<<قۇرئان كەرىم>>دىكى سۈرە ناملىرى توغرىسىدا

boraoghli

	<<قۇرئان كەرىم>>دىكى سۈرەناملىرى توغرىسىدا ئابدۇرەقىپ ئابدۇغېنى مەنبە: بىلدۈر تۇرايى  (ھىدايەت گۈلزارى ناملىق كىتابنىڭ بىرىنچى تومىدىكى شۇناملىق ماقالىدىن ئېلىندى.) بىسمىللاھىر رەھمانىررەھىم <<قۇرئان كەرىم>> دىنىمىزنىڭمۇقەددەس دەستۇرى، شەرىئەتنىڭ تۈپ ئاساسى، دىلىمىزدىكى ئىماننىڭ كونكرىتپروگراممىسى، مۇتلەق ھاكىم بولغان پەرۋەردىگارىمىز ئاللاھ تائالانىڭ مۇتلەقھەقىقەت بىلەن مۇجەسسەملەنگەن بەرھەق كالامى. كەسكىن ئېيتىمىزكى، <<قۇرئانكەرىم>> بىزگە ھەممىنى ئاتا قىلالايدۇ. ھەرقانداق ئىشلىرىمىزدا بىزنى توغرايولغا يېتەكلىيەلەيدۇ. ئاللاھ تائالا مۇنداق دەيدۇ: ئاللاھ شۇ كىتاب(يەنى قۇرئان) ئارقىلىق رازىلىقىنىتىلىگەنلەرنى سالامەتلىك يوللىرى(ئاللاھنىڭ شەرىئىتى ۋە ئۇنىڭ ئەھكاملىرى)غايېتەكلەيدۇ. ئىرادىسى بويىچە ئۇلارنى (كۇفرى) قاراڭغۇلۇقىدىن (ئىماننىڭ) نۇرىغاچىقىرىدۇ ۋە ئۇلارنى توغرا يولغا ھىدايەت قىلىدۇ. _سۈرە<<مائىدە>>(5-سۈرە)، 16-ئايەت رەسۇلۇللاھنىڭ قىسقىغىنە 23 يىل جەريانىدا پۈتكۈلئەرەب يېرىم ئارىلىنى بىرلىككە كەلتۈرۈپ، كېينكى كۈنلەردىكى ئۈچ قىتئەگە ھالقىغانغايەت زور ئىسلام ھاكىمىيىتىنىڭ بارلىققا كېلىشىگە ئاساس سالالىشى <<قۇرئانكەرىم>>دىن ئىبارەت كالامۇللانىڭ مەڭگۈلۈك مۆجىزىسى ۋە كارامىتىدىن باشقا نەرسەئەمەس. جانابى سەرۋەر ئالەم، رەسۇل ئەكرەم مۇھەممەد مۇستەفا سەللەللاھۇ ئەلەيھىۋەسەللەم <<قۇرئان كەرىم>> ھەققىدە مۇنداق دېگەن ئىدى: "ئاللاھنىڭكىتابى (قۇرئان كەرىم)دە سىلەردىن بۇرۇنقىلارنىڭ قىسسىلىرى، سىلەردىنكېيىنكىلەرنىڭ ئۇچۇرلىرى، ئاراڭلاردىكى ئىشلارنىڭ ھۆكۈمى باردۇر. ئۇ چاقچاقئەمەستۇر، بەلكى (ھەق بىلەن ناھەقنى)نى ئايرىغۇچى (كالام)دۇر. كىمكىتەكەببۇرلۇقتىن ئۇ(نىڭ ھۆكمى)نى تەرك ئېتىدىكەن، ئاللاھ ئۇ كىشىنى ھالاك قىلىدۇ.كىمكى ئۇنىڭ غەيرىيدىن توغرا يول ئىزدەيدىكەن، ئاللاھ ئۇ كىشىنى گۇمراھ قىلىۋىتىدۇ.<<قۇرئان كەرىم>> ئاللاھنىڭ مەھكەم ئارغامچىسىدۇر، ھېكمەتلىكباياناتىدۇر، توغرا يولدۇر. نەپسى خاھىشىغا ئەگەشكەنلەر ئۇنى ئۆزگەرتەلمەيدۇ.ئۇنىڭغا غەيرى نەرسىلەر ئارلىشىپ قالمايدۇ. ئۆلىمالار ئۇنىڭغا قانمايدۇ. ئۇ كۆپئوقۇغانغا كونىراپ قالمايدۇ، ئۇنىڭ ئاجايىباتلىرى تۈگەپ كەتمەيدۇ. ئۇ شۇنداقكالامكى، ھەتتا جىنلارمۇ ئۇنى ئاڭلىغان چاغدا: 'بىزنى توغرا يولغا باشلايدىغانئاجايىپ قۇرئاننى ھەقىقەتەن ئاڭلىدۇق، ئۇنىڭغا ئىمان ئېيتتۇق' دېمەي تۇرالمىغان.كىمكى ئۇ(قۇرئان كەرىم)نى دەيدىكەن، راستتىنى دېگەن بولىدۇ. كىمكى ئۇنىڭغا ئەمەلقىلىدىكەن، ئەجىرگە مۇيەسسەر بولىدۇ. كىمكى ئۇنىڭ بىلەن ھۆكۈم قىلىدىكەن، ئادىلبولىدۇ، كىمكى ئۇنىڭغا دەۋەت قىلىدىكەن توغرا يولغا يېتەكلىنىدۇ." دېمەك<<قۇرئان كەرىم>> ھاياتلىق سەپىرىمىزدىكى يول خەرىتىمىزدۇر. شۇۋەجىدىن <<قۇرئان كەرىم>> ھەققىدە ئىزدىنىش، بۇ ساھەدە تەتقىقاتنىچوڭقۇرلاشتۇرۇش بىز مۇسۇلمانلارنىڭ باش