نېمە يىيىش كۆزگە ئەڭ ياخشى

karligaq410

	كۆز كىشىلەر تەرىپىدىن " قەلىبنىڭ دىرىزىسى " دىيىلىدۇ . بەش ئەزا ئېچىدە مۇھىم بولغان ئەزانىڭ بىرى . كىشىلەرنىڭ خىزمەت ، ئۆگىنىش ، تۇرمۇشىدا ئىنتايىن مۇھىم رول ئوينايدۇ . ھەممە كىشى بىر جۈپ نۇرلۇق ، سىھىرلىك ، چاقناپ تۇرىدىغان كۆزى بولىشىنى ئۈمۈد قىلىدۇ .  كۈندىلىك تۇرمۇشىمىزدىكى يىمەكلىكلەر ئارقىلىق  كۆزنى ئاسراش تولىمۇ مۇھىم ئېش . تۆۋەندە بەزىبىر كۆپ كۆرۈلىدىغان كۆزنى ئاسراش ئىقتىدارىغا ئىگە بولغان يىمەكلىكنى تونۇشتۇرىمىز . 1. كۆز قۇرغاقلىشىش    كۆز قۇرغاقلىشىشقاندا كۆپرەك ۋىتامىن  C ، ۋىتامىن Aتولۇقلاش ، كۆپرەك چاي ئېچىش كېرەك . چاي يوپۇرمىقىدا كاروتىن بولۇپ ، ئۈچەي ، جىگەرنىڭ رولى ئاستىدا ۋىتامىن A غا ئايلىنىدۇ . ھازىرقى دورىگەرلىك شۇنى كۆرسەتتىكى جۈخۇا گۈلى ( كەچۈرۈڭلار ئۇيغۇرچە ئىسمىنى بىلمەيدىكەنمەن ) تەركىۋىدە ۋىتامىن A مول بولۇپ ، ئادەمنىڭ كاللىسىنى سەگىتىپ ، كۆزنى نۇرلۇق قىلىدۇ ، بولۇپمۇ جىگەرنى ئوت ئىسسىق ئېلىپ كېتىش ، كۆزنى زىيادە ئېشلىتىشتىن كىلىپ چىققان كۆز قۇرغاقلىشىش قاتارلىقلارغا بىر قەدەر ياخشى بولغان داۋالاش ئۈنۈمىگە ئىگە ، دائىم كۆزى قۇرغاقلاشقاندەك ھىس قىلىدىغان كومپۇيۇتىر ئشلەتكۈچىلەر كۆپرەك جۈخۇا گۈلىنى دەملەپ ئېچىپ بەرگەندە پايدىسى باركى زىيىنى يوق . كۈنىگە 3~4 ئىستاكان جۈخۇا چىيىنى ئېچىپ بەرگەندە كۆرۈش قۇۋۋىتىگىمۇ پايدىسى بار . لىكىن ، دىققەت قىلىششىمىزغا ئەرزىيدىكى  جۈخۇا گۈلىنىڭ تەبىئېتى سوغۇق ،  شۇڭا بەدىنى ئاجىز ، دائىملا توڭغاندەك ھىس قىلىدىغانلار ، قول - پۇتى ئاسانلا توڭۇپ ئسسىمايدىغانلار كۈندە ئېچمەسلىكى ، مۇۋاپىق مىقداردا ئېچىشى كېرەك . 2. كۆز چارچاش ئادەم مەلۇم ياشقا بارغاندىن كىيىن ، كۆز ئاسان چارچايدىغان ، بەزىدە كۆزى ئاغرىغانلىقىنى ھىس قىلىدىغان ، كۆزىنى ئاچالمايدىغان ، كۆرۈش قۇۋۋىتى چىكىنىدىغان ئېشلار يۈز بىرىدۇ . " كۆز بولسا .