مۇنداقمۇ ئاشىقلار بار ... ( ھېكايە)

shoruq

	مۇنداقمۇ ئاشىقلار بار ...                                                                ( ھېكايە)   مېنىڭ بىر دوستۇم بار قىز دوستىنى بەك ياخشى كۆرىدۇ.ئۇنىڭغا شۇنداق كۆيۈنىدۇ،لىكىن، بەك چىڭ باشقۇرىدۇ. كۆيگەن يامانمۇ، كۆنگەنمۇ دېگەن گەپ راستمۇ ياكى قىز يېشىنىڭ چوڭ بولۇپ كېتىۋاتقانلىقىدىن ئەنسىرەمدۇ ئەيتاۋۇر،ۋاقىت ئۆتكەنسىرى ئۇ قىز ئاغىنەمنىڭ سىزغان سىزىقىدىن چىقمايدىغان بولۇپ قاپتۇ.  ئاغىنەم ئا دېسە بىچارە قىز  ب دەپ قالدىمۇ بولدى، نەچچە كۈنگىچە ئاغىنەمنىڭ ئاھانىتىدىن قۇتۇلمىقى تەس.                                                                   (1) قىزنىڭ تىلىفۇنى جىرىڭلىدى. قىز خېمىر يۇغۇرۇۋاتقان بولغاچقا دەماللىققا تىلىفۇننى ئالالمىدى. ئارىدىن 10 مىنۇت ئۆتۈپ قىز تىلىفۇن قايتۇردى. - سادىق، خاپا بولما، بايام مەن خېمىر يۇغۇرۇۋاتقان ئىدىم. - سەن دائىم مۇشۇنداق قۇرۇق بانالارنى تاپىسەن، 20 مىنۇت ئىلگىرى تىلىفۇن قىلسام خېمىر يۇغۇرۇشنىڭ گىپىنى قىلمايۋاتاتتىڭغۇ، زادى ئىچىڭدە بىر شەيتان بار سېنىڭ، سېنىڭ نەزىرىڭدە مەن كىم؟ - ئانام تۇيۇقسىز تىلىفۇن قىلىپ، مانتىغا خېمىر يۇغۇرۇپ قويۇڭ قىزىم، دېگەن. -نىمىشىقا ماڭا تىلىفۇن قىلىپ دەپ قويمىدىڭ ئەمسە، يەنە مۇشۇنداق ئىش يۈز بەرسە، مەندىن رەنجىپ يۈرمە، جۇمۇ. - ماقۇل، دىققەت قىلاي.                                                            (2) يىگىت بىلەن قىز باغچىدا ئولتۇراتتى. ئۇلارنىڭ ئالدىدىن بىر يىگىت ئۆتۈپ كېتىۋىدى، قىز ئۇنىڭغا مۇنداقلا قاراپ قويدى. - ھەي، نەگە قاراۋاتىسەن، كۆزۈڭگە بۇرۇنقى مۇھەببىتىڭدەك كۆرۈنۈپ كەتتىمۇ؟ - مۇنداقلا قاراپ قويسام، شۇنچە ئەۋزەيلەپ كەتتىڭغۇ، سادىق. ئۆتكەن ئىشلارنى تەگىمەيمىز دېگەنغۇ؟ - بۇرۇنقىسىنى ئۇنتالمايۋاتقان بولساڭ، ئېنىق گىپىڭنى ئېيىت، مەنمۇ كۆزۈڭگە كىرىۋالمايمەن، نەچچە قېتىملاپ ئالدىمدىلا خىيالغا چۆكۈپ كېتىسەن، سېنىڭ نېمە ئويلاۋاتقىنىڭنى كىم بىلمەيدۇ؟ - سەنمۇ ئىلگىرىكى قىز دوستلىرىڭ بىلەن ئالدىمدىلا تىلىفۇن پاراڭلىشىسەنغۇ، مەن شۇنىمۇ كۆڭلىمگە ئالمىسام، نەدىكى ئاساسى يوق گەپلەر بىلەن كۆڭلۈمگە ئازار بېرىدىكەنسەن. بولمىسا نەچچە قېتىم دېدىم، سەندىن باشقىنى ياخشى كۆرمەيمەن، ئىلگىرىكى دوستۇڭ دەۋالغان بالىمۇ، ماڭا تەلەپ قويسا، مەن ئۇنىمىغان، ئۇنىڭ بىلەن ھېچبىر مۇناسىۋىتىم يوق ئىدى بولمىسا. - مەن دېگەن ئەر كىشى. نېمە قىلسام بولۇۋىرىدۇ. ئەمما مېنىڭ بىلەن توي قىلغىڭ بولسا، دېگىنىمنى قىلىسەن. مېنىڭ رۇخسىتىمسىز يۆتىلىشىڭگىمۇ بولمايدۇ. - ماقۇل، گىپىڭنى ئاڭلاي.                                            (3) - ئاداش، ئەر كىشى دېگەن تېپىلماسنىڭ خورمىسى ئەمەس،  سادىقنىڭ قۇلىغا ئايلىنىپ قالاي دەپسەنغۇ؟ - سەن بىلمەيسەن، ئاداش، سادىق دائىم باشقىلار بىلەن ئارلاشقان دېگەننى بانا قىلىپ، مېنىڭ ئاغزىمنى تۇۋاقلاپ قويىدۇ، مەن سادىق بىلەن ئايرىلىپ كېتىپ، كېيىن يەنە باشقىلارنىڭ ئىككى يىگىت بىلەن ئارلىشىپتىكەنسەن، دېگەن گېپىنى كۈتۈرگۈچىلىكىم يوق. - سادىقنى قانداقمۇ ياخشى كۆرۈپ قالغانسەن؟ - ئۆزى بەك ياخشى بالا،  يا ئىچمەيدۇ، يا چەكمەيدۇ، خىزمىتىمۇ بار،ماڭىمۇ كۈيۈنىدۇ، بىرلا يىرى گىپى بەك جىق، بەزىدە شۇنداق بىزار بولۇپ كىتىمەن، پىشانەم شۇ ئوخشايدۇ،مېنىڭ.                                            (4) -سادىق، مەن ئەتە قىزلارنىڭ ئولتۇرۇشىغا باراتتىم، ساڭا دەپ قۇياي دېگەن ئىدىم. -بارمىساڭ نېمە بولىدۇ، سەندىن بىر مىنۇتقا بولسىمۇ ئايرىلغۇم يوق مېنىڭ. - بەك يېقىن دوستۇمنىڭ ئولتۇرۇشى  ئىدى. -بوپتۇ، ئەمسە 10مىنۇتتا بىر قېتىم تىلىفۇن قىلىپ تۇرغىن. -بەك قۇلايسىز بولۇپ قالارمىكىن، ھىلىمۇ سېنىڭ سەۋەبىڭدىن دوستلىرىم ئالدىدا يۈزۈم قالمىدى. -مەندىن زىرىككەن بولساڭ بوپتۇ، ئارىمىز ئوچۇق بولۇپ كەتسۇن. - ...                                                   (5) -مەريەم سېنى كۆرگۈم كەلدى. - ئايرىلغىنىمىزغا تېخى يېرىم سائەت بولمىدىغۇ؟ - ماڭا يېرىم ئاي بولغاندەك بىلىنىپ كەتتى. -ئۆزەڭ ئايرىلىپ كېتەيلى،دېگەن ئىدىڭغۇ؟ - ياق، ئاچچىقىمدا دەپ ساپتىمەن، مېنى كەچۇر! - بىر مەزگىل ئايرىلىپ ياشاپ باقايلى، بەك چارچاپ كەتتىم. - ياق،جېنىم، مەن سەندىن بىر مىنۇتمۇ ئايرىلالمايمەن.                                            (6) - سادىق ئۆيدىكىلەر توينى سەل كىچىكتۈرسەك دەيدۇ، سىڭلىمنىڭمۇ توي ئىشلىرى تەييار بولۇپ قالغان ئىدى. - ياق، كېلەر دۈشەنبە كۈنى قىلىپ بەرسۇن، بولمىسا، باشقا بىرىنى تېپىپ، سىڭلىڭ بىلەن بىر كۈندە توي قىل! - ئۆتۈنەي سادىق، ئائىلىمىزنىڭ ئىقتىسادى ئەھۋالى ياخشى ئەمەس، ئازراق بولسىمۇ پۇل ئىقتىساد بولارمىكىن دەپ شۇ... - قاچانغىچە ساقلايمەن سېنى، بىر قازان پولونى ئارتۇق ئەتكەنگە پۇلۇڭلار تۈگەپ كەتمەس. مېنىڭ دىگىنىمدەك قىلىش، بولمىسا، ئاقىۋىتىگە مەن ئىگە بولمايمەن. - ...                                                   (7) - مەريەم، تىلىفۇنىڭ بەك ئالدىراشقۇ؟ - ئاكام تىلىفۇن قىلغان ئىكەن. - بانالىرىڭ بەك جىققۇ سېنىڭ، ئاچچىقىمنى كەلتۈرۈپ. بۇنىڭدىن كېيىن رۇخسىتىمسىز... - ... مەنبە: ئۆزۈم. ئەسكەرتىش: ئەسەرلىرىمنى يۆتكەپ ئىشلىتىشكە بولمايدۇ. ( روزىمۇھەممەت ئىرپان)