تارتىپ بولمايدىغان بۇرچىمىز، شۇنداقلادۇنيالىق ھاياتىمىزنى توغرا يول ئۈستىگە قۇرۇپ، ئاخىرەتلىك سائادىتىمىزنى قولغاكەلتۈرۈشىمىزدىكى ئاچقۇچ. شۇنىڭغا كۆرە، ساھابىلەر زامانىدىن تارتىپ تالايئۆلىمالار <<قۇرئان كەرىم>>نىڭ ھەربىر ئايىتى ھەققىدە چوڭقۇر تەتقىقاتئېلىپ بارغان، ھەمدە رەسۇلۇللاھنىڭ بۇ ھەقتىكى كۆرسەتمىلىرىنى پىرىنسىپ قىلغانئاساستا، ھەرقايسى دەۋرلەرگە ماس ھالدا تەپسىرلەش ئارقىلىق، ئەينى دەۋرلەردىكىئىسلام خەلىپىلىكلىرى ۋە مۇسۇلمانلار جامائىتىنىڭ دىنىي كۆرسەتمە، ئەھكاملارغابولغان ئېھتىياجىنى قاندۇرۇپ كەلگەن. بۇ جەرياندا ئاز بولمىغان سەرخىل نەتىجىلەربارلىققا كەلگەن. ھازىرغىچە <<قۇرئان كەرىم>>نىڭ 1000دىن ئارتۇقتەپسىرى بار دېيىلمەكتە ۋە بۇنىڭ بىلەن <<قۇرئان كەرىم>> ئىنسانىيەتتارىخىدا ئەڭ كۆپ شەرھىلەنگەن بىردىنبىر كىتاب دەپ تەرىپلەنمەكتە. ئۆزىمىزنىڭ بۇ ساھەدىكى مەسئۇلىيىتىمىزنى تونۇشسۈپىتىدە، ئىگىلىگەن ماتىرىياللىرىم ئاساسىدا ئاللاھقا تەۋەككۇل قىلىپ،<<قۇرئان كەرىم>>دىكى سۈرە ناملىرى ھەققىدىكى دەسلەپكىئىزدىنىشلىرىمنى ئوتتۇرىغا قويىمەن. <<قۇرئان كەرىم>>دە جەمئىي 114سۈرە بولۇپ، ھەر سۈرىنىڭ ئايرىم-ئايرىم نامى بار. بۇ ناملار تۈرلۈك ساھالەرگەچېتىشلىق بولۇپ، بۇ ئىلاھىي دەستۇرغا تېخىمۇ رەڭدار تۈس بېغىشلايدۇ. سۈرىلەرگە نامقىلىپ قويۇلغان ھەربىر سۆز سىزدە ئۆزگىچە ئىشتىياق قوزغاپ، بۇ  ھەقتە ئىزدىنىشكە جەلپ قىلىدۇ. تۆۋەندە<<قۇرئان كەرىم>>دىكى 114 سۈرىنىڭ نامى، نام مەنىسى ۋە قىسقىچەئاتىلىش سەۋەبى <<قۇرئان كەرىم>>دىكى سۈرىلەر تەرتىپى بويىچەجەدىۋەللەشتۈرۈپ بېرىلدى.    سۈرە  تەرتىبى       سۈرە  ئىسمى       مەنىسى       ئاتىلىش  سەۋەبلىرى       1.                فاتىھە       مۇقەددىمە،ئاچقۇ       بۇ  سۆزنىڭ جەمئىي 12 ئىسمى بار. <<قۇرئان كەرىم>> ۋە نامازلارمۇ مۇشۇ  سۈرە بىلەن باشلىنىدۇ.       2.                بەقەرە       كالا       كالا  ۋەقەسى بايان قىلىنغان (67__73 –ئايەتلەر)       3.                ئال  ئىمران       ئىمران  ئائىلىسى       ئىمران  (ھەزىرتى مەريەمنىڭ ئانىسى) ئائىلىسىنىڭ پەزلى بايان قىلىنغان. (35__55 –ئايەتلەر)       4.                نىسا       ئاياللار       ئاياللار  ھەققىدىكى ئەھكاملار كۆپ       5.                مائىدە       داستىخان       ھەۋارىلارنىڭ  ئىيسا ئەلەيھىسسالامدىن ئاسماندىن "ئۈستىدە تاماق بار داستىخان"  چۈشۈرۈپ بېرىشنى تەلەپ قىلغانلىقى بايان قىلىنغان. (112__115 -ئايەتلەر)       6.                ئەنئام       چاھارپايلار       چاھارپايلارنىڭ  ھالال-ھاراملىرى بايان قىلىنغان. (136__146 –ئايەتلەر)       7.                ئەئراف       جاي  نامى       جەننەت  بىلەن دوزاخ ئوتتۇرىسىدىكى پاسىل، يەنى ئەئراف زىكىر قىلىنغان(48__49 –ئايەتلەر)       8.                ئەنفال       غەنىمەت(ئولجا)       غەنىمەت  تەقسىماتى ھەققىدىكى بايانلار بىلەن باشلانغان.       