كۈلدۈرگە ئاتىسى توختىقۇربان سايىت ۋاپات بولدى

XERHAN

	مەرھۇمنىڭ بىر قانچە يىل ئىلگىرى چۈشكەن سۈرىتى ، مەرھۇم تولىمۇ خۇشخۇي ، كىچىك پىئىل كىشى بولۇپ ، دائىم چىرايىدىن كۈلكە يۈگىرىپلا تۇراتتى . ( يەكەن ناھىيلىك ناخشا ئۇسسۇل ئۆمىكىدە ھاياتىنىڭ كۆپ قىسمىنى  ئۆتكۈزۈپ دەم ئېلىشقا چىققان ) مەرھۇم توختىقۇربان سايىت 2012 - يىلى 3 - ئاينىڭ 27 - كۈنى شىنجاڭ ۋاختى ئەتتىگەن سائەت 8 لەردە يەكەندە ۋاپات بولدى . مەرھۇمنىڭ نەچچە ئون يىللار ئىلگىرى چۈشكەن سۈرىتى بولۇپ ، سۈرەتتىكى كەينىدە ئۆرە تۇرغىنى مەرھۇم ئۆزى شۇ ، سول تەرەپ ئۆرە تۇرغان بالا ،2 - ئوغلى ئابدۇرىشىت توختى ، يېنىدا ئولتۇرغان ئايال مەرھۇمنىڭ ئايالى ، يېنىدا تۇرغىنى ئابلىز توختى ، ئوڭ تەرەپتە ئولتۇرغان ئايال مەرھۇمنىڭ ئانىسى ، ئالدىدا تۇرغان كىچىك قىزچاق مەرھۇمنىڭ قىزى ئامىنە توختى . بۇمۇ نەچچە ئون يىللار ئىلگىرى چۈشكەن سۈرەت بولۇپ ، مەرھۇمنىڭ ئۆيىدە تارتىلغان ، سۈرەتتىكىسى مەرھۇمنىڭ خىزمەتداشلىرى ، ئۇرۇق تۇققانلىرى ۋە مەدەنىيەت سېپىدىكى بىر قىسىم كونا پىشقەدەملەر ئۇلاردىن نەچچىسى ۋاپات بولدى نەچچىسى ھايات . سۈرەتتىكىسى مەرھۇم بىلەن ئۇنىڭ ئايالى ، ئۇلار تولىمۇ مىھماندوسىت بولۇپ ، دائىم ئائىلە ئەزالىرى ۋە دوسىت يارەنلىرىنى ئۆيىگە تەكلىپ قىلىپ تۇراتتى . ھەمدە ئۆزلىرى سەنئەت نۇمۇرلىرىنى كۆرسۈرۈپ مىھمانلارنى خۇشال قىلاتتى . بۇ سۈرەتمۇ ئوخشاشلا ئىلگىرى تارتىلغان ، سۈرەتتە ئابدۇرىشىت توختى ( كەينى رەت ئوڭ تەرەپ بىرىنجىسى) ، مەرھۇمنىڭ ئايالى ( كەينى رەت ئوڭ تەرەپ ئىككىنجىسى ) ، مەرھۇم توختىقۇربان سايىت ( كەينى رەت ئەڭ ئوتتۇرىدىكى ) ، ئامىنە توختى ( كەينى رەت سولدىن ئىككىنجىسى ) ، مەرھۇمنىڭ چوڭ ئوغلى ( كەينى رەت سول تەرەپتىن بىرىنجىسى ) ، ئوتتۇرا رەتتتە شىرئەلى توختى ، ئەلىجان ئابدۇرىشىت قاتارلىق نەۋرىلىرى ، ئالدى رەتتە ئابلىيار ئابلىز ، مۇنىرە توختى قاتارلىق نەۋرىلىرى .... تۆۋەندىكىسى مەرھۇم رىجىسسورلۇق قىلغان ،  مەرھۇمنىڭ كۈلدۈرگە چولپىنى دەم نام ئالغان ئوغلى ئابلىز توختى ۋە ئابدۇرىشىت توختىلارنىڭ ھەر دەرىجىلىك سەھنىلەردە كۆرسەتكەن نۇمۇرلىدىن تاللانمىلار : كۈلدۈرگە نۇمۇرلىرى  : ئارتىس بولۇش http://v.youku.com/v_show/id_XMTg1MjQyMDY4.html ئامان قالغان بوتۇلكا http://www.56.com/u11/v_MjkxNTMwNDc.html بازار چاققاننىڭ http://www.56.com/u11/v_MjkxNDkwNTM.html پۇل http://www.56.com/u11/v_MjkxNTUyOTE.html دەرىتتىن كىيىنكى ئەقىل http://www.56.com/u11/v_MjkxNTIyNDU.html مەرھۇم توختىقۇربان سايىت ئاكا كىچىكىدىن باشلاپلا سەنئەتكە ئىشتىياق باغلىغان بولۇپ ، مەھەللە كوچىلاردا توي تۆكۈن ، مەشرەپلەردە دائىم دىگۈدەك خەلق ئەلنەغمىچىلىرى بىلەن ئەلنەغمىگە قاتنىشاتتىكەندۇق ، كىيىن  ئەلنەغمە ۋە كۈلدۈرگىچىلىك سەنئىتىنى سەھنىلەردە ئويناپ خەلق ئاممىسى ۋە باشقا يۇرتلاردا كەڭ خەلق ئاممىسى بىلەن يۈز  كۆرۈشتۈرۈپ خەلقنىڭ قىزغىن ئالقىسىغا سازاۋەر بولغان سەنئەت تۆھپىكارى . مەرھۇم  سەھنىلەردە كۈنلدۈرگە ، درامما ئوينىغان چاغلاردا سۈرەتچىلىك ئىشلىرى ئانچە تەرەققى قىلمىغان بولغاچقا ھاياتىنىڭ كۆپ قىسىم ۋاقىتلىرىدا كۆرسەتكەن كۈلدۈرگە ، سەھنە ئەسەرلىرى خاتىرىسىز قېپ قالغان ، پەقەت بىر قىسىم كۈلدۈرگە ، سەھنە ئەسەرلىرىنى ئۇچراتقىلى بولىدۇ . مەرھۇمنىڭ يېشى چوڭىيىپ قالغاندىن كىيىن ئوغلى ئابدۇرىشىت توختى ۋە ئابلىز توختىلارنى ئۆز ۋارىسى قىلىپ تەربىيلەشتە ناھايىتى چوڭ رول ئوينىدى ،  بۇ ئىككى ئوغلى مەرھۇمنىڭ ۋارىسى ۋە ئوغلى بولۇش سۈپىتى بىلەن تا ھازىرغىچە يەكەن ناھىيلىك ناخشا ئۇسسۇل ئۆمىكىدە ئىشلەۋاتىدۇ . مەرھۇمنىڭ كىيىنكى ئەۋلادلىرىنى بىر چوڭ ناخشا ئۇسسۇل ئائىلىسى دىيىشكە بولىدۇ ، ھازىرغا قەدەر ئۈچ ئەۋلات ئائىلە ئەزالىرى ھەر دەرىجىلىك سەنئەت ئۆمەك ۋە باشقا مەدەنىيەت ئورۇنلىرىدا خىزمەت قىلىپ خەلقنىڭ مەنىۋىيتىنى بېيىتىشتا ئۆز رولىنى جارى قىلدۇرماقتا ... ۋاقىت مۇناسىۋىتى بىلەن مەرھۇمغا مۇناسىۋەتلىك باشقا تەرجىمىھال ، سۈرەتلەر تولىقى بىلەن يوللىنىپ بولالمىدى ، مەرھۇمغا مۇناسىۋەتلىك باشقا ماتىرىياللار داۋاملىق يوللىنىدۇ . مەرھۇمنىڭ ياتقان يېرى جەننەتتە بولغاي ! ئەسكەرتىش : تىمىدىكى سۈرەتلەر ۋە تىما مەزمۇنى مىسرانىم تورىغا تەۋە باشقا توربەت ۋە مۇنبەرلەرگە خالىغانچە يوللاشقا ، رەسىملەردىن خالىغانچە پايدىلىنىشقا بولمايدۇ ! مەنبە : ئۆزەمدە بار بولغان ماتىرىياللاردىن .

