شىئەن قاتناش ئۇنىۋېرسىتېتىدىكى2012-يىللىق نورۇز سەنئەت پائالىيىتى

boztag

	2012-يىلى 4-ئاينىڭ 1-كۈنى پەقەت شىئەن قاتناش ئۇنىۋېرسىتېتىدىكى ئۇيغۇر ئوقۇغۇچىلار ئۈچۈن ئالاھىدە بىر كۈن بولۇپ قالماستىن بەلكى شىئەندە ئوقۇۋاتقان بارلىق ئۇيغۇر ئوقۇغۇچىلار ئۈچۈنمۇ ئالاھىدە بىر كۈن. بۇ كۈنى شىئەن قاتناش ئۇنىۋېرسىتېتىدا بىر قەدەر يۇقىرى سەۋىيىلىك نورۇز بايرىمىلىق سەنئەت كېچىلىكى ئۆتكۈزۈلدى. كېچىلىككە مەكتەپتىكى ئۇيغۇر ئوقۇغۇچىلاردىن باشقا يەنە شىئەندىكى ھەر قايسى مەكتەپلەردىن كەلگەن ئۇيغۇر ئوقۇغۇچىلار ، شۇنداقلا ھىندىستان، پاكىستان ۋە ئىران قاتارلىق دۆلەتلەردىن كەلگەن چەتئەللىك ئوقۇغۇچىلارمۇ قاتناشتى ۋە ئۆزلىرىنىڭ يۇقىرى سەۋىلىكى نومۇرلىرىنى ئورۇنلىدى. پائالىيەتكە 300 گە يېقىن كىشى قاتناشقان بولۇپ، گەرچە نورۇز بايرىمى كۈنىدىن  كېچىپرەك ئۆتكۈزۈلگەن بولسىمۇ، قاتناشقۇچىلارنىڭ تەشنالىقىغا تەسىر يەتمىدى. كېچىلىكتە ئورۇنلانغان مول مەزمۇنلۇق رەڭدار نومۇرلار تاماشىبىنلارنىڭ قىزغىن ئالقىشىغا ئېرىشتى. پۈتكۈل پائالىيەت بىر قەدەر يۇقىرى سەۋىيىدە قىزغىن، جانلىق، تەرتىپلىك ئۆتكۈزۈلگەن بولۇپ ، بارلىق سورۇن ئەھلىنىڭ يۇقىرى باھاسىغا ئېرىشتى. ئۇزۇن يىللاردىن بۇيان مەكتەپنىڭ ئىقتىسادى جەھەتتىن قوللاپ قۇۋۋەتلىشى بىلەن ئۆتكۈزۈلىۋاتقان شىئەن قاتناش ئۇنىۋېرسىتېتىدىكى نورۇز بايرىمىلىق سەنئەت كېچىلىكى  ئىناقلىق ، ئۆملۈك يىغىلىشى بولۇپ، ئۇيغۇر ئوقۇغۇچىلارنىڭ  ئوقۇش ئېلىپ كەلگەن بېسىمنى يېنىكلىتىپ،  ئۇلارنىڭ مەدەنىي تۇرمۇشىنى بېيىتىپ،  ساغلام ئۆسۈپ يېتىلىشىدە مۇھىم رول ئوينايدۇ.  ئۇنىڭ يەنە بىر مۇھىم خاسىيىتى شۇكى، پائالىيەت كۈنى ئالدىراشلىق سەۋەبىدىن كۆرۈشەلمىگەن يېقىن دوسلار ئۇچرىشىپ ھال مۇڭ بولىشىدۇ، يېڭى دوسلار ئۆز ئارا تونۇشىدۇ، سىردىشىدۇ. ئۇلار ئارىسىدىكى ئىتتىپاقلىق، مېھرىبانىلىق ۋە ھەمكارلىق كۈچىيىدۇ. ھەممەيلەنىنىڭ ئورتاق تىرىشچانلىقى ۋە قوللاپ قۇۋۋەتلىشى نەتىجىسىدە شىئەن قاتناش ئۇنىۋېرسىتېتىدىكى نورۇز سەنئەت كېچىلىكى ئۇزۇن يىل داۋاملاشقۇسى ۋە شىئەندىكى ئۇيغۇر ئوقۇغۇچىلارنىڭ يارقىن سەھنىسى بولۇپ قالغۇسى. تۆۋەندە پائالىيەتتىكى بىر قىسىم سۈرەتلەرنى تورداشلارنىڭ ھوزۇرىغا سۇندۇق. پائالىيەت تەكلىپنامىسى ئوغلانلار ساماغا چۈشمەكتە ‹‹ بىر جۈپ ›› رىياسەتچىلەر شوخ ئۇسۇللۇق ناخشا بەرنا يىگىتلەرنىڭ چەبدەس ئۇسۇللىرى كوللىكتىپ ئۇسسۇل چەتئەللىك ئوقۇتقۇچى ئۇيغۇر ئوقۇغۇچىلارنىڭ ھەمرالىقىد ... گۈزەل قىزلار ئۇسسۇل ئورۇنلىماقتا ‹‹ جىكسون ›› ناخشا ئېيتماقتا ئىلى ئوغلى ناخشا ئېيتماقتا ئىلى قىزى نەپىس ئۇسسۇل ئوينىماقتا

