ئۆزىڭىزنى قەدىرلەشنى بىلمىسىڭىز، مانا مۇنداق بولىدۇ ...

Gvljahan

	ئۆزىڭىزنى قەدىرلەشنى بىلمىسىڭىز ، مانا مۇنداق بولىدۇ ..... بۈگۈن ناھايتى زۈرۈر ئىش بىلەن ناھىيە ئاتلاپ يەنە بىر قوشنا ناھىيەگە بېرىپ كىلىشكە توغرا كەلدى ، كەچ قالسام بولمايتتى ، چۈشتىن كىيىن ئىشتىن بالدۈرراق چۈشۈپ  ئۆيدە قالغان ئىككى ياشلىق قىزىم بىلەن كېسەلچان دادامنىڭ ھالىدىن خەۋەر ئېلىشقا ئىنىمنى قارىتىپ قۇيۇپ 2-3سائەت ئىچىدە ئىشلارنى پۈتتۈرۇپ دەرھال قايتىشىم كېرەك   ، شۇڭا ھېلىدىن ھېلىغا سائىتىمگە قاراپ كىتىۋاتاتتىم ،  قوشنا ناھىيەگە بېرىپ ئاپتۇبۇستىن چۈشۈپلا  ۋاقىتتىن ئۇتۇش ئۈچۈن  تاكسىغا چۈشتۇق ، مەن بىلەن بىرگە ماڭغان ھەمرىيىم ئۆيى بار كوچىنى دىدى : "ئەتىرگۈل كوچىسىغا ئۇستام ..." (بۇ ناھىيىنىڭ بىر كوچىسىنىڭ ئىسمىكەن ، ئايلىناي ......) تاكسى شوپۇرى گەپ سۆزسىز بىزنى ئېلىپ ماڭدى ، بىر چوڭ يولدىن  ئەگىلىپ يەنە بىر كىچىك كوچىغا كىرىدىغان يەرگە كەلگەندە ماشىنىنى بىر جۈپ قىز يىگىت توستى ، شۇپۇر توختىدى ۋە ئۇلارنى ماشىنىغا چىقىرىۋالدى ، ئىچىمدە  " ئەستا، ئالدىرىغاندا نىمانداق قىلىدىغاندۇ ، ھە بوپتۇ ، تۇنۇشلىرى ئوخشايدۇ ،  ئېلىۋالسا ئېلىۋالسۇن "دەپ ئويلاپ باشقا گەپ قىلمىدىم ، ئازراق ماڭغاندىن كىيىن شۇپۇر ماشىنىنى تۇيۇقسىز قايدۇرۇپ باشقا كوچىغا كىرىپ كەتتى ، بۇ چاغدا ھەمرىيىم: - ئۇستام ، ئۆيۈم بۇ يولدا ئەمەس ، بىزنى نەگە ئېلىپ كىتىۋاتىلا ؟" دىدى . شۇپۇر قاپىقىنىمۇ ئاچماستىن :"ماۋۇلارنى ئاپىرىۋىتەي " دىدى ، تۇرۇپلا مەنمۇ سەل جىددىلىشىپ: -ئۇستام ، ماشىنىنى بىز ئاۋال جىددى ئىش بىلەن توستۇق ،ۋاقىت قىس ،  ئالدىرايمىز ، شۇڭا ئاۋال بىزنى ئاپىرىۋېتىشلىرى كېرەكقۇ دەيمەن ؟" دىدىم ، بۇ چاغدا ياش شۇپۇر يىگىت قاپاقلىرىنى تېخىمۇ بەتەر تۈرۈپ : مەنمۇ ئالدىرايمەن ، پۇل تاپمىسام بولمايدۇ ، ئالدىرىساڭلار چۈشۈپ قېلىپ باشقا ماشىنىدا كېتىڭلار " دىدى ، ئۇنىڭ بۇنداق كۈتمىگەن ئەدەپسىزلەرچە قوپال مۇئامىلىسىنى مەن دەماللىققا قۇبۇل قىلالمىدىم ، ئۇ ھىچ بولمىغاندا كۈلۈپ تۇرۇپقىنا " ماۋۇ دوستلىرىمنى ئاۋال ئاپىرىپ قويسام رەنجىمىسەڭلەر ، سىلەرنىمۇ تىزراق ئاپىرىپ قۇياي"دىسىمۇ ئەپۇ قىلىۋىتەر ئىدىم ، لىكىن  تاكسىلارغا چۈشۈپ مۇنداق ناچار  مۇئامىلىگە ئۇچراپ باقمىغان مەن