يۈرەك يېغلايدۇ،ئېيتىدىغان دەردىم بار تورداشلار

mihregiya

	يۈرەك يېغلايدۇ،ئېيتىدىغان دەردىم بار تورداشلار       ئەسسالامۇ ئەلەيكۇم تورداشلار       بوران 114 ئەپەندىنىڭ《 10 كويلۇق قىز》 ناملىق ئەسىرىنى كۆرۈپ ھەممىڭلارنىڭ ئىچى ئاچچىق بولدى،مېنىڭمۇ ھەم شۇنداق.شۇڭا بۇ يەردە دەت تۆكۈپ قايناپ قالدىم .ئەگەر خاتا سۆزلەپ قالغان بولسام اللاھ كەچۈرسۇن،كۆڭلۈڭلەرگە كەلگۈدەك گەپ قىلىپ قويغان بولسام سېلەر كەچۈرەسىلەر...       سۆيگۈ سۇلتانىنىڭ تەختى بولغان يۈرەك شەرمى-ھايا،ئەدەب،ئەخلاق-پەزىلەت ئۈنچىسى بىلەن نەقىشلىنىپ،مېھر-مۇھەببەت،كۆيۈنۈش بىلەن جۇلالانمىسا ئۇ بىر سىسىق گۆشتۇر.       بىر ئادەمگە نىسبەتەن ئۇنىڭغا ئائىلە تەربىيىسى ئىنتايىن مۇھىم.بىزنى توققۇز ئاي  توققۇز كۈن قورساق كۆتۈرۈپ،نۇرغۇن ئىسسىق-سوغۇق،جاپا-مۇشەققەتلەرنى باشتىن كەچۈرۈپ تۇغقان ئاشۇ مېھرىبان،كۆيۈمچان ئانا دەل بىزنىڭ تۇنجى ئۇستازىمىز ئىدى ..ئاتا-ئانىلار بولۇپمۇ ئانىلار ئەقىللىق،بىلىملىك بولىشى تولىمۇ زۆرۈر ئىدى،لىكىن ھازىرقى دەۋرىمىزدە ئانىلار نۇرغۇن پايدىلىق ئىلىملەرنى ئۈگىنىشتىن غەپلەتتە قىلىۋاتىدۇ.قاتار چاي،توي-تۆكۈن دېسە ھەرقانداق ئىشنى تاشلاپ مىڭىۋاتىدۇ.مەكتەپتە بولسا،شۇ ئانىلىق لىباسىنى كەيگەن سۆيۈملۈك ئۇستازلىرىمىز ئانىلىق بۇرچىنى ئۇنتۇپ ،پەقەت مۇئاش ئۈچۈنلا ياشاۋاتقاندەك قىلىدۇ.(ئەلۋەتتە يۇقىردا دېگەنلىرىم ئۇلارنىڭ ھەممىسىنى كۆزدە تۇتمايدۇ.)ئۇلاردا نە ئەدەب-ئەخلاق ئۈگۈتۈش ،نە شەرمى-ھايا ئۈگۈتۈش بولسۇن؟!!!ئۆزلىرى ئۈلگە بولالمايۋاتسا...!!!ئىلىم دېگەن مەكتەپتىكى دەرىسلىك بىلەنلا چەكلەنمەيدۇ دائىرىسى كەڭ ئۇنىڭ... گەپ،تەربىيە ئېغىزدىلا بولسا بولمايدۇ ،ئەمەلىيەتتە بولماي... نامدا بار ئەمەلدە يوق!ئۇلار ئۆزلىرى ئويناپ يۈرسە بالىلىرى،ئوقۇغۇچىلىرى دورىماي قانداق قىلىدۇ؟!!ئۇلارمۇ ئادەم !زىرىكىدۇ ،قىزىقىدۇ،ئىشقى-مۇھەببەت بىلەن قىلالىغۇدەك ئىشنى ،كۆڭۈل قۇلۇپىنى ئاچالىغۇدەك ،تەپەككۇرى بىلەن بايقىيالىغۇدەك پايدىلىق ئىلىملەرنى ئۈگىنەلمىگەندىكىن شۇنداق دىبالارغا ماڭماي قانداق قىلىدۇ؟!!قەلب ھوزورى بولمىغاندىكىن ئەنە ئاشۇنداق ياڭزا چىقىرىپ سەكرەپ ساختا ھوزۇردىن راھەتلەنمەي ،پۇخادىن چىققۇچە ئوينىماي قانداق قىلىدۇ؟!!ئويلايلى كەچكىچە ئېغىزدا بار ئەمەلدە يوق قۇرۇق ئىنكاسلارنى يىزىۋەرمەي...       ئاياللارنىڭ ئەرلەردىكى ھەققىنىڭ بىرسى ئەرلەرنىڭ ئۇلارغا ئىلىم ئۈگىتىشى ۋە بىلدۈرىشىدۇر .ئانىلىرىمىز ،خوتۇنلىرىمىز ئىلىمسىز ،نادان قىلىۋاتقاچقا مانا شۇنداق ئىشلار بولىۋاتىدۇ...       مەكتەپتىكى ئاشۇ يېڭى كەلگەن ئوغۇل-قىزلار بىزنىڭ قىرىنداشلىرىمىز،ھەمشىرىلىرىمىز،ئىنى-سىڭىللىرىمىز،ئاكا-ھەدىلىرىمىز ئىدىغۇ!!!