ئېھ، توپىلىق يول

nazila998

	ئېھ ، توپىلىق يول ( ھىكايە ) قۇشقاچ قوندى زاغزاققا ، تورغاي قوندى يانتاققا ، يارنى سۆيسەڭ مەھكەم سۆي، ئورناپ كەتسۇن تامغاققا . ( دولان خەلى قوشاقلىرى ) ( 1 )    گۇلئايشەم قىممىتى بار ھەممىلا نىمىسىنى _ ياشلىقىنى، ھۆسنىنى ،ئار_نومۇسىنى ..........پۇلغا تىگىشىشكە رازى بولدى ، بۇ ئىش ئۇنىڭ غىمىنى يىگۈچىلەرنىڭ ، غەزىپىنى ،نارازىلىقىنى قوزغىغىنى بىلەن ھاممىسىنىڭ خۇشاللىقىنى غۇرۇرىنى ئاشۇردى ،ھاممىسى ئىقىۋاتقان ناندەك سالپىيىپ تۇردىغان ئىككى مەڭزىگە تىپىپ چىققان خۇشاللىقىنى نامايەن قىلىش ئۈچۈن ، ئۆيمۇ _ ئۆي قاترىدى ۋە خىرىلداق ئاۋازى بىلەن باشقىلارنى ئەيىپلەپ ، ئۆزىنى ماختاپ مۇنۇ گەپلەرنى تەكرارلىدى :       _ ئۆزىدىن يىگىرمە ياش چوڭ بولغىنى بىلەن ، نارەسىدە بالىدەك گول ، يىتىمدەك يۇۋاش ، مالايدەك تىنىمسىز ئادەم ئۇ . مۇنداق ئەرگە چۈشۈۋالغان خوتۇنغا مۇھاببەتتىنىڭ لازىمى نىمە ؟ ياشلار ، بەخىت،بەخىت دىيىشىدىكەن ،چىرايلىق گەپ ، سىغىنىش ، كۆيۈشۈش ....... بەخىتمىش ، بەخىت _ پۇل ! ئاڭلىمىغانلار ئاڭلاپ قويسۇن ، مەن گۇلئايشەمگە يىگەن - ئىچكەندەك ،سوقا - سەندەلدەك ،تۇرغۇزۇپ قويسا تىكلىمە تاغاردەك ، يىتىلىسە ئۆكۈزدەك ،يىسە مىۋىسى تۈگۈمەس دەرەختەك ئەر تاپتىم ، يەتمىش مىڭ كوي پۇلى بار ، تەرەپ-تەرەپكە يولى بار ، خام تاسمىدەك قولى بار ، ئىككى قىز ، تۆت ئوغلى بار ، ئىككى قوتان قويى بار ، ياغاچ ئورمان بىغى بار ، نەچچە يۈز مو يىرى بار ، يۈزى تۇتۇق ، قولى ئوچۇق ، تويغىمۇ يالاڭ ئاياغ باردىغان ، يىغىنلارغا زاغرا تۈگۈپ ماڭىدىغان گول ئەرگە تەككەن ئايال بەخىتسىز بولامدىكەن ؟ بىلىپ قويۇڭلار ، گۇلئايشەمنىڭ  بەختى ئىچىلدى !       ئاچچىق كاساڭ قوراينىڭمۇ چىرايلىق گۈلى بولىدۇ ، ۋات-ۋات ئايالنىڭمۇ چىرايلىق تەسەللىسى بار ئىكەن :       _ كۆڭلۈڭنى بۇزما _ دىدى ئۇ تىكلىمە ئەينەك ئالدىدا سىڭايان تۇرۋىلىپ ، ئىچىدە ياشلىقى ۋە گۈزەللىكى بىلەن خوشلىشىۋاتقان مىسكىن چىراي گۈلئايشەمنىڭ كۆڭلىنى ياساپ _ ياشلىق ئۆلمەيدۇ ، مۇھاببەت قىرىمايدۇ ، قىرىغا تەككەنگە كۈل بولۇپ توزىيدىغان ئىش بولسا، مەن توزىماسمىدىم ، قېرى ئۆلدى ، دۆلىتى قالدى ، بەخىت تاپتىم ، كۆڭۈل بىلەن بەخىتلىك بولدىغان بولسا ، مەن ئون يەتتە قىتىم بەخىتلىك بولار ئىدىم ، نەدىكىنى ؟ دىلىمغا ئون يەتتە قىتىم قاداق چۈشتى ، سىنىڭ بۇ بوۋىيىڭنى خەقلەر روزەك بەز دەيدىكەن ، ئۇ بەز بولسا سەن مۈشۈك بول ، قىزىم ، ئاغزىدىن كىرىپ بۇرنىدىن چىق ، بىر يىلغىچە ئۆلسە ، ھىچ بولمىسا بانكىدىكى يەتمىش مىڭ كوينىڭ يىرىمى سىنىڭ ، ئۆلمىسىچۇ ؟ ئون مىڭ كويلۇق چەكتىن بىرنىلا ئىلىۋالساڭ بولدى ، قالغان بەختىڭگە مەن كىپىل ، !   مەڭزى سالپاڭ ، ئاغزى كەمشۈك ، ۋات-ۋات موماي قاڭسىق گەپلىرى بىلەن گۇلئايشەمنىڭ چىرايىدىكى مىسكىنلىك ئورنىغا خۇشاللىق ئىلىپ كەلدى ، ئەمدىلا ئوتتۇزدىن ھالقىغان ، قىران جۇۋان ئەمدى بوۋايغا ئايال بولىدىغانلىغىنى تامامەن ئۇنتىدى-دە ، بولغۇسى دۆلەت ، يەنى پۇل ، خوجايىن بولۇش ئارزۇسى ئۇنى مەسىت قىلىشقا باشلىدى ، ئۇ شۇ مەسلىكنىڭ كۈچى بىلەن  بۈگۈن دىدارلىشىدىغان  لايىقىنىڭ كۆڭۈل تۆرىدىن ئورۇن ئىلىش ئۈچۈن ، گۈزەل چىراي ۋە ئەۋرىشىم سۇمباتىنىڭ قىممىتىنى ئاشۇرۇشقا تۇتۇش قىلدى ،        ئۇ پەردازدىن كىيىن ھاممىسىنىڭ ئالدىغا چىقتى :      _ بوپتىمەنمۇ ھامما ؟      _ گۈلدەك ئىچىلىپسەن قىزىم ، جەننەتنىڭ ھۆرلىرى بىكا قالسۇن ئالدىڭدا ،مەن روزەك بەزگە خەۋەر قىلاي ، بۈگۈنلا توي خىتى ئىلىڭلار . !       ھاممسى چىقىپ كەتكەندىن كىيىن ، گۈلئايشەمنىڭ يەنە كۆڭلى بۇزۇلدى ، مۇشۇ ھۆسنى بىلەن كۆرۈمسىز ، بىلىمسىز ، ئەڭ يامىنى مۇھاببەتسىز ، ئالتە بالا ، ۋە كىلىن -نەۋرىسى بار قوپال دىھقانغا ئايال بولىدۇ ، ئۇنىڭ پۇل ۋە دۆلىتىنى ئۆزىگە قارتىۋىلىش ئۈچۈن ئار-نومۇس ، ۋىژدانىنى ساتىدۇ ،ئۇ نىمىلا بولمسۇن ، يەتتىنچى سىنىپنى تۈگەتكەن ، خىلى كۆپ رومانلارنى ئوقۇغان ، ئالى مەكتەپنى پۈتتۈرۈپ ، ھۆكۈمەت ئورنىدا ئىشلەۋاتقان تونۇش - بىلىش ، دوسلىرى بىلەن سۆھبەتلەشكەن ، بىرىنچى ئېرىدىن كۆڭلى سۇ ئىچمەي خورلۇق تارىتقىنى ئۈچۈن ، ئۆزىگە ئىچ - پەش تارتقان نۇرغۇن يىگىتلەرگە قاپاق ئاچمىغان ، سەۋىر - تاقەت ۋە يوقسۇزلۇققا كۆنگەن ئايال تۇرۇپ ، يەنە نىمىشقا ئۆزىنى پۇلغا ئاتتى ، ؟ ھاممىسى ئازدۇردىمۇ ؟ ھىلىھەم بولسىمۇ يىنىۋالسا بولىدىغۇ ؟ شۇ چاغدا ئۇنىڭ كۆز ئالدىغا قولىغا نۇرغۇن پۇل تۇتقان نادان دىھقان كەلدى-دە ، تىزىق - تىزىق پۇل ئۇنى يەنە قىزىقتۇردى : يەتمىش - سەكسىن مىڭ كوي نەخ پۇلى بارمىش ، يەنە ئۇلار يالاڭ ئاياغ يۈرەرمىش ، تامىقى زاغرا بىلەن قىتىقمىش ،پۇل تىپىشنى بىلەرمىش ، خەجلەشنى ئۇقمايمىش ، مىنىڭ ۋەزىپەم پۇل خەجلەش ، ! پاھ ، بۇنداق ئاسان ئىشقا كىم يۈگۈرمىسۇن ؟ ئۇ شۇلارنى ئويلىدى-دە ، بۇ قىتىم ئالدىنقى نىكاھنىڭ تەتۈرىنى قىلماقچى بولدى ، ئۇ قىتىم كۆڭلى ، ۋىژدانى ئۇنى باشقۇرغان ، لىكىن ئۇ خورلانغان ، بۈگۈنچۇ ؟ كۆڭلى ، ۋىژدانى ئۇنى ئەيىپلىمەكتە ، لىكىن بۇ قىتىم ئۇ ئۆزىنى نىمىلا بولمىسۇن ، تەۋەككۇل قىلىپ نەپسىگە تاپشۇردۇ.........       ھويلا ئىشىكى غىچىرلاپ ئىچىلدى ، گۇلئايشەمنىڭ يۈرۈگى جىغىلدداپ توختىدى ، ئۇ نىمىلا بولمىسۇن تويى بولىدىغان ئايال-دە ، ئۇ ھاياجانلاندى ، تەمتىرىدى ، ئۆينىڭ زەدىۋاللىرىنى تۈزەشتۈردى ، سۇپىغا تاۋار يىكەنداز سالدى ، ۋە يۈزىنى ئالقانلىرى بىلەن سىپىدى ،      _ئەسسالامۇ ئەلەيكۇم !        ئۆيگە شىپىلداپ بىر ئەر كىشى كىرىپ كەلدى ۋە تاپسىدىلا زوڭزايدى ، گۇلئايشەمنىڭ تىنى شۈركەندى ، ئۇ كىرگۈچىگە قارىدى ، ئايالنىڭ  كۆزىگە ئەڭ ئاۋال دىھقاننىڭ كىرلەشكەن شاپاق دوپپىسى ، تەردىن قىتىشقان ئاق يەكتىگىنىڭ سىرتىدىن باغلىغان يىشىل تاۋار بەلۋىغى ، قولتۇقىغا قىستۇرۋالغان بىر كونا كالىچى چۈشتى ، گۇلئايشەم ئىختىيارسىز ھالد :      _ سىلى ، سلى ، ھاممامنى ئىزدەپ كەللىمۇ ؟ _ دەپ سورىدى .      _ يوقسۇ _ دىدى دىھقان يىرىم قوزغۇلۇپ بىر ئالقىنىدا  چاڭ باسقا گەدىنىنى سىلاپ  قويۇپ _  گۇلئايشەم دىگەن چوكان بىلەن كۆرۈشمەكچى ئىدىم ، _ ئۇ ساپسىرىق شالاڭ چىشلىرىنى كۆرسۈتۈپ ھىجايدى ، گۇلئايشەم ئۆزى پەرەز قلغاندىنمۇ نەچچە ھەسسە  كۆرمسىز ئادەمنى كۆرۈپ  ئىختىيارسىز كەينىگە داجىدى ، مانا مۇشۇ ئادەم  ئۇنىڭ ئېرى بولىدۇ ، بۇ ئەلۋەتتەئالدىنقى ئېرىنىڭ دەسسەشلىرى ، خورلاشلىرىدىنمۇ بەتتەر ئىش ، لىكىن مۇشۇ كۆرۈمسىز گەۋدە ئۇنى بەخىتلىك قىلدۇ ، چۈنكى ئۇ پۇلدار ، گۇلئايشەم ئۆزىنى نەپسىگە تپشۇرغانىكەن ، بۇ ئادەمگە ئوچۇق چىراي ، خۇش موئامىلىدە بولۇش كىرەك ،       _ سۇپىغا چىقسىلا ، يىكەندازغا ....... مەن گۇلئايشەم .       دىھقان ئەندىككەندەك قىلىپ ، گۇلئايشەمگە قارىدى ،ئۇنىڭ كۆزلىرىدىن ئوت يانغاندەك ، لەۋلىرى تىترىگەندەك بولدى -دە ، ئايالغا تىكىلىپ ئونىدىن تۇردى ، شۇ چاغدا ئۇنىڭ قولتۇقىدىن كالىچى چۈشۈپ كەتتى  ،گۇلئايشەم تۇيۇقسىزلا خۇددى تۇغۇپ بولغان مىكىياندەك قاقاقلاپ كۈلۈپ كەتتى ،        _ خىنىم ، بالىكەنلا ، بەك چىرايلىقكەنلا ،بىزدەك دىھقانغا  ئاش بولالىمۇ ؟ _ گۇلئايشەمنىڭ كۈلكىسى تۈگىگەندىن كىيىن روزەك بەز ئايالدىن سورىدى ،        _ خەق سىلىنى بەز دەيدىكەن ، ماڭىمۇ بەزلىك قىلالىمۇ ؟        _ توپىدىن پۇل تاپىدىغان خەق بەز بولمىسا بىيالمايدۇ  خىنىم ،        _ سىقىپ سىقىمىدىن چىققىنىنى يالا دىسىلە ، سىلىگە ئاش بولمايمەن ، ھەممە گەپنى ھاممام ئېيتقاندۇ ، ھاممامنىڭ دىگىنىگە كۆنسىلە ، مەنمۇ سىلىنى قىرى كۆرمەيمەن ...........        _ كۆنگەچكە ئالدىرىدا يۈكۈنۈپ ئولتۇغاندىمەن خىنىم .        گۇلئايشەم روزەك بەزنىڭ يالاڭ ئاياغ ، تۆگە تاپىنىدەك پۇتلىرىغا ، چاڭ باسقان يۇڭلۇق مەيدىسىگە ،كىچىك ئورۇق يۈزىگە ياراشمىغان كەكە ساقىلى بىلەن ئىنچىكە بۇرتىغا، تەر تەپچىرەپ تۇرغان قىڭراقتەك بۇرنىغا ، ئورا كۆزلىرىگە سىنچىلاپ قارىدى ، بۇرنىدىن باشقا بۇ گەۋدىدە گۇلئايشەمگە ياققۇدەك ھىچنىمە تىپىلمىدى ، ئۇ ئۇلۇغ - كىچىك تىندى-دە :         _ توينى چوڭ قىلالا ؟ _ دىدى .         _ جۇۋان توي بولغاندىكىن چىغىدا بولار .         _  مەن ئىتىزدا ئىشلىيەلمىسەمچۇ  ؟         _ ئالتە بالىغا ئانا بولۇپ ئۆيدە ئولتۇرۇپ بىرەلا        _ زىرىكسەمچۇ ؟        _ زىرىكسىلە ئىش قىلالا .        _ قانداق ئىش ؟       _ كالا ساغىلا ، سۈت پۇشۇرلا ، يۇڭ تىتىلا ، شوينا ئىشىلا ، ياماق يامايلا ، تۇخۇم يىغىلا ، ئوتياش ئوتايلا ،ئوغۇت يىغىلا ، ۋاي - ۋۇي ، چىدىسىلا مىڭ خىل ئىش بار .        _ ۋاي ئانام ، ئاۋالقى ئاياللىرىنى ئىشلىتىپ ئۆلتۈرۋەتكەن ئوخشىماملا ؟        _ باللىرىغا قىسىنىپ ، ئاچ يۈرۈپ كىسەل تاپتى ، ھازىر بولغان بولسا ئۆلمەيتتى ،       _ ئۆلۈپ كەتكىلى نەچچە يىل بولدى ؟       _ سەككىز يىل ئىككى ئاي      _ بالىلار ئۆگەيلىسە قانداق قىلىمەن ؟      _ بالىلار كالىنى ئانا دىگۈدەك بولدى ،ئۆگەيلەمدۇ ؟ ماڭا ئايال بولمىسىمۇ بولىۋىرەتتى ، بالىلارغا ئانا بولمىسا بولمايدىكەن ،       _ بالىلارنى باشقۇرامدىمەن ؟       _ شۇنداق       _ پۇلنىچۇ ؟       _ پۇلنى بانكا باشقۇردۇ ،       _ چەكنىچۇ ؟       _ ساندۇق       _ ئاچقۇچنى كىم تۇتىدۇ ، ئانىمۇ ، ئاتىمۇ ، بالىمۇ ؟       _ كىيىن بىلىلا .       _ دىمىسىلە توي خىتى ئالغىلى بارمايمەن .       _ ئۇنداق بولسا يىپىقلىق قازان يىپىق پىتى قالسۇن ،        روزى بەز ئورنىدىن تۇردى ، گۇلئايشەم چۆچۈپ ئالدىنى تورىدى ،:        _ چاخچاق ، چاخچاق قىلغاننىمۇ بىلمەملا ؟        _ ئەتىسى ئۇلانىڭ نىكاھى ئوقۇلدى ، ئۇلار ئۆيگە كەتمەكچى بولۇپ ، پىيادە يولغا چىقتى ، يىزا بازىرىدا روزى بەز گۇلئايشەمنى لەغمەن بىلەن مىھمان قىلدى ،گۇلئايشەم خاپا بولۇپ قالدى ، ئۇلار يولغا چىققاندا ، گۇلئايشەم ئوشۇققىچە توپىغا پاتتى ، ئۇ پۇتىنى قىقىپ نارازى بولۇپ ، :       _ گۈلدەك جۇۋاننى ئازغىنە پۇل خاجلەپ ئىلىۋاللا ، يەنە گەپ قىلمىسام ، پىيادە ئىلىپ كىتىۋاتىلىغۇ ؟ _ دىدى .       _ ھارۋا كىرا قىلاي دىسەم نومۇس قىلىدىكەنمەن خىنىم ، توپىدىن قورۇقمىسىلا ، مانا ماڭا ئوخشاش يالاڭ ئاياغ ماڭسىلا ، _ ئۇ توپا ئىچىدىكى پۇتىنى كۆرسەتتى ،       << خورلۇق ، _ دەپ ئويلىدى گۈلئايشەم توپۇلۇق يولدا ئىگىز پاشنىلىق ئايىغى بىلەن قىينىلىپ كىتىۋىتىپ _ سەۋىر قىلاي ، ئون مىڭ كويلۇق چەكتىن بىرىلا قولۇمغا چۈشسە ، سىنىڭ ئۆيۈڭدە باغلاپ قويساڭمۇ تۇرمايمەن ........... >>                 داۋامى بار مەنبە : زوردۇن  سابىرنىڭ << قەرىزدار >>  ناملى ھىكايىلەر توپلىمىدىن

