چاشقان دورىسى

nazila998

	چاشقان دورىسى       ئۆمەر يىزا بازىرىدىكى مال دوختۇرلۇق پونكىتىغا چاشقان دورىسى سىتىۋالغىلى كىردى ، بۇ بىر قانچە ئايدىن بۇيان ئۇنىڭ ئۆيىدە چاشقان ئاۋۇپ ئۇنىڭغا ھىچ ئارامچىلىق بەرمەيۋاتاتتى .       _   چاشقان دورىسى سىتىۋالماقچى ئىدىم _ دىدى ئۇ مال دوختۇرىغا .      _  ئەللىك يۈئەن .      _ بۇ دورا مەن ئىچىدىغان دورىدىنمۇ قىممەت ئىكەنغۇ ؟ ئەرزانراقى يوقمىدۇ ؟      _ مۇشۇ بىر خىلىلا بار ، بۇ يىڭى چىققان ، ئالاھىدە ئۈنۈملۈك دورا .      ئۆمەر دورىنىڭ قىممەتلىكىدىن سەل نارازى بولغان بولسىمۇ ،نەچچە ۋاقىتتىن بۇزۇلغان ئۇيقۇلىرى ، چاشقان غاجىۋەتكەن ئۆي سايمانلىرىنى ئويلاپ ، ئۆز-ئۆزىگە <<ئەرزىيدىغۇ>> دەپ پىچىرلاپ قويدى. ئۇ ئۆيگە قايتقاندىن كېيىن ،دورىنىڭ بىر قىسمىنى پۇلۇڭ-پۇچقاقلاغا چاچتى،لېكىن ئەتىسى چاشقانلارنىڭ چىرتىلداش ۋە تىرىقلاشلىرى ھېچ پەسەيگەندەك قلمايتتى .ئومەر ئاچچىقىدا دورىنى كۆتۇرۇپ مال دوختۇرلۇق پونكىتىغا كەلدى       _ دورىڭىز كار قىلمىدى.        پونكىت خادىمى ئۇنىڭ گېپىنى ئاڭلىغاندىن كېيىن :        _ دورىنى قانچە قېتم بەردىڭىز ؟ -دېدى ،        _ بىر قېتم شۇ .        _ چۇشەندۇرۇشىگە قاراپ بېقىڭ ،بىر كۇندە ئۈچ ۋاخ دەپ يېزىلغان .       ئومەر بېشىنى قاشلغىنچە ئۆيگە قايتىپ ،ئەتىسىدىن باشلاپ سەھەر .چۇش ۋە كەچتە ئۈچ ۋاخ دورا چاچتى .شۇ تەرىقىدە ئۈچ كۇن ئۆتكەن بولسىمۇ ،چاشقانلارنىڭ سانى ئازلىماقتا يوق ،تېخىمۇ جانلىنىپ كەتكەندەك تۇراتتى .ئومەر يەنە مال دوختۇرلۇق پونكىتقا كەلدى      _ دورىنى قانداق  يېگۈزدىڭىز؟ _ دەپ سورىدى  پونكىت خادىمى      _ قانداق يېگۈزەتتىم ،بۇلۇڭ _ پۇچقاقلارغا چاچتىم شۇ،      _  دورىنىڭ چۇشەندۇرۈشىنى يەنە ياخشى ئوقۇماپسىز ،مانا بۇيەرگە قاراڭ ،<<تاماقتىن كېيىن ئىلمان قايناق سۇ بىلەن ئارىلاشتۇرۇلۇپ ئىچۈرۈلىدۇ>> دەپ يېزىلغان .      بۇنى ئاڭلاپ ئومەر ھەيران قالغان بولسىمۇ ،يەنىلا خادىمنىڭ دېگىنى بويىچە ئىشى كۆردى . ئۇ ئاۋۋال ناننى ئۇۋىتىپ چېچىپ قويدى ،بىر ئاز  ۋاقىتتىن كېيىن دورىنى ئىلمان قايناق سۇغا ئارىلاشتۇرۇپ بۇلۇڭلارغا قويۇپ قويدى ، ئۇ بۇ ھەركىتىنى بىر كۇندە ئۈچ  ۋاخ،تاكى دورا تۈگۈگىچە داۋاملاشتۇرغان بولسىمۇ،چاشقانلارغا قىلچە تەسىر قىلمىدى ،ئومەر غەزەپ بىلەن پونكىتقا ماڭدى.     _  ماڭا قانداق دورا سېتىپ بەردىڭىز ،دېگىنىڭىزبويىچە تاكى بىر قۇتا تۈگىگۈچە بەردىم ،چاشقانلارنىڭ بىرسىمۇ ئۆلمىدى .قىممەتلىكى بۇ دورىنىڭ .      _ سىز زادى خەت  تونۇمسىز -تونۇمامسز ؟       _ تونۇيمەن ،قانداق؟       _  ئەمسە بۇ يەردىكى <،<بىر داۋالاش باسقۇچدا ئالتە قۇتا ئىچكۇزۈلىدۇ>>دېگەن خەتنى كۆرمىدىڭىزمۇ؟                                   مەنبە : شىنجاڭ قانۇنچىلىق گىزىتى

hilalay

	تازىمۇ بىر .................................

nazigul8

	ھاھاھا يالغان دورىنى مۇشۇنداق باسقۇچلارغا بولۈپ برىدىكەندە

hiyal0097

	تىلۋۇزۇردىكى ئادەم ئالدايدىغان دۇرا ئېلانلىرىنى ئەسلىتىپ قويدى بۇ ھىكايىڭىز ، ياخشى يېزىلىپتۇ .

ئۆل

	ئۈلۈپلا  قالدىم مەن كۈلۈپ

ئەنسار

aptap104

	ھارامزادە ، ساختىپەزلەرنىڭ نىقابى يىرتىلىپ . تاشلاپتۇ مانا ... ئەمدى ھىلىقى رادىئودا سۆزلەيدىغان ئىسمى ئۇلۇغ ، ۋالاقتەككۈر مەمەتجان دوختۇرنى پاش قىلسا بولىتى !

oyhanogul

	ئالامەتكەن جۇمۇ قولىڭىزغا دەت كەلمىسۇن