HAYATNISA

	پىچىر...پىچىر...ئامىنننننننننن!

dawan~

	بۇ مەرھۇمنىتۇنۇميدىكەنمەن بىراق ئوغلى ئابدىرشت توختنڭ ئۇرۇنلغان نۇمۇرلىرنى تىلۋۇزۇرلاردا پات_پات سەنئەت كىچلكلىردە  كۈرۈپ تۇراتتىم.مەرھۇمنڭ ياتقان يىرى جەننەتە بولسۇن

hokumran

	مەرھۇمنىڭ ئائىلىسىدىكىلەرگە سەۋىر تىلەيمىز.

kaisar

	سىزنىڭ ئىۋۇ بولماي دىگەن گەپمۇ ياكى بولغاي دىگەن گەپمۇ ؟ ئۇلارنىڭ ئائىلىسىدىكىلەرگە سەۋىر تىلەيمەن .

bazarbay

	ئەلھۈكمىنىللا.ياتقان يېرى جەننەتتە بولغاي

ramu

	مەرھوم 90-يىللاردا خەلقمىزنى  راسا كۇلدۇرۇپ خۇشاللىق ئاتا قىلغان، يەكەن سەنئەت ئۇمىگىنى گۇللەندۇرگەن،ئومرىنى ناچار قىلىقلارنى تەنقىدلەپ خەلقنى ئاقارتىشقا سەرپ ئەتكەن ياخشى ئادەم ئىدى.ئەلھەكمىدۇللا!ياتقان يىرى جەننەتتە بولغاي ئامىن!

bugrafizikanit

	مەرھۇمنىڭ ياتقان يېرى جەننەتتە بولغاي !

altun

	ئابدۇرىشىت توختى قۇربان سايىتنى ياقتۇرمايمەن .ئۇنىڭ قىلىقىرى مىنى سەسكەندۈرىدۇ . ئادەمنى كۈلدۈرۈش شۇنچىلىك مۇھىممۇ ؟