سۇرىيە مەسىلىسىدە نىمىشقا غەرب ئىزچىل تىنچلىقنى تەشەببۇس قىلىدۇ؟

altun

	سۇرىيە مەسىلىسىدە غەرب ھەدەپ دىمكىراتىيە شۇئارىنى توۋلاۋاتىدۇ ھەم كۈرۈنىشتە خەلق تەرەپتە تۇرغاندەك بولدى ، ئۆكتىچىلەر بولسا ھەر ئاماللار بىلەن بەشەر دەھرىي ھاكىميىتىنىڭ غەرب بىلەن سولھى قىلىپ ۋەزىيەتنىڭ يامان تەرەپكە ئۆزگىرىپ كىتىشىدىن ئەندىشە قىلماقتا ، ئەھۋال شۇنداق تەرەپكە كىتىپ بارغانلىقنىمۇ گۇماندىن ساقىت قىلغىلى بولمايدۇ .بۇ يەردىكى مەسىلە ئۆكتىچى كۈچ زادى كىم ئۇلار كىمنىڭ مەنپەئەتىگە ۋەكىللىك قىلىدۇ ،غەربنىڭ نەزىرىدىكى ئۆكتىچى قانداق بۇلىشى كىرەك ،مانا بۇ ۋەزىيەتنىڭ قايسى تەرەپكە قاراپ بۇرىلىشتىكى مۇھىم ئامىل . بەشەر ئاساد ئۆز مەۋقەيىسدە تۇرۇپ غەرب بىلەن كوفى ئانناننى ۋاستا قىلىپ سۆھبەت ئۆتكۈزگەن بۇلىشى مۇمكىن غەرب ھەم ئەرەب ئەللەر ئىتتپاقى سۇرىيەدىكى ۋەزىيەتنىڭ كونتىروللىقدىن چىقىش كىتىشتىن ئەندىشە قىلىدۇ ، غەربنىڭ ھازىرقى ئەندىشسى باشار ئەسەد بولماستىن بەلكى سۇرىيە ئۆكتىچىلىرى، ھازىرقى كۈچلۈك سىياسىي ئاساسقا ئىگە بولغان سۇرىيە ئۆكتىچىلىرى ئىسلام قېرىنداشلار تەشكىلاتىدىن تەشكىل تاپقان،  بۇ سىياسىي گەۋدە مەيلى ئىران ئۈچۈن بولسۇن ياكى ئىسرائىل ئۈچۈن بولسۇن ئىنتايىن خەۋپلىك دەپ قارىلىدۇ نەچچە ئون يىللىق باستۇرۇش ۋە چەكلەش بۇ تەشكىلاتنى ھەممىگە بۇي ئەگمەيدىغان كۈچ قىلىپ يىتىشتۈرۈپ چىققاندەك قىلىدۇ ، غەرب مسسىردىكى ئىسلام قېرىنداشلار تەشكىلاتنىڭ مىسىردىكى پارلامىت سايلىمىدىكى غەلبىسىدىن ئانچە مەمنۇن ئەمەس ئىسلام قېرىنداشلار تەشكىلاتى سۇرىيەدە بەلكىم مىسىردىكىدىنمۇ چوڭراق غەلبە بىلەن تەختكە چىقىشى مۇمكىن بۇ ئەھۋال ئىسرائىلنى ئوڭايسىز ئەھۋالغا چۈشۈرۈپ قۇيىدۇ خاماس ئىسلام قېرىنداشلار تەشكىلاتىنىڭ بىر تارمىقى مسىر ۋە سۇرىيەدە ئىسلام قېرىداشلىق تەشكىلاتى رەھبەرلىك ئورنىغا چىقسا بۇ پەلەستىن مەسىلىسىدە غەربكە ئېغىر بېسىم ئېلىپ كىلدۇ ،ئەرەب ئەللىرىمۇ بۇخىل ۋەزىيەتنى كۈرۈشنى خالىمايدۇ باشار ئەسەد ئىراننىڭ ئىتتىپاقدىشى بولغانلىقى ئۈچۈنلا ئەرەب ئەللىرى سۇرىيەدە ھاكىميەت ئالمىشىشنى تەشەببۇس قىلماقتا ، ئىسلام قېرىنداشلار تەشكىلاتى سەئۇدىي باشچىلىغىدىكى ئەمىرلىك دۆلەتلەرگىمۇ تەھدىت ھىسابلىنىدۇ . غەرب ئامالنىڭ بارىچە ۋەزىيەتنى يەمەن شەكلىدە ھەل قىلىشنى خالايدۇ بەلكىم ۋەزىيەت ئاخىرىدا شۇنداق ھەل بۇلىشى مۇمكىن ، غەرب ئۈزىگە ماس دەھرىي دىمكىراتىيە يۇلىنى تۇتقان ئىسرائىل ھەم ئامېرىكا باشچىلىغىدىكى غەربنى دوس تۇتىدىغان سۇرىيە ئۆكتىچىلەر گوروھىنى ئىزلەۋاتقان بۇلىشى مۇمكىن ، ھەممە دۆلەتتكى ھۈكۈمرانلار سۇرىيە  خەلقنى ئەمەس بەلكىم سۇرىيەدىكى مەنپەئەتىنى كۆزدە تۇتۇپ سۆزلەۋاتىدۇ ، روسىيە، جۇڭگۇ ، ياۋرۇپا،ئامېرىكا ، تۈركىيە ،ئىران كىم ئىسلامنى سۇرىيە خەلقىنى ئويلىدى باشار ئەسەد دۆلەت داھىيسى ئۈزىنىڭ مۇستەبىت ھاكىميىتىنى نىجات شىئەلەرنىڭ تەسىر دائىرىسىنى تۈركىيە ئىراننىڭ يىتىم قېلىشىنى ئىسرائىل ئەربلەرنىڭ ئاجىزلىشىشنى ئامېرىكا ئۈزىگە قارام ھۈكىمەتنى روسىيە ئەبجەق قۇراللىرىنىڭ خىرادىرىنى جۇڭگۇ ھۈكۈمرانلىق شەكلىنى  قاتارلىق مەنپەئەتلەر ئۈچۈن كۈرەش قىلماقتا . مەنبە . مەن ، بۇ پەقەت بىر شەخسىي كۈزۈتۈش بۇنىڭغا ھەممەيلەن ئۆز پىكرىمىزنى ئوتتۇرىغا قويساق بۇلىدۇ . ھۈكۈمدارلار دەستۇرىدا شۇنداق بىر بايان بار -مەنزىرە سىزىدىغان رەسسام چۇققىلار ۋە ئىگىزلىكلەرنىڭ ماھىيىتى ۋە ئالاھىدىلىكنى پەستە تۇرۇپ كۈزىتىدۇ .

