ھاياتىڭىز ئۆز تەپەككۇرىڭىزنىڭ مەھسۇلى

ertugrul

	ھاياتىڭىز ئۆز تەپەككۇرىڭىزنىڭ مەھسۇلى ئالىملاردىن بىرى «ھەركىم ئۆز تەقدىرىنىڭ ئۇستازى»دېگەن تېمىدا شېئىر يازغان ئىكەن. ئەلۋەتتە بۇ سۆزنىڭمۇ ئاساسى بولۇشى مۇمكىن. ئىسلام مۇتەپەككۇرى ئەللامە مۇھەممەد غازالى«ھاياتىڭىزنى يېڭىلاڭ» ناملىق ئەسىرىدە مۇنداق دەپ يازغان: - ئىنساننىڭ بەخت - سائادىتى ياكى بەختسىزلىكى، خاتىرجەملىكى ياكى بىئاراملىقى ئۇنىڭ ئۆزىدىن كېلىدۇ. ھەر قانداق بىر ئىشنىڭ ۋە ئۇ ئىشنى قىلغۇچىنىڭ قىممىتى ئۇنىڭ زېھنىدە مەۋجۇت بولغان ۋە ھېسسىياتىنى مەشغۇل قىلغان ئوي - پىكىرلەر بىلەن زىچ باغلىنىشلىقتۇر. شۇڭا دېئىل كارنېك مۇنداق دېگەن ئىكەن:«تەپەككۇرىمىز بىزنىڭ ئىشلىرىمىزنى بەلگىلەيدۇ. ھاياتىمىز تەپەككۇرىمىزنىڭ مەھسۇلىدۇر. ئۇنداقتا، مەسىلە توغرا تەپەككۇرنى تاللاش مەسىلىسىدە بولماقتا. ئەگەر ئىنسان ھەر ئىشتا توغرا تەپەككۇر قىلىدىغان بولسا، ئۇنىڭ بارلىق ئىشلىرى نەتىجىلىك بولىدۇ. بىزنى گۈزەل ھېس - تۇيغۇلار ۋە ئىللىق ئوي - پىكىرلەر ئورىۋالغاندا، بىز ئۆزىمىزنى بەختلىك ھېس قىلىمىز. ناۋادا بىزنى كۆڭۈلسىزلىكلەر ئورىۋالسا، ئۆزىمىزنى بەختسىز ھېس قىلىمىز. ئۆزىمىزنىڭ كېسەل بولۇپ قالغانلىقىنى گۇمان قىلىپ كۆڭلىمىزنى بىئارام قىلساق كۆپ ھاللاردا راستىنلا كېسەل بولۇپ قالىمىز.» مەنىۋى كۈچنى ھېچكىم ئىنكار قىلالمايدۇ ئەللامە مۇھەممەد غازالى يەنە مۇنداق دەپ يازغان: - شەخسلەر ۋە كوللىكتىپ ئۈچۈن مەنىۋىيەتنىڭ زور تەسىرىنى ھېچكىم ئىنكار قىلالمايدۇ. كۈچىنى ئەقىدىسىدىن ۋە مەنىۋىيىتىن ئالىدىغان ئەسكەرلەرنىڭ غالىبىيىتى كۈچىنى ماددى ئەسلىھەلەردىنلا ئالىدىغان ئەسكەرلەرنىڭكىدىن پەرقلىق بولىدۇ. چۈنكى، ئەقىدە ۋە ئەخلاقنىڭ كۈچى ماددىي كۈچلەرنى يېڭىپ چۈشىدۇ. شۇڭا پۈتۈن ساماۋى دىنلارنىڭ ئورتاق چاقىرىقى ئەخلاقنى ئىسلاھ قىلىش بولغان ۋە ئەخلاقنى ھەر نەرسىدىن ئەۋزەل كۆرگەن. ئىنسان نەپسىيىتى بارچە دىنلارنىڭ ئەڭ كۆڭۈل بۆلىدىغان ماۋزۇسى بولغان. چۈنكى، گۈزەل ئەخلاق ھەر قانداق مىللەت ۋە ھەر قانداق مەدەنىيەتنىڭ روناق تېپىشى ئۈچۈن ئاساسلىق رول ئوينايدۇ. ئىنسان ئۆزىنى ئۆزگەرتمىگىچە ئۇنىڭ ئەھۋالى ئۆزگەرمەيدۇ ئەللامە مۇھەممەد غازالى يەنە مۇنداق دەپ يازغان: - قۇرئان كەرىمدە «ئىنسان ئۆزىنى ئۆزگەرتمىگىچە ئاللاھ ئۇلارنىڭ ئەھۋالىنى ئۆزگەرتمەيدۇ» دېگەن ئايەت بار. چۈنكى، ھەر قانداق ئۆزگىرىش ئاۋۋال ئىنساننىڭ ئىچكى دۇنياسىدىن باشلىنىدۇ. ئىچكى دۇنياسىدا، خۇسۇسەن ئەخلاقىدا ئۆزگىرىش ھاسىل قىلالمىغان ئادەمنىڭ سىرتقى تىرىشچانلىقى نەتىجىسىز قالىدۇ. شۇڭا ھەممىدىن ئاۋۋال ئىشنى ئىچكى دۇنيانى ئىسلاھ قىلىش ۋە ئۇنى ئاۋات قىلىشتىن باشلاش كېرەك. مەنبە:  ئىلىم -ھىكمەت دۇردانىلىرى  ناملىق كىتاپتىن ئىلىندى

pak-nur

	قايسى بىر ئەسەردىن «ئادەم پىكىر قىلالايدىغان قۇمۇش» دەپ ئوقۇغانتىم، دىمىسىمۇ ئادەم قۇمۇشتەك ئاجىز  پىكىر قىلىش، تەپەككۇر قىلىش بولمىسا ئادەم ھەقىقى مەنادىكى گۈزەللىكنى ھىس قىلالمايدۇ ھەم بۇدۇنيادىكى قىممىتى تەبىيلا يوقايدۇ.

sabinur

	FBI يوللىغان ۋاقتى  2012-4-8 02:41 PM ئۆلۇمدىن قورقما ، ئۆلەرمەن بولۇشتىن قورق ، ‹‹ئۆلۈمدىن قورۇقما،ئۆلەرمەن بولۇپ ياشاشتىن قوروق››

tewelgha

	قۇرئان كەرىمدە «ئىنسان ئۆزىنى ئۆزگەرتمىگىچە ئاللاھ ئۇلارنىڭ ئەھۋالىنى ئۆزگەرتمەيدۇ» دېگەن ئايەت بار. ــــــــــــــــــــــــــــــــ قايسى ئايەت بولغىيتتى ،بىزمۇ ئوقۇپ باقساق .نېمىشقا دېسىڭىز ،بۇ بىر جۈملە سۆز ماڭا خۇددى بىز ئۇيغۇرلار ئىسلامنى خاتا چۈشۈنىۋالغاندەكلا تەسىر بەردى . قەلەم تەۋرەتكەن قولىڭىزغا رەھمەت .

bayhenim

izqel

	راسىت،مەنىۋى كۈچىڭىزنى ھىچكىم ئىنكار قىلالمايدۇ ۋە بۇيسۇندۇرالمايدۇ. ئىنكار قىلىۋىتىدىغىنى ۋە ئىسىر قىلىدىغىنى يەنىلا ئۆزىڭىز.

تۇران

	tewelgha يوللىغان ۋاقتى  2012-4-8 04:02 PM قۇرئان كەرىمدە «ئىنسان ئۆزىنى ئۆزگەرتمىگىچە ئاللاھ ئ ...         سۈرە رەئىد (قۇرئاندىكى 13- سۈرە) 11- ئايەت ھەربىر ئادەمنىڭ ئالدى- كەينىدە اﷲ نىڭ ئەمرى بويىچە ئۇنى قوغدايدىغان نۆۋەتچى پەرىشتىلەر بار. ھەر قانداق بىر قەۋم ئۆزىنىڭ ئەھۋالىنى ئۆزگەرتمىگىچە (يەنى اﷲ نىڭ بەرگەن نېمەتلىرىگە تۇزكورلۇق قىلىپ گۇناھلارغا چۈممىگىچە) اﷲ ئۇلارنىڭ ئەھۋالىنى ئۆزگەرتمەيدۇ (يەنى اﷲ ئۇلارغا بەرگەن نېمەت، خاتىرجەملىك ۋە ئىززەت- ھۆرمەتنى ئېلىپ تاشلىمايدۇ)، اﷲ بىرەر قەۋمنى ھالاك قىلماقچى (ياكى ئازابلىماقچى) بولسا، ئۇنىڭغا قارشى تۇرغىلى بولمايدۇ، ئۇلارغا ئازابنى دەپئى قىلىدىغان اﷲ دىن باشقا ئىگىمۇ بولمايدۇ.

tewelgha

	تۇران يوللىغان ۋاقتى  2012-4-9 11:34 PM سۈرە رەئىد (قۇرئاندىكى 13- سۈرە) 11- ئايەت ھەربىر ئاد ...      رەھمەت ! بىراق بىر نەسىگە ھەيران قالدىم . تىرناقنىڭ ئىچىدىكى ئىزاھات ئەسلى قۇرئاننىڭ مەناسىغا ماسلاشمىغانمۇ قانداق ؟  مەسىلەن ، « ھەر قانداق بىر قەۋم ئۆزىنىڭ ئەھۋالىنى ئۆزگەرتمىگىچە (يەنى اﷲ نىڭ بەرگەن نېمەتلىرىگە تۇزكورلۇق قىلىپ گۇناھلارغا چۈممىگىچە) » .بۇ گەپتىن  ئۆزىنىڭ ئەھۋالنى ئۆزگەرتىش دېگەنلىك  گۇناھقا پېتىش دېگەنلىك دېگەن مەنا چىقىدىغۇ ؟ ـــــــــــــــــــــــــــــــــــــــــــ بىز تىرناقلارنى ئېلىۋەتسەك ،قورئاننىڭ ئەسلى مەناسى مۇنداق بولىدىكەن : ھەربىر ئادەمنىڭ ئالدى- كەينىدە اﷲ نىڭ ئەمرى بويىچە ئۇنى قوغدايدىغان نۆۋەتچى پەرىشتىلەر بار. ھەر قانداق بىر قەۋم ئۆزىنىڭ ئەھۋالىنى ئۆزگەرتمىگىچە ،  اﷲ ئۇلارنىڭ ئەھۋالىنى ئۆزگەرتمەيدۇ ، اﷲ بىرەر قەۋمنى ھالاك قىلماقچى بولسا، ئۇنىڭغا قارشى تۇرغىلى بولمايدۇ، ئۇلارغا ئازابنى دەپئى قىلىدىغان اﷲ دىن باشقا ئىگىمۇ بولمايدۇ. بۇ نېمەدىگەن پاساھەتلىك گەپلەر ----ھە !!!!!!