ئاتالمىش"يۇرتداشلار يىغىلىشى"،"تۇغۇلغان كۈن ئولتۇرىشى"دىن ئىبارەت "چوڭ" سورۇنلىرىمىزنى قىزىتىش ئۈچۈن ئۇلارنى ئۆزىمىز ئاپىرىۋاتىمىز،زورلاۋاتىمىز!!!ئاشۇ يىگىت-قىزلىرىمىز ياكى كۆڭلى تارتماي ياكى ئىقتىسادى قىيىنچىلىقى سەۋەبىدىن يا دېيەلمەي بارمىسا تېخى ئاچىقىپ سوتلايمىز،تېخى چىڭىغا چىقسا ئۇرىمىز!!!ئۇلارغا ئازار بېرىشكە نېمە ھەققىمىز بارتى؟؟!!ئۇلارنىڭ بىزنىڭ ئۈستىمىزدىكى ھەققى دەشنام ئىشتىش ،ئۇرۇش-تىللاشلارنى كۆتۈرۈشمىدى ؟!!ياكى ئۇلارغا چىرايلىق تەربىيە قىلىپ ياخشىلىققا باشلاپ،ئۆز قىرىنداشلىرىمىزدەك كۆيۈنۈپ ياردەم قىلىشمىدى؟!!! ئىتلارغا ئارسلانلار باشلىق بولسا ئىتلارمۇ ئارسلانلارغا ئايلىنىدۇ،ئارسلانلارغا ئىتلار باشلىق بولسا ئارسلانلارمۇ ئىتقا ئايلىنىدۇ...!!! ئويلايلى قىرىنداشلىرىم!       ئەسلى قىزلىرىمىز ئوغۇللارنىڭ شەھۋانىي ھەۋەسلىرى بىلەن قارىشىغا ئەمەس بەلكى،بىر قاراپ ئەيمەندۈرەلىگۈدەك ،ئۆتكۈر قىلىچتەك ،مېھرىبانلىققا،ۋاپاغا،ۋىجدان ،غورۇرغا تولغان نۇرانە كۆزلىرى بىلەن قارىشىغا مۇھتاج  ئىدى .ئاشۇنداق گۈزەل،لاتاپەتلىك قىزلىرىمىزنىڭ گۈزەللىكى،تەقى-تۇرقى،چىرايى ۋە شوخ ناز كەرەشمىلىرىدىن ئۆز ھالالى جۈپتى بولغان ئەرلىرىدىن باشقىلارنىڭ ھوزۇرلىنىش ھەققى يوق ئىدى...!!! ئەمما ھازىر نەپسىمىز شۇنداق قىلىشقا مەجبۇرلاۋاتىدۇ .ئۆزىمىزنىڭ ئۇلارنىڭ ئاتىلىرى،ئەرلىرى،ئاكىلىرى،ئىنىلىرى،ھامىيلىرى ئىكەنلىكىمىزنى بىلەلمەيۋاتىمىز ! ئەركەكلەر ئۇلارغا ياۋنىڭ ئۆتكۈر نەيزىسىنى توسقۇچى قالقان بولسۇنكى ،ھەرگىزمۇ ياۋغا ئولجا قىلىپ بېرىش ياكى سوۋغا قىلىش ئۈچۈن دەھشەتلىك چاپقان تۇلپار ئۈستىدىكى ئۆز قىرىندىشى بولغان خائىن بولمىسۇن!       كەلگۈسىنىڭ بەختى ۋە تەختى بولغان،دۇنيانىڭ بولغۇسى ئانىلىرى،بىر قولىدا دۇنيانى تەۋرەتسە ،يەنە بىر قولىدا بۆشۈكنى تەۋرەتكۈچى ئاچا-سىڭىللىرىمىز،ھەمشىرىلىرىمىز دۇنيانى تەۋرىتىش ئەمەس،ئۆزىمىز ئاچچىق قىسمەت كوچىلىرىدا توختىماستىن تەۋرەپ ،تېڭىرقاپ يۈرمەكتىمىز... ئۆزىمىزنى ئىسلاھ قىلايلى ،ئىلىم ئۈگىنەيلى، نادانلىقتا قىلىۋەرمەيلى !!! ئادەمدىن ھايا كەتسە ئورنىغا بالا كېلىدۇ. قىزلىرى بۇزۇلغان مىللەتنىڭ ئۆزى ۋەيران ، ئوغۇللىرى بۇزۇلغان مىللەتنىڭ ئەۋلادى سەرسان ! ئىزىمىزدىن تىكەن ئۈنسە ئەۋلادىمىزنىڭ پۇتىغا سانجىلار!!!       گۈل سۇلۇپتۇ چىنار تۈۋىگە نە قىلىش كېرەك؟!!!       بۇلارنى يىزىشتىكى مەخسىدىم مىللىتىمىزنى سۆكۈش ياكى ئوغۇللىرىمىزنى تەنقىتلەش ئەمەس ،ئۇنداق قىلىشقا ھەم سالاھىيىتىم توشمايدۇ، بۇ ئىشلارنى قەغەز يۈزىگىلا يىزىپ قويماي ،كۆپرەك ئويلاپ تۈزەتسەككىن دېگەن مەخسەتتە...كۆڭلۈڭلەرگە ئازار بىرىپ قويغان بولسام تۆۋەنلىك بىلەن كەچۈرۈم سورايمەن...       ئۇلۇغ اللاھ ھەممىمىزنى ھىدايەتكە باشلىغاي ئامىن!!!...       مەنبە : ئۆزۈم