خەلىفە

	مەن سۈرىيە ئۆھتىچىللىردە مۇسۇلمان قىرىنداشلار تەشكىلاتنىڭ قۇلى بارلىقىغا دىققەت قىلماپتىمەن  بۇنداق ئەھۋالدا غەرىپ ئەللىرى بەشىر ئاساد ھاكىمىيىتىنىڭ ئورنىنى ئۆھتىچىلەرنىڭ تارتىۋىلىشىنى ھەرگىزمۇ خالىمايدۇ ،چۈنكى مىسىردىكى ھۆكىمەت ئالمىشىشتا بۇ تەشكىلاتنىڭ كۆپ ئاۋازغا ئىرىششى ئىسرائىلىيە ئامىرىكا غەرىپ ئەللىرىنى ئەندىشىگە سالغان چۈنكى بۇ تەشكىلاتنىڭ تارىخى ئۇزۇن ئىدىيىسى غەرىپەك قەتئي قارىش تۇرۇش،ئىسلامنى كۈچۈيتىش بولغاچقا ئەلۋەتتە غەرىپ ئەللىرى بۇ تەشكىلاتنىڭ ھۈكمىرانلىق ئورنىغا چىقىشنى خالىمايدۇ،تەھلىلىڭىز ھەقىقەتەن توغرا بوپتۇ ،ئەتىراپىدىكى باشقا دۆلەتلەر ھەقىقى ئىسلامنى دىمەيدىغانلىقىمۇ راس

