توردىكى ھۆرمەتلىك ھەدەم

tatlikpigan

	توردىكى  ھۆرمەتلىك  ھەدەم مەردان  ئابدۇللا كەڭ  دالا  سۈت  رەڭگە   كىرگەن قەھرىتان  سوغۇقنىڭ  مەلۇم  كۈنلىرى   ئىدى.  بۇ يەرنىڭ  قىشى  پەۋقۇلادە  سۇغۇق  بولمىسىمۇ  ئەمما   داۋاملىق  شىۋىرغان  چىقاتتى.  يۈزگە  نەشتەردەك   ئۇرۇلغان  بۇ سوغۇق  شامال  دەستىدىن   تاماقنىمۇ  ئېرىنىپ ، بىر-بىرىمىزگە  ئەكىرىپ بەر  دەپ ھاۋالە  قىلىشاتتۇق. ئەتە دەم  ئېلىش  ئىدى. - بۈگۈن  كەچ <باۋيې> قىلىمىز جۇمۇ ئاغىنىلەر!! كۇلۇبلارنىڭ ھەل  قىلغۇچ مۇسابىقىسى  بار.كېچىچە  ئۇخلىماي  نەق مەيدان  كۆرىمىز!!..شۇنداق  قىلىپ ئۇلار بىر بىرىنى تارتىشىپ  نەچچە ئون  بولۇشۇپ <باۋيې> قىلماقچى  بولۇشتى..مەن بولسام  قەتتىي چىققىلى ئۇنىمىدىم. تور دېسە ياتاقتىمۇ بار .ئەممازە    شۇ  مۇسابىقە  كېچىسى  بولغاچقا   ،مەكتەپ  ئاخشىمى تورنى  ئۈزىۋەتكەچكە  نەق مەيدان  كۆرەلمەيدىغان  بولدۇم  دە!!لېكىن  ماڭىمۇ  ئامال يوق. مەن تورخانىغا كىرىشكە  بەكلا  قېرىق. ئۆزۈم  ئەزەلدىن تاماكا  چەكمىگەچكىمۇ   ياكى نېمە سەۋەب  ئىشقىلىپ تورخانىغا  كىېسەم بەكلا  بىئارام  بولىمەن.  ئەزەلدىن شۇنداق.گەرچە پۇتبولنى شۇنچە سۆيسەممۇ يەنىلا  بۇ  مۇسابىقىنى   نەق مەيدان كۆرۈشتىن كېچىپ  ، ئەتە تەكرار  قويغىنىنى  كۆرۈش مەقسىتىدە   مەن چىقمىدىم.شۇنداق  قىلىپ  ئۇلار  چىقىپ  كېتىشتى . مەن   كۈنۈپ  قالغان  ئادىتىم  بويىچە  مۇنبەر  ئارلاشقا  باشلىدىم.  بۈگۈن  مۇنبەرلەردە  تۈزۈك  تېما  يوق  ئىدى.  شۇنىڭ بىلەن  مەن باش تېزىملىككە  كىرىپ   ھەممە  مۇنبەرگە بىرەر   قېتىمدىن  كىرىپ  بېقىش  مەقسىتىدە  چوڭ-كىچك  مۇنبەرلەرنى   قويماي  چېكىشكە  باشلىدىم. مۇنبەرلەرنى  چېكىۋېتىپ بىر كىچىك  مۇنبەربىڭ ئىسمى  مېنىڭ  دىققىتىمنى  سەل تارتىپ  قالدى.  چېكىپ كىردىم. بۇ راستلا   بىر كىچىك  مۇنبەر ئىكەن .ئەزا  سانىمۇ  200گە  يەتمەيدىكەن..قارىسام  مۇنبەر  ئەزالىرىنىڭ بىر-بىرىگە  يازغان چاقچاقلىرى   خېلى قىزىپ  قاپتۇ. مەن  قوشاقلارنى  كۆرگەچ  ئىنكاسلارغىمۇ   ئوبدانلا  دىققەت  قىلىپ  قالدىم. توۋا  !بۇ  مۇنبەردىكىلەرنىڭ ھەممىسى  بىر مەھەللىلىكمۇ  نېمە؟؟  ئىنكاسلار  شۇنداق  مەنا  بېرەتتى. موما ،بوۋا....باللىرىم. ئاكا ، ئۇكا،،، ئەزىزىم   .....بۇنداق باشلىنىپ يېزىلغان  ئىنكاسلار  مەندە  قىزىقىش  قوزغىدى. دەل  بۇ ئىنكاسلارنى  تەھلىل قىلىپ  تۇرسام  ئېكرانغا<- تىزىملىتىپ كىرىڭ!! ئاندىن ئىنكاس يازالايسىز >دېگەندك خەتلەر چىقتى.  