مەن ياقتۇرغان بىر ئىنكاس

kurax114

	ﺑﯩﺮ ﻧﯧﻤﻪ ﺩﻩﻱ ﺩﯦﺴﻪﻡ ﻣﺎ ﺳﻮﺭﯗﻧﺪﺍ ﻏﻪﻳﯟﻩﺕ ﺑﻮﻟﯘﭖ ﻗﺎﻟﯩﺪﯗ . ﺩﯦﻤﻪﻱ ﺩﯦﺴﻪﻡ ﻳﺎ ﺋﯚﺯﯨﻨﻰ ﺑﯩﻠﻤﯩﺪﻯ ﺑﯘ ﺧﻪﻕ . ﺑﻪﺯﯨﺪﻩ ﻣﯘﺷﯘ ﺋﯘﻳﻐﯘﺭﻏﺎ ﻧﺎﻥ ﺗﯧﮕﯩﺪﯨﻐﺎﻥ ﺋﺎﺩﻩﻣﻠﻪﺭ ﻛﯩﻤﺪﯗﺭ ﺋﻮﻳﻼﭖ ﻗﺎﻟﯩﻤﻪﻥ . ، ﻛﺎﯞﺍﭘﭽﯩﻼﺭﻣﯘ ، ﺩﯦﮭﻘﺎﻧﻼﺭﻣﯘ ﻳﺎﻛﻰ ﻛﯩﺘﺎﺑﻼﺭﺩﺍ ﺩﯦﮕﻪﻧﺪﻩﻙ ﺯﯨﻴﺎﻟﯩﻴﻼﺭﻣﯘ ﯞﻩ ﻳﺎﻛﻰ ﺑﯩﺮﻧﻰ ﺋﯩﻜﻜﻰ ﻗﯩﻠﯩﺪﯨﻐﺎﻧﻐﺎ ﺗﯧﭙﯩﺮﻻﭖ ﻳﯜﺭﮔﻪﻥ ﺳﻮﺩﯨﮕﻪﺭﻟﻪﺭﻣﯘ ؟ ﺋﯩﺸﻘﯩﻠﯩﭗ ﺑﯩﺰﻧﯩﯔ ﺑﯘ ﻗﺎﺗﺎﺭﻟﯩﻖ ﻛﻪﺳﯩﭗ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﮬﻪﺭ ﺧﯩﻞ ﺋﺎﺩﻩﻣﻠﯩﺮﯨﻤﯩﺰ ﺑﺎﺭ . ﻧﯧﻤﯩﺸﻘﺎ ﺑﯘﻧﺪﺍﻕ ﺋﻮﻳﻐﺎ ﻛﻪﭖ ﻗﺎﻟﻼ ﺩﯨﺴﻠﻪ ، ﻣﯘﺷﯘ ﺑﯩﺮ ﻣﯩﻠﻠﻪﺗﻨﯩﯔ ﺗﻪﻗﺪﯨﺮﯨﻨﻰ ﭘﻪﻗﻪﺕ ﻣﻪﻟﯘﻡ ﺋﺎﺩﻩﻣﻠﻪﺭﮔﻪ ﺑﺎﻏﻼﻳﺪﯨﻐﺎﻥ ﺑﯩﺮ ﻗﯩﻠﯩﻖ ﺑﯩﺰﺩﻩ ﺗﻮﻟﯩﻼﭖ ﻗﺎﻟﺪﻯ . ﺋﻪﮔﻪﺭ ﺑﯩﺰ ﺋﯜﻣﯩﺪ ﻛﯜﺗﻜﻪﻥ ﺋﺎﺩﻩﻣﻠﻪﺭ ﺑﯩﺰ ﻛﯜﺗﻜﻪﻧﺪﻩﻙ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻻﻟﻤﯩﺴﺎ ﮬﻪﻣﻤﯩﻤﯩﺰ ﺋﺎﭘﺘﺎﭘﺘﯩﻜﻰ ﺑﻪﯕﮕﯩﻨﯩﯔ ﺧﯩﻴﺎﻟﯩﻨﻰ ﺳﯜﺭﯛﭖ ﻣﯘﺷﯘﻧﺪﺍﻕ ﻳﺎﺷﺎﻳﺪﯨﻐﺎﻥ ﺋﻮﺧﺸﺎﻳﻤﯩﺰ . ﺑﯩﺰﻧﯩﯔ ﻧﻮﭘﯘﺳﯩﻤﯩﺰ ﻧﻪﭼﭽﻪ ﻣﯩﻠﻴﻮﻧﻐﺎ ﻳﯧﺘﯩﺪﯨﻐﺎﻥ ﺧﻪﻟﻖ . ﺑﯘ ﺧﻪﻟﻖ ﺋﺎﺯﺍﺩﻟﯩﻘﺘﯩﻦ ﺑﯘﻳﺎﻥ ﺑﯜﮔﯜﻧﮕﻪ ﻗﻪﺩﻩﺭ ﻧﯘﺭﻏﯘﻥ ﺋﯩﺴﺴﯩﻖ-ﺳﻮﻏﯘﻗﻼﺭﻧﻰ ﺑﺎﺷﺘﯩﻦ ﻛﻪﭼﯜﺭﯛﭖ ﻳﺎﺷﺎﭖ ﻛﯧﻠﯩﯟﺍﺗﯩﺪﯗ . ﻳﯩﻠﯩﻜﻰ ﺷﻮﺭﻟﯘﻕ ﻗﺎﻧﺪﺍﻕ ﺑﻮﻟﯩﺪﯗ ؟ ﺩﻩﭖ ﺋﻮﻳﻼﭖ ﺑﺎﻗﺴﺎﻡ ﺑﯘ ﻳﯩﻠﯩﻚ ﺩﯦﮕﻪﻥ ﺋﯚﺯﻟﯩﺮﯨﻨﯩﯔ ﺋﯩﭽﯩﻠﯩﺮﺩﻩ ﺑﻮﻟﯩﺪﯨﻜﻪﻥ . ﺋﯘﻧﻰ ﺑﺎﺷﻘﯩﻼﺭ ﺷﻮﺭﻟﯘﻕ ﻗﯩﻠﯩﭗ ﻗﻮﻳﻤﺎﻳﺪﯨﻜﻪﻥ . ﺋﯚﺯﻯ ﺷﻮﺭﻟﯘﻕ ﺑﯚﻟﯩﯟﺍﻟﻐﺎﻥ ﻧﻪﺭﺳﯩﻨﻰ ﻛﯩﻢ "ﺷﻮﺭﻟﯘﻕ ﺑﻮﻟﻤﺎ" ﺩﯨﻴﻪﻟﻪﻳﺪﯗ -ﺩﻩﻳﻼ . ﻣﯘﺷﯘ ﺗﯧﻠﯧﯟﯨﺰﻭﺭ ﺑﻮﻟﺴﯘﻥ ﻳﺎﻛﻰ ﺑﺎﺷﻘﺎ ﮔﯧﺰﯨﺖ-ﮊﯗﺭﻧﺎﻟﺪﺍ ﺑﻮﻟﺴﯘﻥ ﺯﯨﻴﺎﻟﯩﻴﻼﺭﻧﻰ ‹‹ ﺑﯩﺮ ﻣﯩﻠﻠﻪﺗﻨﯩﯔ ﺑﺎﻳﻠﯩﻘﻰ ، ﺗﯜﯞﺭﯛﻛﻰ ، ﻳﯩﻠﯩﻜﻰ، ﻳﯜﺭﯨﻜﻰ›› ﺩﻩﭖ ﻣﺎﺧﺘﺎﻳﺪﯨﻜﻪﻥ . ﺋﻪﻣﺪﻯ ﻳﯜﺭﯨﻜﻰ ﺑﻮﻟﺴﯘﻥ ﺑﺎﻳﻠﯩﻘﻰ ﺑﻮﻟﺴﯘﻥ ﻣﻪﻳﻠﻰ ﺋﻪﻣﻪﺳﻤﯘ . ﺋﻪﻣﯩﺴﻪ ﻧﯧﻤﯩﮕﻪ ﻗﺎﻳﻨﺎﻳﺴﻪﻥ ﺩﯦﺴﯩﻠﻪ ، ﺋﻪﻟﯟﻩﺗﺘﻪ ﻗﺎﻳﻨﺎﻳﺪﯨﻐﺎنغا ﮔﻪﭖ ﺑﺎﺭ . ﺋﺎﺗﻤﯩﺶ ﻳﯩﻠﺪﯨﻦ ﺑﯧﺮﻯ ﺋﯘﻳﻐﯘﺭﻧﯩﯔ ﺑﯧﺸﯩﺪﯨﻦ ﻧﯘﺭﻏﯘﻥ ﻛﯜﻧﻠﻪﺭ ﺋﯚﺗﺘﻰ . ﺑﯘﺭﯗﻧﻘﯩﺴﯩﻨﻰ ﻗﻮﻳﯘﭖ ﻣﯘﺷﯘ ﻳﯧﻘﯩﻨﻨﻰ ﺳﯚﺯﻟﯩﺴﻪﻙ ﺋﯚﺯﻟﯩﺮﻯ ﺑﯩﻠﻪﻥ ﺑﯩﺰﺩﻩﻙ ﺩﯦﮭﻘﺎﻥ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﻳﻪﺭ ﺗﯧﺮﯨﭗ ﻗﻮﺭﺳﺎﻕ ﺑﺎﻗﺘﯘﻕ ، ﺋﺎﺯﺭﺍﻕ ﺋﯧﺸﯩﻨﻐﺎﻥ ﺋﺎﺷﻠﯩﻘﻨﻰ ﺳﯧﺘﯩﭗ ﺑﯧﺮﯨﭗ ﺑﺎﺷﻘﯩﻼﺭﻧﯩﻤﯘ ﺋﺎﭺ ﻗﻮﻳﻤﯩﺪﯗﻕ . ﺋﯩﺸﻘﯩﻠﯩﭗ ﺑﯩﺮ ﻧﻪﺭﺳﯩﻨﻰ ﺗﯘﺗﺴﺎﻕ ﻗﻮﻟﯩﻤﯩﺰﺩﯨﻜﻰ ﺗﻮﭘﺎ ﺑﻮﻟﺴﯩﻤﯘ ﻳﯘﻗﯘﭖ ﺗﯘﺭﺩﻯ . ﻣﺎ ﭼﺎﻗﺴﯩﺪﯨﻜﻰ ﻗﺎﺳﺴﺎﭖ ﻧﺎﯞﺍﻳﻼﺭﻧﻰ ﺑﯩﻠﯩﻼ ...ﺋﯘﻻﺭﻣﯘ ﺗﺎﺯﺍ ﺟﺎﭘﺎﻛﻪﺵ . ﻗﻮﻳﻨﻰ ﺋﻪﺭﺯﺍﻧﺮﺍﻕ ﺋﻪﭖ ﺳﯚﻳﯜﭖ ﮔﯚﺷﯩﻨﻰ ﺳﯧﺘﯩﭗ ﻳﺎﻛﻰ ﺋﯩﺴﺴﯩﻖ ﺗﻮﻧﯘﺭﻏﺎ ﺑﯧﺸﯩﻨﻰ ﺗﯩﻘﯩﭗ ﻧﺎﻥ ﻳﯧﻘﯩﭗ ﺋﯚﺯﯨﻨﯩﯔ ﺟﯧﻨﯩﻨﻰ ﺑﺎﻗﯩﺪﯗ . ﺋﯘﻻﺭﺩﯨﻦ ﻛﯚﭘﯩﻨﯩﺪﯨﻐﺎﻥ ﻳﯧﺮﯨﻤﯩﺰ ﻳﻮﻕ . ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﻳﯜﮔﯜﺭﯛﭖ ﭼﯩﻘﺴﺎﻕ ﺗﻪﻳﻴﺎﺭ ﻧﺎﻥ ،ﮔﯚﺷﻜﻪ ﺑﻮﻟﺴﯩﻤﯘ ﻳﺎﺭﺍﻳﺪﯗ. ﻗﺎﻳﺴﻰ ﻛﯜﻧﻰ ﺗﯧﻠﯧﯟﯨﺰﻭﺭﺩﺍ ﺋﺎﺩﻩﻡ ﺑﻮﻟﯘﺵ ، ﻗﻪﻳﺴﻪﺭ ﺑﻮﻟﯘﺵ ﺗﻮﻏﺮﯨﻠﯩﻖ ﺑﯩﺮ ﺧﺎﻧﯩﻢ ﺑﯩﻠﻪﻥ ﺑﯩﺮ ﺋﻪﭘﻪﻧﺪﯨﻢ ﺗﺎﺯﺍ ﺳﯚﺯﻟﯩﺪﻯ . ﺋﺎﻳﮭﺎﻱ ﮔﻪﭘﻠﻪﺭ ﺩﯦﮕﻪﻥ ﯞﻩﮬﺸﯩﻲ ﺩىﺴﻠﻪ ، ﺋﺎﯕﻠﯩﺴﯩﻼ ﺋﯚﺯﻟﯩﺮﯨﻨﯩﯔ ﻣﯘﻛﻪﻣﻤﻪﻝ ﺋﺎﺩﻩﻡ ﺋﻪﻣﻪﺳﻠﯩﻜﻠﯩﺮﯨﺪﯨﻦ ﻧﻮﻣﯘﺱ ﻗﯩﻠﭗ ﻛﯧﺘﯩﻼ ...ﺋﺎﻟﺪﯨﺮﻣﯩﺴﻼ ﮔﻪﭖ ﺑﺎﺭ ﺗﯧﺨﻰ ﺳﯩﻠﻰ ﺋﺎﺗﻤﯩﺶ ﻳﯩﻠﻨﯩﯖﻴﺎﻗﯩﺪﯨﻦ ﺑﯧﺮﻯ ﻣﯘﺷﯘ ﺯﯨﻴﺎﻟﯩﻲ ﺩﯦﮕﻪﻥ ﺧﻪﻗﻨﯩﯔ ﻣﺎﯕﺎ ﺩﻩﭖ ﺑﻪﺭﮔﯩﺪﻩﻙ ﻗﺎﻧﺪﺍﻕ ﭘﺎﻳﺪﯨﺴﯩﻨﻰ ﻛﯚﺭﻟﻪ... ﺋﻪﺳﻠﻰ ﺯﯨﻴﺎﻟﯩﻲ ﺩﯦﮕﻪﻥ ﻳﯘﺭﺗﻨﯩﯔ ﺋﻪﯓ ﺑﯩﻠﯩﻤﻠﯩﻜﻰ ﺳﻪﺯﮔﯜﺭ ﭼﯧﭽﻪﻧﻠﯩﺮﻯ ، ﮬﻪﻕ-ﻧﺎﮬﻪﻕ ﻛﯚﺯ ﻗﺎﺭﯨﺸﻰ ﺋﯧﻨﯩﻘﻠﯩﺮﻯ ﺑﻮﻟﯩﺪﯗ ﺩﻩﻳﺪﯗ. ﺑﯩﺮﺍﻕ ﺋﯚﺯﻟﯩﺮﻯ ﺋﯘﻻﺭﺩﯨﻦ ﮬﯧﭻ ﺑﻮﻟﻤﯩﺴﺎ ﻻﺯﯨﻢ ﺑﻮﻟﻐﺎﻧﺪﺍ ﺑﯩﺮﻩﺭ ﭘﺎﺭﭼﻪ ﻧﺎﻥ ﺋﺎﻻﻣﻼ ؟ ! ﻳﺎﻛﻰ ﻣﺎ ﺋﻪﺗﺮﻩﺗﻨﯩﯔ ﻗﺎﻣﻼﺷﻤﯩﻐﺎﻥ ﺳﯩﻴﺎﺳﻪﺗﻠﯩﺮﻯ ﺗﻮﻏﺮﯨﻠﯩﻖ ﺑﯩﺮﻩﺭﻩﺳﯩﮕﻪ ﺩﺍﺕ ﺋﯧﻴﺘﯩﭗ ‹‹ ﻗﯧﻨﻰ ﻗﺎﻧﺪﺍﻕ ﻧﻮﭼﯩﻜﻪﻥ !›› ﺩﻩﭖ ﺋﯘﻻﺭﺩﯨﻦ ﭘﺎﻧﺎﮬﻠﯩﻖ ﻛﯚﺭﻩﻟﻪﻣﻼ ، ﻗﺎﺭﯨﺴﯩﻼ ﺑﯩﺰ ﻳﻪﺭ ﺗﯧﺮﯨﻴﻤﯩﺰ ، ﻗﺎﺳﺴﺎﭖ ﻗﻮﻱ ﺳﻮﻳﯩﺪﯗ ، ﻧﺎﯞﺍﻱ ﻧﺎﻥ ﻳﺎﻗﯩﺪﯗ . ﺯﯨﻴﺎﻟﯩﻲ ﻧﯧﻤﻪ ﻗﯩﻠﯩﺪﯗ ؟ ! ﻣﺎ ﺯﺍﻣﺎﻧﻨﯩﯔ ئېگىز-ﭘﻪﺳﻠﯩﻜﯩﻨﻰ ﺗﯜﺯﻩﻳﺪﯗ . ﺋﯚﺯﻟﯩﺮﻯ ﺑﯩﻠﻪﻥ ﺑﯩﺰﻏﯘ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﻳﻪﺭ ﺗﯧﺮﯨﺪﯗﻕ . ﺋﻪﻣﻤﺎ ﺋﯘﻻﺭﭼﯘ ؟! ﻧﯩﻤﯩﻨﻰ ﺗﯜﺯﻟﯩﺪﻯ ﺩﻩﻳﻼ . ﺑﺎﺷﻠﯩﻘﻘﺎ ﺳﻪﺕ ﻛﯚﺭﯛﻧﯜﭖ ﻗﺎﻟﻤﺎﻳﻠﻰ ﺩﻩﭖ ﺋﺎﺭﻗﯩﻐﺎ ﻳﯧﻨﯩﭗ ﺑﯩﺰﻧﻰ ‹‹ ﺗﯜﺯﻟﻪﻳﺪﯗ›› . ﺋﺎﯕﻠﯩﺴﺎﻡ ﺑﯘ ﺧﻪﻗﻨﯩﯔ ﮬﻪﺭﻗﺎﻧﺪﯨﻘﻰ ﺑﯘﺭﯗﺕ ﻗﻮﻳﺎﻟﻤﺎﻳﺪﯨﻜﻪﻥ . ﺳﻪﯞﻩﺑﻰ ﺳﻪﻝ ﻳﺎﯞﺍﻳﻰ ﻛﯚﺭﯛﻧﻪﻣﯩﺶ . ﺋﻪﻣﺪﻯ ﺑﯩﺰ ﺩﯦﮭﻘﺎﻥ ﺧﻪﻕ ، ﻣﺎ ﺑﯘﺭﯗﺕ-ﺳﺎﻗﺎﻝ ﺩﯦﮕﻪﻧﻨﻰ ﺋﻪﺭﻧﯩﯔ ﻛﯚﺭﻛﻰ ﻳﺎﻛﻰ ﭘﻪﻳﻐﻪﻣﺒﯩﺮﯨﻤﻨﯩﯔ ﺳﯜﻧﻨﯩﺘﻰ ﺩﻩﭖ ﻗﻮﻳﯩﻤﯩﺰ ﻣﯘﺷﯘ ﻳﯧﻘﯩﻨﻨﯩﯖﻴﺎﻗﻰ ﺩﯨﻘﻘﻪﺕ ﻗﯩﻠﻼﻣﯘ ﮬﻪﻣﻤﯩﻼ ﻣﺎﺋﺎﺷﻠﯩﻘﻨﯩﯔ ﺑﯜﺭﯛﺕ-ﺳﺎﻗﯩﻠﻰ ﻳﻮﻕ . ﻏﯩﭽﻼ ﻛﻮﺳﺎ . ﺳﯜﺭﯛﺷﺘﯜﺭﺳﻪﻡ ﺑﺎﺷﻠﯩﻘﻨﯩﯔ ﻛﯚﺯﯨﮕﻪ ﺑﯘﺭﯗﺕ ﻗﻮﻳﻐﺎﻧﻼﺭ ﺳﻪﺕ ﻛﯚﺭﯛﻧﻪﻣﯩﺶ . ﻣﺎﻧﺎ ﻛﺎﺭﺍﻣﻪﺕ ﮬﯧﻠﯩﻘﻰ ﺗﯧﻠېﯟﯨﺰﻭﺭﺩﺍ ﺋﺎﺩﯨﻤﯩﻠﯩﻚ ﺗﻮﻏﺮﯨﻠﯩﻖ ﭼﯩﯖﻘﯩﻠﯩﭗ ﺳﯚﺯﻟﯩﮕﻪﻥ ﺧﺎﻧﯩﻤﺪﯨﻦ ‹‹ ﺋﻪﺭﻟﯩﺮﯨﻨﯩﯔ ﺑﯘﺭﯗﺗﻰ ﺑﺎﻣﯘ ﺧﺎﻧﯩﻢ ؟ ›› ﺩﻩﭖ ﺳﻮﺭﺍﭖ ﺑﺎﻗﻘﯘﻡ ﻛﻪﻟﺪﻯ. ﺋﻮﻳﻼﭖ ﺑﺎﻗﺴﯩﻼ ﻛﺎﻟﭙﯘﻛﻨﯩﯔ ﺋﯜﺳﺘﯩﺪﯨﻜﻰ ﻧﻪﭼﭽﻪ ﺗﺎﻝ ﺗﯜﻛﻜﻪ ﺋﯩﮕﻪ ﺑﻮﻻﻟﻤﯩﻐﺎﻥ ﺧﻪﻕ ﺋﯚﺯﻟﯩﺮﻯ ﺑﯩﻠﻪﻥ ﻣﺎﯕﺎ ﺋﯩﮕﻪ ﺑﻮﻻﻻﻣﺘﻰ. ﺋﯩﺸﻘﯩﻠﯩﭗ ﻣﻪﻥ ﺑﺎﻏﯘ ، ﺩﯗﮔﺎﻣﻪﺕ . ﻣﯘﺷﯘ ﺑﯘﺭﯗﺗﯘﻣﻨﻰ ﭼﯜﺷﯜﺭﻣﻪﻳﻤﻪﻥ ﺩﻩﭖ ﺧﯩﺰﻣﯩﺘﯩﺪﯨﻦ ﮬﻪﻳﺪﻩﻟﮕﻪﻥ ﺯﯨﻴﺎﻟﯩﻨﻰ ﺋﺎﯕﻼﭖ ﺑﺎﻗﻤﯩﺪﯨﻢ . ﺑﯘﻏﯘ ﺑﯩﺮ ﭼﺎﺧﭽﺎﻕ ﮔﻪﭖ . ﻗﯩﺴﻘﯩﺴﻰ ﻣﻪﻥ ﺑﯩﺰﻧﯩﯔ ﺑﯩﺮﻩﺭ ﺋﯩﺸﯩﻤﯩﺰﻏﺎ ﻳﺎﻗﯩﺴﯩﻨﻰ ﻳﯩﺮﺗﯩﭗ ﻧﺎﮬﻪﻗﭽﯩﻠﯩﻖ ﺗﺎﺭﺗﻘﺎﻥ ﺯﯨﻴﺎﻟﯩﻨﻰ ﺋﺎﯕﻠﯩﻤﯩﺪﯨﻢ . ﻳﯩﻠﯩﻜﻰ ﺷﻮﺭﻟﯘﻕ ﺩﯨﮕﯩﻨﻰ ﺑﻪﺭﮬﻪﻕ ﮔﻪﭘﻜﻪﻥ . ﺑﯘﻻﺭ ﺭﺍﺳﺘﯩﻨﻼ ﺑﯩﺰﺩﯨﻜﻰ ﺷﻮﺭﻟﯘﻕ ﻳﯩﻠﯩﻜﻜﻪﻥ . ﺑﯩﺰﻧﯩﯔ ﺋﻮﻏﯘﻝ ﺩﺍﯞﺍﻣﻠﯩﻖ ﻛﯩﺘﺎب ﺋﻮﻗﯘﻳﺪﯗ . ‹‹ ﯞﺍﻱ ﺩﺍﺩﺍ ﻣﺎ ﺋﺎﺩﻩﻡ ﺋﯘﻳﻐﯘﺭﻻﺭﻧﯩﯔ ﭘﻪﻳﻼﺳﻮﭘﻰ . ﻣﺎ ﻳﺎﺯﻏﯘﭼﻰ ﺋﯘﻳﻐﯘﺭﻻﺭﻧﯩﯔ ﺋﻪﯓ ﻧﻮﭼﯩﺴﻰ›› ﺩﻩﭖ ﻣﺎﺧﺘﺎﭖ ﺑﯩﺮﻣﯘﻧﭽﻪ ﻛﻮﺳﺎ ﺋﺎﺩﻩﻣﻠﻪﺭﻧﯩﯔ ﺳﯜﺭﯨﺘﯩﻨﻰ ﻛﯚﺭﺳﯩﺘﯩﭗ ﻛﯧﺘﯩﺪﯗ . ﭼﺎﺧﭽﺎﻕ ﻗﯩﻠﯩﭗ ‹‹ ﯞﺍﻱ ﺑﺎﻻﻡ ﻣﻪﻧﺪﻩﻙ ﺑﯘﺭﯗﺗﻰ ﺑﺎ ﺋﺎﺩﻩﻣﻨﻰ ﻛﯩﺘﺎبقا ﺑﺎﺳﺴﺎ ﺋﯘﻳﻐﯘﺭﻻﺭﻧﯩﯔ ﺋﻪﯞﻟﯩﻴﺎﺳﻰ ﺑﻮﻟﺪﯨﻐﺎﻥ ﺋﻮﺧﺸﺎﻳﻤﻪﻥ›› ﺩﻩﭖ ﻗﻮﻳﯩﻤﻪﻥ . ﮔﻪﭖ ﻗﯧﭽﯩﭗ ﻛﻪﺗﺘﺎ ، ﺑﺎﻳﺎ ﺩﻩﯞﻩﺗﻘﺎﻥ ‹‹ ﺯﯨﻴﺎﻟﯩﻴﻼﺭ ﺋﯘﻳﻐﯘﺭﻧﯩﯔ ﻳﯜﺭﯨﻜﻰ ، ﺗﯜﯞﺭﯨﻜﻰ›› ﺩﯨﮕﻪﻥ ﮔﻪﭖ ﻣﯘﺷﯘ ﻛﯩﺘﺎب ﻳﺎﺯﺩﯨﻐﺎﻧﻼﺭ ﺑﯩﺮ-ﺑﯩﺮﯨﮕﻪ ﺧﻮﺷﺎﻣﻪﺕ ﻗﯩﭗ ﺋﯚﺯﻟﯩﺮﯨﻨﻰ ﺋﯚﺯﻯ ﻣﺎﺧﺘﺎﭖ ﺩﻩﯞﺍﻟﻐﺎﻥ ﮔﻪﭘﻠﻪﺭﻣﯩﻜﯩﻦ ﺩﻩﻳﻤﻪﻥ . ﻧﯩﻤﯩﺸﻘﺎ ﺩﯨﺴﻠﻪ ﺑﯩﺰ ﺩﯨﺨﺎﻥ ﺧﻪﻕ ﻣﯘﺷﯘ ﮔﯘﻳﻼﺭﻧﯩﯔ ﻛﺎﺳﺎﭘﯩﺘﯩﺪﯨﻼ ﻳﺎﺷﺎﻳﺪﯨﻜﻪﻧﻤﯩﺰ . ﻧﻪﺩﻩ ﺑﯩﺰﮔﻪ ﺗﯜﯞﺭﯛﻙ ، ﻳﯚﻟﻪﻧﭽﯜﻙ ﺑﻮﻻﻻﻳﺪﯗ . ﺗﯚﺕ ﺗﺎﻝ ﻣﺎﺋﺎﺷﯩﻨﻰ ﺗﻮﻟﯘﻕ ﺋﻪﭖ ﺑﺎﺷﻠﯩﻘﯩﻨﻰ ﺧﺎﭘﺎ ﻗﯩﻠﯩﭗ ﻗﻮﻳﻤﺎﻱ . ﺧﻮﺗﯘﻥ-ﺑﺎﻟﯩﺴﯩﻨﻰ ﺧﻪﻗﻨﯩﯔ ﺋﺎﻟﺪﯨﺪﺍ ﭼﺎﻧﺪﯗﺭﻣﺎﻱ ﺑﺎﻗﻘﯩﻨﻰ ﺑﯩﺰﮔﻪ ﺗﯜﯞﺭﯛﻙ ﺑﻮﻟﻐﯩﻨﯩﻤﺎ ؟! ﺋﯘﻧﺪﺍﻕ ﺟﺎﮬﺎﻧﺪﺍﺭﭼﯩﻠﯩﻘﻨﻰ ﻣﯩﺪﯨﺮﺍﭖ ﻳﯜﺭﮔﻪﻥ ﭼﺎﺷﻘﺎﻧﻤﯘ ﻗﯩﻠﯩﯟﺍﺗﻤﺎﻣﺪﯗ . ﺋﯚﺯﻟﯩﺮﯨﻤﯘ ﺗﯧﻠﯟﯨﺰﻭﺭ ﻛﯚﺭﯛﭖ ﺗﯘﺭﯨﻼ . ﺑﯘ ﺧﻪﻕ ﺗﻮﻻ ﭼﯩﻘﯩﺪﯗ ﺋﯘﻧﯩﯖﺪﺍ ، ﻏﯩﭽﻼ ﻗﻪﺳﻪﻣﺨﻮﺭ . ﮬﻪﺭ ﭘﯩﺸﻘﻪﺩﻩﻡ ﺳﻪﻧﺌﻪﺗﻜﺎﺭ ﺯﯨﻴﺎﻟﯩﻴﻼﺭ ﻧﻮﻣﯘﺱ ﻗﯩﻠﻤﺎﻱ ﺋﻪﻣﺪﯨﻼ ﺯﺍﯞﯗﺗﺘﯩﻦ ﻛﻪﻟﮕﻪﻥ ﺩﻭﺭﯨﻨﻰ ‹‹ ﺋﯘﻧﺪﺍﻕ ﺋﯜﻧﯜﻣﻠﯜﻛﻜﻪﻥ ﺋﯩﺸﻠﻪﺗﻜﯩﻠﻰ ﺑﯩﺮ ﻳﯩﻞ ﺑﻮﻟﺪﻯ ﻣﯘﻧﺪﺍﻕ ﻧﻮﭼﯩﻜﻪﻥ ›› ﺩﻩﭖ ﻗﯩﺰﺍﺭﻣﺎﻱ ﻣﺎﺧﺘﺎﻳﺪﯗ . ﻗﻪﻳﻪﺭﻧﯩﯔ ﺑﺎﺷﻠﯩﻘﻠﯩﺮﯨﻜﯩﻦ ﺑﯩﺰ ﻗﯘﺭﻏﺎﻗﭽﯩﻠﯩﻘﻘﺎ ﺋﯘﭼﯘﺭﺳﺎﻗﻤﯘ ﺗﺎﺭﺗﯩﻨﻤﺎﻱ ‹‹ ﺋﯘﻧﺪﺍﻕ ﻣﻮﻝ ﮬﻮﺳﻮﻝ ، ﻣﯘﻧﺪﺍﻕ ﺋﺎﺷﯘﺭﯗﭖ›› ﺩﻩﭖ ﺩﻭﻛﻼﺕ ﺑﯧﺮﯨﺪﯗ . ﮬﯧﻠﯩﻘﻰ ‹‹ ﺧﻪﻟﻖ ﺳﯚﻳﮕﻪﻥ ﺳﻪﻧﺌﻪﺗﻜﺎﺭ›› ﺩﻩﯞﺍﻟﻐﺎﻥ ﺑﯩﺮﻯ ﺑﺎﻏﯘ..ﯞﺍﻱ ﮬﯧﻠﯩﻘﻰ ﺑﻮﻳﻨﻰ ﺋﯘﺯﯗﻥ ...ﮬﻪ ﺷﯘ .. ﻛﯚﮔﻪﻧﻼ ﺑﯩﺮ ﺩﻩﻳﺪﻩ ﺋﯧﻼﻧﻨﻰ ﺗﻪﻧﻘﯩﺖ ﻗﯩﭗ ﺋﯧﭙﯩﺰﻭﺕ ﺋﻮﻳﻨﺎﭖ ﺑﯩﺮ ﻣﯘﻧﭽﻪ ﭘﯘﻝ ﺗﺎﭘﻘﺎﻥ..ﺋﻪﻣﺪﻯ ﻛﯚﺭﯞﺍﺗﯩﻼ ﺗﯧﻠﯟﯨﺰﻭﺭﺩﺍ ﺧﯩﻤﯩﻴﯩﯟﻯ ﺋﻮﻏﯘﺗﻨﻰ ﻣﺎﺧﺘﺎﭖ ﺑﻪﻙ ﺋﺎﻟﺪﯨﺮﺍﺵ . ﺋﯘﻧﯩﯖﺪﯨﻨﻤﯘ ﺑﯩﺮ ﻣﯘﻧﭽﻪ ﭘﯘﻝ ﺗﺎﭘﯩﺪﯗ ﺑﯩﭽﺎﺭﻩ . ﻧﯩﻤﯩﺸﻘﺎ ﺑﯩﭽﺎﺭﻩ ﺩﻩﻳﻼ ﺩﻩﻣﻼ ﺋﻪﻟﯟﻩﺗﺘﺎ ﺑﯩﭽﺎﺭﯨﺪﻩ..ﭘﯘﻝ ﺗﺎﭘﺴﯩﻼ ﮬﯧﺴﺎﭘﻤﯘ ﺋﯘﻧﺪﺍﻕ ﺋﺎﻟﺪﻯ-ﻛﻪﻳﻨﯩﮕﻪ ﺳﯩﻴﯩﭗ ﻳﺎﺷﯩﻐﺎﻧﺪﯨﻦ...ﺧﯩﻤﯩﻴﯩﯟﻯ ﺋﻮﻏﯘﺗﻨﯩﯔ ﺯﯨﻴﯩﻨﯩﻨﻰ ﺑﯩﻠﻪﺭﻻ ..ﺗﯜﮔﻪﺗﺘﻰ ﻳﻪﺭﻟﻪﻧﻰ.... ...ﺋﺎﯞﯗ ﻧﺎﯞﺍﻱ ﺟﯧﻨﯩﺪﺍ ﺳﯜﻧﺌﻰ ﺧﯧﻤﯩﺮﻧﻰ ﺑﯩﺮ ﺗﯩﻠﻠﯩﺴﺎ ﺋﯩﻜﻜﯩﻨﭽﻰ ﻣﺎﺧﺘﯩﻤﺎﻳﺪﯗ. ﻣﻪﻥ ﺟﯧﻨﯩﻤﺪﺍ ﺑﯩﻠﻤﻪﺳﺘﯩﻦ ‹‹ ﻣﺎﯞﯗ ﺧﺎﺗﺎﻛﻪﻥ›› ﺩﻩﭖ ﺳﺎﻟﺴﺎﻡ ﺋﻪﺗﯩﺴﯩﻼ ‹‹ ﺗﻮﻏﺮﯨﻜﻪﻥ›› ﺩﯨﻴﯩﺸﺘﯩﻦ ﺋﯚﻟﮕﯜﺩﻩﻙ ﻧﻮﻣﯘﺱ ﻗﯩﻠﯩﻤﻪﻥ. ﺑﯩﺮﻣﯘﻧﭽﻪ ﺧﻪﻧﺰﯗ ﺋﻪﺭﺗﯩﺲ ﺯﯨﻴﺎﻟﯩﻴﻼﺭ ﺗﯚﯞﻩﻧﮕﻪ ﭼﯜﺷﯜﭖ ﺧﻪﻟﯩﻘﺘﯩﻦ ﮬﺎﻝ ﺳﻮﺭﺍﭖ ﮬﻪﻗﺴﯩﺰ ﺋﻮﻳﯘﻥ ﻗﻮﻳﯘﭘﺘﯘ . ﻗﺎﻳﺴﻰ ﻛﯜﻧﻰ ﺑﯩﺮ ﺋﻪﺭﺗﯩﺲ ﺗﯧﻠﯟﯨﺰﻭﺭﺩﺍ ﺋﯜﺭﯛﻣﭽﯩﺪﻩ ﺋﻮﻳﯘﻧﯩﻨﻰ ﻗﻮﻳﯘﭖ ﺑﻮﻟﯘﭖ ﺗﯚﯞﻩﻧﺪﯨﻤﯘ ﺧﻪﻟﻘﯩﮕﻪ ﺋﻮﻳﯘﻥ ﻗﻮﻳﯘﭖ ﺑﯧﺮﺩﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﮬﻪﻗﺴﯩﺰ ﻗﻮﻳﺎﻣﺪﯗ . ﺋﻪﻟﻠﯩﻚ ﻛﻮﻱ ﺩﯨﺴﻠﻪ ﺑﯧﻠﯩﺘﻰ . ﺑﯘﻻﺭ ﺷﯩﻨﺠﺎﯕﻨﻰ ﺋﺎﻳﻠﯩﻨﯩﭗ ﮬﻪﻗﺴﯩﺰ ﺋﻮﻳﯘﻥ ﻗﻮﻳﯩﺪﯨﻐﺎﻧﻼﺭﻣﺎ. ﺗﯚﯞﻩﻧﮕﻪ ﭼﯜﺷﺴﻪ ﻛﯚﺗﻪ-ﻛﯚﺗﻪ ﺑﯩﻠﻪﻥ ﻣﯧﮭﻤﺎﻧﺪﺍﺭﭼﯩﻠﯩﻖ ، ﺋﯩﺸﯩﻚ ﺋﺎﻟﺪﯨﻐﺎ ﺑﯧﺮﯨﭗ ﻗﺎﻟﺴﯩﻼ ﺳﺎﻟﯩﻤﻰ ﻗﺎﯞﯗﻝ ، ‹‹ ﺋﯩﺸﻼﺭ ﺋﺎﻟﺪﯨﺮﺍﺵ ﻳﻪﻧﻪ ﻛﯚﺭﯨﺸﻪﺭﻣﯩﺰ›› . ﺑﯩﺮ ﺑﺎﻗﻘﺎﻟﻨﯩﯔ ﺋﺎﻟﺪﯨﻐﺎ ﺑﯧﺮﯨﭗ ﻗﺎﻟﺴﺎ ﺋﯩﭽﯩﺪﻩ ‹‹ ﺗﯧﻠﯟﯨﺰﻭﺭ ﻛﯚﺭﻣﯩﮕﻪﻥ ﻧﯩﻤﯩﻤﯘ ﺑﯘ . ﺑﯩﻜﺎﺭﻏﺎ ﺑﻪﺭﻣﯩﺴﯩﻤﯘ ﺋﻪﺭﺯﺍﺭﺍﻕ ﺑﻪﺭﻣﯩﺪﺍ›› ﺩﻩﭖ ﻏﻮﺗﯘﻟﺪﺍﻳﺪﯗ . ﺑﺎﻻﻣﻨﯩﯔ ﺩﯨﻴﯩﺸﯩﭽﻪ ﮬﺎﺯﯨﺮ ﺋﯘﻳﻐﯘﺭﻻﺭﻧﯩﯔ ﺑﯩﺮ ﻧﻪﭼﭽﻪ ‹‹ ﭘﻪﻳﻼﺳﻮﭖ›› ﻯ ﺑﯩﺮ-ﺑﯩﺮﻯ ﺑﯩﻠﻪﻥ ﻗﺎﺗﺘﯩﻖ ﺗﯘﺗﯘﺷﯘﭖ ﻗﺎﭘﺘﯘ . ﺑﯩﺮﻯ ﻳﻪﻧﻪ ﺑﯩﺮﯨﻨﯩﯔ ‹‹ ﺋﻮﻏﺮﻯ›› ﻟﯩﻘﯩﻨﻰ ﻳﻪﻧﻪ ﺑﯩﺮﻯ ﻳﻪﻧﻪ ﺑﯩﺮﯨﻨﯩﯔ ‹‹ ﻣﯘﻧﺎﭘﯩﻖ›› ﻟﯩﻘﻰ ،‹‹ ﺋﯩﻤﺎﻧﺴﯩﺰ›› ﻟﯩﻘﻰ ﺗﻮﻏﺮﯨﺴﯩﺪﺍ ﻗﺎﺗﺘﯩﻖ ﺋﯩﺴﭙﺎﺕ ﺗﻮﭘﻼﯞﯦﺘﯩﭙﺘﯘ. ﺑﯩﺰﻧﯩﯔ ﺑﺎﻟﯩﻤﯘ ﺷﯘﻻﻧﯩﯔ ﺑﯩﺮﯨﮕﻪ ﺋﯩﺨﻼﺱ ﻗﯩﻠﯩﺪﯨﻜﻪﻥ. ﺷﯘﯕﺎ ﻣﻪﮬﻪﻟﯩﺪﻩ ﻳﻪﻧﻪ ﺑﯩﺮ "ﭘﻪﻳﻼﺳﻮﭖ"ﻧﯩﯔ ﭼﻮﻗﯘﻧﻐﯘﭼﯩﻠﯩﺮﻯ ﺑﯩﻠﻪﻥ ﮔﻪﭘﻠﻪﺷﻤﻪﻳﺪﯨﻐﺎﻥ ﺑﻮﭖ ﻗﺎﭘﺘﯘ. ﻗﺎﺭﯨﺴﻼ ﻣﺎﮔﯘﻳﻼﺭﻧﯩﯔ ﭘﻪﺳﻠﯩﻜﯩﻨﻰ .ﻧﻮﭼﻰ ﺑﻮﻟﺴﺎ ﭼﻮﯓ-ﭼﻮﯓ ﺋﻮﻏﯘﺭﻟﯘﻕ ﻗﯩﻠﯩﯟﺍﺗﻘﺎﻥ ﻳﺎﻛﻰ ﻣﯘﻧﺎﭘﯩﻘﻠﯩﻖ ﻗﯩﻠﻐﺎﻥ ﺑﺎﺷﻠﯩﻘﻠﯩﺮﯨﻨﻰ ﺷﯘﻧﺪﺍﻕ ﺗﯩﻠﻼﭖ ﺑﺎﻗﺴﺎ ﺑﻮﻟﻤﺎﻣﺪﯗ. ﺋﯚﺯﻟﯩﺮﯨﻨﻰ ﺑﯩﺰﻧﯩﯔ ﺗﯜﯞﺭﯨﻜﯩﻤﯩﺰ ﮬﯧﺴﺎﭘﻠﯩﻐﺎﻧﺪﯨﻜﯩﻦ ﻣﺎﻳﻪﺩﻩ ﺑﻮﻟﯩﯟﺍﺗﻘﺎﻥ ﺧﺎﺗﺎ ﺳﯩﻴﺎﺳﻪﺗﻠﻪﺭﻧﻰ ﭘﺎﺭﯨﺨﻮﺭ ﺑﺎﺷﻠﯩﻘﻼﺭﻧﻰ "ﻣﯘﻧﺎﭘﯩﻖ،ﺋﻮﻏﺮﻯ" ﺩﻩﭖ ﺗﯩﻠﻼﭖ ﺑﺎﻗﺴﺎ ﺑﻮﻟﻤﺎﻣﺪﯗ، ﺗﯩﻠﻠﯩﻴﺎﻟﻤﺎﻳﺪﯗ ،ﻳﯘﺭﺕ ﺑﯘﺯﯗﺷﻨﯩﻼ ﺑﯩﻠﯩﺪﯗ.ﺳﻮﭘﯩﻼﺭﺩﯨﻦ ﭘﻪﺭﻗﻰ ﻳﻮﻕ،ﻣﯘﺭﯨﺖ ﺗﻮﭘﻼﭖ... ﮬﯘ ! ﮔﺎﻻﺳﺘﯘﻛﻠﯘﻕ ﺋﯩﺸﺎﻧﻼﺭ... ﻧﯩﻤﻪ ﺋﯘ ﻣﯘﻧﺎﭘﯩﻖ ،ﺋﯩﻤﺎﻧﺴﯩﺰ،ﺋﻮﻏﺮﻯ ﺩﯨﮕﻪﻥ ﺑﯩﺰ ﻗﺎﺭﺍ ﻗﻮﺳﺎﻕ ﺗﯘﺭﯗﭘﻤﯘ ﺋﯘﻧﺪﺍﻕ ﮔﻪﭘﻨﻰ ﺋﺎﻟﺪﯨﺮﺍﭖ ﻗﯩﻠﻤﺎﻳﻤﯩﺰ. ﮬﻪﺩﯨﺴﺘﻪ ﺑﺎﻏﯘ " ﻛﯩﻢ ﺑﯩﺮﺍﯞﻧﻰ ﺋﯘﻧﯩﯖﺪﺍ ﻳﻮﻕ ﺋﯩﻠﻠﻪﺕ ﺑﯩﻠﻪﻥ ﮬﺎﻗﺎﺭﻩﺗﻠﯩﺴﻪ ﺋﯚﺯﯨﮕﻪ ﻗﺎﻳﺘﯩﺪﯗ"ﺩﻩﭖ. ﺋﻪﻣﺪﻯ ﻛﯩﻢ ﻣﯘﻧﺎﭘﯩﻖ ﺑﻮﻟﯩﺪﯗ ﺩﻩﻳﻼ..ﯞﺍﻱ ﺑﯘﺭﯗﺗﯩﻐﺎ ﺋﯩﮕﻪ ﺑﻮﻻﻟﻤﺎﻳﺪﯨﻐﺎﻥ "ﺑﺎﺗﯘﺭﻻﺭ". ﻛﻮﻧﺎ ﺑﯩﺮ ﮔﻪﭘﻨﻰ ﻗﯩﭗ ﺑﯧﺮﻩﻱ..ﮬﯧﻠﯩﻘﻰ ﻗﻪﺩﯨﻤﺪﯨﻜﻰ ﻳﯘﻩﻥ ﺳﯘﻻﻟﯩﺴﻰ ﺩﯨﮕﻪﻥ ﯞﺍﻗﯩﺘﺘﺎ ﻣﯘﺷﯘ ﺋﺎﺩﻩﻣﻠﻪﺭﻧﻰ ﺗﻪﺑﯩﻘﯩﻐﻪ ﺑﯚﻟﯜﭖ..ﺗﯩﻠﻪﻣﭽﯩﻠﻪﺭﻧﻰ 7-ﺗﻪﺑﯩﻘﯩﻐﻪ، ﭘﺎﮬﯩﺸﻪﻟﻪﺭﻧﻰ 8-ﺗﻪﺑﯩﻘﯩﻐﻪ، ﺯﯨﻴﺎﻟﯩﻴﻼﺭﻧﻰ 9-ﺗﻪﺑﯩﻘﯩﻐﻪ ﺑﯚﻟﯜﭘﺘﯘ. ﻧﯩﻤﯩﺸﻘﺎ ﺩﻩﻣﻼ..ﺋﯘ ﯞﺍﻗﯩﺘﻼﺭﺩﯨﻜﻰ ﺋﺎﺩﻩﻣﻠﻪﺭﻣﯘ ﺩﯙﺕ ﺋﻪﻣﻪﺳﺘﻪ...ﺗﯩﻠﻪﻣﭽﻰ ﻣﻪﻥ ﺩﯨﮕﻪﻥ ﺗﯩﻠﻪﻣﭽﻰ ﺩﻩﭖ ﺋﺎﺷﻜﺎﺭﺍ ﺗﯩﻠﻪﻳﺪﯗ.. ﭘﺎﮬﯩﺸﻪﻟﻪﺭﻣﯘ "ﻣﻪﻥ ﺩﯨﮕﻪﻥ ﭘﺎﮬﯩﺸﻪ "ﺩﻩﭖ ﺗﯧﻨﯩﻨﻰ ﺳﺎﺗﯩﺪﯗ.. ﺯﯨﻴﺎﻟﯩﻴﻼﺭﭼﯘ " ﺑﯩﺰ ﺩﯨﮕﻪﻥ ﺋﺎﯞﺍﻣﻨﻰ ﭼﯩﺮﯨﻘﻰ "ﺩﻩﯞﺍﻟﻐﺎﻥ ﺑﯩﻠﻪﻥ ﮬﯧﭽﻴﻪﺭﮔﻪ ﭼﯩﺮﺍﻕ ﻳﺎﻗﻤﺎﻳﺪﯗ. ﺋﺎﯞﯗ ﻳﯘﻗﯘﺭﻯ ﻣﻪﮬﻪﻟﯩﺪﯨﻜﻰ ﮬﯧﻠﯩﻘﻰ ﺑﻮﻛﯩﺴﭽﻰ"ﻧﻮﭼﻰ" ﻧﻰ ﺑﯩﻠﯩﻼ.ﻗﺎﻳﺴﻰ ﻛﯜﻧﻰ ﺑﯩﺰﻧﯩﯔ ﺑﻪﻛﺮﺍﺧﯘﻥ ﺑﯩﺮ ﺑﻮﺩﻩﻙ ﺑﯩﻠﻪﻥ ﺗﺎﻛﺎﻟﯩﺸﯩﭗ ﻗﺎﭘﺘﯘ، ﺋﯘﻻﺭ ﺋﯩﺘﺘﯩﺮﺷﯩﯟﺍﺗﺴﺎ ﻗﺎﻳﺎﻗﺘﯩﻨﺪﯗ ﺑﻮﻛﯩﺴﭽﻰ ﻛﯧﻠﯩﭗ "ﺑﻪﻛﺮﺍﺧﯘﻧﻜﺎ ﻛﯩﻤﯘ ﺳﯧﻨﻰ ﺑﻮﺯﻩﻙ ﻗﯩﻠﻐﺎﻥ "ﺩﻩﭘﻼ ﺟﯩﺪﻩﻟﮕﻪ ﺋﺎﺭﻟﯩﺸﯩﭙﺘﯘ.ﺷﯘ ﭼﺎﻏﺪﺍ ﮬﯧﻠﯩﻘﻰ ﺑﻮﺩﻩﻙ ﺑﻮﻛﯩﺴﭽﯩﻐﺎ "ﺯﺍﻟﻪ...ﺯﺍﻟﻪ..." ﺩﻩﭘﺘﯩﻜﻪﻥ .ﺋﺎﯞﯗ ﻧﻮﭼﻰ ﺗﯘﺭﯗﭖ ﻛﯧﺘﯩﭗ"ﺑﻮﻟﺪﻯ ﺋﯚﺯﻩﯕﻼﺭﻧﯩﯔ ﺋﯩﺸﯩﻜﻪﻥ ﺋﺎﻛﺎ " ﺩﻩﭖ ﻳﻮﻟﯩﻐﺎ ﻣﯧﯖﯩﭙﺘﯘ.ﺷﯘﻧﯩﯔ ﺑﯩﻠﻪﻥ ﺑﻮﺩﻩﻙ"ﻗﺎﻧﺪﺍﻕ ﭼﺎﻗﺎﺭﻏﺎﻥ ﺋﺎﺩﯨﻤﯩﯔ ﺷﯘﻣﯩﺘﺘﻰ"ﺩﻩﭖ ﺑﻪﻛﺮﺍﺧﯘﻧﻐﺎ ﺋﯘﺷﺸﯘﻗﻠﯘﻗﻨﻰ ﺑﺎﺷﻼﭘﺘﯩﻜﻪﻥ..ﺧﯘﺩﺍﻳﯩﻢ ﺗﻮﯞﯞﺍ ﺋﻪﻣﺪﯨﻼ ﻣﺎﯕﻐﺎﻥ ﺑﻮﻛﯩﺴﭽﻰ ﻧﻮﭼﻰ" ﺋﻪﺳﻠﯩﺪﻩ ﺋﯘﻳﻐﯘﺭﻛﻪﻧﻐﯘ ﻣﺎﯞﯗ..ﻧﯩﻤﻪ ﺩﻩﻳﺴﻪﻥ ﮬﯧﺠﯩﻘﯩﺰ.."