hal305

	ئاۋۋال ئاخىرى يىزىلىپ بولسۇن. ئاندىن بىراقلا ئوقۇي جىمۇ مەن.

gittarmahiri

	مەنمۇ شۇنداق قىلاي ئالدىراش ئىشىم چىقىپ قالدى

yadikar-

	كاتتا ئەسەرئىدى، ئەينى يىللىرى تەڭرىتاغنىڭ شىمالى ۋە جەنۇبىدا كارامەت داغ-دۇغا قوزغىغان ئىدى. ئۆلمەس ئەسەر دېسە مۇشۇئەسەرنى دېسە بۇلىدۇ. تېمايوللۇغۇچىغا رەھمەت، مۇشۇنداق ئىسىل ئەسەرلەرنى نۆۋەتتىكى ياشلارغا تۇنۇشتۇرۇشنىڭ ئەھمىيىتى زور.

dawan~

	مەن شۇ كىتاپنى ئېلىپ بىر ئۇقۇپ باقمسام خېلى قىزقىپ قالدىم

nazila998

	dawan~ يوللىغان ۋاقتى  2012-4-1 10:29 PM مەن شۇ كىتاپنى ئېلىپ بىر ئۇقۇپ باقمسام خېلى قىزقىپ قال ...   بۇ كىتاپ ھازىر كىتاپخانىلاردا بامۇ- يوق بىلمەيەن ، مەن بۇ كىتاپنى سىتىۋالغىلى 10 يىلدىن ئاشتى ، ھەم قولۇمدىكى بۇ كىتاپ 1 - نەشىرى ھەم 1 - بىسىلىشى ، بۇ كىتاپتا  زوردۇن سابىرنىڭ ئون نەچچە ھىكايىسى بار ئىكەن ، شۇنىڭدىن تاللاپ يوللۇدۇم ، بۇ ھىكايىدىن باشقا يەنە ئىككى ھىكايىسىنى يوللاي دەيمەن ، كىتاپنى تاپالماي قالسىڭىز  مۇشۇ تىما ئارقىلىق ئوقۇپ چىقارسىز ،

nazila998

	yadikar- يوللىغان ۋاقتى  2012-4-1 07:25 PM كاتتا ئەسەرئىدى، ئەينى يىللىرى تەڭرىتاغنىڭ شىمالى ۋە  ...   سىزمۇ بىلىدىكەنسىز- ھە بۇ ئەسەرنى ، دىگىنىڭىزدەك شۇ چاغلاردا بەك ياقتۇرۇپ ئوقۇغان ، مەن بۇ ئەسەرنى يوللىسام قانداق بولا ، دەپ ئولتۇرۇپ يوللۇدۇم ، قوللىغىنىڭىزغا رەخمەت ، داۋامىنى ئىمكان قەدەر تىز يوللايمەن ،