شۇنداق قىلىپ  مەن تۇنجى  بولۇپ بۇ  مۇنبەرگە تىزىملىتىپ  كىردىم.بۇ  مۇنبەر  مېنى  بەك تېزلا  ئىللىق  قوينىغا  ئالدى . مەن  قىسقىغىنا  نەچچە كۈن  ئىچىدە  بۇ  مۇنبەرنىڭ  كىچىك زېرەكچاق دېگەن   لەقىمىگە ئېرىشتىم.   - كىچىك زېرەكچاقنىڭ  شېئىرلىرى يۈرەككە تېگىدي جۇمۇ....كىچىك زېرەكنىڭ  بۇ شېئىرى  ياخشى چىقىپتۇ  ئەمما ......دېگەندەك.مەيلى  ماختىسۇن  ياكى  تەنقىدى  پىكىر  بەرسۇن   بېشىغا <كىچىك زېرەك>  نى  قوشۇشنى  ئۇنۇتمايتى.. مەن مۇنبەردىكىلەرنىڭ  مەندەك يېڭى  ئەزانى  يەكلىمىگىنىدىن  تولىمۇ  سۆيۈندۈم..شۇ  تەرىقىدە  بۇ  مۇنبەر  مېنىڭ  ئىللىق ماكانىمغا  ئايلىنىپ قالدى.   مەنمۇ  بىر  ھېكايە  يېزىپ باقايچۇ  دەپ  ئويلاپ  تۇنجى  قېتىم  بىر  ئۇزۇن ئەسەر  يازدىم. ماڭا  ئۇزۇن بىلىنگەن  بىلەن   ئەمەلىيەتتە   قىسقىغىنا   باش ئاخىرى  يوق  بىر  پارچە  ئىدى. ئەمما  مەزمۇنى   يامان  ئەمەس   ئىدى .. <-  كىچىك  زېرەكچاق ھېكايىنىمۇ ياخشى يازىدىكەن ھە؟؟!ئەمما   ئىنىم ،،،بۇ ھېكايىڭىز  مەزمۇن  ۋە  تىل ئىشلىتىش  جەھەتتىن   خېلىلا  ئوبدان  چىقىپتۇ. مەسىلە شۇكى  ھېكايە دېگەن شېئىر  ئەمەس  ياكى  نەسىر  ئەمەس  ،بۇ ئەسىرىڭىز  بىرنچىدىن   بەكلا تومتاق ،باش-ئاخىرى يوق دېيەرلىك ،كولمىناتسىيە  نۇقتىسىنىلا  يېزىپ قويۇپسىز.  ئىككىنچىدىن   ئەدەبىي ئەسەرگە باشتىن ئاخىر  ئەدەبىيلىك  ۋە  بەدئىيلىكنى سىڭدۈرمىسىڭىز  ھەرقانچە  ياخشى مەزمۇنلۇق  ئەسەرمۇ  ئەدەبىي قىممىتى ۋە جەلىپكارلىقىنى  يوقىتىدۇ......> بۇ  ئىنكاس مېنى قايتىدىن  بۇ   ئەدەبىيات ئوقۇتقۇچىسىغا   دىققەت قىلدۇرۇپ قويدى.مۇشۇ  ئىنكاستىن  كېيىن  مەن  بۇ  ئوقۇتقۇچى  مۇنبەرداش  بىلەن  كۆپلەپ  پىكىرلىشىدىغان  بولۇپ قالدىم. ئۇنى ماڭا ئوقۇتقۇچى  قىلىپ تاللىدىم. يوللىغان ئەسەرلىرىمنى  ئاۋۋال ئۇنىڭغا  كۆرسىتەتتىم.شۇنداق  قىلىپ  ئۇ  توردا  ماڭا ياخشى  بىر  مۇئەللىم  ،مەنمۇ  بىر  لاياقەتلىك  ئوقۇغۇچى  مۇناسىۋىتى  شەكىللەندى.. - مۇئەللىم ھەدە  چچ  نومۇرىڭىزنى   قېتىۋالسام  بوپتىكەن .بەزىدە  مۇنبەردە خەت قالدۇرۇشمۇ بەك  قولايسىزكەن. ھەم  دائىملا  ئاچقىلى  بولمايدىكەن . - ھە ،مېنى  ئېرىدىن  تاياق يېسۇن دەپسىزدە!؟؟! مەن  بۇ ئۇچۇرنى كۆرۈپ كۈلۈپ كەتتىم . -        شۇنچە ئېغىرما ؟؟! بوپتۇ ئەمسە؟؟ مەن ئارتۇق گەپ قىلمىدىم. - ھا ھا ھا...چاقچاق قىلىپ قويدۇم ، يولدىشىم ماڭا ئىشىنىدۇ ،مەن  ئۇنىڭغا  سىز  توغۇرلۇق  سۆزلەپ بەرگەن تېخى .سىز يازغان< ھاراقكەشلەر  مارشى > دېگەن شېئىرنى  ئوقۇپ بەرسەم  كۈلۈپ  كەتكەن..... سىز مېنى قاتالمايسىز . سىزنى  مەن قاتاي .. -        شۇنداق قىلىپ  بىر –بىرىمىزدە  چچ   نومۇرىمىزمۇ  بار  بولدى.خۇددى  ئۆز  قېرىنداشتەك  پىكىرلىشىدىغان  ، مۇڭدىشىدىغان  سىر  تۆكىشىدىغان  بولۇپ كەتتۇق.بىر  كۈنى  ئۇ  ماڭا  سۈرەتلىك پاراڭلىشىش ئۇچۇرىنى  ئەۋەتتى.  مەن قۇبۇل  قىلدىم . -        ئەسسالامۇئەلەيكۇم ئاچا! ياخشىمۇ سىز؟!؟ -        ۋە ئەلەيكۇم  ئەسسالام  ،ئىنىم  !دىدار غەنىمەت ! ئېنىق  كۆرەلىدىڭىزمۇ؟؟؟ بۇ مېنىڭ  كىچىك  بالام .. -        ئۇنىڭ قۇچىقىدا  كىچىككىنە  بىر  بوۋاق بار ئىدى. -        ھە؟؟كۆردۈم ،بەك ئۇماق ئىكەن. قىزبالىدەك  تۇرامدۇ نېمە  ؟؟؟!!! -        قارا   زېرەكلىكىنى !!!مۇنبەردىكىلەر بىكار دېمەپتىكەن سىزنى .مۇشنىمۇ بىلىپ بوپسىز دە قاراپلا؟؟شۇنداق قىز ..يەنە بىر قىزىم بار ئۇ تەييارلىق سىنىپنى ئوقۇپ بولۇپ  مۇشۇ كۈزدە 1- سىنىپقا قۇبۇل قىلىندى.- نەسىمە؟!؟بۇياققا كېلىڭ قىزىم!!! -        ئۇماققىنە بىر قىز  كومپىيوتىرنىڭ ئالدىغا كەلدى ۋە ئانىسىنىڭ يادىمى ھەم   يېتەكلىشى نەتىجىسىدە  مەن  بىلەن  بىردەم  تاغدىن- باغدىن  پاراڭ  قىلىشپ   كېتىپ قالدى. -        ۋاي ئاچا  قىزىڭىز  ھەم  ئەقىللىق  ھەم  بەك  ئوماق ئىكەن  جۇمۇ!  ئىسمىمۇ  بەك چىرايلىق ئىكەن  ... -        رەھمەت  ئىنىم، ھازىرقى  كىچىپ بالىلار  بەك   ئەقىللىق  بەك يامان  بوپكەتتى.. -        ئاچا  ،سىز مەكتەپتە  دەرس  ئۆتسىڭىزمۇ  مۇشۇنداق   كىيىنەمسىز؟!؟بېشىڭىزدا ياغلىق ، كىيىملىرىڭىزمۇ  خېلىلا   ... -        ۋاي كارى  يوق  بولامدىغان!!مەكتەپ  مۇدىرى بىلەن  پات-پات سوقۇشۇپ تۇرىمەن. ئۇيغۇر  بولغاندىكىن  ياغلىق چەگمەي ، يوپكا  كەيمەي  تەيتەيخاندەك  يۈرەمدىم   دەپ نەچچە سوقۇشتۇم. يىللىق مۇكاپات   پۇلۇمنىمۇ   بەرمىدى. ئۇنىڭغىمۇ مەيلى دېدىم. -        ۋاھ !سىز يامانكەنسىز  جۇمۇ، ئاچا  . بىزنىڭ يۇرتلاردا  بەك چىڭ بۇ ئىشلار!!دېمىسىمۇ  ياغلىق بىلەن دەرس ئۆتۈشنىڭ يا بىر  مۇناسىۋىتى بولمىسا!!!بۇلارمۇ  بەك   ئېشىپ كەتتى!!ئۇيغۇر بولغاندىكىن   چېگىدۇ شۇ!!!