ﺩﻩﭖ ﻗﺎﻳﺘﯩﭗ ﻛﻪﭖ ﺑﻪﻛﺮﺍﺧﯘﻧﻨﻰ ﻣﯘﺵ ﻳﯩﻴﯩﺸﺘﯩﻦ ﻗﯘﺗﯘﻟﺪﯗﺭﯞﺍﭘﺘﯘ....ﺑﯘﻧﻰ ﺋﺎﯕﻼﭖ ﺩﻩﺳﻠﻪﭖ ﺷﯘﻧﺪﺍﻕ ﻛﯜﻟﯜﭖ ﻛﻪﺗﺘﯩﻢ ،ﺋﺎﺧﯩﺮﻯ ﺑﯧﺮﯨﭗ ﻳﯩﻐﻼﭖ ﻗﺎﻟﺪﯨﻢ ﺩﯗﮔﺎﻣﻪﺕ.ﺑﯩﺰ ﻳﯩﻐﻠﯩﻤﺎﻱ ﻛﯩﻢ ﻳﯩﻐﻼﻳﺪﯗ ﺩﻩﻳﻼ .... ﻣﺎﻧﺎ ﺑﯩﺰﻧﯩﯔ ﺯﯨﻴﺎﻟﯩﻲ ﺑﻮﻟﺴﯘﻥ "ﻧﻮﭼﯩﻼﺭ" ﺑﻮﻟﺴﯘﻥ ﺋﻪﮬﯟﺍﻟﻰ ﺷﯘ . ﺋﯚﺯ-ﺋﺎﺭﺍ ﭘﯩﭽﺎﻕ ﻛﯚﺗﯜﺭﯛﭖ "ﺟﯩﮭﺎﺕ"ﻗﯩﻠﯩﺸﺘﯩﻦ ﻳﺎﻧﻤﺎﻳﺪﯗ.ﺋﻪﻣﻤﺎ ﻳﺎﻣﺎﻧﻨﻰ ﻛﯚﺭﺳﻪ ﻗﯘﻳﺮﯗﻗﯩﻨﻰ ﻧﻪﮔﻪ ﺗﯩﻘﯩﯟﺍﻟﻐﯩﻨﯩﻨﯩﻤﯘ ﺑﯩﻠﻪﻟﻤﻪﻱ ﻗﺎﻟﯩدۇ ﻣﻪﻥ ﺑﯩﺮﻩﺭ ﺯﯨﻴﺎﻟﯩﻨﯩﯔ ﺑﯩﺰﻧﻰ ﺩﻩﭖ ﻳﺎﻗﺎ ﻳﯩﺮﺗﯩﭗ ﻳﯘﻗﯘﺭﻯ ﺋﻮﺭﯗﻧﻼﻏﺎ ﭼﯩﻘﯩﭗ ﺑﺎﻗﻘﯩﻨﯩﻨﻰ ﻳﺎﻛﻰ ﺑﯩﺮﻩﺭ ﻣﺎﺋﺎﺷﻠﯩﻘﻨﯩﯔ ﺑﯩﺰ ﺋﯜﭼﯜﻥ ﻧﺎﮬﻪﻗﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﭖ ﺳﻮﻟﯩﻨﯩﭗ ﻛﻪﺗﻜﯩﻨﯩﻨﻰ ﺋﺎﯕﻠﯩﻤﯩﺪﯨﻢ. "ﺧﻪﻟﻘﯩﻢ" ﺩﻩﭖ ﻛﯧﺘﯩﺪﯗ. ﺑﯩﺮﻩﺭ ﻛﯩﺘﺎﯞﻯ ﻳﺎﻛﻰ ﻟﯧﻨﺘﯩﺴﯩﻨﻰ ﻧﻪﺷﯩﺮ ﻗﯩﻠﺴﺎ ﻛﯩﻢ ﺋﺎﻟﯩﺪﯗ "ﺧﻪﻟﻘﯩﻢ" ﺩﻩﭖ ﺋﺎﻟﺪﺍﭖ ﺗﯘﺭﻣﯩﺴﺎ.....ﺋﻪﻣﻤﺎ "ﺧﻪﻟﻘﯩﻢ" ﺩﻩﭖ ﻣﻪﻳﺪﯨﺴﯩﻨﻰ ﻛﯧﺮﯨﭗ ﭼﯩﻘﯩﺪﯨﻐﺎﻥ ﺳﻮﺭﯗﻧﺪﺍ ﺗﺎﭘﻘﯩﻠﻰ ﺑﻮﻟﻤﺎﻳﺪﯗ. ﻣﯘﺷﯘ ﻳﯘﻗﯘﺭﺩﯨﻦ ﻛﯧﻠﯩﺪﯨﻐﺎﻥ ﺳﯩﻴﺎﺳﻪﺗﻠﻪﺭﮔﻪ ﺋﺎﯞﺍﻝ ﺷﯘ ﺯﯨﻴﺎﻟﯩﻴﻼﺭﺩﯨﻦ ﭘﯩﻜﯩﺮ ﺋﺎﻟﯩﺪﯗ ﺩﻩﻳﺪﯗ. ﺑﯘﻻﺭ ﺗﻪﺳﺘﯩﻘﻼﺷﺘﯩﻦ ﺑﯘﺭﯗﻥ ﺑﺎﺷﻠﯩﻘﻼﺭﻧﯩﯔ ﻛﯚﺯﯨﮕﻪ ﻗﺎﺭﺍﻳﺪﯨﻜﻪﻥ. ﺑﺎﺷﻠﯩﻘﻨﯩﯔ ﻛﯚﺯﯨﻨﯩﯔ ﺋﯧﻘﻰ ﺟﯩﻘﺮﺍﻕ ﺗﯘﺭﺳﺎ "ﻗﺎﺭﯨﻨﯩﻤﯘ ، ﺋﺎﻕ" ﺩﻩﭖ ﺗﻪﺳﺘﯩﻘﻼﻳﺪﯨﻜﻪﻥ. ﻗﺎﺭﯨﺴﻼ ﻣﯘﺷﯘﻧﺪﺍﻕ ﺧﻪﻗﻨﻰ ﻣﯩﻠﻠﻪﺗﻨﯩﯔ ﺗﯜﯞﺭﯨﻜﻰ ﺩﯨﺴﻪﻙ ﻗﻪﺩﯨﻤﻘﻰ ﭘﺎﺩﯨﺸﺎﻻﺭﻧﯩﯔ ﺋﻮﺭﺩﯨﺴﯩﺪﯨﻜﻰ ﺋﺎﻛﺎﺑﯩﺮ-ﺋﻪﺷﺮﻩﭖ ،ﺋﺎﻏﯟﺍﺗﻼﺭﻧﻰ ﻣﯩﻠﻠﻪﺗﻨﯩﯔ ﭘﺎﻧﺎﮬﻰ ﺩﯨﺴﻪﻙ ﺑﻮﻟﻐﯘﺩﻩﻙ ﺟﯘﻣﯘ. ﻗﺎﻳﺴﻰ ﻛﯜﻧﻰ ﻣﯧﻨﯩﯔ ﺑﯩﺮ ﺯﯨﻴﺎﻟﻰ ﺗﻮﻧﯘﺷﯘﻡ " ﺋﯚﺯﻟﯩﺮﻯ ﺳﻪﻝ ﺩﯨﻘﻘﻪﺕ ﻗﯩﻠﺴﯩﻼ ،ﺑﯩﻜﺎ ﺳﺎﻳﺮﯨﺘﯩﭗ-ﺳﺎﻳﺮﯨﺘﯩﭗ ﺑﯩﺮﺍﻗﻼ ﺑﻮﻏﻤﯩﺴﯘﻥ" ﺩﻩﻳﺪﯗ. ﻣﻪﻥ ﺩﯨﺪﯨﻢ" ﮬﯧﻠﯩﻘﻰ ﮬﻪﻣﻤﻪ ﺋﯧﻘﯩﻤﻼﺭ ﺑﻪﺱ-ﺑﻪﺳﺘﻪ ﺳﺎﻳﺮﺍﺵ ﺩﻩﭖ ﺳﺎﻳﺮﯨﺘﯩﭗ ﺋﺎﺧﯩﺮﯨﺪﺍ ﺑﯩﺮﺍﻗﻼ ﺟﺎﻳﻠﯩﻐﺎﻧﺪﻩﻙ ﺋﯩﺶ ﺑﻮﭖ ﻗﺎﻟﻤﯩﺴﯘﻥ ﺩﻩﻣﻼ. ﺧﺎﺗﯩﺮﺟﻪﻡ ﺑﻮﻟﺴﯩﻼ ﻣﻪﻥ ﺑﯩﺮﻩﺭ ﺋﻮﺭﯗﻥ ﺳﺎﻳﺮﺍ ﺩﯨﺴﻪ ﺋﯚﺯﻩﻣﻨﻰ ﺑﯩﻠﻪﻟﻤﻪﻱ ﺳﺎﻳﺮﺍﭖ ﻛﯧﺘﯩﺪﯨﻐﺎﻥ ﺋﺎﺩﻩﻡ ﺋﻪﻣﻪﺱ. ﻣﻪﻥ ﺑﺎﻏﯘ ، ﺳﺎﻳﺮﯨﻤﺎ ﺩﯨﺴﯩﻤﯘ ﺳﺎﻳﺮﯨﻐﯘﻡ ﻛﻪﻟﺴﻪ ﺳﺎﻳﺮﺍﯞﯦﺮﯨﺪﯨﻐﺎﻧﻼﺭﺩﯨﻦ . ﻣﻪﻥ ﺳﺎﻳﺮﯨﺴﺎﻡ ﺑﺎﺷﻘﯩﻼﺭ ﮬﻪﻳﺮﺍﻥ ﻗﺎﻟﺴﯘﻥ ﺩﻩﭖ ﺳﺎﻳﺮﯨﻤﺎﻳﻤﻪﻥ. ﻣﺎ ﺋﯩﭽﯩﻤﺪﯨﻜﻰ ﺳﯧﺮﯨﻖ ﺳﯘﻧﻰ ﭼﯩﻘﯩﺮﯞﯦﻠﯩﺸﻘﯩﻼ ﺳﺎﻳﺮﺍﻳﻤﻪﻥ. ﻧﯚﯞﻩﺕ ﻛﻪﭖ ﻗﺎﻟﺴﺎ ﻣﺎﻧﺎ ﺑﺎﺵ . " ﺩﯨﺴﻪﻡ ﺩﯨﻤﯩﻐﯩﺪﺍ ﻛﯜﻟﯜﭖ ﺗﯘﺭﯨﺪﯗ. ﺋﺎﭼﭽﯩﻘﯩﻤﺪﺍ "ﺋﯚﺯﻟﯩﺮﻯ ﻳﻮﻟﯟﺍﺱ ﻳﻮﻕ ﺗﺎﻏﺪﺍ ﻣﺎﻳﻤﯘﻥ ﭘﺎﺩﯨﺸﺎ ﺩﯨﮕﻪﻧﻨﻰ ﺋﺎﯕﻠﯩﻐﺎﻧﻤﯘ ، ﮬﻪ ..ﻧﯩﻤﯩﺸﻘﺎ ﻣﺎﻳﻤﯘﻥ ﭘﺎﺩﯨﺸﺎ ﺑﻮﻟﯘﺷﻘﺎ ﻣﻪﺟﺒﯘﺭ ﺑﻮﻟﯩﺪﯗ ﺩﯨﺴﻠﻪ..ﺋﺎﯞﯗ ﻳﻮﻟﯟﺍﺱ ﺋﺎﺧﺘﺎ ﺑﻮﻟﯘﭖ ﻗﯧﻠﯩﭗ، ﺋﯚﻳﯩﺪﻩ ﻛﯩﺮ ﻳﯘﯞﺍﺗﻘﯩﺪﻩﻙ. ﺋﺎﻣﺎﻝ ﻳﻮﻕ ﻣﺎﻳﻤﯘﻥ ﺑﻮﻟﺴﯩﻤﯘ ﺋﻪﺭﻛﻪﻙ ﺑﻮﻟﻐﺎﭼﻘﺎ ﭘﺎﺩﯨﺸﺎ ﺑﻮﻟﯘﭘﺘﯘ . " ﺩﻩﭘﺘﯩﻤﻪﻥ . " ﺋﺎﺟﺎﻳﯩﭗ ﮔﻪﭖ ﻗﯩﻠﯩﻼ ﺟﯘﻣﯘ"..ﺩﻩﭖ ﮬﯩﺠﯩﻴﯩﭗ ﻳﻮﻗﺎﻟﺪﻯ . ﺋﯘﻧﯩﯔ ﻧﯩﻴﺘﻰ ﻗﺎﺭﯨﻤﺎﻗﻘﺎ ﻳﺎﺧﺸﯩﺪﻩﻙ ﻛﯚﺭﯛﻧﮕﻪﻥ ﺑﯩﻠﻪﻥ ﺷﯘ ﻛﯜﻥ ﻛﻪﭖ ﻗﺎﻟﺴﺎ "ﻣﻪﻥ ﺩﯨﻤﯩﺪﯨﻤﻤﯘ" ﺩﻩﭖ ﺟﯘﮔﯧﻠﯩﻴﺎﯕﻠﯩﻖ ﻗﯩﻠﯩﭗ ﺗﺎﻣﺎﺷﺎ ﻛﯚﺭﯛﭖ ﺋﻮﻟﺘﯘﺭﯨﺪﯗ.