غىرىپ بىلەن سەنەم سوتتا ...

نــۆل

	ئەلقىسسە، نۇرغۇن زىيارەتلەرنى بېشىدىن ئۆتكۈزگەن غېرىپ بىلەن سەنەم ئاخىرى ۋېسال دەملىرى بىلەن ئۇچراشتى . قۇتلۇق كۈنلەرنىڭ بىرىدە ئۇلارنىڭ مۇھەببەتلىك نىكاھى ئوقۇلدى. بۇ كۈنى قۇياش باشقىچە نۇر چاچتى . ھاۋا بۆلەكچە ئىللىدى ... پۈتۈن مەۋجۈدات ئىككى ياشنىڭ مۇرات – مەقسەتلىرىنىڭ راۋا بولغانلىقىدىن سۆيۈنۈشتى ، ھەتتا كۆزلىرىگە ئىسسىق ياشلارنى ئېلىشتى ...     توي كېچىسى . غېرىپ بىلەن سەنەم شېرىن تۇيغۇلارغا چۆمۈلگەن بولۇپ ، ئۇيقۇسى قاچقان ئىدى ،ئۇلار بىر بىرىگە تويماي قارايتتى ... ! پاراڭلار تۈگىمەيتتى ...!شۇنداق قىلىپ ئۇلار تاڭ ئاتاردا ئۇخلاپ قالدى . لېكىن ھەر ئىككىلىسى شۇنداق قاملاشمىغان چۈش كۆرۈشكەن ئىدى ...   سەنەمنىڭ چۈشى: كۈچلۈك مۇزىكا ياڭراپ تۇرغان ، پۈتۈنلەي ھاياجانلار بىلەن تولغان بەزمىخانىدا غېرىپ ئۇزۇن سېرىق چاچلىق بىر قىز بىلەن چاپلىشىپ تانسا ئويناۋاتاتتى ... قىز بېشىنى غېرىپنىڭ مۇرىسىگە قويىۋالغان بولۇپ ، مۇزىكىنىڭ ， شۇنداقلا سىرلىق سېھرىي كۈچنىڭ تەسىرىدە مەس بولۇپ كەتكەندەك قىلاتتى ... سەنەم بىر ئامال قىلىپ ئۇلارنىڭ قېشىغا كەلدى،دە ئىككىسىنىڭ ئۆز ئارا قىلىشىۋاتقان پاراڭلىرىنى ئاڭلاشقا باشلىدى ، لېكىن چۆچۈپ كەتتى . _  سىز نېمە دېگەن چىرايلىق ، گۈزىلىم ،- بۇ غېرىپنىڭ ئاۋازى ئىدى . _ ۋىييەي نېمە دەيدىغانسىز ؟ ئۆيىڭىزدىكى قوچاققا تەڭ بولالمايمەن ھەقىچان  !؟ _ ۋاي بولدى قويۇڭا ئۇ بەدبەشىرە خوتۇننىڭ گېپىنى ...ئالدىراپ توي قىلىۋاپتىمەن . سىزدىكى چىراي خۇلۇقنىڭ يېرىمى ئۇنىڭدا بولغان بولسىچۇ كاشكى ...يەنە ئاز ۋاقىتتىن كىيىن كەلگەن جايىغا يولغا سېلىپ قويىمەن ئۇنى . ئالدى بىلەن يېنىمنى چىڭدىۋالاي ، چۈنكى سىز بىلمەيسىز بىزنىڭ سەنەمنىڭ دادىسىنىڭ مال – دۇنيارى كۆپ ، يېتەرلىك  بايلىق توپلىۋالغاندىن كىيىن ، ئوبدان باھانىدىن بىرنى تاپىمىزدە كەينىگە تېپىمىز ئۇنىڭ ... لېكىن ھازىرچە چاندۇرۇشقا بولمايدۇ . _ راستما ، جىنىم ، بەك ئېسىل جۇمۇ سىز !   دىئالوگلار داۋاملاشماقتا ئىدى .........................     غىرىپنىڭ چۈشى : ئىشكىتىن ھېرىپ – ئېچىپ كىرگەن غىرىپ ھور چىقمىغان قازان بىلەن ، سۈپۈرۈلمىگەن قالايمىقان ئۆينى كۆرۈپ سەل تىرىكتى . _  ھەي ،سەنەم قېنى سەن؟ نېمىشقا تاماق ئەتمەيسەن ؟ _  ھە ، نېمە ؟ نېمە ئادەم يەيدىغاندەك ۋاقىرايسەن ؟ ئەتتىگەنياقى نەلەردە يۈردۈڭ ؟نېمە ئىشلارنى قىلدىڭ ؟ دادامنىڭ دۇنياسى گېلىڭغا تېپىۋاتامدا ؟ ئەتىدىن باشلاپ ئۆي خىزمەتچىسىدىن بىرنى باشلاپ كەل .سېنىڭ تامىقىڭنى ئىتىپ ، كىرىڭنى يۇيىدىغان سېنىڭ مالىيىڭما مەن ... _  ئاۋۇ شىرىننىڭ ئېرى پەرھاتمۇ ئايالىم ، مۇھەببەتتىم دەپ شۇنچە ھەيۋەت يوغان تاغنى تېشىپ ، سۇ باشلاپ كەلگەن . ئىسىت سېنىڭدە پەرھاتتا بار جاسارەتنىڭ يېرىمى بولسا كاشكى ... _ ۋۇ يېتىم ئوغلاق ، زىرىكتىم سەندىن ... خېتىمنى بەر ... _ سېنىڭ گېپىڭ مۇشۇ بولسا ، بۇ ئۆينى تۇتۇشتىن ئۈمىد قالماپتۇ . بولدى مەنمۇ تويدۇم .. ئارىمىزدا بالا يوق چاغدا بىر تەرەپ بولايلى !  دېدى غىرىپ غەزەپتىن يېرىلغۇدەك بولۇپ . _ سەندە شىرىندەك خسلەت ، زۆھرەدەك مىجەز بولغان بولسا مەنمۇ پەرھات بىلەن تاھىر  قىلغاننى قىلار ئىدىم ... بولدى ئەتە سوتتا كۆرۈشەيلى !... _ ۋاي ، ئاجراشساق ئاجراشتۇق . ئىسمىڭدىنمۇ زەيپانىلىكىڭ چىقىپ تۇرىدۇ سېنىڭ ۋۇ غېرىپ ... _ بولدى ، مېنىڭ گېپىم يوق .    غىرىپنىڭ كۆز ئالدىدىن ئانىسىنىڭ ئۆز خىلى بىلەن توي قىلمىسا ، كۆپىنچە ئاۋارىچىلىق تارتىپ قالىدىغانلىقى ھەققىدە ئىيتقانلىرى ، شۇنداقلا «سەنەم شاھنىڭ مەلىكىسى،ئۇ بىزنىڭ خىلىمىز ئەمەس ، پەيلىڭدىن يان ئوغلۇم» دەپ ئەسكەرتىشلىرى بىرلەپ بىرلەپ ئۆتۈشكەن باشلىدى .     تاڭ ئىتىپ قالدى ، يىراقتىن كېلىۋاتقان ئەرزان ئاۋازى بىلەن لاپاس ئاستىدىكى خورازنىڭ چىللىشى ئۇلارنى ئۇيقۇسىدىن ئويغاتتى .     ۋادەرىخ ...ئىنسان مانا مۇشۇنداق ئازغۇچى ھەم زىيان تارتقۇچى ، شۇنداقلا ئاچچىق پۇشايمانلىرىغا چىقىلىدىغان قاچا ئىزدىگۈچى ... بەلكىم بۇ راستىنلا چۈشتۇ ... مەنمۇ شۇنداق بولۇپ قىلىشىنى نەقەدەر ئۈمىد قىلىمەن ھە !   مەنبە : نۆل