9.                تەۋبە       تەۋبە       تەۋبە  ياكى ئازابنى تاللاش كېرەكلىكى بايان قىلىنغان(بۇ سۈرىنىڭ جەمئىي 14 ئىسمى بار)       10.             يۇنۇس       كىشى  ئىسمى       يۇنۇس  ئەلەيھىسسالام ۋە ئۇنىڭ قەۋمىنىڭ قىسسىسى بايان قىلىنغان(98-ئايەت).       11.             ھۇد       كىشى  ئىسمى       ھۇد  ئەلەيھىسسالام ۋە ئۇنىڭ قەۋمىنىڭ قىسسىسى بايان قىلىنغان(50__60 –ئايەتلەر).       12.             يۈسۈف       كىشى  ئىسمى       يۈسۈف  ئەلەيھىسسالامنىڭ قىسسىسى بايان قىلىنغان.       13.             رەئد       چاقماق       چاقماق  قاتارلىق تەبىئەت ھادىسىلىرىنىڭ ئاللاھنىڭ قۇدرىتىگە دالالەت قىلىدىغانلىقى  بايان قىلىنغان(13-ئايەت).       14.             ئىبراھىم       كىشى  ئىسمى       ئىبراھىم  ئەلەيھىسسالامنىڭ قىسسىسى بايان قىلىنغان(35__41 –ئايەتلەر).       15.             ھىجر       جاي  ئىسمى       سالىھ  ئەلەيھىسسالام ۋە ئۇنىڭ ھىجر دېگەن جايدا ياشايدىغان قەۋمىنىڭ قىسسىسى بايان  قىلىنغان(80__82 –ئايەتلەر)       16.             نەھل       ھەسەل  ھەرىسى       ھەسەل  ھەرىسىنىڭ قىسسىسى بايان قىلىنغان(68__69 –ئايەتلەر).       17.             ئىسرا       كېچىلىك  سەپەر       رەسۇلۇللاھنىڭ  شۇ سەپىرى بىلەن باشلىنىدۇ.       18.             كەھف       غار       ئەسھابۇل  كەھف قىسسىسى بايان قىلىنغان(9__26–ئايەتلەر).       19.             مەريەم       كىشى  ئىسمى       ھەزىرتى  مەريەم ۋە ئىيسا ئەلەيھىسسالامنىڭ قىسسىلىرى بايان قىلىنغان(16__37–ئايەتلەر).       20.             تاھا       رەسۇلۇللاھنىڭ  ئىسمى       رەسۇلۇللاھنىڭ  شۇ ئىسمى بىلەن باشلانغان.       21.             ئەنبىيا       پەيغەمبەرلەر       بىر  بۆلۈك پەيغەمبەرلەرنىڭ قىسسىلىرىدىن قىسقىچە ئومۇمىي بايان بېرىلگەن.       22.             ھەج       ھەج       ھەجگە  ئالاقىدار بايانلار بار(25__37-ئايەتلەر)       23.             مۆئمىنۇن       مۆمىنلەر       مۆمىنلەرنىڭ  سۈپەتلىرى بىلەن باشلانغان.       24.             نۇر       نۇر       ئاللاھنىڭ  ئاسمانلارنىڭ ۋە زىمىننىڭ نۇرى ئىكەنلىكى... بايان قىلىنغان(35__40-ئايەتلەر).       25.             فۇرقان       ھەق-ناھەقنى  ئايرىغۇچى       <<قۇرئان  كەرىم>> ھەققىدىكى بايانلار بىلەن باشلانغان.       26.             شۇئەرا       شائىرلار       شائىرلار  ھەققىدىكى بايانلار بار(225__227-ئايەتلەر).       27.             نەمل       چۈمۈلە       چۈمۈلە  قىسسىسى بايان قىلىنغان(18__19-ئايەتلەر).       28.             قەسەس       قىسسەلەر       مۇسا  ئەلەيھىسسالامنىڭ تەۋەللۇتىدىن، تا پەيغەمبەرلىكىگىچە بولغان ۋەقەلىكلەر  مۇپەسسەل بايان قىلىنغان.       29.             