ئىچىمدە بىر ئاچچىقنى ھىس قىلدىم ، ئەمما ئۈزۈمنى تۇتىۋېلىپ : - ھە ، بولدى -بولدى ،  يولىڭىزغا مېڭىۋېرىڭ ، ئاۋال ماۋۇلارنى ئاپىرىۋېتىڭ ،- دىدىم . بۇ ئارا يولدا ماشىنىغا چىقىۋالغانلار ئارىدىن 2مىنۇت ئۈتۈپ چۈشۈپ قېلىشتى ، بۇ تەرى سۈرۈن شوپۇر بىزنى بارىدىغان مەنزىلىمىزگە تولۇق يەتكۈزۈپ قۇيۇش تۈگۈل ھەمرىيىمنىڭ "مىنىڭ پۇتۇم ئاغرىيتتى ، ئۈيۈمنىڭ ئالدىغاراق ئاپىرىپ توختىتىپ بەرسىڭىز قانداق ؟" دەپ ئۈتۈنىشىگىمۇ قارىماي ، ھەتتا ئەمىسە مەشەدەرەك چۈشۈۋالايلى دىگەن گىپىنىمۇ پىسەنتىگە ئالماي "چوڭ يولدا توختىيالمايمەن "دەپ ، بىز كىرىپ كىتىدىغان كوچىدىن 100مىتىرچە ئۆتكۈزىۋېتىپ ئاندىن توختىدى ، مەنزىلگە ئاپىرىپ قويماڭ بىر ، توختاپ بىرىپ دىگەن يەردە توختىماڭ بىر ، يولدا توختىماي بىرسىنىڭ ئۆگزىسىگە چىقىپ توختار بولغىيىدى ، بۇ چاغدا راستىنلا ئاچچىقىم كەلدى ۋە ئۆزۈمنى تۇتالمىدىم ، شۇنداقتىمۇ لىۋىمنى چىشلەپ تۇرۇپ سورىدىم : - كىراغا قانچە بىرىمەن؟ -ئىككى يۈەن . كۆڭلۈمدە نىمانداق ئەرزان دەپ ئويلىدىم ، باياتىن بۇ تەربىيە كۆرمىگەن تاكسى شوپۇرىنىڭ بىزگە قىلغان ئوسال مۇئامىلىسى ۋە ماڭا تەرىنى تۈرۈپ تۇرۇپ " مەنمۇ ئالدىرايمەن ، پۇل تاپمىسام بولمايدۇ ، ئالدىرىساڭلار چۈشۈپ كىتىڭلار .." دىگەنلىرىنى ئويلاپ ئەمدى ئەدىۋىنى بىر بىرەي دىدىم : - مانا بەش يۈەن ، بولدىن قايتۇرماڭ ئاشقىنى سىزگە قالسۇن ، ئۇكام پۇلمۇ تېپىڭ ، ھۆرمەتمۇ تېپىڭ ، خوش !  ھەمرىيىم ئۇ سۇنغان ئۈچ يۈەننى ئالغىلى تەمشەلدى ، لىكىن مەن قولىدىن ئېلىپ يەنە ماشىنىنىڭ كەينىدىكى ئورۇنغا قۇيۇپ قويدۇم ، دەل شۇچاغدا بۇ شۇپۇرنىڭ چىرايى رەسمى تاتاردى ، مەنمۇ يىتىدىغان مەخسىمگە يەتكىنىمنى بىلىپ يىنىك بىر تىنىۋالدىم ۋە ھەمرىيىمنى قولتۇقلاپ ماڭدىم ، لىكىن شۇپۇر ماڭماستىن ماشىنىنى ئاتايىن توختىتىپ چۈشۈپ ھېلىقى مەن قۇيۇپ قويغان ئۈچ يۈەن پۇلنى تۆت -بەش پارچە قىلىپ يىرتىپ يولغا تاشلىۋەتكەندىن كىيىن ماشىنىسىنى ھەيدەپ كەتتى ،  ھەمرىيىم ماڭا قاراپ  : - نىمە قىلغىنى بۇ ئۇنىڭ  ؟