سىزگە  قول قويدۇم ئاچا!!! -        بىزنىڭ ئاتۇش  خەلقى خېلى يامان جۇمۇ ..بۇ خەقلەرنىڭ  دېگىنىنى قىلسىڭىز  شىللە-پاتتاڭغا  مىنىمەنلا  دەيدۇ... -        دېگىنىڭز توغرا ئاچا!!ئەگەر  ھەممە  ئادەم  سىزدەك  چىڭ تۇرالىغان  بولسا   بىزمۇ  بۇنچە   بىچارىلەشمىگەن بولاتتۇق!!ئىشقىلىپ سىزگە قايىل بولدۇم.گۈلدەك ئائىلىڭىز  بار ئىكەن ،ئىككى  ئوماق  پەرىشتىڭىزمۇ بار  ئىكەن  . بېشىڭىزدا  ياغلىقىڭىزمۇ  بار ئىكەن .ھې  ھې  ھې ... -        ۋاي   ئۇكام ،مېنىڭمۇ   دەردىم بىر  قۇچاق  بار ، سىزگە  دېسەممۇ  پايدىسى   يوق. سىز ھەم   كىچىك  ،نۇرغۇن  ئىشلارنى  بىلمەيسىز. تۇرمۇش   بەك   مۇرەككەپ  بولىدىكەن   ئۇكام. -        ھەي!!!سىلەر  ئاياللارچۇ ، ئىشقىلىپ  رازى  بولمايسىلەر!!!تۇرمۇش  دېگەن  ئاشۇنداق   بولىدۇ  شۇ!! ئاز-تولا  ئاچچىق- چۈچىكى بولمىسا   تۇرمۇش  بولامدۇ؟!؟ سىز  شۈكرى دەڭ ...يەنە نېمىگە....؟؟؟؟ -        ۋاي   ئۇكام...ئاللا !!سىزگە نېمە  دەي  ئەمدى؟؟؟ھېلىمۇ  شۈكرى..بەزى  ئىشلارنى  سىز  بىلمەيسىز!!! مېنى  خاتا   ئەيىبلىمەڭ!!!! -        ئەمسە   دەڭ   ؟  ئاڭلاپ  باقاي!!! -        ھەسسىڭەي!!!!بۈگۈن   زادى  سىزگە  بىر  دېمىسەم  ئىچىم  بوشىمىغۇدەك!!!!ماقۇل   !مەن  دەي  ،ئوبدان   ئاڭلاڭ!!! -        <بۇندىن  8 يىل  بۇرۇن  مەن  ھازىرقى  ئىككى  پەرىشتەمنىڭ   دادىسى  بىلەن  توي  قىلغان. ئۇنىڭ  بىلەن  ئىككىمىز   رازىلىقىمىز  بىلەن  شۇنداقلا   چوڭلارنىڭمۇ  رازىلىقىنى  ئېلىپ  بەخىتلىك  بىر  ئائىلە  قۇرغان.  ھەي!!!ئاللاھ  ئېگەم  كەچۈرگەي! تاكى  چوڭ   قىزىم   نەسىمە  تۇغۇلۇپ   ئۇنىڭ   ئسىمىنى  قويغىچە  بولغان  شۇ  ۋاقىتلاردا  ئەر-ئايال  ئىككىمىز  شۇنچىلىك  ئويۇنچى ،شۇنچىلىك  مودا  ھەم  چوڭچى  ئىدۇق!!نېمە   سەۋەب  بولدى  ئۆزۈممۇ ئېنىق  بىرنېمە  دېيەلمەيمەن.بەلكى  شۇ  قىزىمنىڭ  ئېتىنى  قويغاندا  توۋلانغان  ئەزان  دىلىمنى  تىترەتتى  بولغاي، مەن  قايتا باشتىن  ئسلامنى تونۇپ  بۈگۈنكىدەك  ئەھۋالغا  كەلدىم. مودا     كىيىم ، كالتە يوپكىلارنى تاشلىدىم ،بېشىمغا  ياغلىق ئارتتىم، ھەممە  ھەممىنى قايتىدىن  باشلىدىم. بۇ  جەرياندا  مەن   ئاز بولمىغان  رىيازەتلەرنى چەكتىم  ھەم  نۇرغۇن بەدەللەرنى  تۆلىدىم.بايا سىزگە دېگەندەك  مەكتەپ  مۇدىرى ۋە  خىزمەتداشلىرىمنىڭ كۆزىگىمۇ  باشقىچە   كۆرىنىدىغان  بولۇپ قالدىم.نۇرغۇن  پىتنىلەرمۇ  بولدى. بۇنىڭغىمۇ مەيلى دېدىم...