پىراۋا ئېلىشنىڭ قىيىنلىق دەرىجىسى يەنە ئۆستى

zulayha

	خەلق گېزىتى مۇخبىرى خۇاڭ چىڭچاڭ، لەن يىڭلارنىڭ 22-مارت بېيجىڭدىن بەرگەن تېلېگراممىسى: «مۇبادا قاتناش ھادىسىسىدە ئۆلۈم ۋەقەسى كىلىپ چىقسا، ماشىنا ھەيدىگۈچىنىڭ ئىمتىھان بېرىش، پىراۋا ئېلىش، تەكشۈرتۈپ ئەنگە ئالدۇرۇش، يول باشقۇرۇش ھالقىلىرىدىن باشلاپ مەسئۇلىيىتى سۈرۈشتە قىلىنىدۇ» 22-چېسلا ج خ مىنىستىرلىقىنىڭ قاتناش باشقۇرۇش ئىدارىسى تۈرلۈك تەدبىرلەرنى ئوتتۇرىغا قويۇپ، شوپۇرلۇق ئىمتىھانى بېرىش، پىراۋا ئېلىش، يولغا چىقىش، تەربىيەلەش ۋە باشقۇرۇش قاتارلىق خىزمەتلەرنى يەنىمۇ چىڭىتتى. 　　ج خ مىنىستىرلىقى يېقىندىن بۇيان يولۇچىلار ئاپتوموبىلى ۋە يۈك ماشىنىلىرىنىڭ قاتناش بىخەتەرلىكى ھادىسىلىرى كۆپ يۈز بېرىۋاتقان ئەھۋالىنى كۆزدە تۇتۇپ، چوڭ، ئوتتۇرا تىپتىكى يولۇچىلار ئاپتوموبىلى ۋە يۈك ماشىنىسىنىڭ پىراۋا ئۆلچىمىنى ئۆستۈردى، ئىمتىھانىغا مۇرەككەپ يولدا، ناچار ھاۋادا ھەيدەش تۈرلىرىنى قوشتى. چوڭ، ئوتتۇرا تىپتىكى يولۇچىلار ئاپتوموبىلى ۋە يۈك ماشىنىسى شوپۇرلۇقىغا ئىمتىھان بەرگۈچىلەر ئارقىمۇ-ئارقا جىددىي بۇراش ، كەلكۈنگە، داۋانغا ۋە قار-يامغۇرلۇق ھاۋاغا يۇلۇققاندا قانداق ھەيدەش قاتارلىق تەقلىدىي ئىمتىھان تۈرى، يەنە تاغلىق يول، تونېل، يانتۇ يول، يۇقىرى سۈرئەتلىك تاشيول قاتارلىق مۇرەككەپ شارائىتتا ھەيدەش قاتارلىق رەسمىي يول تۈرىدىن ئىمتىھان بېرىدىغان بولدى. ئىمتىھانغا يەنە ماشىنىنى بىخەتەر، مەدەنىي ھەيدەش ساۋاتلىرىغا دائىر 50 سوئال يېڭىدىن كىرگۈزۈلدى. مەنبە:http://www.qaramay.com/

kurax114

	ئەمدى  شاخلىتىپ  جازا بىرىدىغان  بۇلۇپتۇ  دە ..يەنىلا  ئارقا ئىشىكتىن كىركىتىۋىرىمىز ....

hadiqa0994

	ۋاي ئاللا بىزگە كەلگەندە ھەممە نەرسە تەسلىشىپ كەتتىغۇ تاڭ ، بۇمۇ بىر ھېساپتا ياخشى بوپتۇ ، بۇ ئارقىلىق بىخەتەرلىك كۈچەيتىلىدۇ ئەمەسمۇ ، مەنمۇ چوڭ ماشىنىغا تىزىملاتقان نەزىرىيە ئىمتىھانىدىن ئاسانلا ئۆتتۈم ،بىراق ئەمىلىيەت ئىمتىھانىنىڭ ماشىنىنى كەينىگە ياندۇرۇش‹倒杆子 › ئىمتىھانىدىن ئۆتەلمىدىم  ، ئاللا خالىسا ياخشى مەشىق قىلىپ بۇ يىل پىراۋامنى ئېلىۋالمىسام .

foormat

	بۇمۇ ياخشى بوپتۇ ، مۇشۇ پىراۋا ئېلىشقا كەلگەندە بىر قىسىم كىشىلىرىمىزگە ھەيرانمەن ، قوڭنى قويۇپ 4ئاي ئوقۇسا خېلى بىر نەرسىلەرنى ئۆگۈنۈپ كەتكىلى بولىدىكەن ، لىكىن بىر قىسىم كىشىلىرىمىز زورلاپ تۇرۇپ ئارقا ئىشىكتىن ئالىدىكەن ، بۇ يا چاق چاق قىلىدىغان ئىش بولمىسا بىر قېتىملىق قاتناش ۋەقەسى بىلەن ئادەمنىڭ بىر ئۆمۈرى نابۇت بولۇپ كېتىشى مۇمكىن

قەبرە

	مەن 17 يشىمىدا شۇپۇرلۇق كىشكسىنى ئالغان مانا ھەش -پەش دىگۈچە 8 يىل بولۇپتۇ

gulsire

	ھەنىم بولسا جاھاننىڭ تىنچ  ۋاقتىدا  پىراۋا ئىلىۋالغىنىم ياخشى بوپتىكەن،40كۈندىلا ئىلىۋالغان،ئەمدى تەسلىشىپ كىتىدىكەندە.

rahman1

	پىراۋا ئېلىشنى ھەقىقەتەن چىڭ تۇتۇشقا تىگىشلىك ئىش لىكىن ھازىر پىراۋىغا تىزىملاتقانلار بەكلا كۆپ بولغاچقا ئىمتىھان بىرىش ئۈچۈن كىلىپ تۆت بەش كۈن ساقلاپمۇ ئىمتىھان بېرىش نۆۋىتى كەلمەي ساقلاپ تۇرۇپ ۋاقىت ئىسراپچىلىقى ۋە ئىقتىسادى چىقىم كۆپەيمەكتە. ئىمكان بولسا ئىمتىھان ئالغۇچى تەرەپ ئىمتىھان بەرگۇچى ئادەمنىڭ ئىمتىھان بىرىدىغان كۈننى بىر ئىىككى كۈن بۇرۇن ئوقتۇرسا ئىمتىھان بىرىدىغان ئادەممۇ ۋاقتىدا بارسا بۇ ئاۋارچىلىقتىن قۇتۇلاتتى.

ayyultuz

	مەن ئەمدى بىر ئالاي دىگەندە بۇمۇ تەسلەشكىلى تۇرۇپتۇ-دە، زادى ھەممە ئىش ماڭا كەلگەندە مۇشۇنداق بۇلىدۇ.

altun

	ئارقا ئىشىڭ كەڭ رى بولسا قاتناش ھادىسىسى كۆپ بۇلىدۇ.

52arslan

	چىراغ تۈۋى قاراڭغۇ دەپ ، بىز يەنىلا مۇشۇ پايتەختلەردە ئالساق ئوڭاي ئوخشىمامدۇ