ئىچكى ئەزانىڭ ئەينىكى " كۆز توسالغۇغا ئۇچراش كۆرۈلگەندە ، ئىچكى ئەزا بولۇپمۇ جىگەر ، بۆرەكنىڭ قىرىشىنىڭ ، زەئپىلىشىنىڭ سىگنالىدۇر . شۇڭا ئىچكى ئەزالارنىڭ ئىقتىدارىنى ئەسلىگە كەلتۈرۈش كېرەك . بۆرەك ، جىگەرنىڭ ئىقتىدارىنى كۈچەيتىش ئۈچۈن ، كۆپ مىقداردا ھاراق ئېچىش ۋە زىيادە چارچاشنىڭ ئالدىنى ئىلىشتىن باشقا  يەنە پايدىلىق بولغان يىمەكلىكلەرنى ئېستىمال قىلىش ئارقىلىق ھەل قىىشقا دىققەت قىلىش كېرەك . بۇيەردە ئەڭ ۋەكىل خارەكتىرگە ئىگە بولغىنى تاتلىق ياڭيۇ ( خوڭشۇ ) .   تاتلىق ياڭيۇ ھەزىم قىلىش ئەزالىرىنىڭ ئىقتىدارىنى يۇقۇرى كۆتۈرۈپ ، جىگەر ، بۆرەك ئىھتىياجلىق بولغان ئوزۇقلۇق تەركىپلەرنى تولۇقلاپ ، ئورگانىزىمنىڭ ئىقتىدارىنى ئەسلىگە كەلتۈرۈش ئۈنۈمىگە ئىگە .    تاتلىق ياڭيۇ يەنە جىگەر ياللۇغىنى داۋالاشقىمۇ پايدىسى بار . ئوزۇقلۇق ئانالىز قىلىشقا ئاساسلانغاندا ،   تاتلىق ياڭيۇ مول بولغان يىمەكلىك تالاسى ، مىنرال ماددىلار ، كۆپ خىل ۋىتامىنلار مۇ بار . يىقىندا يىمەكلىك مۇتەخەسىسلەر  بىنەپشە رەڭلىك  بىر خىل يېڭى سورتنى ئاچتى . كۆپ مىقداردا كۆز ساغلاملىقىنى ساقلايدىغان ، كۆرۈش قۇۋۋىتىنى يۇقۇرى كۆتۈرىدىغان پىگمىنتنىڭ مىقدارى نا ھايىتى يۇقۇرى . كۆپرەك پالەك يەپ بەرگەندە كۆز نۇرلۇق بولىدۇ . كۆزىنى كۆپ ئېشلىتىدىغانلار  سىرىق رەڭدىكى قوناقلارنى كۆپرەك يىيىشى كېرەك . لىكىن ، شۇنىڭغا دىققەت قىلىش كېرەككى پەقەت سىرىق رەڭدىكى قوناقتىلا carotol بار ، باشقا ئاق رەڭدىكى قوناقتا يوق . شۇڭا ، تاكسى شوپۇرلىرى ، ئوقۇغۇچىلار ، مۇھەرىرلەر ، يازغۇچىلار قاتارلىق كۆزىنى كۆپرەك ئېشلىتىدىغانلار سىرىق رەڭدىكى قوناقنى كۆپرەك يېيىشى كېرەك .   مەنبە  :  شىنلاڭ تورى