nazila998

	داۋامى                                              ( 2 )   تۈن ، تىنجىق ئۆي .   ئون ئىككى پارچە تىكمەت سىلىنغان سۇپىدا سامان تەكى ، چىت كۆرپىلەر ئۈستىدە گۇلئايشەم يالغۇز ياتماقتا ، ئۇنىڭ ئۇيقۇسىزلىقتىن قىزارغان كۆزلىرى تۇڭلۇككە قادالغان ،كىچىككىنە تۇڭلۇكتىن بەش تال يۇلتۇز كۆرنىدۇ ، قاراڭغۇ باغدىن كاككۇك ئاۋازى ، يىقىنلا يەرلەردىن قويلارنىڭ مەرەشلىرى ، ئىتلارنىڭ ھۇۋلاشلىرى ، ئاڭلانماقتا ، يوغان ئۆينىڭ تۆت تىمى  ۋە كىرلەشكەن زەدىۋاللىرى شام يورۇقىدا غۇۋا يورۇپ ، تۇرغاچقا ئۆيمۇ خۇددى تالاغا ئوخشاش قورقۇنۇشلۇق : « ھەممىلا نىمىسى كۆڭلىدەك قارا ، _ دىدى ئۇ ئۆز-ئۆزىگە _ توي ئاخشىمى ياش ئايالنى گۇندىخانىسىغا يالغۇز تاشلاپ قويۇپ بىر چىچقاق قوزا ئۈچۈن پۈتۈن بالا ۋاقىسى بىلەن چۆلگە چىقىپ كەتكەن ئادەمدىن نىمىمۇ ئۈندۈرۋالارمەن ؟ ھەي بەخىتسىزلىك ، بۇ ئەرنىڭ ماڭا كەلتۈردىغان راھەت - پاراغىتىدىن ، ئەزىمەتنىڭ تاياق - دۇمباسى مىڭ ياخشى ئەمەسمۇ ؟ كىتىش كىرەك ، تىزرەك قىچىش كىرەك ......»    لىكىن ئۇنىڭ كۆزى كات ئۈستىدىكى تىرىلەر ئاستىدا توپا بىسىپ ياتقان ، قارا ساندۇققا چۈشۈش بىلەن يۈرۈگى ئويناپ كەتتى ، ئۇنىڭ كۆز ئالدىغا ، بۈگۈن كۆرگەنلىرى : روزەك بەزنىڭ بۈك دەرەخلەر ئارسىدىكى ئىككى قورۇ جايى ، چىتىگە كۆز يەتمەس ئورمانلىرى ، قويلىرى ، كەڭ ئىتىزلىرىدىكى كىۋەز ، بۇغداي ، قوغۇن ، ئوتياشلىرى ، توخۇ - تۇمان ، يۇڭ- تىرە ، ياغاچ - تاش ، كىر كىيىملىرىنى كىيىپ ئەمگەكتىن باشقىنى بىلمەيدىغان ، ساددا بالىلىرى ، يەردىن ئۈستۈن قارمايدىغان ، بوستان چاچ كىلىنى ، خۇمار كۆز  قوشۇما قاش ،مىسكىن كۈيلەرگە نەي چالىدىغان قويچىسى ، ........... بىرمۇ - بىر كەلدى ، ئەشۇ كۆرگەنلىرىنىڭ ھەممىسىلا ئاۋۇ توپا بىسىپ ياتقان ساندۇقنى پۇلغا تولدۇرۇشقا تىرشىۋاتقانلار ، مانا شۇ بايلىققا خوجايىن بولۇشنى خالىماي قىچىش ئەخماقلىق بولماسمۇ ؟ لىكىن ھېلىقى يىرگىنىشلىك بوۋاي ھازىر كىلىدۇ ، ئۇنىڭ بىلەن بىللە بولىدۇ ، بۇ خورلۇققا ئۇنىڭ يۈرۈگى چدارمۇ ؟ « ئىلاھىم ، ھىلىقى قوزىسى بىلەن ئۆزىمۇ يوقالسىدى ، مەن ئۇنىڭسىز خوجايىن بولسام قانداق ياخشى-ھە ؟ »   تۇڭلۇكتىن كۆرۈنگەن يۇلتۇزلارنى بىر كۈلرەڭ بۇلۇت كىلىپ توسىۋالدى ، بۇلۇت بىردىنلا شەكلىنى ئۆزگەرتىپ ئادەم سۈرىتىگە ئوخشاپ قالدى ، بۇ ئادەم ئورۇق . يىرگىنىچلىك روزەك بەزنىڭ ئەينەن ئۆزى ئىدى ،گۇلئايشەمنىڭ  تىنى شۈركەندى ، تۆۋەندىكى مەنزىرە خىيالىدىن چاقماقتەك ئۆتتى ، : ئۇزۇن خەسە كوڭلەك ،تامبال كىيگەن ئادەم شامنى پۈدەپ ئۆچۈردى-دە ، گۇلئايشەم ياتقان يەرگە كەلدى ، ئۇ گۇلئايشەمنىڭ يىنىغا قىيسايدى ، گۇلئايشەمنىڭ بەدىنىگە تىترەك ئولاشتى ، ئەرنىڭ يىرىك قولى ئۇنىڭ بىلىكىگە تەككەنتى ، گۇلئايشەم ئىختىيارسىز « ئەزىمەت » دەپ ۋاقىرۋەتتى ، روزەك بەز ئورنىدىن چاچراپ  تۇرۇپ شامنى ياندۇردى ۋە زورىغا كۈلۈمسىردى  :      _ قورقۇتۇپ قويدۇممۇ ؟ _ دىدى .      گۇلئايشەم شۈمشۈيۈپ ئولتۇرۋىلىپ تامدەك تاتىرىپ ئۇنىڭغا يىلىندى ،      _ ماڭا يىقىن كەلمىسىلە، ئۆتۈنەي      ھويلا ئىشىكى قىقىلدى ، روزەك كىردى ، -دە گۇلئايشەمگە قاراپ كۈلۈپ :      _ ھىلى كىلىمەن ، قوزا كەلمەپتۇ ، تىپىپ كىلەيلى  _ دىدى ،     گۇلئايشەم تۇڭلۇككە قارىدى ، ئادەم سۈرەتلىك بۇلۇت يوق ،يۇلتۇزلار كۈلمەكتە ، : « بىرىنىڭ ئايالى بولىمەنۇ يىرگىنىمەن ، يەنە بىرىنىڭ ئايىغى ئاستىدا چەيلىنىمەنۇ سىغىنىمەن  ، ئەزىمت ، سەن مىنىڭ ھاياتىمدا راستىنلا ئۆچمەس يۇلتۇزۇممۇسەن -ھە ؟ » گۇل ئايشەم شۇنداق ئويلىدى ، ئەمدى ئۇنڭ كۆزلىرى خۇمالىشىپ ھەم شىرىن ، ھەم ئاچچىق ياشلىق ، گۆدەكلىك ، خاتىرلىرى ، كىنو لىنتىسىدەك ، بىرمۇ - بىر كۆز ئالدىدىن ئۆتتى ..........    داۋامى بار

yadikar-

	nazila998  گە: شۇنداق، مەن 90-يىللاردا بۇئەسەربىلەن ئۇچۇراشقان ئىدىم(80-يىللاردا كىچىك ئىدىم)، بۇئەسەرنى«جىگدىلەرپىچىرلايدۇ» نامىلىق توپلامدىن كۆرگەن ئىدىم، بۇتوپلامدا يازغۇچىنىڭ كۆپ نادىر ئەسەرلىرى بار. مەن يەنە يازغۇچىنىڭ «ئارچاياپرىقى» نامىلىق پوۋېستلار توپلىمىدىكى ئەسەرلىرىنىمۇ كارامەت ياخشى كۈرىمەن. يازغۇچىنىڭ «كەچكۈز» نامىلىق پوۋېستىنى (شىنجاڭ مەدەنىيىتى ژورنىلىنىڭ 90-يىللار باشلىرىدىكى مەلۇم سانىدا) پەقەت تاپالمىدىم، كۈتۈپخانىلاردا خىزمەت قىلىدىغان تورداشلار تاپالايتى. شۇئەسەرنى مۇنبەرگە چىقارغىلى بولسا يەنەبىر كاتتا ئىش بۇلاتتى.

ئورخۇن