ئەنسار

	ئاللاھ ئەركەك-چىشى شەيتانلارنىڭ ۋەسۋەسە ئازدۇرۇشلىرىدىن پاناھ تىلەيمىز.

gulsay

	ھەممىمىز  ئۆزىمىزدىن باشلاپ بالىلىرىمىزغا ياخشى تەربىيە قىلايلى....بالىلىرىمىزغا ئاغزىمىزدىلا سۆزلىمەي ئەمىليىتىمىزدە كۆرسەتسەك ھامان بىر كۈنى ئۈنۈمىنى چوقۇم كۆرەلەيمىز.

gulbar5

	ۋەئەلەيكۇم  ئەسسالام  قىرىندىشىم  ھەققەتەنىمۇ  ئەمەليەتىنى  يىزپىسز ‹‹بىرنىڭكى  مىڭغا، مىڭنىڭكى تۈمەنگە››دىگەندەك، كۆپ  مليونلۇق خەلقمىز  ئاستا-ئاستا ھەر تەرەپىلمە  تەرەققى  قىلشىپ تارىختا  ئوتكەن   ئۇلۇغ  ئەجدادلىرىمىزغا مۇناسىپ ئەۋلاد  بولشغا ئۈمىد بار .  ئاددى  ھەققەت  مانا  شۇ.

quxtikiakku

	ئەدەپ-ئەخلاق ھەممىز ئۇچۇن بەكلا مۇھىم . بۇنىڭ ئۇچۇن بىز ئاتا-ئانا بولغىچى بىرىنچى ئورۇندا تۇرىشىمىز ئالدىدا  مىڭىشىمىز كىرەك.

oyhanogul

	ئەسسالامۇ ئەلەيكۇم قېرىندىشىم مانا  تېما دىگەننى ماندا يازساھە!!!! ئۇلۇغ ئاللاھ قولىڭىزغا دەرت بەرمىسۇن.....    مەن پىخسىق ئەمەس بىراق بەك ئويلىنىپ خەجلەيمەن پۇل دىگەننى  ئاران تاپقان دەڭە !!    مانا پۇلنى دىگەن مۇشۇندا تېمىغا خەشلەيمەن

tanha858

	ۋەئەلەيكۇم  ئەسسالام  قىرىندىشىم  ھەققەتەنىمۇ  ئەمەليەتىنى  يىزپىسز  ......   ئۇلۇغ اللاھ ھەممىمىزنى ھىدايەتكە باشلىغاي ئامىن!!!...

jassurman

	توغرا چوقۇم ئائىلىدىن باشلاش كېرەك، كۈزىتىپ باققانلار بىلىپ يىتەلەيدۇ. ئائىلە تەربىيىسى قانچە ياخشى بولسا، بالىلار ئەخلاقلىق چوڭ بولىدۇ. ئەمدى ئازراق بولسىمۇ دىنى ئەقىدە بىلەن قىلغان تەربىيە بولمىسا، يەنىلا مۈشكۈل ئىش. چۈنكى سىرىتلاردا ئاتا-ئانىسىدىن ئايرىلىپ ياشاۋاتقانلار، ھەتتا بىرگە تۇرۋاتقانلار ئۈچۈنمۇ پەقەت ئاللاھ لا ئەڭ يىتەرلىك قوغدىغۇچى، ئىسلام نۇرلۇق يىتەكلىگۈچى، ئەگەر ئۇنى چۈشىنىپ يەتمىسە، يۇقىرىدا دىيىلگەندەك پاجىئەلەر يۈز بىرىدۇ. چەت رايۇنلاردىمۇ مەكتەپ ئارلىقى يىراق...ۋە يەنە باشقا ئاقماس سەۋەبلەر بىلەن ئوتتۇرا مەكتەپلەرنىمۇ ياتاقلىق قىلىپ، ئائىلىدىن ئايرىش بىكاردىن-بىكار چىقارغا تۈزۈم ئەمەس

dihan.balsi