كۆڭۈلنىڭ كەينىگە كىرىپ....

كۆكنۇر

	بىر توردىشىم  بولىدىغان ،بىر كۈنى ئۇ ماڭا مۇنداق بىر ھېكايىنى سۆزلەپ بەردى. ئۇ توردىشىم  توي قىلغان بولۇپ ،ئۈچ بالىسىمۇ بار ئىكەن  .ئائىلىسى خېلى ئىناق ئۆتىدىغان ئائىلە بولۇپ ،ئايالىمۇ ئۇ توردىشىمغا بەكلا ئىشىنىدىكەن .بىر كۈنى توردىشىم توردا كۇ كۇ دا پاراڭلىشىۋېتىپ بىرسى بىلەن تونۇشۇپ قاپتۇ .توردىشىمنىڭ دېيىشىچە ،ئۇ ئايال كىشى بولۇپ توي قىلغىلى 7يىل بولغاندا مەلۇم سەۋەبلەر تۈپەيلىدىن ئاجرىشىپ كېتىپتۇ ،گەرچە ئۇ ئايال يولدىشىنى ئىنتايىن ياخشى كۆرسىمۇ ئاجرىشىپ كېتىشكە مەجبۇر بوپتۇ ،چۈنكى ئۇ شۇنداق سەۋىر قىلسىمۇ يەنىلا ئېرى باشقىلار تەرىپىدىن «ئازدۇرۇلۇپ»كېتىپتۇ ،نەتىجىدە ئۇنى شۇنداق خارلاپتۇ ،ھەتتا تېپىشىۋالغان ئۇ ئايالنى ئۆيىگە ئەكىرىپ ئولتۇرۇپتۇ ،ئۇنىڭ ئالدىدا ھېكايىمىزدىكى ئايال پىرسوناژنى ئۇرۇپتۇ ،بۇنداق ئىشلار تەكرارلىنىۋەرگەچكە ئاخىرى مەجبۇرىي ئاجرىشىپ كېتىپتۇ .مانا مۇشۇنداق پەيتتە بۇ ئەر توردىشىم ئۇ ئايال بىلەن تونۇشۇپ قاپتۇ ،دەسلەپ ھال -مۇڭ تۆكۈپ بەرسە ئاڭلاپ تەسەللىي بېرىپتۇ ،كېيىن ۋاقىت ئۇزارغانچە گەپ سۆزلىرى بىر يەردىن چىقىدىغان ،بىرەر كۈن تورغا چىقىپ پاراڭلىشالماي قالسا ،تېلىفۇن ئارقىلىق كۆرۈشىدىغان بوپتۇ .(بۇ جەرياندا بۇ توردىشىم ئۇ ئايالغا ئۆزىنىڭ ئائىلىسى بارلىقى ۋە ئۈچ بالىسى بارلىقىنى ئېيتىپتۇ ) ۋە بىر قانچە ئاي بولغاندا بۇ توردىشىمنىڭمۇ ئۇنىڭ ئاۋازىنى ئاڭلىمسا ئاڭلىغۇسى كېلىدىغان ،بىرەر ئاماللارنى قىلىپ توردا كامىرا ئارقىلىق كۆرۈشكۈسى كېلىدىغان بولۇپ قاپتۇ،دە .ئۇنىڭ بىر بىر قېتىم بولسىمۇ يۈز تۇرانە كۆرۈشۈپ بېقىش ئويىغا كەپتۇ .