foormat

	ھازىر ئۆكتىچىلەرنى بەكرەك قوللاۋاتقىنى ئامىركا بىلەن تۈركىيە . باشقا ياۋرۇپا دۆلەتلىرى بولسا بىر كۆزىنى قىسىۋالدى ، لىۋىيەدە ئاتنى بولىشىغىچە چاپتۇرغان فىرانسىيەمۇ ، ئۆزى شۇنچە چىقىم تارتىپ تىكلىگەن يېڭى لىۋىيەنىڭ ئۆزىدىن بەكرەك تۈركىيەنىڭ گېپىنى ئاڭلاۋاتقانلىقىنى كۆرۈپ بۇ قېتىم ئانچە كارى بولمىدى. تېما ئىگىسىنىڭ ئاخىرقى سۆزلىرى يارىدى ، بولۇپمۇ ھەممىسى ئۆز مەنپەئەتى ئۈچۈن دىگەن گېپى ، ئۆتكەندە ئېران ئەڭ ئۇستا مەرگەنلىرىنى سۈرىيەگە كىرگۈزۈپ نامايىشچىلارنى مەخپىي ھالدا ئۆلتۈرۈپتۇ دەپ ئاڭلىغان. ئىشقىلىپ ھازىرقى سۈرىيە ھاكىميىتى غولاپ چۈشىدىغانغا كۆپ ۋاقىت قالمىغاندەك قىلىدۇ ، سۈرىيەنىڭ ھۆكۈمەت ۋە ئارمىيەدىكى چوڭ ئەمەلدارلىرىنىڭ ھەممىسى تۈركىيەگە قېچىپ كىلىۋاپتۇ ، بۇ پېتى مېڭىۋەرسە چەتئەل كۈچلىرى ئارلاشمىسىمۇ سۈرىيە ئازاد بولىدىغان چىراي

kurax114

	بۇ تەھلىلىڭىز نىڭ  ئىلمى  ئاساسى  بار  .  مەن  مۇ سىز ئويلىغاندەك  ئويدا ...زادى بۇ يىلىمىكرىگە  تولغان  دۇلەتلەر ئۆزمەنپەتى  ئۈچۇن  بى گۇنا   پۇقرالارنىڭ جېنىغىمۇ تەھتىت  سالماقتا....بەشىر نىمىشقا مۇشۇنداق قىلدىغاندۇ ،،،،خەلىقتىن  ئايرىلىپ قېلىپ  قانداق  تەخىت سورايدۇ  دەيمەن  بۇمەلئۇن  .خەلقىنىڭ ئۈلۇپ تىرلىشى  بىلەن كارى  يوق  ئەبلەخكەن بۇ

wolf007

	بىز مۇنبەردە مۇنازىرە قىلىپ تۇرغان مۇشۇ دەقىقىلەردە بەشىر دىگەن ئەبلەخ ئوباما قارىم بىلەن قەھۋە ئىچىۋاتامدۇ تىخى... سىياسى دىگەنگە بىر نىمە دەپ بولغىلى بولمايدۇ.

