مۇھەببەتلىك خەتلەر(ھىكايە) ئىپارە

ئىپارە

	<<ئەلا ئاكا،كۆپ ئويلاندىم .ئاخىر دوستۇمغا <خىيانەت> قىلدىم. ئۇنۇڭ ماڭا يازغان خېتىنى ،ياق خېتىنى ئەمەس ، يۈرەك سىرلىرىنى سىزگە ئاشكارلىدىم.<خىيانەت> قىلىشىمدىكى مەخسەت، دوستۇمنى ۋە سىزنىڭ دوستىڭىزنى بەخىتلىك قىلىش ،ناۋادا ،مەخسىتىمگە يېتەلىسەم،بۇ تۆھپىنىڭ يېرىمى سىزنىڭ بولىدۇ. ئىشىنىمەن :،دوستلىرىنىڭ بەخىتلىك بولىشى ئۈچۈن جان كۆيدۈرگەن خالىسلارمۇ بەخىتسىز بولمايدۇ>. ھۆرمەت بىلەن:ئەلانۇر    1957-يىلى 2- سېنتەبىر>> خەتنى ئۈچ قېتىم ئوقۇدۇم.تامىقىمنىڭ مۇزلاپ كىتىشىگە پىسەنىت قىلماي ھال رەڭ كونۋېرتنى ئاچتىم ۋە رازىيەنىڭ تونۇش پوچۇركىسىنى كۆرۈپ ، ئانا مەكتىۋىمنى بىردىنلا سېغىندىم، كۆڭلۈم بۇزۇلدى ،يىغا ياماشتى.چۈنكى،بۇ كۈنلەردە دوستلارسىز مىسكىنلىشىپ قالغانىدىم.مەن خەتكە كۆز تاشلىدىم. <<قىممەتلىك دوستۇم،قاند اق ئەھۋالىڭ؟ئۈرۈمچىنىڭ ساپ ھاۋالىق ، سۈزۈك سۇلۇق ،گۈل ۋە كىپىنەكلەرگە باي ،ئاۋات ،باياشات قوينىدا شادلىنىپ يۈرىۋاتامسەن؟مېنى ئويلاپمۇ قويامسەن؟ھېلىقى كېچىسى بىردەم كۈلۈپ ،بىردەم يېغلىتىپ ئۇخلاتمىغىنىڭ ئېسىڭدىن چىقىپ كەتمىگەندۇ-ھە؟ يېرىم كېچىدە مامۇق ياستۇقنى قۇچاغلاپ سىم كارۋاتتىن يەرگە دۇمۇلاپ چۈشكىنىڭچۇ تېخى؟ مەندىن ئەھۋال سورىساڭ سالامەت ئوقۇۋاتىمەن ،لېكىن مىجەزىم ئۆزگەرمەكتە . دادامنىڭ  كىتاپخانىسىدا يالغۇز ئولتۇرۇپ  سائەت-سائەتلەپ خىيال سۈرىمەن ،بەزىدە ئۆزۈمنى خوشال تۇتۇش ئۈچۈن ناخشىمۇ ئېيتىپ باقىمەن ، نىمىشقىدۇر ناخشىنىڭ ئاخىرى يىغا بىلەن ئاخىرلىشىدۇ. شەنبە ئاخشاملىرى تانسا بولىدۇ .تانسىدىنمۇ كۆرە مۇتەللىپ باغچىسىنى ياكى بىزنىڭ مەكتەپنىڭ كەينىدىكى (شەرىقتىكى )شەڭگەن باغنى يالغۇز ئايلىنىشنى ياخشى كۆرىمەن . بۇنى ئەلۋەتتە ساڭا ئېيتقان ، سەۋەبىنى بىلىسەن .قىممەتلىك دوستۇم ،ئۇنۇڭ قوشۇمىسى تۈرۈلگەن ، كەڭ پىشانىلىك ، سۈرلۈك ، لېكىن كېلىشكەن چىرايى بىر مىنوتمۇ خىيالىمدىن كەتمەيدۇ ،ئۇنۇڭغا زادى نىمىشقامۇنچىلىك  بېرىلدىم، بۇنى بىلمەيمەن مەن ئۇنۇڭ بىلەن ،بىر يىللىق ئوقۇغۇچىلىق ھاياتىمدا پەقەت بىرلا قېتىم يالغۇز پاراڭلاشقان .ئۇ چاغدا مەن ھىچكىمنى كۆزگە ئىلمايتتىم .ئىتتىپاق كومتېتىنىڭ شۇجىسى بولغىنى ۋە مېنى ياشلار ئىتتىپاقىغا تۇنۇشتۇرغىنى ئۈچۈنلا ئەلا بىلەن يىقىنچىلىق قىلاتتىم . ئونىنجى سىنىپنىڭ باللىرى بىز سەككىزىنچى سىنىپنىڭ قىزلىرىنىڭ كەينىگە كىرۋالاتتى، مۇھەببەت خەتلىرى ،تەكلىپلەر ئۈزۈلمەيتتى .