ئەنكەبۇت       ئۆمۈچۈك       مۇشرىكلارنىڭ  مەبۇد قىلىۋىلىشقان بۇتلىرى ئۆمۈچۈكنىڭ ئاجىز ئۆيىگە ئوخشىتىلغان(41-ئايەت).       30.             رۇم       ۋىزانتىيە       <<قۇرئان  كەرىم>> مۆجىزىلىرىدىن، رۇملۇقلارنىڭ بىر نەچچە يىل ئىچىدە  يېڭىدىغانلىقىدىن ئالدىن ئۇچۇر بېرىلگەن(2__5-ئايەتلەر).       31.             لوقمان       لوقمان  ھەكىم       لوقمان  ھەكىمنىڭ قىسسىسى بايان قىلىنغان(13__19-ئايەتلەر)       32.             سەجدە       سەجدە       بىر  سەجدە ئايىتى بار(15-ئايەت).       33.             ئەھزاب       قوشۇنلار       مۇشرىكلارنىڭ  مۇسۇلمانلارغا قارشى توپ-توپ بولۇپ ئۇيۇشقانلىقى، ئاللاھنىڭ ئۇلارنى مەغلۇپ  قىلغانلىقى بايان قىلىنغان(9__27-ئايەتلەر).       34.             سەبەئ       قەۋم ئىسمى       يەمەندىكى  سەبەئ قەۋمىنىڭ قىسسىسى بايان قىلىنغان(15__21-ئايەتلەر).       35.             فاتىر       ياراتقۇچى       ئاللاھنىڭ  مەزكۇر گۈزەل ئىسمى بىلەن باشلانغان.       36.             ياسىن       ي،س  ھەرىپلىرى       ئەرەب  ئېلىپبەسىدىكى مەزكۇر ئىككى ھەرپ بىلەن باشلانغان.       37.             ساففات       سەپراس  قوشۇن       مەزكۇر  سۈپەتتىكى مەخلۇقات بىلەن قەسەم قىلىنىپ باشلانغان.       38.             ساد       "پ"  ھەرىپى       ئەرەب  ئېلىپبەسىدىكى مەزكۇر ھەرپ بىلەن باشلانغان.       39.             زۇمەر       جامائە       مۆمىنلەر  جامائەسى ۋە كۇففارلار جامائەسى سېلىشتۇرۇلغان.       40.             غافىر       مەغپىرەت  قىلغۇچى       سۈرە  بېشىدىلا ئاللاھنىڭ مەزكۇر ئىسمى زىكىر قىلىنغان.       41.             فۇسسىلەت       مۇپەسسەل  بايان       قۇدرىتى  ئىلاھىنى كۆرسىتىدىغان دەلىللەر مۇپەسسەل بايان قىلىنغان.       42.             شۇرا       كېڭەش       كېڭەشنىڭ  ئىسلامدىكى ئالاھىدە ئورنى بايان قىلىنغان.       43.             زۇخرۇف       زىبۇزىننەت       باقاسى  يوق دۇنيا نېمەتلىرى پارقىراق زىبۇزىننەتكە ئوخشىتىلغان ۋە ئۇنىڭدىن دۇنيادا كۇففارلارنىڭمۇ  بەھرىلىنىدىغانلىقى، ئاخىرەتتە مۆمىنلەرگىلا خاس بولىدىغانلىقى بايان قىلىنغان.       44.             دۇخان       تۈتۈن       ئاللاھ  كۇففارلارنى رەسۇلۇللاھقا تەكزىب قىلغانلىقلىرى ئۈچۈن تۈتۈن بىلەن  قورقۇتقان(10-ئايەت).       45.             جاسىيە       تىزلانغان(قەۋم)       قىيامەت  كۈنىدە ھەربىر قەۋمنىڭ قورقۇنچتىن تىزلىنىپ تۇرىدىغانلىقى بايان  قىلىنغان(28-ئايەت).       46.             ئەھقاف       جاي  ئىسمى       ئەھقافتىكى  ئاد قەۋمىنىڭ ھالاك قىلىنغانلىقى بايان قىلىنغان.       47.             مۇھەممەد       كىشى  ئىسمى       جىھاد  ھەققىدە بايانلار بار. بۇ سۈرە رەسۇلۇللاھنىڭ ئىسمى بىلەن ئاتالغان.       48.             فەتىھ       ئازاد  قىلىش       مەككىنىڭ  فەتىھ قىلىنىدىغانلىقىدىن ئالدىن ئۇچۇر بېرىلگەن.       49.             