- دەيدۇ  ، مەن دىدىم ،-  بۇ ساراڭغا پۇل كېرەك ئەمەسكەن ، ياكى كاللىسىنىڭ بىر ئاز دەردى بار ئوخشايدۇ ، باشقىلارغا مۇشۇنداقلا ئوسال مۇئامىلە قىلىپ ، قولىغا چۈشكەن پۇلنى يىرتىپ تاشلىۋېتىپ يۈرىۋەرسە ئۆمۈر بۇيى 4-5 يۈەن پۇلغا زار بولۇپ ئۆتكىدەك . يولدا كىلىۋېتىپ بۇ تاكسى شوپۇرىنىڭ بايىقى ساپاسىزلەرچە مۇئامىلىسى ۋە  ئەخمەقلەرچە ھەرىكىتى كۈلگۈمنى كەلتۈرەتتى   ، جەمىيىتىمىزدە خېلى خوش مۇئامىلىلىك ، ئەدەپ -قائىدىلىك تاكسى شۇپۇرلىرىمۇ بار ، مەن ئەمدىلا بالامنى تۇغۇپ ، مەلۇم ئىش بىلەن بالىنى كۆتۈرۈپ سىرتقا ئىش بېجىرغىلى بېرىپ قايتاشىمدا ناتۇنۇش تاكسى شوپۇرى مەن تەلەپ قىلمىساممۇ قورا دەرۋازىسىدىن كىرىپ بېنا نومۇرىنى سوراپ  ، ماشىنىسىنى ئۈيۈمنىڭ ئالدىغا توختۇتۇپ  كۈلۈپ تۇرۇپ : - بالا كۆتۈرۈپ چارچايدىغان گەپ ، ئازراق بولسىمۇ يوللىرى قىسقىرىغاي دىدىم ،- دىگەندە شۇنداق بىر خىل ئىللىقلىق ھىس قىلىپ سۈيۈنۈپ كەتكەن ئىدىم . بايىقى تاكسى شوپۇرىنىڭ ئەزەلدىن بۇنداق كىشىنىڭ كۆڭلىنى سۈيۈندۈرىدىغان ئىش قىلىپ باقمىغانلىقى بىزگە قىلغان مۇئامىلىسىدىن بىلىنىپ تۇرۇپتۇ ، بىز ئۇيغۇرلاردا "بولمىساڭ ئىللىق چىراي ، ئاچمىغىن دۇكان -ساراي " دەيدىغان ھىكمەتلىك سۆزىمىز بار ، تاكسى ھەيدىگەن بولسىمۇ شۇمۇ بىر تىجارەت ، بىر تىلىم قوغۇن ياكى تاۋۇز ساتسىمۇ خېرىدارغا كۈلۈپقىنا ،- كەلسىلە ، تېتىپ باقسىلا تىللىرىدا قالىدۇ ،- دىگەن ئىككى ئېغىز خۇشئاۋاز گېپى خېرىدارنى يەنە بىر كۈنلەردە ئالدىغا كىلىدىغان قىلىدۇ  ، ئاددى -ساددا كىيىنىپ ،  ئاز دەسمى بىلەن تىجارەت باشلاپ  ،تىيىنلاپ - موچەنلەپ كىرىم قىلىدىغان كىشى بولسىمۇ خېرىدارىغا خۇش مۇئامىلە قىلسا رىزقىنى تېخىمۇ ھالاللاپ - ئاۋۇتۇپ تاپىدۇ ، بۇنىڭغا قۇشۇپ كەسىپداشلىرى ئىچىدە يۈزمۇ تاپىدۇ  ، بىزدە دەل مۇشۇ قائىدىنى ئەكىس ئەتتۈرۈپ بىرىدىغان  "پۇل تاپ - يۈز تاپ " دەيدىغان ھىكمەتمۇ بار ، ئاۋۇ ئالدىرايدىغان ،  پۇل تاپمىسا بولمايدىغان تاكسى شوپۇرى مۇنداق تىجارەت قائىسىدىنى ئۆمرىدە ئاڭلىمىسا كېرەك ، ئۇيغۇرنىڭ جاھاندارچىلىق سەنئىتىنى تېخى ياخىشىلاپ ئىگىلىمىسە كېرەك ، شۇڭىمىغۇ بۈگۈن مىنىڭ "يۇمشاق لاتىغا ئوراپ بېشىغا سالغان توقمىغىم" نىڭ كۈچىنى ھىس قىلىپ بولالماي ، بېشى "زىڭىلداپ " كىتىپ ماشىنىسىدىن چۈشكەن پېتى مەن قۇيۇپ قويغان پۇللارنى ئەخمەقلەرچە يىرتىپ تاشلىۋەتتى ،  ئاشۇ شوپۇرغا شۇنى دىگىم كىلىۋاتىدۇ مۇشۇ دەمدە : - سىزنىڭ ياردىىمڭىزگە مۇھتاج بۇلۇپ ھەم سىزگىمۇ نەپ يەتكۈزۈپ ھەمكارلاشماقچى بولغان ئادەمنى ھۆرمەت قىلماي ، ئۆزىڭىز