ئەقىللىق بالا

kutluk74

	بىر موماينىڭ ھەشەمەتلىك داچىسى بولۇپ،قوروسىدا چىرايلىق چىملىقلار،گۈل-گىياھلار بار ئىدى.موماي يالغۇز ياشايتتى،ئەمما ئۇنىڭغا ياردەملىشىپ ئوت-چۆپلەرنى قىرقىپ،گۈللەرگە سۇ قويۇپ،تازىلىق قىلىدىغان بىر بالا بولۇپ،بۇ بالىنىڭ ئىسمى ناۋىل ئىدى.ناۋىل ناھايىتى تىرىشچان ئىدى.ئۇ مومايغا شۇنداق كۆيۈنەتتى،موماينى خۇددى ئۆز ئانىسىدەك كۆرەتتى.مومايمۇ ئۇنىڭغا خۇددى ئۆز نەۋرىسىدەك ياخشى مۇئامىلە قىلاتتى.ئەمما ناۋىل كۈنلەرنىڭ بىرىدە ئىشتىن بوشۇتۇلۇپ كېتىشتىن ئەنسىرەيتتى.ناۋىل بۇ ئەندىشىسىنى مومايغا ئېيتىشقا پېتىنالمايتتى. _خانىم،سىزگە ئوت-چۆپ قىرقىيدىغانچىملىقنى تەكشىلەيدىغان ئادەم لازىممۇ؟_دەپ سورىدى ئۇ بىر كۈنى مومايغا تېلېفون بېرىپ. _ياق،لازىم ئەمەس،مەن بۇ ئىشلارنى قىلىدىغان مەخسوس بىرسىنى ياللىۋالغان ئىدىم،ئۇبەك ياخشى ئىشلەۋاتىدۇ،_دىدى موماي. _ئۇنداقتا،مەن گۈللەرگە سۇ قويۇدىغان،گۈللەرنى پەرۋىش قىلىدىغان خىزمەتكار بولسام قانداق؟_دىدى ناۋىل. _ئوت-چۆپلىرىم پاك-پاكىزە قىرقىلىپ بولدى،گۈللىرىممۇ ناھايىتى ياخشى ئۆسۈۋاتىدۇ،ئۇنىڭ ئۆستىگە  مىنىڭ خىزمەتكارىم تولىمۇ ئاق كۆڭۈل،تىرىشچان بالا،ئۇ ماڭا بەكلا كۆيۈنىدۇ،رەھمەت سىزگە!مەن راستىنلا ياردەمچىگە مۇھتاج ئەمەس،_دىدى موماي. ناۋىل موماي بىلەن چىرايلىق خوشلۇشۇپ،تېلېفوننى قويۇۋەتكەندىن كېيىن،يېنىدىكى دوستى: _سەن ئۇ موماينىڭ ئۆيىدە ئىشلەۋاتقان ئىدىڭغۇ؟نىمىشقا يەنە ئۇنىڭدىن ئادەم لازىممۇ دەپ سوراپ يۈرىسەن؟_ دىدى. _ئەمدى خاتىرجەم بولدۇم،مەن ئۇنىڭ ئۆيىدە ماڭا تاپشۇرۇلغان ۋەزىپىنى ياخشى ئادا قىلالىغان-قىلالمىغانلىقىمنى بىلمەكچى ئىدىم،_دىدى ناۋىل. تۇرمۇشتا ناۋىلغا ئوخشاش ئەقىل ئىشلىتىپ،ئۆزىنى دەڭسەپ بېقىشمۇ بىر بىلىم،ئەلبەتتە. مەنبە:ئامانلىق ژورنىلى

parwinaz

	ھەقىقەتەن ئەقىللىق بالىكەن

gulbar5

	ئۆزىنى  سورىغان  شەھەر سوراپتۇ  دىگەن  شۇدە..

bugrafizikanit

	ئەقىللىقلىقىغا  گەپ كەتمىگۈدەك..................

torqi1

	بۇممۇ ئۆزنىڭ خىزمتىدىن باشقىلارنىڭ رازى بولغان بولمىغانلىقنى بىلىپ بىقىش ئۈچۈن ئىشلەتكەن ياخشى ئەقىلىكەن.

yalkun085

	ئەقىللىق بالىكەن

jassurman

	بۇ يەردە بۇ بالا موماينى ھۆرمەتلەش يۈزىسىدىن يۈز-تۇرانە پىكىرلىشىشكە پىتىنالمىغان. بۇ يەردىكى ياللىغۇچى ۋە ياللانغۇچىلارنىڭ ئورنى ھەرگىزمۇ نۆۋەتتىكى شىركەت كارخانلاردىكى دىرىكتور ۋە باشقۇرغۇچىلار بىلەن ئىشچى-خىزمەتچىلەر ئوتتۇرسىدىكى مۇناسىۋەتكە ئوخشىمايدۇ. شىركەت ۋە باشقا ئورۇنلاردىكى ياللىغۇچى ياللانغۇچىلار سەمىمى بولۇش كىرەك، مۇناسىۋەتتە ئوچۇق-ئاشكارا بولۇش كىرەك. خىزمەت يارىغان بولسا، رازى بولغانلىقىنى بىلدۈرۈش، يارىمىغان بولسا ئۇچۇق-ئاشكارا تەكلىپ بىرىپ، خىزمەتچىلەرنىڭ دەككۈ-دۈگگىدە قويماسلىق كىرەك.

نەزەر

	مەنمۇ ئىرىمغا تىلفۇن قىلىپ ئاياللىق بۇرچۇمنى ئادا قىلالىدىممۇ يوق سۈرۈشتە قىلىپ باقايمىكىن ........ ۋاي بولدى جۇمۇ بىكار ئالدام خالتامغا چۈشۈپ ئىنەك يۆلەپ ئولتۇرۇپ قالماي يەنە

OMAKPARIXTA

	jassurman يوللىغان ۋاقتى  2012-3-30 11:46 AM بۇ يەردە بۇ بالا موماينى ھۆرمەتلەش يۈزىسىدىن يۈز-تۇران ... ئويلىغىنىڭىز ئەلۋەتتە توغرا مانا بۇ ۋاقىت ۋە تەرەققىياتنىڭ  بىزگە ئىلىپ كەلگەن ئۆزگىرىشى ! لىكىن بۇ ئۇسۇلنىمۇ ئۈگۈنۈپ قويسا بولغۇدەك!

zapar

	نەزەر يوللىغان ۋاقتى  2012-3-30 12:18 PM مەنمۇ ئىرىمغا تىلفۇن قىلىپ ئاياللىق بۇرچۇمنى ئادا قىل ... ئايالىڭىز بارمۇ دېسىڭىز:- ۋاي گېپىنى قىلماڭە ئۇ سەت ئالۋاستىنىڭ ،دەپ قالسا...... ھاھاھاھا ، قانداق بوپ كىتەرسىز؟ (چاقچاق-ھە)