ﮬﯧﭻ ﻗﺎﭼﺎﻧﺪﺍ "ﻣﺎ ﺋﺎﺩﻩﻣﮕﻪ ﻧﯩﻤﻪ ﺑﻮﻟﺪﻯ ؟ "ﺩﻩﭖ ﻛﻮﭼﯩﻐﺎ ﭼﯩﻘﻤﺎﻳﺪﯗ. ﻣﯘﺷﯘ ﻗﻮﺵ ﺗﯩﻠﺪﯨﻦ ﻛﯧﻴﯩﻦ ﻳﻪﻧﻪ ﻳﻪﺳﻠﯩﺪﯨﻦ ﺑﺎﺷﻼﭖ ﺧﻪﻧﺰﯗﭼﻪ ﺋﻮﻗﯘﺗﯘﺵ ﺩﻩﻳﺪﯨﻐﺎﻥ ﺑﯩﺮ ﮔﻪﭖ ﭼﯩﻘﺘﻰ. ﺑﯘﻧﯩﯖﻐﺎ ﻧﻪﭼﭽﻪ ﺗﺎﻝ ﺯﯨﻴﺎﻟﯩﺪﯨﻦ ﺑﺎﺷﻘﯩﺴﻰ ﻛﯚﺯﯨﻨﻰ ﭘﺎﺭﻗﯩﺮﺗﯩﭗ ﻗﺎﺭﺍﭖ ﺋﻮﻟﺘﺎﺭﺩﻯ. ﺋﻪﻣﻤﺎ ﻳﯩﺮﺍﻕ ﭼﻪﺗﺌﻪﻟﺪﯨﻜﻰ ﻧﯧﻨﯩﻤﯩﺰﻧﻰ ﻳﻪﭖ ﺑﺎﻗﻤﯩﻐﺎﻥ ﺑﯩﺮ ﺋﺎﻟﯩﻤﯩﻤﯩﺰ ﺋﯘﻳﻐﯘﺭ ﺑﻮﻟﻐﺎﭼﻘﺎ ﻧﻪﭼﭽﯩﻠﯩﮕﻪﻥ ﻣﺎﻗﺎﻟﯩﻼﺭﻧﻰ ﻳﯧﺰﯨﭗ ﺑﯘﻧﯩﯔ ﺯﯨﻴﯩﻨﯩﻨﻰ ﭼﯜﺷﻪﻧﺪﯛﺭﺩﻯ. ﺋﻪﻣﻤﺎ ﺋﻪﺗﺮﺍﭘﯩﻤﯩﺰﺩﯨﻜﻰ ﺑﯩﺰﺩﯨﻦ ﺋﺎﻟﻐﺎﻥ ﺑﺎﺟﻨﻰ ﻣﺎﺋﺎﺵ ﻗﯩﻠﯩﭗ ﺧﻪﺟﻠﻪﯞﺍﺗﻘﺎﻥ ﺋﯘﭼﺮﺍﭖ ﻗﺎﻟﺴﺎ ﭼﯧﻴﯩﻤﯩﺰﻏﺎ، ﺗﺎﻣﯩﻘﯩﻤﯩﺰﻏﺎ ﺩﺍﺧﯩﻞ ﺑﻮﻟﯩﯟﺍﺗﻘﺎﻥ ﻣﺎﺋﺎﺭﯨﭙﺸﯘﻧﺎﺱ ﺋﺎﺗﺎﻟﻐﺎﻥ ﺯﯨﻴﺎﻟﯩﻴﻼﺭ،ﺑﯩﺮ ﻗﻮﻟﺪﺍ ﮔﺎﻻﺳﺘﯘﻛﯩﻨﻰ، ﻳﻪﻧﻪ ﺑﯩﺮ ﻗﻮﻟﺪﺍ ﺋﯩﺸﺘﺎﻧﻨﯩﯔ ﺋﯧﻐﯩﻨﻰ ﭼﺎﯕﮕﺎﻟﻼﭖ "ﻣﺎﻳﻪﺭ ﺋﺎﻣﺎﻥ، ﻣﻪﻥ ﺋﺎﻣﺎﻥ، ﺋﯘﻧﺪﯨﻦ ﻗﺎﻟﺴﺎ ﺋﻪﻝ ﺋﺎﻣﺎﻥ" ﺩﻩﭖ ﺟﺎﮬﺎﻧﺪﺍﺭﭼﯩﻠﯩﻖ ﻗﯩﻠﯩﭗ ﻳﯜﺭﯨﯟﻩﺭﺩﻯ. ﺋﯚﺯﻟﯩﺮﻯ ﺑﯩﻠﻠﯩﻼ ﺟﯩﻤﻰ ﮬﻪﺷﻪﻣﻪﺕ،ﺋﯩﺴﺮﺍﭘﭽﯩﻠﯩﻖ ﺋﻪﺷﯘ ﮔﯘﻳﻼﺭﺩﯨﻦ ﻛﯧﻠﯩﺪﯗ. ﻳﻪﻧﻪ ﺗﯧﺨﻰ "ﺋﯘﻳﻐﯘﺭﻻﺭﺩﯨﻜﻰ ﺋﯩﺴﺮﺍﭘﺨﻮﺭﻟﯘﻕ ، ﮬﻪﺷﻪﻣﻪﺗﭽﯩﻠﯩﻚ" ﺩﻩﭖ ﺑﯩﺮﻧﯩﻤﯩﻠﻪﺭ ﻳﯧﺰﯨﭗ ﭘﯘﻝ ﺗﺎﭘﯩﺪﯗ،ﺋﯚﺯﻟﯩﺮﯨﭽﻪ ﮬﯚﺭﻣﻪﺕ ﺗﺎﭘﯩﺪﯗ. ﺗﯧﻠﯟﯨﺰﻭﺭﺩﺍ ﻗﺎﻳﻨﺎﭖ ﺳﯚﺯﻟﻪﭖ ﻛﯧﺘﯩﺪﯗ...ﯞﺍﻱ ﺑﺎﻳﻘﯘﺷﻼﺭ.....ﺋﯚﺯﻟﯩﺮﻯ ﺑﯩﻠﻪﻥ ﺑﯩﺰ ﺋﺎﺵ ﺗﯚﻛﺘﯜﻗﻤﯘ...ﭘﯘﻝ ﺑﯘﺯﺩﯗﻗﻤﯘ....ﻧﻪﺩﻩ ﺑﯩﺰﺩﻩ ﺑﯘﺯﻏﯘﺩﻩﻙ ﭘﯘﻝ، ﺗﯚﻛﻜﯜﺩﻩﻙ ﺋﺎﺵ ﺩﻩﻳﻼ....ﺷﯘﻧﺪﺍﻗﺘﯩﻤﯘ ﻳﺎﺯﻏﺎﻥ ﺑﯩﺮﻧﯩﻤﯩﺴﯩﺪﻩ "ﺋﯘﻳﻐﯘﺭﻻﺭ.." ﺩﻩﻳﺪﯗ..ﻧﯩﻤﯩﺸﻘﺎ "ﺯﯨﻴﺎﻟﯩﻴﻼﺭ..." ﺩﯨﻤﻪﻳﺪﯗ-ﺩﻩﻳﻤﻪﻥ ! ﮬﻪﻣﻤﯩﺴﯩﻼ ﺋﯘﻧﺪﺍﻕ ﺋﻪﻣﻪﺳﺘﯘ ﺩﻩﻣﻼ ؟ ﮬﻪﻣﻤﯩﺴﯩﻼ ﺷﯘ. ﺯﯨﻴﺎﻟﻰ ﺋﺎﺗﺎﻟﻐﯩﻨﯩﻨﯩﯔ ﮬﻪﻣﻤﯩﺴﻰ ﺷﯘﻧﺪﺍﻕ . ﻳﺎﻕ-ﻳﺎﻕ . ﺋﯚﺯﻟﯩﺮﻯ ﺩﯨﮕﻪﻥ ﺋﺎﺩﻩﻣﻠﻪﺭ ﺑﯩﻠﯩﻤﻠﯩﻚ ،ﺋﯧﺘﯩﻘﺎﺩﻟﯩﻖ ﺑﻮﻟﻐﺎﻥ ﺑﯩﻠﻪﻥ ﺯﯨﻴﺎﻟﻰ ﺋﻪﻣﻪﺱ. ﺋﺎﯞﯗ ﺳﺎﺩﯨﺮﭘﺎﻟﯟﺍﻧﻨﻰ ﺋﻮﻏﺮﯨﻼﺭﺩﯨﻦ ﺩﯨﮕﯩﻠﻰ ﺑﻮﻟﻤﯩﻐﺎﻧﺪﻩﻛﻼ ﺑﯩﺮ ﺋﯩﺶ ، ﺋﯘﻻﺭ ﺩﯨﮕﻪﻥ ﭘﺎﻻﻧﭽﻰ ،ﭘﯘﺳﺘﺎﻧﭽﻰ ﺩﻩﭖ ﺋﺎﺗﺎﻟﻐﺎﻥ ﻗﻪﮬﺮﯨﻤﺎﻧﻼﺭ. ﺯﯨﻴﺎﻟﯩﻠﯩﻖ ﺋﯘﻻﺭﻧﯩﯔ ﻛﻪﺳﭙﻰ ﺋﻪﻣﻪﺱ ، ﺋﯘﻻﺭﻧﻰ ﻣﺎ ﺯﯨﻴﺎﻟﻰ ﺩﯨﮕﻪﻥ ﺗﻮﭘﻘﺎ ﻗﻮﺷﯘﯞﺍﻟﻤﯩﺴﻼ. ﺋﯘﻻﺭ ﺩﯨﮕﻪﻥ ﺯﯨﻴﺎﻟﯩﺪﻩﻙ ﺧﯩﻴﺎﻟﻰ ﺋﻪﻣﻪﺱ. ﻧﻪﻕ ﺋﺎﻟﺪﯨﺪﯨﻜﻰ ﺗﯘﺭﻣﯘﺷﺘﺎ ﺗﯩﺮﯨﻚ ﻳﺎﺷﺎﻳﺪﯨﻐﺎﻥ ﺋﻪﺭﺩﻩﻙ ﺋﺎﺩﻩﻣﻠﻪﺭ. ﺋﯘﻻﺭﻧﻰ ﺯﯨﻴﺎﻟﯩﻲ ﺩﻩﭖ ﻳﺎﺭﺍﺗﻘﯘﭼﯩﻨﯩﯔ ﺋﺎﻟﺪﯨﺪﺍ ﮔﯘﻧﺎﮬﻜﺎﺭ ﺑﻮﻟﯘﭖ ﻗﺎﻟﻤﺎﻳﻠﻰ. ﻣﻪﺳﭽﯩﺘﺘﯩﻜﻰ ﺯﯨﻴﺎﻟﯩﻴﻼﺭﻣﯘ ﺋﻮﺧﺸﺎﺵ ﻣﻪﺳﭽﯩﺘﻜﻪ ﻛﯩﺮﯨﭗ ﺟﯩﻢ ﺋﻮﻟﺘﯘﺭﯗﭖ ﺑﻪﺭﺳﻪﻙ "ﻗﯩﺰﯨﻠﯩﺮﯨﯖﻼﺭﻧﻰ ﺑﺎﺷﻘﯘﺭﯗﯕﻼﺭ ، ﺋﻮﻏﯘﻟﻠﯩﺮﯨﯖﻼﺭﻧﻰ ﺋﻪﺩﻩﭘﻜﻪ ﺑﺎﺷﻼﯕﻼﺭ...ﻗﯩﻴﺎﻣﻪﺗﺘﯩﻦ ﻗﻮﺭﻗﯘﭖ ﺗﯚﯞﺑﻪ ﻗﯩﻠﯩﯖﻼﺭ " ﺩﻩﭖ ﺑﯩﺰﻧﯩﻼ ﻗﻮﺭﻗﯘﺗﺎﻻﻳﺪﯗ.ﻧﻪﺳﯩﮭﻪﺕ ﻗﯩﻠﯩﺪﯨﻐﺎﻥ ﺋﺎﺩﻩﻡ ﺑﺎﺷﻠﯩﻘﻰ ﺗﯘﺭﺳﺎ ﺷﯘﻧﯩﯖﻐﺎ ﻗﯩﻠﻤﺎﻱ ﺑﯩﺰﮔﯩﻼ ﺳﯚﺯﻟﯩﻴﻪﻟﻪﻳﺪﯗ.ﻧﯩﻤﯩﺸﻘﺎ ﺩﯨﺴﻠﻪ ﺑﺎﺷﻠﯩﻘﻼﺭﺩﯨﻦ ﺧﯘﺩﺍﺩﯨﻦ ﺑﻪﻛﺮﻩﻙ ﻗﻮﺭﻗﯩﺪﯗ. ﺳﯩﺮﺗﻘﺎ ﭼﯩﻘﯩﭗ ﺧﯘﺩﺍﺩﯨﻦ ﻗﻮﺭﻗﻤﺎﻳﺪﯨﻐﺎﻧﻼﺭﻧﯩﯔ ﻛﺎﻧﯩﻴﯩﺪﯨﻦ ﺋﺎﻻﻟﻤﺎﻳﺪﯗ.