قارلۇق

	سۈرىيەدىكى ئۆكتىچى تەشكىلات يالغۇز مۇسۇلمان قىرىنداشلىق تەشكىلاتىلا ئەمەس، دېمۇكراتىيىلىك ئىسلاھات ۋەتەنپەرۋەرلىك ئىتتىپاقى ۋە كوردلارمۇ بار، سۈننىي مەزھەپنى ئاساس قىلغان مۇسۇلمان قىرىنداشلار تەشكىلاتى بىلەن زىيالىيلارنى ئاساس قىلغان دېمۇكراتىيىلىك ئىسلاھات ۋەتەنپەرۋەرلىك ئىتتىپاقى تەشكىلاتى كۈچ ۋە تەسىر دائىرىسى جەھەتتە بىر-بىرىدىن قىلىشمايدۇ. سۈرىيەدىكى كوردلارنىڭ سانى بىريىرىم مىليون ئەتراپىدا بولۇپ، ئۇلارنىڭ باشقا ئۆكتىچى گۇرۇپپىلاردىن پەرقلىنىدىغان تەرىپى، شۇنداقلا سۈرىيەدىكى خرىستان، ئەرمەنلەر بىلەن ئورتاقلىق ھاسىل قىلىدىغان تەرىپى ھەر قايسى ئېتنىك گۇرۇپپىلارنىڭ ئاپتونومىيە ۋە فىدىرال رايون قۇرۇش تەلەپلىرىدىن ئىبارەت. ھازىرقى ئورتاق دۈشمەن ئالدىدا ھەرقايسى تەشكىلاتلار مۆرىنى-مۆرىگە تىرەپ جەڭ قىلىۋاتقىنى بىلەن، بەشار ئاساد ھاكىمىيىتى غۇلاپ چۈشسە، سىياسىي تەشكىلاتلار ئارىسىدا ئۈستۈنلۈك تالىشىش كۆرىشى بولۇش ئىھتىماللىقىنىمۇ چەتكە قىقىشقا بولمايدۇ. سۈرىيەنىڭ ئەرەپ ئەللىرى ئىچىدىكى ھەربىي كۈچى مۇھىم دۆلەت بولغانلىقى، ھەمدە ئىران بىلەن روسىيەنىڭ ئىتتىپاقدىشى بولغانلىقى ئۈچۈن، ئامېركىنىڭ سۈرىيە مەسىلىسىگە بولغان پوزىتسىيەسى، لېۋىيە مەسىلىسىدىكىدەك كەسكىن بولالمايۋاتىدۇ، پۇرسەت پىشىپ يىتىلمىگەندە قىلىنغان ھۇجۇم ئامېركىنى ئويلىمىغان چىقىملارغا ئۇچرىتىشى مۇمكىن، ھەمدە سۈرىيە ئۇرۇشىنىڭ لېۋىيە ئۇرۇشىدەك ئۇنداق ئاسان ھەم تىز ئاخېرلىشىشى ناتايىن. شۇنىڭ ئۈچۈن سەۋىر قىلىپ ساقلاش ئارقىلىق ھەرقايسى ئەرەپ ئەللىرىنىڭ تېخىمۇ كۈچلۈك قوللىشىنى قولغا كەلتۈرۈشى كىرەك، بەشار ئاساد تېخىمۇ ھەددىدىن ئىشىپ، زوراۋانلىق قىلمىشلىرى چىكىگە يەتكەندە، ئەرەپ ئەللىرى ئىتتىپاقىدا تەبىئىيلا ئۇرۇش ئارقىلىق ھەل قىلىش خاھىشى تۇغۇلىدۇ، مانا مۇشۇنداق پەيىتتە ئامېركا بۈركۈتى سۈرىيە ئاسمىنىدا بەخىرامان ئۇچۇپ يۈرۈپ ئوۋچىلىق قىلالايدۇ، كىيىنكى باش ئاغرىقى ۋە قارشىلىق سادالىرى ئازراق بولىدۇ. لېۋىيە مەسىلىسىدە فىرانسىيە ئاۋانگارت ئورۇندا بولغىنىغا ئوخشاش، سۈرىيە مەسىلىسىمۇ بىر ئاۋانگارتقا مۇھتاج، بەلكىم سۈرىيە مەسىلىسىدە ئاۋانگارت ئورۇنغا تۈركىيەدىنمۇ ياخشىراق نامزات بولمىسا كىرەك، تۈركىيەنىڭ ئاۋانگارت ئورۇنغا چىقىشى ئامېركا ۋە تۈركىيەنىڭ دۆلەت مەنپەئىتىگە تامامەن ئۇيغۇن كىلىدۇ، بۇ ئارقىلىق ئەرەپ ئەللىرىنىڭ قوللىشىنى قولغا كەلتۈرۈش ئىشى ئاسانلىشىدۇ، ھەمدە تۈركىيەنىڭ سابىق دۈشمىنى بولغان ئىراننىڭ تەسىر كۈچى تۆۋەنلەيدۇ، چۈنكى شىئەلەر ھاكىمىيەت تۇتۇۋاتقان سۈرىيەنىڭ يىقىلىشى ئىراننىڭ بىر قانىتى سۇنغانلىقى بىلەن باراۋەر.

bazarbay

	مەن بىرنىمە دىيەلمىگىدەكمەن،

nap--rat

	سۈرىيە دىكى توپىلاڭ پات ئارىدا بىسىقىدۇ

nap--rat

	مەن بەشىر ھاكىمىيىتىنى قوللايمەن نامايىشچىلار ھۆكۈمەتنىڭ ئۇلارغا قىلغان شەپقىتىنى بىلەلمىدى