نىمە ئۈچۈن مۇسۇلمانلار كەبىگە قاراپ ناماز ئۇقۇيدۇ؟

沙漠玫瑰

	كەبئە تاملىرى تاش بىلەن قۇپۇرۇلغان تۆت چاسا شەكىللىك بىر ئۆي بولۇپ ،<<بەيتۇللا(ئاللاھنىڭ ئۆيى)>>دەپمۇ ئاتىلىدۇ.ئىسلام دىنىنىڭ دەسلەپكى مەزگىللىرىدە ،مۇھەممەت ئەلەيھىسالام يەھۇدىلارنىڭ ئادىتىنى قوللىنىپ ،يىرۇسالىمدىكى بەيتۇلمۇقەددەسكە قاراپ ناماز ئوقىغان ھەم مۇسۇلمانلارغىمۇ شۇ يەرگە قاراپ ناماز ئۇقۇشنى بۇيرىغان.<<قۇرئان كەرىمدە>>دە مۇنداق دىيىلگەن:<<مەشرىقمۇ،مەغرىپمۇ (يەنى پۈتۈن يەر يۈزى)ئاللاھنىڭدۇر.قايسى تەرەپكە يۈزلەنسەڭلارمۇ ،ئۇ ئاللاھنىڭ تەرىپى(يەنى سىلەرگە ئىختىيار قىلغان قىبلىسى)دۇر.>>(2-سۈرە 115-ئايەت)كىيىن مۇھەممەت ئەلەيھىسالام ناماز ئۇقىۋېتىپ قىبلىنى ئۆزگەرتكەن:<<بىز سىنىڭ كەئبە قىبلەڭ بۇلۇشىنى تىلەپ قايتا-قايتا ئاسمانغا قارىغىنىڭنى كۆپۈپ تۇرىۋاتىمىز،سىنى چۇقۇم سەن ياقتۇرىدىغان قىبلىگە يۈزلەندۈرىمىز،(نامازدا)يۈزۈڭنى مەسجىدى ھەرەم تەرەپكە قىلغىن.>>(2-سۈرە 144-ئايەت) <<ئۆز ۋاقتىدا بىز كەئبىنى كىشىلەر ئۈچۈن جەم بولىدىغان جاي ۋە ئامان جاي قىلىپ بەردۇق.(كىشىلەرگە)ماقامى ئىبراھىمنى نامازگاھ قىلىڭلار(يەنى شۇ يەردە ناماز ئوقۇڭلار دىدۇق)>>(2-سۈرە 125-ئايەت).مەسجىدى ھەرەم كەئبە جايلاشقان مەسچىتنى كۆرسىتىدۇ.قىبلىنىڭ بەيتۇل مۇقەددەستىن كەئبىگە ئۆزگەرتىلىشى قەدىمكى ئەرەب ئەنئەنىسىنىڭ يەھۇدىلارنىڭ ۋاقىتلىق تەسىرىنى بىسىپ چۈشكەنلىكى ئىدى.بۇ ھال يەھۇدىلارنىڭ ئوغىسىنى قايناتتى،ئۇلار ئەزەلدىن بىزنىڭ مەرتىۋىمىز يۇقىرى دەپ ئويلايتى.شۇڭا ئۇلار يەرلىك قەبىلىلەرنىڭ ئۆچمەنلىكىنى قوزغاپ ،بىر قىسىم مۇسۇلمانلارنى ئۆلتۈرۈش قەستىدە بولدى.بۇ چاغدا مۇھەممەت ئەلەيھىسالام كۆكرەك كىرىپ ئوتتۇرىغا چىقتى.<<بەزى ئەخمەق كىشىلەر :ئۇلارنى يەنى مۇھەممەت ئەلەيھىسالام بىلەن مۆمىنلەرنى قاراپ كىلىۋاتقان قىبلىسىدىن (يەنى بەيتۇلمۇقەددەستىن )نىمە يۈز ئۆرۈتكۈزگەندۇ؟دەيدۇ.(ئى مۇھەممەت !)ئېيتقىنكى،مەشرىق ۋە مەغرىپ (يەنى ھەممە تەرەپ)ئاللاھنىڭدۇر.ئاللا خالىغان كىشىنى توغرا يولغا باشلايدۇ.شۇنۇڭدەك(يەنى سىلەرنى ئىسلامغا دەۋەت قىلغاندەك)كىشىلەرگە (يەنى ئۆتكەنكى ئۈممەتلەرگە )شاھىت بولىشىڭلار ئۈچۈن ۋە پەيغەمبەرنىڭ سىلەرگە شاھىت بولىشى ئۈچۈن ،بىز سىلەرنى ياخشى ئۈممەت قىلدۇق.سەن يۈز كەلتۈرۈپ كىلىۋاتقان تەرەپنى (يەنى بەيتۇلمۇقەددەسنى) قىبلە قىلغانلىقىمىز  پەيغەمبەرگە ئەگەشكەنلەرنى ئاسىيلىق (يەنى مۇرتەد بۇلۇپ كەتكەنلەردىن)ئايرىۋىلىشىمىز ئۈچۈنلا ئىدى.ئاللا ھىدايەت قىلغانلاردىن باشقىلارغا بۇ (يەنى قىبلىنىڭ ئۆزگەرتىلىشى )ھەقىقەتەن ئىغىردۇر>>(2-سۈرە 142.143-ئايەتلەر)مۇھەممەت ئەلەيھىسالام بۇ ئۆزىنىڭ ئۈممەتلىرىگە قايتا-قايتا تەشۋىق قىلىپ ،مۇسۇلمانلارغا ھەقىقىي بىر نىشان-مەككىنى كۆرسىتىپ بەردى.مىلادىيەنىڭ 630-يىلى مۇسۇلمانلار بۇ شەھەرنى ئىشغال قىلدى.شۇنۇڭدىن ئىتىبارەن مەككە ئىسلام دىنىنىڭ مۇقەددەس مەركىزىگە ئايلاندى.كەئبە بولسا مۇسۇلمانلارنىڭ يۈز كەلتۈرىدىغان قىبلىسى بولۇپ قالدى. تەرجىمە قىلغۇچى:ھاجى خوجائابدۇللاھ  ئوسمان ئىسلام مەدىنىيىتىگە دائىر بىلىملەر دىگەن كىتاپتىن ئېلىندى.