ﻳﺎﻟﻐﺎﻧﺪﯨﻦ ﺟﯩﻢ ﺋﻮﻟﺘﯘﺭﯗﭖ ﺑﻪﺭﺳﻪﻙ ﺧﯘﺩﺩﻯ ﺋﯚﺯﻯ"ﺟﻪﻧﻨﻪﺗﻨﯩﯔ ﭘﺎﺳﭙﻮﺭﺗﻰ"ﻧﻰ ﺋﯧﻠﯩﯟﺍﻟﻐﺎﻧﺪﻩﻙ ﺑﯘﺭﻏﯩﺴﻰ ﻗﺎﻳﻨﺎﭖ ﺳﯚﺯﻟﻪﭖ ﻛﯧﺘﯩﺪﯗ. ﺋﻪﺧﻤﻪﻗﻠﻪﺭ ﺋﺎﭺ ﻗﺎﻟﻐﺎﻥ ﻗﻮﻱ ﺑﯘﻏﺪﺍﻳﻐﺎ ﻛﯩﺮﺳﻪ ﭘﺎﺩﯨﭽﯩﻐﺎ ﺳﯚﺯﻟﯩﻤﻪﻱ ،ﻗﻮﻳﻼﺭﻏﺎ ﺳﯚﺯﻟﻪﭖ ﻛﯧﺘﯩﺪﯗ ﺩﯨﺴﻪ....... ﻗﻪﺩﯨﻢ ﺋﺎﻳﻪﻣﺪﯨﻦ ﺑﯧﺮﯨﺴﯩﻐﺎ ﻗﺎﺭﺍﭖ ﺑﺎﻗﺴﺎﻕ ﺑﯘ ﺯﯨﻴﺎﻟﻰ ﺩﯨﮕﻪﻥ ﺟﺎﮬﺎﻥ ﺋﻮﯕﺸﯩﻐﺎﻥ ﺧﻪﻟﯩﻖ ﺋﻪﻣﻪﺱ.ﺟﺎﮬﺎﻧﻨﻰ ﺋﻮﯕﺸﺎﻳﺪﯨﻐﺎﻥ ﺗﯜﺯﻩﻳﺪﯨﻐﯩﻨﻰ ﻳﻪﻧﯩﻼ ﻳﺎﻏﺎﭼﭽﻰ ،ﺗﯚﻣﯜﺭﭼﻰ ،ﺋﻮﯞﭼﻰ ﻳﺎﻛﻰ ﺋﻮﻏﺮﻯ ﺩﻩﭖ ﺋﺎﺗﺎﻟﻐﺎﻧﻼﺭ .ﺋﻪﮔﻪﺭ ﻣﺎﯞﺯﯦﺪﻭﯓ ﭼﯩﻘﻤﺎﻳﺪﯨﻐﺎﻥ ﺑﻮﻟﺴﺎ ﻟﯜﺷﯜﻧﺪﻩﻙ ﻳﺎﺯﻏﯘﭼﯩﺪﯨﻦ ﻣﯩﯖﻰ ﺑﻮﻟﺴﯩﻤﯘ ﻳﻪﻧﯩﻼ ﺷﯘ. ﻳﺎﺯﻏﯘﭼﯩﻼﺭ ﮔﯘﭘﭙﺎﯓ ﺳﯧﻠﯩﺸﯩﭗ" ﻟﯜﺷﯜﻧﻨﯩﯔ ﺗﻪﺳﯩﺮﯨﺪﯨﻦ ﺋﯘﻧﺪﺍﻕ ﺑﻮﻟﺪﯨﻴﻪﻱ ﻣﯘﻧﺪﺍﻕ ﺑﻮﻟﺪﯨﻴﻪﻱ" ﺩﻩﭖ ﺳﯚﺯﻟﯩﺴﻪ ﮬﻪﻳﺮﺍﻥ ﻗﺎﻟﻤﯩﺴﻼ.ﻳﺎﺩﯨﻠﯩﺮﯨﺪﺍ ﺑﺎﺭﺩﯗ..ﺧﻪﻟﭙﻪﻡ ﺑﯩﻠﻪﻥ ﮬﺎﺟﯩﻢ ﺟﺎﮬﺎﻧﻨﻰ ﺗﯜﺯﻩﻳﻤﯩﺰ ﺩﻩﭖ ﺗﺎﻗﻘﺎ ﭼﯩﻘﯩﯟﺍﻟﻐﺎﻧﺪﺍ ﻗﻮﻣﯘﻟﻨﯩﯔ ﺯﯨﻴﺎﻟﯩﻴﻠﯩﺮﯨﺪﯨﻦ ﻧﻪﭼﭽﻪ ﺳﺎﻗﺎﻟﻠﯩﻖ ﺋﯚﻟﯩﻤﺎ ﯞﻩ ﺗﯘﻣﺎﻗﻠﯩﻖ ﺑﺎﻱ ﺗﺎﻏﻘﺎ ﭼﯩﻘﯩﭗ "ﻗﻮﺭﺍﻝ ﺗﺎﺷﻠﯩﺴﻼ ﺟﺎﮬﺎﻥ ﺗﯧﭻ ﺑﻮﻟﻐﺎﻱ"ﺩﻩﭖ ﺳﺎﻻ ﻗﯩﻠﻐﯩﻨﻰ. "ﺋﺎﻟﺘﻰ ﺋﻮﻏﺮﻯ" ﺑﺎﺷﻠﯩﻐﺎﻥ ﺳﺎﯞﺍﭘﻠﯩﻖ ﺋﯩﺸﻨﻰ ﺋﺎﺧﯩﺮﻯ ﺑﯧﺮﯨﭗ ﻣﺎﺭﻛﯩﺴﯩﺰﯨﻤﺪﺍ ﺋﻮﻗﯩﻐﺎﻥ ﻧﻪﭼﭽﻪ ﺯﯨﻴﺎﻟﻰ ﺑﯘﺯﯗﭖ ﻗﻮﻳﯘﭖ ﺗﯜﺯﻩﻟﻤﻪﺳﺘﯩﻦ ﻛﯚﺯﻯ ﺋﻮﭼﯘﻕ ﻛﻪﺗﻜﯩﻨﻰ. ﮬﻪﺩﺩﯨﻦ ﺯﯨﻴﺎﺩﻩ ﺋﻪﻗﯩﻞ-ﮬﯧﺴﺎﭖ ﺑﯩﻠﻪﻥ ﺋﯩﺶ ﻗﯩﻠﯩﻤﻪﻥ ﺩﯨﺴﯩﻤﯘ ﺑﻮﻟﻤﺎﻳﺪﯗ.ﺑﻪﺯﯨﺪﻩ ﺳﻪﻝ ﻗﺎﺭﺍ ﻗﻮﺳﺎﻕ ﻏﻪﻳﺮﻩﺕ ﺑﻮﻟﻤﯩﺴﺎ ﺑﯩﺮ ﺋﯩﺸﻨﻰ ﺑﺎﺷﻘﺎ ﺋﺎﭼﯩﻘﻘﯩﻠﻰ ﺑﻮﻻﻣﺪﯗ ﺩﻩﻳﻼ.ﺗﻮﻧﯘﺭﻏﺎ ﺋﯧﯖﯩﺸﯩﭗ ﺑﯧﻠﻰ ﻗﺎﺗﻤﯩﻐﺎﻥ.ﻛﻪﺗﻤﻪﻥ ﭼﯧﭙﯩﭗ ﺑﯩﻠﻪﻙ ﺗﺎﻟﻤﯩﻐﺎﻥ،ﺋﺎﭺ-ﺗﻮﻕ ﻗﯧﻠﯩﭗ ﺩﻩﺭﺗﻠﻪﺭ ﺗﺎﺭﺗﻤﯩﻐﺎﻥ، ﺋﺎﺩﻩﻣﻠﻪﺭﮔﻪ ﻗﺎﻧﺪﺍﻗﻤﯘ ﺗﻪﻏﺪﯨﺮﯨﻤﯩﺰﻧﻰ ﺗﺎﭘﺸﯘﺭﯨﻤﯩﺰ ﺩﻩﻳﻼ. ﺷﯘﯕﺎ ﺩﻩﻳﻤﻪﻥ ﺩﯗﮔﺎﻣﻪﺕ ﺋﺎﺧﯘﻥ "ﺋﺎﯞﯗ ﺋﯜﺭﯛﻛﻨﻰ ﻗﯧﻘﯩﭗ ﺑﻪﺭﺳﻪ ﺑﻮﻻﺗﺘﻰ" ﺩﻩﭖ ﮬﻪﻣﻤﯩﻨﻰ ﺯﯨﻴﺎﻟﯩﻴﻐﺎ ﺗﺎﺷﻼﭖ ﺑﻪﺭﺳﻪﻙ ﺑﻮﻟﻤﺎﻳﺪﯗ. ﺑﻮﻟﻤﯩﺴﺎ ﺋﯜﺭﯛﻙ ﺷﺎﺧﺘﺎ ﺗﯘﺭﯗﭖ ﻗﺎﻕ ﺑﻮﻟﯘﭖ ﻛﯧﺘﯩﺪﯗ. ﺗﻮﻏﺮﺍ ! ﮬﻪﻣﻤﯩﺴﯩﻼ ﺋﯘﻧﺪﺍﻕ ﺋﻪﻣﻪﺱ.ﺋﺎﺭﯨﺴﯩﺪﺍ ﺋﺎﺩﻩﻣﺪﻩﻙ ﻳﺎﺷﺎﻱ ﺩﻩﻳﺪﯨﻐﯩﻨﻰ ﻳﻮﻕ ﺋﻪﻣﻪﺱ. ﻗﯧﻨﻰ ﺷﯘﻻﺭ..ﭼﯩﻘﺴﯘﻥ ﻣﺎﻧﺎ ﻳﻪﻟﻜﯩﻤﯩﺰ ﺗﻪﻳﻴﺎﺭ،ﻻﺯﯨﻢ ﺑﻮﻟﺴﺎ ﻛﺎﻟﻠﯩﻤﯩﺰﻣﯘ ﺗﻪﻳﻴﺎﺭ. ﺋﯘﻳﻐﯘﺭﻧﻰ ﺋﻮﯕﺸﺎﺷﻘﺎ ﻗﺎﻧﺪﺍﻗﺘﯘ ﭘﻪﻗﻪﺕ ﺯﯨﻴﺎﻟﯩﻴﻼﺭﻻ ﻳﺎﻛﻰ ﻳﺎﻏﺎﭼﭽﯩﻼﺭﻻ ﻳﻪﻧﻪ ﻧﺎﯞﺍﻳﻼﺭﻻ ﻗﺎﺩﯨﺮ ﺩﯨﻤﻪﻛﭽﻰ ﺋﻪﻣﻪﺳﻤﯩﺰ. ﺑﯘﻧﯩﯖﻐﺎ ﮬﻪﻣﻤﯩﻤﯩﺰ ﻗﺎﺩﯨﺮ . ﭘﻪﻗﻪﺕ ﺭﯨﺌﺎﻟﻠﯩﻘﻘﺎ ﺋﯩﭽﻰ ﭘﯘﺷﯩﺪﯨﻐﺎﻥ ،ﻣﻪﺳﯩﻠﯩﻠﻪﺭﮔﻪ ﻣﻪﮬﻪﺑﺒﻪﺕ ﻳﺎﻛﻰ ﻧﻪﭘﺮﻩﺕ ﻛﯚﺯ ﻗﺎﺭﯨﺸﻰ ﺑﯩﻠﻪﻥ ﻗﺎﺭﯨﻴﺎﻻﻳﺪﯨﻐﺎﻥ ﺋﺎﺩﻩﻡ ﺑﻮﻟﺴﯩﻼ ﺑﯘ ﻳﻮﻟﺪﺍ ﻧﯘﺳﺮﻩﺕ ﺗﺎﭘﺎﻻﻳﺪﯗ. ﮬﻪﻣﻤﯩﻤﯩﺰﻧﻰ ﺗﻮﻏﺮﺍ ﻳﻮﻟﻐﺎ ﺑﺎﺷﻠﯩﻴﺎﻻﻳﺪﯗ. ﺋﯘﻧﺪﺍﻕ ﺋﺎﺩﻩﻣﻠﻪﺭ ﺑﻪﻟﻜﯩﻢ ﺋﻮﭼﺎﻗﻨﯩﯔ ﻛﯜﻟﯩﻨﻰ ﺗﺎﺭﺗﯩﭗ ﺟﺎﮬﺎﻧﺪﺍﺭﭼﯩﻠﯩﻖ ﻗﯩﻠﯩﯟﺍﺗﻘﺎﻧﺪﯗ ﻳﺎﻛﻰ ﺋﯩﺸﻰ ﺋﯩﻠﮕﯩﺮﻯ ﻛﻪﻟﻤﻪﻱ ﻛﯚﻛﺘﺎﺗﭽﯩﻠﯩﻖ ﻗﯩﻠﯩﯟﺍﺗﻘﺎﻧﺪﯗ ﯞﻩ ﻳﺎﻛﻰ ﺋﯚﺯﻟﯩﺮﻯ ﺑﯩﻠﻪﻥ ﻣﺎﯕﺎ ﺋﻮﺧﺸﺎﺵ ﻣﯘﺷﯘﻧﺪﺍﻕ ﭘﯘﻝ ﻛﻪﻟﻤﻪﻳﺪﯨﻐﺎﻥ ﻏﻪﻣﻨﻰ ﻳﻪﭖ ﺑﯩﺮﻩﺭ ﺗﺎﻡ ﺗﯜﯞﯨﺪﻩ ﺋﻮﻟﺘﯘﺭﯨﺪﯨﻐﺎﻧﺪﯗ. ﻗﻮﭘﺴﯩﻼ ؟! ﺩﻩﺭﯞﺍﺯﯨﻐﺎ ﻗﺎﺭﺍﻳﺪﯨﻐﺎﻧﻐﺎ ﺋﯩﺸﭽﻰ ﺋﺎﻟﺴﯩﻤﯘ ﺩﯦﭙﻠﻮﻣﻐﺎ ﻗﺎﺭﺍﻳﺪﯗ. ﺋﻪﻣﻤﺎ ﺋﯘﻳﻐﯘﺭﻧﯩﯔ ﺋﻮﻏﻠﻰ ﺑﻮﻟﯘﺷﻘﺎ ﺩﯦﭙﻠﻮﻡ ﻛﻪﺗﻤﻪﻳﺪﯗ ﺟﯘﻣﯘ. يازما ئىگىسى: ئابىدېرېھىم ئەھمەتخان .

