ئانىسىنى ئۇرغان بالا (ھېكايە)

shoruq

	ئانىسىنى ئۇرغان بالا                                                            (ھېكايە)                                                                                                                                                                                                                   ‹1› - ئانا، قورسىقىم ئېچىپ كەتسە قانداق قىلىمەن؟ -مەن چايدىن كەلگۈچە چىداپ تۇر، قوزام، مەن ساڭا داستىخاندىن ئېشىپ قالغان تاماقلارنى ئالغاچ كېلىمەن. -دادام قاچان كېلىدۇ، ئەمسە؟ -داداڭ بىر دوستىنىڭكىگە ئولتۇرۇشقا كەتتى، سەن ئۇخلاپ قالغاندا كېلىدۇ. -قورقسام قانداق قىلىمەن؟ -يەتتىگە كىرگەن يوغان بالىمۇ قورقامدۇ، تىلۋۇزۇر كۆرۈپ ئولتۇر، ئۇيقۇڭ كەلسە، ساپادا يېتىپ ئۇخلاۋەر.                                                                <2> -ئانا ماۋۇ ھېسابنى ئىشلىيەلمەيۋاتىمەن، چۈشەندۈرۈپ قويە. -چۈشەندۈرۈشكە ۋاقتىم يوق مېنىڭ، سەن نېمىلەرنىڭ قارنىغا تاماق ئېتىمەن،دەپ ئىككى قولۇمنى ئۈچ قىلالمايۋاتسام، قارا بۇنىڭ ئادەمنى ئاۋارە قىلىمەن دېگىنىنى. -ئانا، ئەتە ئاتا-ئانىلار يىغىنى بار ئىكەن. -داداڭغا بارسۇن،مەن ئەتە دوستلىرىم بىلەن بازار ئايلانغىلى چىقىمەن. -دادام ساۋاقداشلار يىغىلىشىغا بارىمەن،دەيدۇ. -ئۇنداق بولسا مۇئەللىمىڭگە ئانام ئاغرىپ قالغان، دادام قاراۋاتىدۇ دەپ قوي. -...                                                               ‹3› -ئانا مۇئەللىم پۇل ئېلىپ كېلىڭلار، دالا پائالىيىتىگە ئېلىپ چىقىمىز، دېگەن - تېخى تۈنۈگۈن كېيىم ئېلىۋەتكەن ئىكەنمەن، كېلەر ئايلىق مائاشىم چىققاندا بېرەي. -بىراق دالا پائالىيىتىگە بەك چىققۇم بار ئىدى، دادامدىن ئېلىپ بەر بولمىسا. -داداڭ ماڭا ھالقا ئېلىپ بېرىمەن، دەپ ۋەدە قىلغان، داداڭنى ئاۋارە قىلما. - باشقا ساۋاقداشلىرىمنىڭ ھەممىسى بارىدىكەن. -سەن تېخى 14 ياشقا كىردىڭ، چوڭ بولغۇچە نەچچە قېتىم بېرىۋالىسەن، ئۇنداق يەرگە.                                                               ‹4› -نىمىشىقا ئىمتىھاندىن ئۆتەلمىدىڭ،  نەرىڭ 18ياشقا كىرگەن بالىغا ئوخشايدۇ سېنىڭ،ھە؟ -باشقىلارنىڭ ھەممىسى پايدىلىنىش ماتىرىيالى سېتىۋالغان،دەرستىن سىرت كۇرسلارغا قاتناشقان مەندە پۇل بولمىغاچقا شۇ... -داداڭ ھەر ئايدا بېرىدىغان 30 يۈەن پۇلنى نېمىگە ئىشلەتكەن ئىدىڭ؟ -بەزى كەچلەردە دادام ئىككىڭلار  كەلمىگەچكە بازاردىن تاماق يىگەن. -تاماق ئىتىشنى بىلەتتىڭغۇ -توڭلاتقۇغا قارىسام، سەي-كۆكتات بولمىسا...                                                                 ‹5› -نېمە جىنايەت بىلەن تۈرمىگە كېرىپ قالدىڭ؟ -ئانامنى ئۇرغان ئىدىم...                                                                 ‹6› -دادا سەن شۇنچە يوغان تۇرۇپمۇ ئىشسىز قالامسەن؟ -ياخشى ئوقۇماپتىكەنمەن، بالام. -ئەمسە مەنمۇ چوڭ بولغاندا ئىشسىز قالامدىم؟ -بۇ نېمە دېگىنىڭ؟ -مەنمۇ ماتىماتكىدىن ئۆتەلمىدىم. -ئەستەخپۇرۇللا شەيتان! مەنبە: ئۆزەم ئەسكەرتىش: ئەسەرلىرىمنى يۆتكەپ ئىشلىتىشكە بولمايدۇ. ( روزىمۇھەممەت ئىرپان )

kokyal609

azagr

	ئەسسالامۇ-ئەلەيكۇم،ئۇستاز ! بۇ ھىكايىڭىز قىسقا بولسىمۇ لىكىن،ئەھمىيەتلىك ھەم جانلىق ئىبارىلەردىنكەن،بۇندىن كىينىمۇ قىممەتلىك تىمىلىرىڭىز يەنىمۇ مۇنبىرىمىز سەھىپىسىنى داۋاملىق يۇرۇتۇپ كەلگەي،رەھمەت سىزگە.

0999nazuk

	بەزى ئاز قىسىم ئانىلارنى جانلىق ئىپادىلەپ بىرىپسىز.......راس شۇنداق ئانىلىرىمىزمۇ بار......... بالا كىچىكىدىن تارتىپ ئانىنىڭ ياخشى تەربىيىسىنى ئالسا يامان يوللارغا مىڭىپ كەتمەيدۇ. رەھمەت تىمىڭىزغا................ياخشى ئەسەر.

ramu

	ياخشى يېزىپسىز!ھارماڭ !!مۇشۇنداق ئەھمىيەتلىك تېمىللىرىڭىز ئۇزۇلۇپ قالمىغاي!

ramu

	ياخشى يېزىپسىز!ھارماڭ !!مۇشۇنداق ئەھمىيەتلىك تېمىللىرىڭىز ئۇزۇلۇپ قالمىغاي!

torqi1

	ئاتا -ئانلارنىڭ مەسئۇلىيەتچانلىقى ياخشى ئەكىس ئەتتۇرلۇپتۇ.مانا مۇشۇنداق ئاتا -ئانىلار پەرزەنتلىرىنى ئەنە ئاشۇنداق تەربىيلەيدۇ. لىكىن سەۋەنلىكنى يەنىلا پەرزەنتلىرىگە ئارتىپ قويدۇ.

131svkvt

	ۋاھ ئالامەت ياخشى يىزىلغان ئەسەركەنغۈ بۇ،تىلى بەك ئۈتكۈركەن،تەپەككۇرىڭز ئۇيغاقكەن.قەلەم تۇتقان قۇللىرىڭزغا بەركەت تىلەيمەن.

fatima

	چىنلىقى يۇقرى تەربىيۋى ئەھمىيەتلىك ھېكايىكەن.ھازىرقى تۇرمۇشىمىزدا ساقلىنىۋاتقان مەسسىلەرنى يۇرتۇپ بىرىپتۇ.