ھۇجۇرات       ھۇجرىلار       رەسۇلۇللاھنىڭ  ئاياللىرىنىڭ ئۆيلىرىنىڭ ھۆرمىتى بايان قىلىنغان.       50.             قاف       "ق"  ھەرىپى       ئەرەب  ئېلىپبەسىدىكى شۇ ھەرپ بىلەن باشلانغان.       51.             زارىيات       سورىغۇچى       تۇپراقنى  سورىغۇچى شاماللار بىلەن قەسەم قىلىنىپ باشلانغان.       52.             تۇر       تۇر  تېغى       تۇر  تېغى بىلەن قەسەم قىلىنىپ باشلانغان.       53.             نەجم       يۇلتۇز       يۇلتۇز  بىلەن قەسەم قىلىنىپ باشلانغان.       54.             قەمەر       ئاي       باشتىلا  "ئاي يېرىلىش ۋەقەسى" زىكىر قىلىنغان.       55.             رەھمان       ناھايىتى  شەپقەتلىك       ئاللاھنىڭ  مەزكۇر گۈزەل ئىسمى بىلەن باشلانغان.       56.             ۋاقىئە       زور  ۋەقە       قىيامەت  ئەھۋاللىرى بايان قىلىنغان.       57.             ھەدىد       تۆمۈر       تۆمۈرنىڭ  خۇسۇسىيىتى بايان قىلىنغان(25-ئايەت).       58.             مۇجادەلە       تاكاللىشىش       زىھار  قىلغان بىر ئايالنىڭ رەسۇلۇللاھقا ئېرىدىن شىكايەت قىلغان ۋەقەلىكى بىلەن  باشلانغان.       59.             ھەشر       سۈرگۈن       بەنى نەزىر  يەھۇدىيلىرىنىڭ سۈرگۈن قىلىنغانلىقى بايان قىلىنغان(3-ئايەت).       60.             مۇمتەھىنە       سىنالغان  ئايال       ھۇدەيبىيە  سۈلھىسى مەزگىلىدە مەدىنىگە ھىجرەت قىلىپ كەلگەن مۆمىنلەرنى سىناپ ئېلىپ قېچىش،  كۇففارلارغا قايتۇرۇپ بەرمەسلىك بايان قىلىنغان(10-ئايەت).       61.             سەپ       سەپ،  قاتار       كۇففارلارغا  قارشى سەپ تۈزۈپ جىھاد قىلغانلار مەدىھىيىلەنگەن.(4-ئايەت).       62.             جۇمۇئە       جۈمە       جۈمە  نامىزىغا دائىر ئەھكاملار بار(9__11-ئايەتلەر).       63.             مۇنافىقۇن       مۇناپىقلار       مۇناپىقلارنىڭ  ئەپتى-بەشرىسى ئېچىپ تاشلانغان.       64.             تەغابۇن       زىيان  تارتىش       كۇففارلارنىڭ  قىيامەتتە زىيان تارتىدىغانلىقى بايان قىلىنغان(9__10-ئايەتلەر).       65.             تەلاق       تالاق       تالاققا  دائىر ئەھكاملار بايان قىلىنغان.       66.             تەھرىم       ھارام  قىلىۋىلىش       رەسۇلۇللاھنىڭ  باشقا ئاياللىرىنىڭ رازىلىقىنى ئىزلەپ، دېدىكى مارىيەگە يېقىنلىشىشنى ئۆزىگە  ھارام قىلىۋالغانلىقى ئەيىبلەنگەن.       67.             مۈلك       ئىگىدارچىلىق       پۈتۈن  ئىگىدارچىلىقنىڭ ئاللاھقا مەنسۇپ ئىكەنلىكى بىلەن باشلانغان.       68.             قەلەم       قەلەم       باشتىلا  قەلەم بىلەن قەسەم قىلىنغان.       69.             ھاققە       بولۇشى  مۇقەرەر       قىيامەتنىڭ  ئەھۋاللىرى بىلەن باشلانغان.       70.             مائارىج       ئاسمان  شوتىلىرى       ئاللاھنىڭ  ئاسمان شوتىلىرىغا ئىگە ئىكەنلىكى بايان قىلىنغان(3-ئايەت).       71.             