چۈنكى مېنىڭ ماڭغىنىم  ھەق  يول!مەن ھېچكىمگە  يامانلىق  قىلمىدىم.سىزنىڭ   سوئالىڭىزغا  ئەمدى جاۋاب بېرەي.  يولدىشىم  باشتا   مېنى قوللىدى ، ئۆزىمۇ  خېلى تۈزىلىپ  قالغانىدى . ئەمما  ئۇ  بۇ سىناقلارغا  بەرداشلىق  بېرەلمىدى  .ئادىمى شەيتانلارنىڭ   ئازدۇرىشىدىن   ساقلىنالمىدى .ئۇ  يەنە يېنىپ  كەتتى ..بىز   ئەزەلدىن گەپ  تالاشمايتۇق  ،ئۇرۇش  جېدەل  قىلىشمايتۇق. مۇشۇ  ئىشلاردىن  كىيىن  تولا   پىكىر  ئالماشتۇرۇشقا  ئامالسىز  قالدۇق .ئۇمۇ  ئۆزىنىڭ  تۈزىلىدىغانلىقىنى  دەپ تۇرىدۇ.  ئەمما  شۇ  خىزمەت !خىزمەت!  بىر ۋاق  تاماق يېيىشسىمۇ  بوتۇلكا  تىكلىمىسە  ئۇنىمايدىغان  باشلىقلار  ئالدىدا  ئۇمۇ  ھەمدەم   بولىشىدىكەن. گاھىدا  تۇرمۇش  مەجبۇرلاپ ،گاھىدا   باشقا   سەۋەب ...ئىشقىلىپ   ئەڭ  مۇھىمى  ئۇنىڭ  ئىدىيىسى   تېخى ئېچىلمىغانىدى .مەن  بەك  ھاردىم! بەك  كۈچىدىم!! ئۇنىڭ بىلەن  ئاجرىشىش نىيىتىگە  نەچچە كەلدىم. ئەمما  كىچىككىنە  ئىككى  بالامغا  قاراپ  كۆز ياشلىرىم  چېقىلغان تۇزلۇقتكى تۇز سۈيىدەك ئاچچىق-ئاچچىق  ئاقاتتى.مېنىڭ  بۇ ئائىلە   ئۈچۈن  قىلغان  دۇئالىرىم    ئۇنىڭ ھاراق  رومكىلىرىدا  تۇنجۇقتى.قىلغان  ئىبادىتىم  ئۇنىڭغا  خوتۇن  بولۇپ ، ئاغزىدىكى  تاماكا تۈتىنىدە   تارىلىپ  بىكالىق بولدى. مەن يا  ئۇنىڭغا   بويسۇنمىدىم ، يا  ھەقىقىي بىر  ياخشى ئائىلە قۇرالمىدىم...مېنڭ  بۇنچە   ئازاب- ئۇقۇبەت ۋە   دەرت   تارتىشىم  نېمە   ئۈچۈن؟؟!؟مەنمۇ   بۇرۇنقىدەك  داپ  تاراڭلىغان ، ئېشەك  ھاڭرىغان  ،نەغمە  ناۋالىق ،ئېسىل  ھاۋالىق،مودا  كىيىملەر ،  سەتەڭ   سىڭىللارنىڭ  ئارىسىدا ياشىساممۇ   چېنىشىپ قالغۇدەك   يەرگە   بېرىپ  قالمىدىم.  ئەمما  بىز  ئۆلۈپ  كېتىمىز!!! تۇغۇلغاندا  ،ئىسىم  قويغاندا   ئىسلامنى  تونۇيمىز  ، ئۆلگەندىمۇ  شۇ يەنە   ئىسلام  ئايەتلىرىنى   ھەمراھ قىلىپ ماڭىمىز!!!ھەرگىزمۇ    نەغمە  ناۋا،  مال- دۇنيا   ۋە  ئاشۇ  ئېزىتقۇ   دوست  ، مال- دۇنيا  ،  يۈز  ئابروي   بىزگە  ئەس  قاتمايدۇ  دە!!! دەردىم   مانا   ئۇكام!!! دەپ  بولدۇم.  ئۆزۈمنىڭ  ئاجىزە  بولۇپ  قالغىنىم  بەك  ئەلەم  بولدى.  ئۇنى    ھەق  يولغا  يېتەكلىيەلمىدىم    يا    ئۇنىڭدىن  ئادا  جۇدا  بولالمىدىم.!> -        بۇ  گەپلەرنى  ئاڭلاپ   مەن  خۇددى   نېرۋا- سېستىمىلىرىنى  ئالماشتۇرىۋەتكەن   كومپىيوتىردەك   تەپەككۈر  ئىقتىدارىمدىن  قالدىم. ئۇنىڭغا  نېمە  دېيىشىمنىمۇ   بىلەلمەيلا  مەڭدەپ  قالدىم.  