ئۇنتۇلغۇسىز سوۋغا

kutluk74

	شۇ كۈنلەردە سەھەردە يىقىملىق نەي ئاۋازىدىن ئويغۇنۇپ،دېرىزىنى ئېچىۋىتىپ،قۇياشنىڭ دىڭىزنىڭ ئۇ چىتىدىن كۆتۈرىلىۋاتقان ھەيۋەتلىك كۆرۈنۈشىدىن ھوزۇرلىنىمەن.بوۋاي چالغان يىقىملىق نەي ئاۋازىنىڭ ھوزۇرى بولغاچقىلا،ھاياتى كۈچكە تولغان يىڭى بىر كۈننى كۈتۈۋالىمەن......      بىر نەچچە كۈننىڭ ئالدىدا بولغان ئىش: _ئەپەندىم،ئۆتۈنۈپ قالاي،بۇ نەيدىن بىرنى ئېلىپ قويۇڭە،خاتىرە بولۇپ قالسۇن،خوتۇنۇم ئۆلۈپ كەتكەن، چۆچۈرىدەك بەش بالام ماڭا قاراشلىق،ئۆيدە يىگۈدەك ھېچنىمە قالمىدى،_بوۋاي ئۇنىڭ ئالدىغا كەلگەندە قەدىمىمنىڭ ئىختىيارىسىز ئاستىلىغانلىقىنى كۆرۈپ پېشىمغا ئېسىلدى. _ئىجارە ھەققىنى تۆلىيەلمەي ئۆي ئىگىسى قوغلاپ چىقارغان ئوخشىمامدۇ؟_بوۋاينىڭ يالغان سۆزلەۋاتقانلىقىنى بىلىپ تۇرۇپ ئۇنىڭدىن ئەتەي سورىدىم. _توۋا...سىز قانداق بىلىۋالدىڭىز؟دىمىسىڭىزمۇ بىز راستىنلا كوچىدا قالدۇق،ساۋاپ بولار،نەيدىن بىرنى ئېلىپ قويۇڭ،_دىدى بوۋاي ئۆتۈنۈش تەلەپپۇزىدا گېلىنى قىرىپ. _نەچچە كۈندىن بېرى بىرەرنىمۇ ساتالمىغانسىز ھەر قاچان؟_دىدىم چاقچاق قىلىپ. _توغرا،بۇنداق ياخشى نەينى پەقەت سىزدەك مال تونۇيدىغانلاردىن باشقىسى قانداق سېتىۋالىدۇ دەيسىز؟_ بوۋاي نەينى كۈچەپ پۈۋلەشكە باشلىدى. ئالدىنقى قىتىم بۇ يەرگە كەلگىنىمدە نەي سېتىۋالغان ئىدىم،شۇڭا بوۋايغا ئون يۈەن بېرىپلا يولۇمغا ماڭاي دەپ ئويلىغانىدىم،ئەمما يانچۇقۇمغا قولۇمنى سېلىشىمغا 100يۈەن چىقتى،بوۋاي بۇنى كۆرۈپ خوشاللىقىدىن يۈكۈنۈپ ئولتۇرۇپ رەھمىتىنى بىلدۈرۈۋىدى،پۇلنى قايتۇرۇۋىلىشقا ئامالسىز قالدىم،"بوپتۇ،خالاس"دەپ پۇلنى ئۇنىڭغا بېرىپ ياتاققا قايتىپ بالدۇرلا يېتىۋالدىم...... سەھەردە سىرتتىن ئاڭلانغان نەي ئاۋازى ئۇيقۇمنى قاچۇردى،دېرىزىنى ئېچىپ،دېرىزە تۈۋىدە نەي چېلىۋاتقان بوۋايغا كۆزۈم چۈشتى،ئۇنىڭغا قول پۇلاڭلاتتىم،بوۋاي مېنى كۆرۈپ يالغان گەپلىرىنى يەنە تەكرارلىغىلى تۇردى. ئچچىقىمدا دېرىزىنى كۈچەپ ياپتىمدە كىرىسلوغا تاشلاندىم،بوۋاي توختايدىغاندەك ئەمەس،ئۇنىڭ قىلىقىغا چىداپ تۇرالماي چاپىنىمنى كىيدىمدە پەسكە چۈشتۈم. _يەنە كەپسىزغۇ؟تىز كېتىڭ،_دىدىم زەردە بىلەن. _ياق،ياق،مەن بۇ مەقسەتتە كەلمىدىم،_دىدى بوۋاي دۇدۇقلاپ. _ئەمىسە نىمە مەقسەتتە كەلدىڭىز؟مىنى يەنە يالغان گەپلىرىڭىزگە ئىشىنىدۇ دەپ قالدىڭىزما؟ _ئۇنداق ئەمەس،ئالدى بىلەن گىپىمنى ئاڭلاڭ،مەن پەقەت ماڭا قىلغان ياردىمىڭىزگە جاۋاپ قايتۇرۇش ئۈچۈن سىز بۇ مېھمانخانىدىن ئايرىلغۇچە ھەر كۈنى سەھەردە نەي چېلىپ بېرەي دىگەن ئىدىم،_دىدى بوۋاي كىچىك بالىدەك بېشىنى تۆۋەن سالغىنىچە. بوۋاينىڭ گەپلىرىنى ئاڭلاپ ئۇنى خاتا چۈشەنگەنلىكىمنى،ئۇنىڭ مەندىن پۇل تەلەپ قىلىپ ئەمەس،بەلكى رەھمىتىنى بىلدۈرۈش ئۈچۈن شۇنداق قىلغانلىقىدىن تەسىرلەندىم. دەرۋەقە بوۋاي لەۋزىدە تۇردى،ئۇ تاكى مەن بۇ شەھەردىن ئايرىلغانغا قەدەر ھەر كۈنى سەھەردە دېرىزە ئالدىدا  مىنى يىقىملىق نەي ساداسىدىن بەھىرمەن قىلدى.مەن خاتا بېرىپ قويغان ئاشۇ 100يۈەن ئارقىلىق ئەڭ ياخشى،  ئۇنتۇلغۇسىز سوۋغىغا ئېرىشتىم،نەيچى بوۋاي ماڭا باشقىلار قىيىنچىلىققا ئۇچرىغاندا قىلىنغان كىچىككىنە ياردەمنىڭ  ئۆزىگە ھەسسىلەپ قايتىدىغانلىقىدەك ھەقىقەتنى بىلدۈردى. مەنبە:شىنجاڭ گېزىتى

ئۆل

	شۇڭا كونلار سەن باشقلارغا زەرجە ياخشلىق قىلساڭ ،باشقلاردىن مىسقاللاپ ئالسەن دەيدۇ ...

蓝狼331

	ياخشىلىققا ياخشىلىق  ،  بىراق بەزى  ‹ئاش بەرگەنگە مۇش بەردى › كىشىلىرىمىزنى  ئويلىسام  ................

@tulpar@

	ھەقىقەتەن يۈرۈككە تەگدى.... بەك تەسىرلىككەن..... تىمىڭىزغا تەشەككۈر

AYKUTKIZ

	تەسىرلىككەن .

gurbet_kizi

	yurukum da illik bir tuy gu disa

pikAso

	كىتەر چاغدا يەنە 100سوم بەرسە بوپتىكەن ھە !!!!!!!!!!!!