قىلىۋاتقان ئىشنى باشقىلارنى رازى قىلغۇدەك ۋايىغا يەتكۈزۈپ قىلالمىسىڭىز ، قەدىر- قىممىتىڭىزنى تېپىشنى بىلمىسىڭىز مانا مۇشۇنداق بولىدۇ . ئادەم _ئادەم بىلەن ئادەم  . بۇ يېگىتنىڭ پۇل تاپىمەن دەپ نۇقۇل شۇ خىيالغىلا ئېسىلىۋېلىپ ئەڭ ئاددى ئادىمى ئەخلاقنى بىرياققا قايرىپ قۇيۇپ بىكاردىن ئۆزىگە خىجالەتلىك ئىشتىن بىرنى تېپىۋالغىنىغا كۈلگۈم كەلسە ، ئۇنىڭ بۇندىن كىيىنمۇ شۇ خۇيى بىلەن يۈرۈپ نۇرغۇن پايدىدىن قۇرۇق قالىدىغانلىقىنى ئويلاپ  ئۇنىڭغا ئىچىم ئاغرىپمۇ قالدى . بۇنداق ئۆزىنى بىلمەي يۈرىدىغانلار باشقا كەسىپ بىلەن تىرىكچىلىك قىلماقچى بولسىمۇ ئۆزىنىڭ يامان خۇيى ئۇنىڭ يولىنى ئىتىپ ماڭىدۇ ، پايدىسىنى كولاپ ماڭىدۇ  ، ئادەمگە باشقا دۈشمەن يوق ، ئۇنىڭ دۈشمىنى پەقەت ئۆزىلا  خالاس ، ئۆزىنىڭ كاللىسىنى ئىشقا سالماسلىقى ، ئۆگەنمەسلىكى ، چوڭلارنىڭ مەسىلھەتى -ئۈگۈتلىرىگە زىھىن قويماسلىقى ، پۇلنى -ماددى بايلىقنى مەنىۋى بايلىقتىن روھى باياشاتچىلىقتىن ئۈستۈن ئورۇنغا قويىشى ئۇنى ھامان مىڭ تىركەشسىمۇ يەنىلا نامراتلىق ئورىسىغا مەھكۇم قىلىدۇ ، داڭلىق كارخاناشۇناس ،مىللى ئىقتىساد قۇشۇنىمىزنىڭ ئالدىدا ئىچ ئاتتەك كۈچ قۇشۇپ كىلىۋاتقان ھۆرمەتكە سازاۋەر ئەربابىمىز رادىل ئابلا " نامراتلىق -بايلىق دىمەكتۇر " دىگەن ، چۈشەنگەن ئادەمگە بۇ گەپنىڭ تىگىدە بىر غەزىنە ياتىدۇ  .  غەرىپنىڭ داڭلىق بىر مۇتەپەككۇرىمۇ "يانچۇقۇڭ قۇرۇق بولسا كېرەك يوق ، ئەمما كاللاڭ قۇرۇق بولسا ھەرنىمىنى يىيىشكە مەجبۇر بولىسەن " دىگەن . مانا شۇ سۆزلەردىن كۆرە ، ئادەم ئۆزىنىڭ ئەقەللى قىلىشقا تىگىشلىك ئىشىنى بىلمىسە يەنى كاللىسىنى ئىشقا سالماي ، بىلىمىنى بېيىتماي ، ئۆزىنىڭ قەدىر- قىممىتىنى قىلىشنى بىلمىسە باشقىلارنى ھۆرمەت قىلىشنىمۇ بىلمەيدۇ ، ئىشلىرىدا ئۆزى كۈتكەندەك  نەتىجىلەرگىمۇ ئىرىشەلمەيدۇ ، ھەتتا بۇرنىغا سۇ كىرسىمۇ نىمىشقا مەغلۇپ بولغىنىنى بىلمەي ھىس قىلالماي يۈرىدۇ ، بىچارىلىك بۇندىن ئارتۇق بولماس .بۇنداق راۋاج تاپماسنىڭ ئۆمرىمۇ خار ئۆتىدۇ , كىممۇ بۇنداق ئاقىبەتكە قېلىشنى خالىسۇن  ؟ گۈلجاھانمۇ ھىچ بىر قېرىندىشىنىڭ بۇنداق بولىشىنى خالىمايدۇ . پۇلمۇ تاپايلى ، ئەڭ مۇھىمى ئەقىل ھوشىمىزنى   ، قەدىر قىممىتىمىزنى ، ھەقىقى ئورنىمىزنى تاپايلى ..............................