dihan.balsi

aptap104

	ئاللاھنىڭ بۇيرىقى پەرىز .

kalamiy

	مەنمۇ بىلمەيتىم بۇ نۇقتىنى ...ئەمدى بىر نەرسىنى تونۇغاندەك بولدۇم

mmstudio

	ئاللا رەھمەت قىلسۇن  ،  ھەراس...كەئىبىنىڭ ئىچىدە نىمە بار؟

bugrafizikanit

oyhanogul

	بىلىۋېلىشقا تىگىشلىككەن

篮球美女

	تېما شۇنداق ياخشى ئەھمىيەتلىك تېما ئىكەن . نېمىشقا ئىنكاسچىلار قۇرۇق قونچاق ئىپادىسنى چىقىرىپ قويدىڭلاركىن ؟ بۇ سۇئالدىكى جاۋاب مەزمۇنلار بولسا مۇسۇلمان قەۋىمگە تەۋە ھەر كىشى بىلىپ قويغۇدەك مەزمۇن ئىكەن . تېما يوللىغۇچىغا كۆپ تەشەككۇر ~

dilnijat

	كۆپ بىلىملەرنى بىلىۋالدىم. تېما ئىگىسىگە رەھمەت!!!!!

jassurman

	mmstudio يوللىغان ۋاقتى  2012-4-4 04:43 PM ئاللا رەھمەت قىلسۇن  ،  ھەراس...كەئىبىنىڭ ئىچىدە نىمە با ... مىنىڭمۇ بىلگۈم كېلىۋاتىدۇ