دەرىسخانا ماختاش سورۇنى ئەمەس

gulrayhan5balik

	(ئوقۇتۇش ھەققىدە مۇلاھىزە) قاچانلاردىندۇر قايسى بىر ماتىريالدىن ‹‹ مۇئەللىم بالامنى ماختاپ قۇيۇڭ ›› دېگەن تېمىدا بىر پارچە ماقالىنى ئوقۇغىنىم ئىسىمدە .                                                                                                                                           بۇ بىر ئانىنىڭ ئىلتىجاسى بولۇپ‹‹مۇئەللىم مىنى پەقەت ماختىمايدۇ، باشقا بالىلارنى     ماختايدۇ›› دەپ ئەرزىيەت ئېيتىپ كەلگەن ماختالغۇسى بار بىر سەبىنىڭ كوڭۈلدىكى گەپلېرى دېيىلگەن ماقالە ئىدى . شۇنىڭدىن كېيىن مېنىڭمۇ دەرسخانا ئەمەلىيىتىم، ئوقۇتۇش ئۇسولۇمدىمۇ ئۆزگىرىش بولدى . ھەر سائەتلىك دەرستىن ئاۋۋال ئېلىنىدىخان ئېغىزچە سىناقلار، چوڭ –      كىچىك ئىمتىھانلار، دەرس ئارىلاپ .ىلىپ بېرىلىدىغان مۇلاھىزىلەرگىچە بالىلارنى كۆپرەك ماختايدىغان ،  توغرا جاۋاب بەرسىمۇ ماختايدىخان ، ئازراق توغرا جاۋاپ بەرسىمۇ ماختايدىغان ، ھەتتا خاتا جاۋاب بەرسىمۇ ماختايدىغان بولدۇم. ماختىغاندىمۇ قالتىس ماختايدىغان‹‹ سىز بەك ئەقىللىق ئىكەنسىز›› ، ‹‹ئىنكاسىڭىز بەك تېز ئىكەن›› ،‹‹دېگەنلېرىڭىز شۇنداق توغرا بولدى ،سىزدە ئۈمىد زور ، كەلگۆسىدە ئاسپىرانت ، دوكتور بولۇپ كەتكۇدەكسىز›› مۇشۇنداق ماختاشلار بىلەن بىر مەزگىل دەرسخانام شۇنداق جانلىنىپ كەتكەندەك ، بالىلار بىلەن بولغان مۇناسىۋىتىم شۇنداق جانلىنىپ كېتىۋاتقاندەك ھېس قىلدىم . ئەمما بۇ خىل كەيپىيات ئانچە ئۇزۇن داۋاملاشمىغاندەك قىلاتتى ، نېمىشقىدۇر مەن ماختىغان ھېلىقى بالىلار مەندىن كۆندىن – كۆنگە تەدرىجى يىراقلىشىپ كېتىۋاتقاندەك مەندىن ئۆزىنى قاچۇرۋاتقاندەك ، سوئال سوراشلېرىمغا بولغان قىزغىنلىغى ئاستا -  ئاستا سۇسلىشىپ كېتىۋاتقاندەك بىلىنىشكە باشلىدى.             ‹‹ بۇ قانداق گەپ بولدى ؟ ›› دەيتتىم ئۆزۈمگە. شۇنداق قىلىپ ،قارىسىغا ، بۇلۇشىغا ، ھە دېگەندە ماختاۋەرسىڭىز يۇشۇرۇن رەۋىشتە مەغلۇپ بولغاندەك قىلىۋاتاتتى . سەۋەبىنى دەماللىققا زادىلا بىلەلمىدىم ، كېيىن بەزى بالىلارنىڭ ئىنكاسىدىن ھېس قىلىشىمچە زىيادە ماختالغان ھېلىقى بالىلارنى باشقا بالىلار ‹‹ ھەي ئاسپىرانت ، ھەي دوكتور ›› دەپ مەسخىرە قىلىپتۇ. ئېھتىمال بۇمۇ مەسىلىنىڭ بىر تەرىپى بۇلۇشى مومكىن.         شۇنداق قىلىپ مەن بۇ ئىشنىڭ باشقا تەرەپ ، باشقا سەۋەپلېرى ھەققىدىمۇ ئويلىنىشقا  كىرىشتىم . بايقىشىمچە  بالىلارنىڭ ماڭا ، ئۆزىگە بولغان ئىشەنچىسى ئەسلىدە زىيادە ماختاشلار تۈپەيلى ئاجىزلاپ كېتىپتۇ . ئةسلىدە ئۇلارنىڭ بۇنداق مەقسەتسىز ، سەۋەپسىز ھېسداشلىق خاراكتىرىدىكى ساختا ماختاشلارغا نارازىلىقى بار ئىكەن . توغرھ جاۋاب بەرسىمۇ ، خاتا جاۋاب بەرسىمۇ ماختىسا بۇلىۋېرىدىخان بۇنداق ئەرزان باھالىق ماختاشلاردىن ئۇلار راستىنلا زېرىكىپتۇ . نىمىنىڭ توغرا، نىمىنىڭ خاتا ئىكەنلىگىنى بىلگۈسى بار ئىكەن ، توغرا جاۋاپلاردىن ھوزورلانغۇسى ، خاتا جاۋاپلاردىن ئۇڭايسىزلانغۇسىبار ئىكەن ، مانا بۇ بالىلاردىكى ئەڭ تەبىئى ، ئەڭ ئاددى بولغان ھەققانىيەت تۇيغۇسى . بىز ئوقۇتقۇچىلار بالىلار بىلەن ئىككى تۆت ئېغىز ياخشى سۆز قىلىپ ، مۇڭدۇشۇپ قۇيۇپلا ئۇلارنىڭ كۆڭۈل ئارخىپلىرىنى كۆرۈپ بولدۇم دەپ ئويلايدىكەنمىز. ئەمەلىيەتتە ھەرگىزمۇ ئۇنداق ئەمەس ئىكەن . بۇ ھەقتە يەنىمۇ ئىچكىرلەپ تەتقىقات يۈرگۈزۈپ ئۆزىمىزنىڭ ھەقىقى ئىنسانىي روھىلىق رولىمىزنى جارى قىلدۇرىشىمىزغا توغرا كىلىدىكەن .                               شۇنىمۇ ئېتراپ قىلماي بولمايدۇكى : بالىلارنى ئەنە شۇنداق زىيادە ماختاش مۇنداق ئىككى .    بىرىنچى:قابىل   ئوقۇتقۇچىلار قابىل ئوقۇغۇچىلاردىن سۈيۈنۈپ كەتكەندە.    ئىككىنچى: ‹‹ناقابىل ئوقۇتقۇچىلار ئوقۇتۇشتا ئاجىزلىق ھېس قىلىپ ، ئوزىنى نىقاپلاۋاتقاندا  ، نىمىلا بولمىسۇن ھە دىسىلا ئوقۇغۇچىلارنى ماختاۋېرىش توغرا ئىش ئەمەس .››                         دىمەك دەرسخانا ماختاش سورۇنى ، گۇپپاڭچىلىق سورۇنى ئەمەس بەلكى دەرس ئۆتۈش ،مۇلاھىزە يۈرگۈزۈش،توغرىنى توغرا ، خاتانى خاتا دەيدىخان ، بۇ ئارقىلىق بالىلارنىڭ ھەق – ناھەق تۇيغۇسىنى، ئەقلى – قابىليىتىنى ساغلام تەرەققىي قىلدۇرۇش مەيدانى.                ئەگەر خىلاپلىق قىلساق با لىلارنىڭ ھۆرمىتىدىن، يۈكسەك ئىشەنچىسىدىن ئايرىلىپ قالىمىز.