adiba

	قايسى ناھىيە بولغۇيدى كىرا شۇنچە ئەرزان،ئاۋۇ شوپۇرنىڭ راستىنلا كاللىسىنىڭ سۈيى باردەك قىلىدۇ.....

jassurman

	كونىلار راسلا بىكار ئېيتمىغان دە « قېيدىغان دىۋانىنىڭ خوجۇنى يېرىم » دەپ. مۇشۇ مۇلازىمەت تۈرى كەسپىدىكىلەر ئەڭ ياخشى ئاغزى يۇمشاق، خۇشخۇي بولغان ياخشى. ئەڭ ئاددىسى دۇكان، سودا-سارايلاردا بەزى كەسپى ساتقۇچى خادىملارنىڭ سىزگە بولغان مۇلازىمىىتىدىن، سىز ئامال يوق سېتىۋېلىشقا مەجبۇر بوپ قالىسىز، بەزىلىرىچۇ، خېرىدار كىرسە خوش ياقمىغاندەك ئىش قىلىدۇ.

zapar

	بىزنىڭ ناھىيىدە بىر سوم، ياش تاكسىچىلار قۇيۇندە-قۇيۇن. ئاۋۇ تاكسىچىغا ئېھتىمال دادىسى ئېلىپ بەرگەن بولغىيدى ماشىننى، شۇڭا شۇنداق نوچىدە ئۇ. ئەسكلىك قىلايلا دېسەك تاكسى باشقۇرۇش ئورنىغا مەلۇم قىلساق كېمىدە 500 گە يىقىلىدۇ. لىكىن ئۇنداق قىلغۇسى كەلمەيدىكەن كىشنىڭ.

zarapshan

	بوپتۇ يامانلىغان ئابدالنىڭ خورجۇنى يېرىم.ماشىنىسىنىڭ مېيى تۈگەپ كەتسە سۇ قۇيۇپ ھەيدە يا.

abdulahad

	adiba يوللىغان ۋاقتى  2012-4-6 10:18 AM قايسى ناھىيە بولغۇيدى كىرا شۇنچە ئەرزان،ئاۋۇ شوپۇرنىڭ ... يوپۇرغىدا

abdulahad

	ئاشۇنداق توڭ پوق كىشىلەر دىن ئات- ئۇلاغلىرىمۇ ئۈركۈپ كىتەر.