نۇھ       كىشى  ئىسمى       نۇھ  ئەلەيھىسسالامنىڭ قىسسىسى مۇپەسسەل بايان قىلىنغان.       72.             جىن       جىن       جىنلار  ھەققىدە بىرقەدەر تەپسىلى مەلۇمات بار.       73.             مۇزەممىل       كىيىمگە  يۆگىنىۋالغۇچى       رەسۇلۇللاھنىڭ  مەزكۇر سۈپىتى بىلەن باشلانغان.       74.             مۇدەسسىر       كىيىمگە  پۈركىنىۋالغۇچى       رەسۇلۇللاھنىڭ  مەزكۇر سۈپىتى بىلەن باشلانغان.       75.             قىيامەت       قىيامەت       قىيامەت  كۈنى بىلەن قەسەم قىلىنىپ باشلانغان.       76.             ئىنسان       ئىنسان       ئىنساننىڭ  يارىتىلىشى بىلەن باشلانغان.       77.             مۇرسەلات       لەرزان(شاماللار)       شاماللار  بىلەن قەسەم قىلىنىپ باشلانغان.       78.             نەبە       ئۇچۇر       قىيامەت،  قايتا تىرىلدۈرۈش... ھەققىدە ئۇچۇر بېرىلگەن.       79.             نازىئات       سۇغۇرۇۋالغۇچى       شۇ  سۈپەتلىك مالائىكىلەر بىلەن قەسەم قىلىنىپ باشلانغان.       80.             ئەبەسە       تەرىنى  تۈرۈش       رەسۇلۇللاھنىڭ  ۋەز-نەسىھەت ئاڭلىغىلى كەلگەن ئابدۇللا ئىبنى ئۇممۇ مەكتۇمغا تەرىنى تۈرگەن ۋەقەلىكى  بىلەن باشلانغان.       81.             تەكۋىر       (نۇرى)ئۆچۈش       قىيامەتتە  قۇياشنىڭ نۇرى ئۆچىدىغانلىقى بىلەن باشلانغان.       82.             ئىنفىتار       يېرىلىش       قىيامەتتە  ئاسمان يېرىلىدىغانلىقى بىلەن باشلانغان.       83.             مۇتەففىفىن       تارازىدا  كەم بەرگۈچىلەر       تارازىدا  كەم بەرگۈچىلەر ئاگاھلاندۇرۇلۇپ باشلانغان.       84.             ئىنشىقاق       يېرىلىش       قىيامەتتە  ئاسمان يېرىلىدىغانلىقى بىلەن باشلانغان.       85.             بۇرۇج       ئاسمان  بۇرۇجلىرى       بۇرۇجلارنىڭ  ئىگىسى بولغان ئاسمان بىلەن قەسەم قىلىنىپ باشلانغان.       86.             تارىق       يورۇق  يۇلتۇز       باشتىلا  يورۇق يۇلتۇز بىلەن قەسەم قىلىنغان.       87.             ئەئلا       ھەممىدىن  ئۈستۈن       ئاللاھنىڭ  مەزكۇر گۈزەل ئىسمى بىلەن باشلانغان.       88.             غاشىيە       ھەممىنى  ئوراپ ئالغۇچى       قورقۇنچ  ھەممىنى ئوراپ ئالىدىغان قىيامەت ئەھۋاللىرى سۆزلەنگەن.       89.             فەجر       تاڭ،  سۈبىھى       سۈبىھى  بىلەن قەسەم قىلىنىپ باشلانغان.       90.             بەلەد       شەھەر       مەككە  شەھرى بىلەن قەسەم قىلىنىپ باشلانغان.       91.             شەمس       قۇياش       قۇياش  بىلەن قەسەن قىلىنىپ باشلانغان.       92.             لەيل       كېچە       كېچە  بىلەن قەسەم قىلىنىپ باشلانغان.       93.             زۇھا       چاشكا       چاشكا  ۋاقتى بىلەن قەسەم قىلىنىپ باشلانغان.       94.             ئىنشىراھ       ئېچىۋىتىش       ئاللاھنىڭ  رەسۇلۇللاھنىڭ قەلبىنى ئىمانغا ئېچىۋىتىپ، دىلىنى ھېكمەت بىلەن تولدۇرغانلىقى  بايان قىلىنغان.       