قامەتلىك چىنار (نەسىر )

mahatjan

	قامەتلىك چىنار                                                          نەسىر         ئالەم كىمىسىدە ئولتۇرۇپ ئالەم ئاراللىرىنى ئايلىنىۋاتقىنىڭزدا ، تەپەككۇر كۆزىڭىز بىلەن يەر شارىغا نەزەر سالسىڭىز ئانا ۋەتەننىڭ مۇھەببەت باغچىسىدا ياپراقلىرى ئالتۇندەك پاقىراپ تۇرغان قامەتلىك چىنارنىڭ گۈزەل ئوبرازى قەلىپ ئىكرانىڭزدا نامايەن بولىدۇ .       ئەنە قاراڭ ! ئۇنىڭ  كۆك بىلەن بوي تالاشقان تاغ چوقۇللىرى قوياش نۇرىدا ئالتۇندەك پاقىراپ يىراق- يىراقلارغا نۇر چاچماقتا. ئۇنىڭ باغرىدا ئۆسكەن گۈلگۈن چىچەكلەرنىڭ خۇش-پۇراقلىرىدىن ھەر بىر پاك يۈرەك ھوزۇرلانماقتا.  ئەزىم دەريالىرى ئۆركەشلەپ ئاقماقتا. رەڭگارەڭ گۈل- چىچەكلەر بىلەن تولغان گۈزەل باغلىرىدا بۇلبۇللار ناۋاسى ياڭرىماقتا.        تۇپراقلىرى مۇنبەت، ئۈستىدە ھەر بىر گىيا خۇشپۇراق چاچار، ئاستىدا ئالتۇن يالتىرار. ئۇ چىنار  ئۆزىدىكى تۈمەنمىڭ خىسلەتلىرىنى كۆرۈپ ئۆزىگە مىڭ سۆيىنەر .ئۆزىدىن پەخىرلىنەر، ئۆزىنى دۇنيادا تەڭداشسىز قۇدرەتلىك ھىس قىلار. يۈرەك شادلىغى تومۇر -تومۇرلاردا ئۇرغۇپ تۇرار.       ئەنە ئۇ چىنار مۇشۇ گۈزەل ئانا تۇپراقنىڭ باغرىدا نەچچە مىڭلىغان سەھەر -ئاخشامنى ،باھار -زىمىستاننى ئالماشتۇرۇپ ھەر بىر  ئىزىدىن قىممەت، سۆزىدىن ھېكمەت، خىسلىتىدىن ھۆرمەت تاپتى . ئۆزىنڭ مۇقەددس ئوبرازىنى ئالەمگە نامايەن قىلدى .      ئەنە قاراڭ! ئۇ چىنار ھەممە تەرەپتىن ھامان مەزمۇت تۇرۇپ قوياشقا باقماقتا، قوياشمۇ ئۆزىنىڭ چەكسىزيورۇقلۇق ۋە ئىسسىقلىقىنى چىنارغا چاچماقتا.                 ئاپتۇرى ؛ مەخەت ئابدۇرېھىم.

rahman1

	ياخشى يېزىپسىز مۇئەللىم . مۇشۇنداق ياخشى ئەسەرلىرىڭىزنى ئايماي يوللاپ تۇرارسىز. ئەينى ۋاقىتتا دەرسىڭىزنى ئاڭلىغان سىمايىڭىز كۆزئالدىمدا يەنە بىرقىتىم نامايەن بولىدى.

gulbelik

	بۇ نەسىرنى مەنمۇ ياقتۇرۇپ قالدىم ئېسل دەبدەبلىك ئەدەبىي سۆزلەرىن يىراق ،ناھايتى ساپ ھەم يېقملىق تىل بىلەن يېزلپتۇ،رەخمەت ئۇستاز