ۋاقىت  بىر يەرگە   بېرىپ قالغاچقا  بىز   خوشلاشتۇق.  بۇ  كېچە  پۈتۈن خىيالىمدا   بۇ   مۇئەللىم  ئاچاشنىڭ   ھېكايىسىنى   ئويلاپ  چىقتىم.ئۇنىڭغا  قانداق  پىكىر  بەرسەم   بولار ؟  قانداق   ياردەم   قىلسام    بولار ؟! بۇ  خىياللار   كاللامنى   قۇيۇندا  قالغان   سۇلياۋ  خالتىدەك   پىرقىرىتىۋەتتى.    نېمە  سەۋەبتىن  بىلمىدىم.  مۇشۇ بىر  قانچە  كۈندىن   بېرى   پەقەت   بىرنەرسە   يازالمىدىم  . ئۇ  ئاچاممۇ  تورغا  چىقمىدى .شۇنداق  قىلىپ  بىر  قانچە  كۈن  ئۆتۈپ   ئۇ  مۇئەللىم  ئاچاشنىڭ  چچ   سى   يورىدى   .مەن  دەرھاللا   ئۇنىڭغا   سۈرەتلىك  سۆزلىشىش  ئۇچۇرى  ئەۋەتىىم.   بۈگۈن   ئاچاشنىڭ  رەڭگى – روھى   بەكلا   ناچار  ئىدى . -        ئاچا   نېمە   بولدىڭىز؟! -        بولدى  سورىماڭ ....ئاخشام   ئۇ  مەست  كەپتىكەن   بەك  قاتتىق  دېيىشپ  كەتتۇق.ئەمدى  ئۈمۈد   قالمىدى.   بىچارە   باللىرىمغا   ،سەككىز   يىللىق  تۇتقان  ئۆيۈمگە   چىدالمىدىم  ! ئۇ  يىغلاپ تاشلىدى   ،،ئۇنىڭ  يىغىسىغا  ،ھالىغا  قاراپ  مەنمۇ   كىرپىكلىرىمنى   نەمدەپ   قالدىم. -        ئاچا! –دېدىم  مەن.مەن  ئويلىغانلىرىمنى   سىزگە دەي -   سىز  ئائىلىڭىزنى   بۇزماڭ.  يولدىشىڭىزنى  چوقۇم  ئۆزگەرتكىلى  بولىدۇ.. -        ئېيتىڭە   مەن  ھېلىمۇ  ئاز  تىرىشمىدىم   ،مەن ھاردىم   ھالىمدىن  كەتتىم  ئۇكام. -        ئىككى  بالىڭىزنى  ئويلاڭ!  بىر  ئەر كىشىگە  ئايالى  بەك نەسىھەت   قىلىپ كەتسە   ئەرلىك  غورۇرىنى  دەپ  بولسىمۇ    باش   ئەگمەسلىكى  مۇمكىن . ئەمما  ئوقۇمۇشلۇق   ئادەمنىڭ  كاللىسى  ئۆتكۈر  بولىدۇ.  ئۇنىڭغا  كىتاب  ۋە   ئەتراپىڭىزدىكى  ئۆلىما  كىشىلەر  ، يۇرت مۆتىۋەرلىرى  ئارقىلىق   تەربىيە  ئىشلەڭ! بىرەر  ئۆلۈم- يىتىم  ئىشلىرى بولسا  ئۇنى  يەرلىك  بېشىغا  بېرىشقا  ئۈندەڭ! گۆر  بېشىغا  بارغاندا  ھەرقانداق  ئادەمنىڭ يۈرىكى  تىتىرەيدۇ . بەلكى  شۇ    چاغدا   پۈتۈنلەي   ئويغىنىشى  مۇمكىن. سىزمۇ  تورغا   ئازراق  چىقىپ  ئۇنىڭغا   بەك  جىق  گەپ  قىلماي  ئۇنىڭ  ئاغزىدىن  دىنغا   ئائىت  بىر  نېمىلەرنى   كوچىلاڭ   .مۇشۇنداق  قىلىپ   ئۇنى  بارا  بارا    كىرگۈزۈڭ  .