يىقىلغان بالا
بىر ئاتا 16 ياغقا كىرسىمۇ ئەرلەرگە خاس جاسارەت يوق دەپ ئوغلىدىن ئاغرىنىپ ئەندىشە قىلىدىكەن.ئۇ ئاخىرى بىر چامباشچىغا ئوغلىنى يۈرەكلىكرەك قىلىپ تەربىيلەپ بېرىشكە بېرىپتۇ.
_ بالىڭىز يېنىمدا قالىدۇ،_ دەپتۇ چامباشچى،_ ئالتە ئايغىچە كۆرۈشمەيسىز.ئالتە ئايغىچە مەن ئۇنى تۈزۈك ئادەم قىلىپ تەربىيلەپ چىقىمەن .
يېرىم يىلدىن كېيىن ئۇ ئوغلىنى قايتۇرۇپ كېتىشكە بېرىپتۇ. چامباشچى بىر مەيدان مۇسابىقە ئۇيۇشتۇرۇپ ئۇنىڭغا ئوغلىنىڭ ماھارىتىنى ۋە تەربىيلەش نەتىجىسىنى كۆرسىتىپ قويماقچى بوپتۇ. ئوغۇل بىلەن ئۇستازى مۇسابىقىلىشىپتۇ . ئۇستازى قولىنى چىقىرىپ ئوغۇلنى بىر مۇشت سالغانىكەن،ئۇ موللاقلاپ چۈشۈپتۇ.ئەمما دەرھال ئورنىدىن تۇرۇپ يەنە ئېتىلىپ كەپتۇ.يەنە بىر مۇشت يەپ يىقىلىپ يەنە قوپۇپتۇ. ئارقا -ئارقىدىن يىقىلىپ قوپۇپ جەمئىي 12 قېتىم كەپتۇ . . .
_ قانداق بالىڭىزدىن ئەرلەرگە روھ-جاسارەتنىڭ ئىپادىسىنى كۆرەلىدىڭىزمۇ؟ _ دەپ سوراپتۇ چامباشچى .
_ نەدىكىنى ؟ مەن ئوغلۇمنىڭ يېرىم يىل تەربىيلىنىپمۇ بىر مۇشتقا بەرداشلىق بېرەلمەيدىغان، بىر تاياق بىلەن يەر چىشلەپ يېتىپ قالىدىغان ئادەم بولۇپ قالىدىغىنىنى ئويلاپمۇ باقمىغانىكەنمەن؟ _ دەپتۇ ئازاپلانغان ھالدا .
_ ئەپسۇس،_ دەپتۇ چامباشچى ئۇلۇغ كىچىك تىنىپ ،_ سىزنىڭ كۆرگىنىڭىز يۈزەكى ھادىسە.ئەمما كۆردىڭىزمىكىن ،ئوغلىڭىز يىقىلغان يېرىدىن يەنە دەس تۇرالىدى. ئەجىبا بۇ جاسارەت ،ئىرادە ئەمەسمۇ ؟ ھەقىقىي ئەرلەرگە خاس جۇشقۇن روھ ئەمەسمۇ؟
دەرەخ قانچىكى چوڭقۇر يىلتىز تارتالىسا شۇنچە تىك، مەغرۇر ئۆسىدۇ .مۇخلار كىشىلەرنىڭ نەزىرى چۈشمەيدىغان بۇلۇڭلارىن باھارنىڭ شەپىسىنى بېرىدۇ . قوپۇش قېتىم سانى يىقىلىش قېتىم سانىدىن كۆپ بولىدىكەن ،غەلىبە دېگەن شۇ .
ھېكمەت:
قايتا ئورنۇڭدىن دەست تۇرالايدىغان جاسارەت بولىدىكەن،مەغلۇبىيەت ھېچقانچە قورقۇنچلۇق ئەمەس .
يوللىغان ۋاقتى 2012-4-3 07:06:13 PM
.gif)
.gif)
راسلا بەك تەسىرلەندىم.gif)
.gif)