95.             تىن       ئەنجۈر       ئەنجۈر  بىلەن قەسەم قىلىنىپ باشلانغان.       96.             ئەلەق       لەختە  قان       ئىنساننىڭ  لەختە قاندىن يارىتىلغانلىقى بايان قىلىنغان.       97.             قەدر       قەدرى  كېچىسى       قەدر  كېچىسىنىڭ پەزىلىتى، خاسىيىتى بايان قىلىنغان.       98.             بەييىنە       بۇرھان،  ھۆججەت       ئەھلى  كىتابتىن كۇففار بولغانلار ۋە مۇشرىكلارنىڭ <<قۇرئان كەرىم>>  كەلگەنگە قەدەر كۇفرىدىن يانمىغانلىقى بايان قىلىنغان.       99.             زەلزەلە       تەۋرەش       قىيامەتتە  زىمىن قاتتىق تەۋرىتىلىدىغانلىقى بايان قىلىنغان.       100.       ئادىيات       ئاتلىق(قوشۇن)       ھاسىراپ  يۈگۈرگۈچى ئاتلار بىلەن قەسەم قىلىنىپ باشلانغان.       101.       قارىئە       چەككۈچى       قورقۇنچلۇقى  بىلەن دىللارنى چېكىدىغان قىيامەتنىڭ ئەھۋاللىرى بايان قىلىنغان.       102.       تەكاسۇر       پەخىرلىنىش       مال-دۇنيا،  پەرزەنتتىن پەخىرلىنىشتىن ئاگاھلاندۇرۇلغان.       103.       ئەسىر       ئەسىر،  زامان       ئەسىر  بىلەن قەسەم قىلىنىپ باشلانغان.       104.       ھۇمەزە       بوھتان  چاپلىغۇچىلار       بوھتان  چاپلىغۇچىلارنىڭ دوزاخقا كىرىدىغانلىقى سۆزلەنگەن.       105.       فىل       پىل       "كەئبە  شەرىف"نى ۋەيران قىلىش قەستىدە قوشۇن باشلاپ كەلگەن پىل ئىگىلىرىنىڭ  مەغلۇبىيىتى سۆزلەنگەن.       106.       قۇرەيىش       قەبىلە  نامى       ئاللاھنىڭ  قۇرەيىشكە ئاتا قىلغان نېمەتلىرى ئەسلىتىلگەن.       107.       مائۇن       قولقا       كىشىلەرگە  پالتا، كەكە، يىپ-يىڭنە... چاغلىق نەرسىلەرنى بەرمەيدىغان كىشىلەر ئەيىبلەنگەن.       108.       كەۋسەر       ھەۋزى  كەۋسەر       رەسۇلۇللاھقا  ھەۋزى كەۋسەر ئاتا قىلىنغانلىقى سۆزلەنگەن.       109.       كافىرۇن       كاپىرلار       كۇپپارلار  رەسۇلۇللاھتىن، ئۇنىڭ ئۇلارنىڭ ئىلاھلىرىغا بىر يىل، ئۇلار رەسۇلۇللاھنىڭ  ئىلاھىغا بىر يىل ئىبادەت قىلىشنى تەلەپ قىلغاندا ئۇلارغا رەددىيە  سۈپىتىدە نازىل بولغان.       110.       نەسر       نۇسرەت       مەككىنىڭ  فەتىھ قىلىنىدىغانلىقىدىن ئالدىن ئۇچۇر بېرىلگەن.       111.       مەسەد       چىگە       ئەبۇ  لەھەبنىڭ سۇخەنچى خوتۇنىنىڭ بوينىدا چىگىدىن ئېشىلگەن ئارغامچا بولىدىغانلىقى  سۆزلەنگەن.       112.       ئىخلاس       ئىخلاس       ئاللاھنىڭ  بىرلىكى، تەڭداشسىزلىقى... سۆزلەنگەن.       113.       فەلەق       سۈبھى       سۈبھىنىڭ  پەرۋەردىگارى بولغان ئاللاھقا سېغىنىپ مەخلۇقاتنىڭ شەررىدىن پاناھ تىلەنگەن.       114.       ناس       ئىنسانىيەت       ئىنسانلارنىڭ  رەببى، پادىشاھى، ئىلاھى ئاللاھقا سېغىنىپ جىن ۋە ئىنسانلاردىن بولغان شەيتاننىڭ  شەررىدىن پاناھ تىلەنگەن.