بەلكى  ئۇ سىزگە   جاۋاب  بېرىش  ئۈچۈن   ئۆزلىكىدىن  ئىزدىنىپ  قالسا  ئەجەب  ئەمەس... -        مەنچە   بۇلارنىڭ  ئەھمىيىتى   قالمىدى.  ئەگەر  ئۇ  قايتىپ  يارىشىپ  قالماقچى  بولسا   مەن  باللىرىم  ئۈچۈن  ئائىلەم  ئۈچۈن  ھەممىنى  قىلىشقا  تەييار!!!مۇشۇ  سۆھبەتتىن   كېيىن   بىز  خېلى ۋاقىتقىچە   پاراڭ  قىلىشالمىدۇق.  بىر  كۈنى  مۇنبەرنى   ئاچسام  ماڭا  ئۇچۇر  بار  دېگەن  ئەسكەرتىش  كەلدى. -        <ئەسسالام   ئىنىم!!ئۇزۇن  بوپتۇ   ئەۋاللاشمىغىلى . ئۇزۇن گەپنىڭ  قىسقىسى   سىز  دېگەن   ئاماللارنىڭ  سەۋەبى  ۋە  ئاللاھنىڭ   ئىرادىسى  بىلەن   يولدىشىم  ياىشىلىنىشقا  قاراپ  ماڭدى .  ئۇنىڭدىن  سوئال  سورىغىنىمنىڭ  ئۈنۈمى  ئەڭ  ياخشى  بولدى.  ئۇ  ماڭا  جاۋاب  بېرىش  ئۈچۈن  ئىزدىنىش   ۋە   بىلىملىكلەردىن   سوراش  جەريانىدا   تېخىمۇ   ياخشى  چۈشىنىشكە   ئېرىشىپتۇ.  بۇ  بۇرۇن  مەن   ئۇنىڭغا  ئۆگەتكەندىن  كۆپ   ياخشى  بولدى .  ھازىر  ئۇ  مېنى  تورغا  چىقماسلىققا  ،  كۈندە  مەلۇم  ۋاقىتنى  كىتاب  كۆرۈشكە  ئاجرىتىشقا   قىستاۋاتىدۇ .  چچ  پاراڭلىشىشىمنى  ۋە  مۇنبەردە   ۋاقىت  ئىسراپ  قىلىشنى   ياخشى  ئەمەس  بىلمىسەڭ  مەندىن  سورا  ،كىتاب   كۆر  دەپ   مەسلىھەت  بەردى ..مەن ئۇنىڭ دېگىنىدەك  قىلماقچى  . شۇڭا  بۇندىن  كېيىن  سىز  بىلەن   ۋە  ئەسەرلىرىڭىز   بىلەن  ئۇچرىشىش  پۇرسىتىم  تېخىمۇ   ئازلايدۇ  ، مېنى  توغرا  چۈشىنىڭ  بولامدۇ؟! ئاللاھقا   ئامانەت !سىزگە   ئامەت   ۋە  بەخت  تىلەيمەن  زېرەكچاق!! ئامان  بولۇڭ!> بۇ  خەتنى  كۆرۈپ   بۇ  مۇئەللىم   ئاچاشقا    يەنە  بىر  قېتىم   يۈرىكىمنىڭ  قاتلام- قاتلاملىرىدىن   قايىل  بولدۇم! ئۇنىڭ  شۇ  روھى...ئائىلە  ئۈچۈن   ھەممىدىن  كېچىشى . بەرداشلىق بېرىشى  ،يەنە  تېخى  ئۆز  ئۆرپ- ئادىتى ، ئىتىقادى  ئۈچۈن  شۇنچە  ئىشلارغا  چىداپ  كېلىشى . ئاخىرى  ئاللاھ  ئۇنىڭغا  ئاسانلىق  ۋە  ئەمىنلىك   بېرىپتۇ  مانا!!! بەختمۇ  ،شادلىقمۇ   ئۇنى  قەدىرلىگۈچىگە    چىڭ تۇتۇشنى  بىلگەنلەرگە   مەنسۈپ...ئەڭ  ئاخىرىدا  يەنە   توردىن  ۋاز  كېچىپ  ئۆيى   ئۈچۈن   مەشئەل  بولۇپ  يېنىشنى  تاللىغان  بۇ   مۇئەللىم  ئاچامغا   چەكسىز   ھۆرمىتىمنى   ئىپادىلەيمەن.  ئاخىرىدا  توردىكى  بارلىق  ئاكا – ھەدىلەرنىڭ   تور  دۇنياسى  ئۈچۈن  ئىللىق  ئائىلىسىدىن  ئايرىلىپ  قالماسلىقىنى  تەۋسىيە  قىلىمەن  ۋە   تىلەيمەن. مەنبە:تاتلىق پىغان  ئىجادىيىتى