مارشال

	نۇرۇز بايرىمى كۈنى دەم ئېلىش ۋاقتى يوق بولغاچقا،ئۇقۇش ھەلەكچىلىكدە، ئالدىراشچىلىق ئىچىدە ھېلىمۇ كېچىكسەڭلامۇ بۇ بايرامنى ئۆتكۈزۈپ ياخشى قىپسىلەر. ئۇقۇشىڭلار خەيرىلىك بۇلۇشىنى،ئەتىكى ئۆزەڭلار ئويلىغان گۈزەل ئارزۇ-ئارمانلىرىڭلارغا يېتىشىڭلارغا تىلەكداشمەن. تېما ئېگىسىدىن سوراپ باقسام،شىئەن قاتناش ئۇنۋىرسىنتى شىئەننىڭ قايسى تەرىپىدە؟دايەنتا(大雁塔)نىڭ يېنىدا بىر ئۇنۋىرسىنت باركەن،ئاشۇ شۇمۇ ياكى باشقا يەردىمۇ؟

foormat

	نورۇزنىڭ مىللى بايرىمىمىز ئىكەنلىكىنى ھۆكۈمەت تېزراق ئېتراپ قىلسا بولاتتى ، شۇ چاغدا مەكتەپمۇ قويۇپ بەرمەي ئامالى يوق

sazguri

	ۋاھ  بەك قىزىپتۇدە بۇ پائالىيىتىڭلار ...مەن بىزنىڭ مەكتەپتە ئۆتكۈزگىنىگە كىرىپمۇ باقمىدىم

boztag

	مارشال يوللىغان ۋاقتى  2012-4-4 09:49 PM نۇرۇز بايرىمى كۈنى دەم ئېلىش ۋاقتى يوق بولغاچقا،ئۇقۇش  ... شىئەن قاتناش ئۇنىۋېرسىتېتى جەمئىي 3 مەكتەپ رايونىدىن تەشكىل تاپقان بولۇپ، شىڭچىڭ گوڭيۈەننىڭ (兴庆公园) ئالدىدىكىسى مەركىزى مەكتەپ رايونى( شەرقىي مەكتەپ رايونىمۇ دىيىلىدۇ.)، ئاساسەن تەبىئىي پەن، سانائەت پەن ۋە ئىجتىمائىي پەنلەر ئوقۇتۇش رايونى،  سىز بىلىدىغان دايەنتانىڭ ( 大雁塔) نىڭ يېنىدىكىسى غەربىي مەكتەپ رايونى، ئاساسەن تىببىي پەنلەر ۋە ئىقتىساد پەنلىرى ئوقۇتۇش رايونى، يەنە بىرى چۈجىياڭ (曲江校区) مەكتەپ رايونى بولۇپ، ئاساسەن دۆلەتلىك مۇھىم تەجىربەخانىلار جايلاشقان بولۇپ، مەكتەپنىڭ يۇقىرى پەن _ تېخنىكا رايونى.

蓝狼331

	بۇ ئۇسسۇل ئۆزگىچىلىغۇ  ؟  يېڭىچە ئۇسلۇبمۇ  قانداق

xahrizaman

	بۇ نورۇز بايرىمى كىچىكىپرەپ ئۆتكزۈلگەن بولسىمۇ،ناھايىتى ياخشى بوپتۇ،مەكتەپنىڭ كۆڭۈل بۆلگەنلىگىگە رەخمەت ئەيتساق بولىدۇ

ad0903

	نىمانداق مەن يوققۇ بۇ رەسىملەردە؟

hiyal0097

	تالاشماڭلا باللار ، ئەرەپچە ئۇسۇلكەن

قەبرە

	ئۇسۇلىنى ۋەھشى ئوناپسىز ، داۋاملىق تىرشىڭ