Gvljahan

	zarapshan يوللىغان ۋاقتى  2012-4-6 11:16 AM مەكىت ئوخشايدۇ قارىغاندا.مەكىتتە 2ئادەمدىن ئاز كىشى تا ... مەكىت ئەمەس ، ئاقسۇنىڭ بىر ناھىيىسى  ، بۇنى بۇ يەردە تەكىتلەش مۇھىم ئەمەس  ، يامانلىغان ئابدالنىڭ خۇرجىنى يېرىم دپ ياخشى دىدىڭىز ، لىكىن مەن ئۇنىڭ بىزگە قىلغان قىلىقىغا ھەم ئاچچىقىم كىلىپ ھەم بۇندىن كىيىن كاللىسىنى ئوبدانراق سىلكىۋالسۇن ھەققىنى ئاشۇرۇپ بەردىم ، ئۇ بايقۇش ئەقلىنى ئىشقا سېلىش تۈگۈل كاللىسى قېقىلىپ كەتتى ئەمەسمۇ ، قىسقىسى مەن مىھمان بۇلۇپ بارغان بۇ ناھىيىدىكى باشقا تاكسى شوپۇرلىرىنىڭ  يۈزىنى چۈشۈرگەندەكلا ئىش قىلىپ قۇيدى ، بىزنىڭ ناھىيىدە مەخسۇس رادىئۇ پىروگراممىسدا تاكسى شوپۇرلىرىنىڭ ئەخلاقى ھەققىدە سۆزلەپ : « ناھىيىمىز چوڭ شەھەرلەردىن بولمىسىمۇ تاكسى شوپۇرلىرىنىڭ مۇئامىلسى باشقا يۇرتتىن كەلگەن مىھمانلار ۋە چەتئەللىك مىھمانلارنىڭ ناھىيىمىزگە بولغان كۆز قارىشىنى ، ئادەملىرىنىڭ ساپاسىغا بولغان تەسىراتىنى بەلگىلەپ قويىدۇ ، شۇڭا شوپۇرلىرىمىزمۇ  ئەدەپ قائىدىنى نەزەردىن ساقىت قىلماسلىقىمىز لازىم  ...» دىگەن بۇنداق ياخشى پاراڭلارنى ئاڭلايدىغانغا ئاۋۇ پۇلخۇمارنىڭ ۋاقتى چىقمىسا كېرەك . ئىش قىلىپ مىنىڭ بەكلا نەزىرىمدىن چۈشتى ئۇ ، ماشىنا نۇمۇرى كۆز ئالدىمدىلا ، ئەسلى تورغىمۇ چىقىرىۋىتەي دىگەن ، شۇ يۇرتتىكى باشقا تاكسى شوپۇرلىرىنىڭ ھۆرمىتىنى دەپ قالدىم ، بەلكى ھەممىسى ئۇنداق ئەمەستۇ... ئۇ بىزنى رازى قىلغان تەغدىردىمۇ مەن مەمنۇنلىقىمنى بىلدۈرۈپ ، ئىززەت -ئىكرام بىلەن ئوخشاشلا ھەققىنى ئاشۇرۇپ بىرەتتىم  ، بىلمىسە  ئامال يوق ......

zarapshan

	مەنمۇ بۇ ئىنكاسنى ھېلىقى تاكسىغا قارىتا دىگەنتىم.تىجارەتتە مەلۇم كەسپى ئەخلاق بولۇشى كىرەكتە ئەلۋەتتە. كەچۈرۈڭ باشقا مەخسىدىم يوق ئىدى. خاتا چۈشۈنىش بولۇپ قاپتۇ.

篮球美女

	كىرانىڭ شۇنچە ئەرزانلىقىنى ئاڭلاپ مەن تېخى ئاقتۇ ناھىيەسى ئوخشايدۇ دەپتىمەن . ئەمما بولمىساڭ ئېللىق چىراي ، ئاچمىغىن دۇككان ساراي دىگەن راىست گەپ جۇما .