بۇ جەرياندا ئۇ توردىشىم ئائىلىسىدىكىلەرگە ھېچنېمىنى بىلدۈرمەپتۇ . بىر كۈنى ئۇ 500-600 كىلومېتىردەك مۇساپىنى بېسىپ ئۇ ئايالنىڭ يۇرتىدا كۆرۈشىدىغان بولۇپ پۈتۈشۈپ يولغا چىقىپتۇ .ئۇلار كۆرۈشۈپ ئۇزۇندىن -ئۇزۇنغا پاراڭلىشىپ ،مۇڭدىشىپ چىقىپتۇ . بۇنداق كۆرۈشۈشلەر بىر قانچە يىل داۋاملاشقاندىن كېيىن بۇلار ئوتتۇرىسىدا «مۇھەببەت »شەكىللىنىپ ،ھەتتا يوشۇرۇن نىكاھلىنىپ ،پات-پات كۆرۈشۈپ تۇرىدىغانغا كېلىشىپ نىكاھمۇ ئوقۇتۇپتۇ .دېمەك ئۇ توردىشىم غەيرىي يوللار بىلەن قوش خوتۇنلۇق بولىۋاپتۇ .ئىككىلىسى بىر -بىرىنى بەكلا ياخشى كۆرىدىغان بولۇپ كېتىپتۇ ،توردىشىم بۇ جەرياندا ئايالىغا تۈرلۈك ئەپچىل باھانىلەر ئارقىلىق قارشى تۇرۇپ ،ئۇنىڭغا بۇ «يوشۇرۇن نىكاھ »ئىشىنى بىلدۈرمەپتۇ.قىسقىسى ئۇنىڭ دېيىشىچە ئۇنىڭ تۇرمۇشى بۇرۇنقىدىن بەكرەك خۇشاللىق ئىچىدە ئۆتۈشكە باشلاپتۇ . بۇ كۈنلەرمۇ ئۇزۇنغا بارماپتۇ ،چۈنكى ئۇ ئايالنىڭ بالىسى بولمىسىمۇ ،لېكىن ئاتا-ئانىسى توي قىلساڭ بولاتتى دەپ چىڭ تۇرىۋاپتۇ ،تۈرلۈك باھانىلەرنى كۆرسەتكەن بولسىمۇ لېكىن كار قىلماپتۇ .ئامال بولمىغاندا ئاندىن بۇ ئايال توردىشىمغا «ئايرىلىپ كېتەيلى ،ياكى سىز ئاشكارا بولالمايسىز ،ھەم ئائىلىڭىز بار »دەپتۇ .قىسقىسى بۇ نىكاھنى ساقلاپ قالىمەن دېسە توردىشىم ئائىلىسىنى تاشلاپ بارسا بولىدىكەن ،ئاخىرى ئۇمۇ ئائىلىسىنى تاشلاپ كېتىشكە كۆزى قىيماي ئايرىلىپ كېتىشكە قوشۇلۇپتۇ .ئۇلار ئايرىلىپتۇ ،لېكىن ھەر ئىككىلىسى بىر -بىرىنى ياخشى كۆرگەچكە بەكلا كۆڭلى يېرىم بولۇپتۇ . مەن توردىشىمنىڭ بۇ بايانىنى ئاڭلاپ ئويلاپ قالدىم ،بۇلار زادى كۆڭۈلنىڭ كەينىگە كىرىپ تاسلا قاپتۇ ،بىر ئائىلىنى ۋەيران قىلغىلى.........دوستلار ،سىلەر بۇ بايانلارنى ئاڭلىغاندىن كېيىن قانداق ئويلاردا بولدۇڭلار ....مېنىڭچە ئىبرەت ئالايلى ...كۆڭۈلنىڭ كەينىگە كىرمەيلى !!!!!!!!!!!