gulrayhan5balik

	ئەگەر ئىملا  خاتالىقى  كورۇلسە  ئوقۇرمەنلەرنىڭ  توغرا  چۇشۇنىشىنى  ئۈمىت  قىلىمەن . راست   گەپ  قىلسام ، مېنىڭ  بۇ   تور  دۇنياسىغا تۇنجى  قەدەم  بېسىشىم

zapar

	شۇنداق، ماختاش مۇۋاپىق بولسا بولىدۇ، بىراق تېمىڭزدا بەكلا مۇتلەقلەشتۇرۋېتپسىز. دەرسخانا ئەلۋەتتە بىلىم بېرىدىغان، بىلىم ئالدىغان جاي بولغاندىكىن ماختاش بىلەن تەنقىد چوقۇم بۇلىدۇ.

xamal22

	45 مىنۇت دەرس ئۆتسە ئۆزىنىڭ بالىسىنى 30 مىنۇت ماختايدىغان بىرسىنى يادىمغا ئەكىلىپ قويدى ما تىما شۇ ماختاشنىڭ كۈچىدىن باشلانغۇچتىن تا ھازىرغىچە ھىچكىشنى« پوش» دىمەيدۇ ئۇ «يۇمشاق كىرپە»سى .

jassurman

	ئىشقىلىپ ئوقۇتقۇچى-ئوقۇغۇچى ئوتتۇرسىدىكى ئۆز-ئارار مەسئۇلىيەت سەممىيەتلىك ئۈستىدە بولمىسا، ئۇنداق ماختاش ئوقۇغۇچىلارنى خوشامەتچى، شەخسى غەرەز ئارلاشقان تەنقىدلەر ئوقۇغۇچىلارنى يۈرەكسىز، ئوقۇتقۇچىلارغا ئۆچ، باشقىلارغا ئىشەنمەيدىغان قىلىپ قويىدۇ

توقماق

	بەك ياخشى تېما،ياخشى بايقاش ئىكەن.

لوپنۇرى

	سىز قارىغاندا ئىلھام بىرىشنىڭ يولىنى پەقەت ماختاش دەپلا چۈشىنىۋالغاندەك قىلىسىز. ماختاشتىمۇ تىل سەنئىتىگە ۋە تىل موھىتىغا قاراش كېرەك. بالىلارنىڭ ئىپادىسىگە قاراپ تۇرۇپ، مۇۋاپىق سۆزلەرنى ئىشلەتسىڭىز، بۇنىڭدىن تاشقىرى ئارقىدا قالغان بالىلار بولسا، ئۇلارغا مۇۋاپىق پۇرسەت يارتىپ بېرىش ياكى ھەر خىل پائالىيەتلەردە ئۇلارغا ئۆز ئالاھىدىلىكىنى جارى قىلدۇرۇش پۇرسىتى بېرىپ ئەمەلىي پائالىيەت جەريانىدا ئىشەنچىسىنى تۇرغۇزالىسىڭىز. ئاندىن ماختىشىڭىزنى تەبىئىي ھالدا قۇبۇل قىلالايدۇ. بولمىسا قارا-قۇيۇق ماختاۋەرسىڭىز بۇ بالىلارغا ئۇلارنى مازاق قىلىۋاتقاندەك تۇيغۇ بېرىپ قويىدۇ.

nomu

	دەرسىخانا  دەرىس  بىردىخان  ئورۇن  ~  ھەمدە   بىلىم  سورنى

bugrafizikanit

	ياخشى تىما ،ياخشى ئەسەر.................