kapsiz

	ئاللاھ رەھمەت قىلسۇن،بۇرادەر...

sargarda

	بىژ  گەپنى  سوراپ   باقاي  ... بەزىدە   كومپېيوتېر   ئالدىغا   تاھارەت  بىلەن  كەلگىلى  بولمايدۇ  ،  مۇشۇنداق  پايدىلىق   تېمىلارنى  تاھەرەتسىز  كۆرسىمۇ  بولامدىغاندۇ  يا  ؟

tatlikpigan

	ئال ئىمران...ئىمران بولسا مەريەمنىڭ ئاتىسى مۇ قانداق؟؟!؟سىز ئانىسى دەپ يېزىپ قويۇپسىز。ئىملا خاتالىقىمۇ ياكى.... ئاندىن ،تىن ئەمەس‹‹تىين›› غۇ ....كەچۈرۈڭ ھە...ئاتىكارچىلىق قىلىپ قويدۇم

blueleaf

	مەن بۇنى ئىزدەپ يۈرگەىلى بەك ئۇزۇن بولغان ،بۈگۈن مۇنبەرگە يوللىنىپتۇ ،ئاللاھ رەھمەت قىلسۇن .

nawa

	sargarda يوللىغان ۋاقتى  2012-3-30 11:36 AM بىژ  گەپنى  سوراپ   باقاي  ... بەزىدە   كومپېيوتېر   ئالدىغ ... ماۋۇ گەپ بەك ھەددىن ئىشىپ كىتىپتۇ، نەدە شۇنداق بىر گەپ باركەن دەپ سوراپ بىقىڭە شۇ كىشىدىن،؟.

OMAKPARIXTA

	ئاللاھ رەھمەت قىلسۇن قىرىندىشىم ھەققەتەن پايدىلىق تىما يوللاپسىز ! بىتەرەت يەر دەسسسە يەرنىڭ جىنى ئاغرىپ چىقىرايدۇ دەيدۇ !مەنچەئامال يار .تاھارەت بىلەن يۈرگەنغۇ ياخشى  شۇ لىكىن ئىغىزدا دىگەن بىلەن دائىملا ئەمەل قىلىپ كىتىش ...................؟

cholpan

	sargarda يوللىغان ۋاقتى  2012-3-30 11:36 AM بىژ  گەپنى  سوراپ   باقاي  ... بەزىدە   كومپېيوتېر   ئالدىغ ... http://www.musulmanlar.com/?p=1337بۇنى كۆرۈپ بېقىڭ،سىزگە ياردىمى بولسا ئەجەپ ئەمەس ئاللاھتىن گۇناھلىرىمىزنىڭ مەغفىرىتى ئۈچۈن دۇئا قىلىپ تىلەپ قويغايسىز.

cholpan

	tatlikpigan يوللىغان ۋاقتى  2012-3-30 12:19 PM ئال ئىمران...ئىمران بولسا مەريەمنىڭ ئاتىسى مۇ قانداق؟؟! ... ھەقىقەتەنمۇ ئاتىسى ئىكەن،مۇنۇ سۈرىدىن بىلگىلى بولىدىكەن:     ناھايتى شەپقەتلىك ۋە مىھرىبان ئاللاھنىڭ ئىسمى بىلەن باشلايمەن: ئۆز ۋاقتىدا ئىمراننىڭ ئايالى ئېيتتى: «پەرۋەردىگارىم! مەن قورسىقىمدىكى پەرزەنتىمنى (دۇنيا ئىشلىرىدىن) ئازاد قىلىنغان ھالدا چوقۇم سېنىڭ خىزمىتىڭگە ئاتىدىم (بۇ نەزرەمنى) قوبۇل قىلغىن سەن ھەقىقەتەن (دۇئايىمنى) ئاڭلاپ تۇرغۇچىسەن (نىيىتىمنى) بىلىپ تۇرغۇچىسەن».                                                                                               سۈرە ئال ئىمران 35.ئايەت سىزگە ۋە تىما ئىگىسىگە ئاللاھ رەھمەت قىلسۇن،ئامىن!