كۆكنۇر

	ئۇ توردىشىم بۇ ئىشنى ماڭا سۆزلەپ بەرگىلى بىر قانچە ئاي بولدى،شۇندىن بۇيان ئۇ تورغا چىقماس بولدى .

wijdan.

	ئۇ دوستىڭىزغا ئېيتىپ قويۇڭ، ئۇ ئىككىسى بىر بىرىگە ھەقىقى ئېرىشەلمىگەنلىكى ئۈچۈنلا ئۇلارنىڭ ئوتتۇرىسىدا مۇھەببەت ساقلىنىپ قالغان،ئەگەر ئىككىسى توي قىلىپ بىر ئۆيگە كىرەلىگەن بولسا بۇ مۇھەببەت تەبىئىيلا تۈگىگەن بولاتتى(بۇلۇپمۇ بۇ ئىككىسىگە ئوخشاش شارائىتتا تونۇشۇپ توي قىلغانلار)

bujahan

	ياخشى قىپتىغۇ مانا.ئاخىرىدا ئائىلىسىنى،بالىسىنى تاشلىۋەتمەپتۇ.

bujahan

	مىنىڭ توردىكى مۇنبەر پۇلۇم مەنپى قىممەت بىلەن ئاشقىنى تۇرۇپتۇ.تۈنۈگۈن تېخى ئون مىڭدىن ئارتۇق بارتى.بۇلار نەگە كەتتى؟ چوقۇم باشقۇرغۇچىلار ئېلىۋالغان گەپ.

nafisa11

	توۋا  شۇنداق ئىشلامۇ  بۇلامدىغاندۇ  .ئاڭلىمىغان ئشتىن بىرنى ئاڭلىدىم ،بۈگۈن ،،،،،،،،،،، .ئاخىرىدا ئائىلىسىنى،بالىسىنى تاشلىۋەتمىگىنى  ناھايىتى ياخشى بوپتۇ  . ھەر ئىككىلىسى شەيتىنى ئۈستىدىن غالىپ كەپتۇ  . ئۇلۇغ ئاللاھ  بەندىلىرىڭنىڭ  كۆڭلىگە ئىمان   ئىنساپ -تەۋپىق  بەرگەيسەن  .ئامىن!!!!! .

ئۆل

	بەكمۇ  بىمەنلىك ....مۇھەببەت   پەيدا بوپتۇ دىگىنىنى توۋا ....ئەگەر ھەقىقەتەن بۇ  مۇھەببەت  بولغان بولسا ئۇنى ئاشكارە ئالغان بولاتتى ..بۇ  ئەر بەك تېتىقسىزكەن ..ئەخلاقىدا  مەسلە بار ئېغىر بەك ئېغىركەن ....ئۇنىڭ ئايالغا ئۇۋالكەن ..

tatlikpigan

	بۇ دۇنيادا ھەرقانداق بىر ئىش مۇمكىن ....تور دۇنياسىدا تېخىمۇ مۇمكىن..ھوشيارلىقنى ئۆستۈرۈش كېرەك....بىر ئادەم بىلەن بىرئادەمنىڭ پىكىرى بىر يەردىن چىقىشمۇ ئاسان ئەمەس...شۇڭا ئۇنداقلار تۇنۇشۇپ قالسا چىقىشىپ قېلىشىدۇ...

0997xatut

	بەك شەخسىيەتچى كىشلەرمۇ بۇ نېمە؟ ياخشى كۆردۈم، كۆيدۈم پىشتىم دەپلا شۇنداق قىلىق قىلىپ يۈرسە بۇلامدۇ؟ ئۇنداقتا نىكاھ نىمىگە ھېساپ ؟ مۇشۇنداق ئەرىزمەس ئۇششاق گەپلەرنى ئاڭلىسام بەكلا ئاچچىقىم كېلىدۇ.

.HerO

	bujahan يوللىغان ۋاقتى  2012-4-2 11:36 AM مىنىڭ توردىكى مۇنبەر پۇلۇم مەنپى قىممەت بىلەن ئاشقىنى  ... تۈنۈگۈن مەن ،چ چ رىمنى ھەقسىز VIP،ھەقسىز ئالماس ياندۇرالىسىڭىز 5000مۇنبەر پۇلى بىرىمەن دىگەنغۇ؟! سىز شۇنداق قىلالمىغاچقا،باشقۇرغۇچىلار  فاگەن قويغان گەپ! ھا ھا ھا..ئەجەپ قىززىق ئىش بوپتا