hekmat-uyghur

	ئۇففففففففففففففففففففففففففففففففففففففففففففففففففففففففففففففففففف

ئۆل

	hekmat-uyghur يوللىغان ۋاقتى  2012-4-7 12:38 AM ئۇففففففففففففففففففففففففففففففففففففففففففففففف ... ئوقۇپ ھېرىپ  كەتڭىزمۇ يا  ئوقۇمايلمۇ ؟

ئۆل

	مەنمۇ  قايىل بولدۇم  ھەدىڭىزگە.....ئويۇنچى  ،مودا قىز- ئاياللارىنىڭ ئۆزگەرمكى  بەك  تەستى

ئايچىن

	ھىكايىڭىزنى شۇنداق بېرىلىپ ئوقوپ چىقتىم لېكىن ئارىسىدىكى  بەلگىلەر بىشىمنى قايدۇردى ،ھەجەپ بىر

131svkvt

	ئەسسالاممۇ ئەلەيكۇم پادىچى يىگت ،مۇشۇ كۈنلەردە ئەسەلىرىڭز بەك ياخشى چقۋاتدۇ جۇمۇ.قەلەم تۇتقان قۇللىرىڭزغا دەت كەلمسۇن،سزگە ئۇتۇق تىلەيمەن.

cholpan

	تاتلىق پىغان ھەزرەت، بۇ راسىت گەپمۇ يا؟ بىزمۇ زېرەكچاق دەپ چاقىرايلى ئەمىسە

cholpan

	تاتلىق پىغان ھەزرەت، بۇ راسىت گەپمۇ يا؟ بىزمۇ زېرەكچاق دەپ چاقىرايلى ئەمىسە

1abdulla

oyhanogul

	ھەقىقەتەن ياخشى چىقىپتۇ