ماڭا توققىزىنجى ۋە ئونىنجى سىنىپلاردىكى ئوقۇغۇچىلاردىن خەت يازمىغىنى ،تەكلپ قويمىغىنى ناھايىتى ئاز .مەن ئۇلارنى يامان كۆرەتتىم ،ھىچقايسىغا قاپاق ئاچمايتتىم ... شۇنچىلىك نەزىرىم ئۈستۈن ۋە قاتتىق مىجەزلىك ئىدىم يالغۇز ئەلالا ماڭا خەت يازمىغان، تەكلىپمۇ قويمىغان . مەن ئۇنۇڭ ئالاھىدە ئۆتكۈرلۈكىگە ھەيران قالاتتىم. ھەر قىتىملىق ئىمتىھان- سىناقلاردا ئون- ئونبەش مىنوتتىلا قەغەز تاپشۇرۇپ چىقاتتى ۋە ئىتتىپاق خىزمىتىنى پۈتۈن ۋۇجۇدى بىلەن ئىشلەيتتى.مەن ئۇنۇڭ دەرس تەكرارلىغىنىنى كەمدىن- كەم كۆرەتتىم.پۈتۈن ئوقۇتقۇچى، ئوقۇغۇچىلار ئارىسىدا ئۇنۇڭغا قايىل بولمايدىغان ۋە ئۇنى ھۆرمەت قىلىمايدىغان     بىرمۇ                                                                                                                                             ئادەم  يوق   ئىدى. دادام ئۇنۇڭ دايىم ئۇنۇڭ توغرىسىدا بىزنىڭ ئۆيدىمۇ سۆزلەپ ،<<قىزىم ئەلادەك بول ، مەن مۇنداق سەگەك  كاللىنى ئۆمرىمدە  كۆرمىگەن، <<لېنىن>پو ئېمىسنى ئۈچ قېتىم ئوقۇپلا يادلىۋالغىنىنى ئۆز  كۆزۈم بىلەن كۆردۈم.ئۇ ئونىنجى سىنىپنى پۈتتۈرگەن بىلەن ئەمەلىيەتتەئالىي مەكتەپ نىڭ ئوقۇغۇچىللىرىدىن كەم ئەمەس،> دەيتتى.لېكىن ،دوستۇم ،ئاشۇ ئەلامۇ مېنىڭدە مۇھەببەت ھېسىياتى پەيدا قىلغان ئەمەس.ئۇنۇڭ نېمىسى مېنى جەلىپ قىلىۋالدى؟مەن بۇنى ھازىرمۇ بىلمەيمەن ،ئەقىل- پاراسەت،تالانىت،ھەتتا چىرايدىنمۇ ئۇ ئەلادىن تۆۋەن ،ئەلا قانداق ئاجايىپ -ھە!ئاشىق بولسا مانا مۇشۇنۇڭغا بولسا بولىدۇ. لېكىن مەن ،ئۇنى ھازىرمۇ دوست ۋە ئۈلگە سۈپىتىدە ئويلايمەن .لېكىن، ئۇنۇڭ تومبالقا  دوستىچۇ؟ قىممەتلىك دوستۇم، ھالىمنى  ساڭا ئېيتماي كىمگە ئېيتىمەن؟ ئەمدى بىلىۋاتىمەن ، ئۇ مېنىڭ جىنىم بىلەن باراۋاركەن، ئۇنۇڭسىز ياشىغىنىمدىن ئۆلگىنىم ياخشىكەن. ساڭا قېلىنلىق قىلىمەن ، چۈنكى سەن ئۆزۈمگە ئوخشاش ،سېنىڭدىن ھېچنەرسىنى ئايىمايمەن . مەن ئۇنۇڭسىز ياشىيالمايمەن. تۈنۈگۈن ئۇلار ئوقۇغان سىنىپقا ھىچكىم يوق ۋاقىتتا كىردىم ، پارتىلارغا قەلەمتۇراچ بىلەن ھەر خىل ئىسىملار ئويۇلغان ئىكەن ، بىر مۇ بىر قاراپ چىقتىم . ئەڭ ئاخىرقى پارتىلارغا قاراشتۇرغىنىمدا ، دېرىزە تەرەپتىكى ئورۇندا ئۇنۇڭ ئىسمى تېپىلدى ، مەن پارتا قاپقىسىنىڭ ئىچىگە ئويۇلغان ئىسىمنى قايتا- قايتا سىلىدىم، پۈتۈن بەدىنىم جۇغۇلداپ كەتتى، تىترەپ تۇرۇپ يۈزۈمنى ياقتىم ، تۇنجى ۋە ئەڭ ساپ مۇھەببىتىم بىلەن سۆيدۈم... مەنبە:<ئىزدىنىش>رومانىدىكى مۇھەببەتلىك خەتلەر داۋامى بار...