kurax114

	ياخشى  تىما بۇپتۇ ...چۈش بۇپ قاسۇن ..لىكىن ھازىرقى  بەزى رىياللىققا  ئامال يو قتەك  تۇرۇدۇ  ..

turpan0995

	بۇ بىچارىلەرنىڭ تويىنى قىلىپ قويۇپ ياخشى قىلىپسىز   لېكىن يەنىلا ئاجراشتۇرىۋىتىدىغاندك تۇرىسىز ھەيييييييييييييي

awatbag

	ھازىرقى دەۋرىمىزدىكى غىرىپ سەنەملەرنىڭ چۈشىكەندە بۇ .

ARAL52

	يىىندىن بىرى مىسرانىمدا ساپلا ئاجايىپ چۈش كۆردىغانلار پەيدا بولۇپ قالدى ....يەنە كىملەر قانداق چۈشلەرنى كۆرەر ...شۇچاغلاردا غېرىپ سەنەم لەر ئارماندا قالغان بولغىتى .......ئاشىق مەشۇقلار مىسرانىمدا بولسىمۇ توي قىلۋاپتۇ مانا

nima︿japa

	مەن ئۇزۇن زامانلار بولدى كۆرگەن چۈشۈمنى ئۇنتۇپ قىلۋاتمەن

kurax114

	FBI يوللىغان ۋاقتى  2012-3-31 09:36 PM قېرىندېشىم .... ئىمزارىڭىزنى ياخشى كۆرۈپ قالدىم جۇمۇ .. شۇنداقمۇ  .مەنمۇ مۇ  ئىنتايىن  ياخشى كۈرىمەن تۇرمۇش يۇلىمغا قىلبىنامە قىلغان مەن  مۇشۇ  سۆزلەرنى

yawa0903

	ئادەمنى ئويغا سالىدىكەن، ياخشى سىلىشتۇرۇش بوپتۇ. ئاشىق-مەشۇقلار بايرىمىمىز كىلىش ئالدىدا يوللانغىنىچۇ  تىخى.