار.....

subhinur

	بىزنىڭ مەكتەپتىمۇ ئۇيۇشتۇرساق بوپتىكەن ئەسلى. لىكىن شۇنداق بىر ئىشنى پىلانلىغۇدەك بىرەرسى چىقسا بۇلاتتى مەكتىپىمىزدە

gulbelik

	بولسا قاراپ تۇرماي ھەمىمىز قول قولچە ياردەم قىلساق بوتكەن . ..........ئۇ يەردە بىزنىڭ قېرنداشلىرمىز ئاز .باشقلارنىڭ ياردەم قىلىپ كىتشى ناتاين شۇڭا بىزمۇ قاراپ تۇرماي ياردەم قۇلمىزنى سۇنايلى

sabaat

	قۇلىمىزدىن كىىلشىچە ياردەم قىلايلى تورداشلار.

gulbar5

	اللەھ شپالق بەرسۇن بۇ سىڭلمىزغا

aptap104

	سۈرەتلەر ئىچكىردە تارتىلغان سۈرەتلەرما ؟؟؟   يەنىلا زىيالى دىگەن زىيالى ؟ مىللەتنىڭ تۈۋرىكى !

HAYATNISA

	قىلغان مۇشۇ ياخشى ئىشىڭلار ئاخىرەتتە ئۆزۈڭلارگە سايىۋەن بولىدۇ. اللاھ سىلەرگە كۆپ ئەجىر بەرگەي ئامىنننننن!

sargarda

	subhinur يوللىغان ۋاقتى  2012-4-9 01:53 PM بىزنىڭ مەكتەپتىمۇ ئۇيۇشتۇرساق بوپتىكەن ئەسلى. لىكىن ش ... بۇ  ئىشنى  سىزمۇ  قىلالايسىز  ؟