hiyal0097

	مەن چوڭلاردىن  سەۋزە كۆزگە پايدىلىق دەپ ئاڭلىغان ، بۇنىڭ ئىچىدە سەۋزە تىلغا ئېلىنماپتۇ ،  كۆزى ئاغىرىپ كەتكەنلەرنىڭ سەۋزىنى قىرىپ كۆزىگە تېڭىپ پايدا قىلغانلىغىنى كۆرگەن ئىدىم

sazguri

	ماڭا ئەڭ ئاسان ۋىتامىن تولۇقلايدىغان ئۇسسۇلنى دەپ بەرسەڭلار بوپتكەن

karligaq410

	sazguri يوللىغان ۋاقتى  2012-4-3 09:43 PM ماڭا ئەڭ ئاسان ۋىتامىن تولۇقلايدىغان ئۇسسۇلنى دەپ بەر ... ئەڭ ئاددى ئۇسۇلى : سىرىق رەڭدىكى كۆكتات( سەۋزە ، خوڭشۇ ، قوناق ) ، مىۋىلەرنى ، ئۇنىڭدىن باشقا جىگەر، تۇخۇم سىرىقىنى كۆپرەك ئېستىمال قىلىڭ .

anatil8

	مەنمۇ ئۇزۇننى كۆرەلمەس بۇلۇپ قېلىۋاتىمەن،بەلكىم كىچىسى ئۇخلىماي كىتاپ ئۇقۇغانلىقتىن بولسا كېرەك،ۋىۋىسكىدىكى خەتلەرنى قېشىغا يېقىن بېرىپ ئۇقۇمىسام پەقەتلە كۆرەلمەيمەن،ئۇنىڭ ئۈستىگە ۋىۋىسكىدىكى ئۇيغۇرچە خەتلەر بارغانسىرى كىچىكلەپ،ۋە ياكى يۇقاپ كەتكىلى تۇردى،ئۇيغۇرچە خەتلەر ۋىۋىسكا يۈزىدە مەۋجۇت بۇلۇپ تۇرغان ۋاقىتتا بولسىمۇ كۆرەلىگەن بولسام.. بۇ كۆزۈمنىزە ھەي ئەپسۇس

karligaq410

	hiyal0097 يوللىغان ۋاقتى  2012-4-3 09:41 PM مەن چوڭلاردىن  سەۋزە كۆزگە پايدىلىق دەپ ئاڭلىغان ، بۇن ... كەچۈرۈڭ ، يازغاندەك قىلىۋاتاتتىم ، بىراق ئۇنتۇپ قاپتىمەن . سەۋزە تاڭغاننى مەن ئاڭلاپ باقماپتىكەنمەن ، بىراق سەۋزە ھەقىقەتەن كۆزنىڭ ياخشى دورىسى . باشقىچە ئۇسۇل بولسا باشقىلار بىلەن بىللە ئورتاقلىشامىز .

سۇمرۇق88

	سەۋزىدە ۋىتامىن س ئەڭ كۆپ. مىنىڭ بالامنىڭ كۆزى بىرگىمۇ توشمايتىكەن. مەن تولىسى سەۋزىنى جىق توغراپ شويلا ياكى پولۇ ئىتىپ بەرىپ، بۇ يىللىق تەكشۈرۈشتە 1.3كە چىقىپتۇ. مايدا قۇرۇلغان سەۋزە ئەڭ ياخشى كۆزنىڭ دورىسى. ئىسكەندەر زۇلقەر نەيىن كۈندە ئەتىگەندە پولۇ يەيتىكەن. يەنى بەش بارمىقىنى جۈپلەپ يىسە پولۇنىڭ تەركىۋىدىكى ۋىتامىنلار  قول بارماقلىرىغا سىڭىپ كىرىپ بەدەنگە  ئوزۇقلۇق رولۇقلارمىش

hiyal0097

	مۇشۇنداق پايدىلىق تېمىلارنى كۆپىرەك يوللاپ تۇرارسىز

karligaq410

	سۇمرۇق88 يوللىغان ۋاقتى  2012-4-3 10:00 PM سەۋزىدە ۋىتامىن س ئەڭ كۆپ. مىنىڭ بالامنىڭ كۆزى بىرگىمۇ  ... كەچۈرڭ ، ئازراق ئۆزگەرتىش بەرسەم بوپتىكەن . سەۋزىدە ۋىتامىن C دىن ۋىتامىن A نىڭ مىقدارى كۆپ ،كۆزگە پايدىسى بولغىنى ۋىتامىن A .

سۇمرۇق88

	karligaq410 يوللىغان ۋاقتى  2012-4-3 10:07 PM كەچۈرڭ ، ئازراق ئۆزگەرتىش بەرسەم بوپتىكەن . سەۋزىدە ۋ ... شۇنداقمۇ يا ئىشقىلىپ بالامنىڭ كۆزىنى دوختۇرغا ئاپارماي يەرلىك رىتسىپتا داۋالىدىمغۇ، شۇنىڭغا خوش مەن ھازىر. ھې ھې ھې