浪漫的回忆

	«مەن دىگەن ئوغۇل بالا،نىم قىلسام بۇلۋېرىدۇ،ئەمما مىنىڭ بىلەن توي قىلغىڭ بولسا دىگىنىمنى قىلسەن» ئاجايىپ جىمۇ بەزى ئوغۇللار

mam-nun

	تۇۋا ،،،مىنىڭلا ئوغۇل دۇستۇم مۇشتامىكى دىسەم .باشقىلامۇ باكەندە......مەنمۇ بەك زىرىكتىم شۇندا گەپلەدىن  ...ئۇففففففففف  ...ئاز قالدى پارتىلايدىغانغا..

abdulahad

	بۇنداق ئەرنىڭ قولىدا خوتۇن تۇرمايدۇ.

سۈمەييە

	تازىمۇ بىمەنە ئوغۇلكەنغۇ بۇ ، بۇنداق ئوغۇللارنى خۇيىنىڭ تايىنى يوق ئوغۇللار دەپ ئاتايمىز ئەڭ ياخشىسى بۇنداق ئوغۇللاردىن يىراق تۇرغان ياخشىمىكى دەيمەن ، بولمىسا كۆڭۈلنىڭ كەينىگە كىرىپ توي قىلغان بىلەن قاراڭلار مەزكۇر تىمىدا تەسۋىرلىنىۋاتقىنىغا ئوخشاش قىز بالا خۇددى تۈرمىدە ياشىغاندەك ياشايدىكەن ئەمەسمۇ ئەنە ، ئۇنداق مۇھىتتا ياشىغان ئادەمنىڭ كۈنى بەخت ئىچىدە ئۆتمەيدۇ مىنىڭچە ، ئىشەنچ ، قوللاش ، كۆيىنىش،،،،، بولمىسا ھەقىقى مۇھەببەت نەدە تۇرۇپتۇ . خۇدايىم ساقلا بىز قىزلارنىڭمۇ  شۇنداق ئوغۇللارغا ئۇچراپ قىلىشتىن ، بولمىسا 10 يىل بالدۇر قىرىپ يۈرەك كىسىلى بولۇپ ئۆلۈپ قالغۇدەكمىز

adil820

	ماڭا ھەجەپ ئاشداق قىزلار ئۇچۇرمايدۇ دىسە ~

fatima

	بۇنداق ھەممە ئىشتا ئۆزەمنىڭ راس دەۋەرسە ،ھەرقانچە ياخشى كۆردىغان قىز بولسىمۇ چىدىمايدۇ.ئوغۇل بولسۇن قىز بولسۇن بىر-بىرىگە ئىشىنىش ھۆرمەتلەش تۇيغۇسى بولمىسا،بۇھاياتتىكى ئەگرى-تۇقايلىق يۇللىردا قانداقمۇ ئىجىل-ئىناق ئكتەلەيدۇ.

ئاھو

	ئوججون بۇلدى ئۇلا توي قىلمىسۇن    توي قىىلسا بىركۈنى ساراڭ بولوپ قالىدۇ .ئۇقىز

yaqiwak

	ئاۋۇ قىز بەك ئەخمەقمۇيە؟

nurjula

	ۋاي ۋۇي، ماۋۇ مەريەم قىز نىمانداق سەۋىرچان، مەن  بولسام سادىق مىجەزلىك كىشى بىلەن بىر كۈنمۇ ئۆي تۇتالمايمەن، تازىمۇ بىر، ئاللاھ ساقلىسۇن، بەك ئىچىمنى سىقىۋەتتى بۇ ئىدەم!