esyankar75

	ھەقىقەتەن زاغرا تىلىدا يېزىلىپتۇ ، مەزمۇنى بولىدىكەن. مەن تىخى قايسى ناۋاتتەك ئىنكاستۇ دەپ يۈگۈرۈپ كېرىپتىمەن دېسە

gvlqay

	ھەق گەپ!باغداش تورىدىكى ‹مەنزىلىڭ قايان ئۇيغۇر زىيالىلىرى ›دېگەن تېمىنىمۇ بىر كۆرۈپ بېقىڭلار! كۈرەشجان، مۇشۇ كەمدە يازغۇچى بولاپ كېتىپ بارىلا جۇمۇ؟ زىيالىي دېگەننى ئەينى ۋاقىتتا سېسىق توققۇزىنچى دەيدىكەنتۇق،سىلى ئەمدى 10-قىلىۋېتەي دەملا؟(چاقچاق)

.HerO

	‹‹ئېسىل›› قوساقتىكى گەپنى سوزلەپتۇ جۇمۇ...

iltebir

	بۇ ئەسەر بەك جانلىق يېزىلىپتۇ.

tatlikpigan

	مۇنبەردە زىيالىي جىق جۇمۇ...ئەمما ما تېمىغا ئىنكاس چۈشمىگىنىگە قاراپ زىيالىي ئەمەس زىيانلىق دېگەن نام مۇنبەردىكى زىيالىغا تېخىمۇ ماس كەلگۈدەك...

kaysaryigit

kaysaryigit

	ماۋۇ تېمنى ئوقۇپ ئەجەپ ئچىم بوشاپ قالدا..............

kaisar

	بۇيەردىكى مەسىلە : ئىنكاسنىڭ قانچىلىكتە ئەمەس بەلكى  مۇشۇنى ئوقۇپ چۈشۈنۈپ ھەزىم قىلىشتا .

YOLDAX

	مانا بۇ « ئۇيغۇرلار ۋە سېسىق تۇققۇزىنچى » دېگەن ئەسەر ،ھەربىر ئۇيغۇر بىر قېتىم ئوقۇپ ئويلىنىشقا تىگىشلىك !!!