gurbet_kizi

	tunji okurman bolginim din hur san man , ahirsini tiz rak yolliwat sigiz

eerpan

	رەھمەت سىزگە ، زوردۇن سابىرنىڭ ئەسەرلىرىنى بەك ياخشى كۆرىمەن ،بۇ روماننى ئوقۇغىلى بەك ئۇزۇن بولغان ، بۇگۈن بۇنى ئوقۇپ  روماندىكى ۋەقەلەر قايتا نامايە بولغاندەك بولدى .

ئىپارە

	eerpan يوللىغان ۋاقتى  2012-4-2 09:48 AM رەھمەت سىزگە ، زوردۇن سابىرنىڭ ئەسەرلىرىنى بەك ياخشى ك ... ھە سىز باركەنسىز ھە؟ سىزگىمۇ رەھمەت !ياقتۇرغىنىڭىزغا!

tatinqak

tatlikpigan

	ئىپارە يوللىغان ۋاقتى  2012-4-2 11:31 AM ھە سىز باركەنسىز ھە؟ سىزگىمۇ رەھمەت !ياقتۇرغىنىڭىزغا! بۇ جاھان ئەجەپ بىر .....ھەقىقىي مۇھاببەت مەڭگۈ ۋىسال تاپمايدىكەن.....پەقەت پايدا مەنپەئەت ئۈستىگە قۇرۇلغان مۇھاببەتلا ئاسانلا ۋىسال تاپىدىغان ئوخشايدۇ... نېمە ئۈچۈن ھەممە جەھەتتە ئەلادىن تۆۋەن تۇرىدىغان ‹ئۇ›نى سۆيۈپ قالغاندۇ؟!؟ھازىر بۇ ھېكايىدىكى ئىشلار پەقەت ئۆتمۈشتىكى بالىلار چۆچىكىگە ئايلىنىپ كەتتى...

ئىپارە

	tatlikpigan يوللىغان ۋاقتى  2012-4-2 01:21 PM بۇ جاھان ئەجەپ بىر .....ھەقىقىي مۇھاببەت مەڭگۈ ۋىسال تا ... راست دەيسىز، ھازىر ھەممىنى ساقتىلىق قاپلاپ كەتتى .

ئىپارە

	قىممەتلىك ئەلانۇر،

musilina

	مەن ئەڭ ياقتۇرۇپ،يېنىشلاپ ئوقۇغان رومانلارنىڭ بىرى ‹‹ئىزدىنىش››رومانىدۇر، ئوقۇغىلى ئۇزاق بولغاچقىمىكىن  بەزى ۋەقەلىكلىرى ئېسىمدىن كۆتۈرۈلۈپ قاپتۇ...... يەنە بىر قېتىم ئەسلەتكىنىڭىزگە تەشەككۈر...

ABDUMAJID

	ئپارە   سىزنىڭ ‹‹ئىزدىنىش››  رومانىغا  ئوخشاش  مۇشۇنداق  نادىر  روماندىكى  سۆيگۈ  مەكتۇپلىرى بىزگە  يەتكۈزگەنلىكىڭىزگە  كۆپ  تەشەككۇر.  مەن  مۇشۇنداق  سۆيگۈ  خەتلىرنى     ھەر  قىتىم ئوقۇغان  چاغدا بىزدىن  ئلگركى  ياشلارغا  راسلا  ھەۋىسىم  كەپ  كىتىدۇ. ئۇلار نىمە   دىگەن  رومانتىك  نىمە  دىگەن  ئوت  يۈرەك  -ھە................