دەرس ۋاقتىدا

takderdax

	مۇئەللىم سۆزلىمەكتە خامۇش كۆزلەرگە قاراپ. گاھ  سوئال قىستۇرار، ئۇيقۇچان كۆزلەرنى، خىيالچان دىللارنى، تېلېفون ماراقچىللىرىنى، ئۆزىگە قارىتىش ئۈچۈن. بۇلۇڭ-پۇچقاقتىن، چىقىپ قالار بىرەر تال جاۋاب. جاۋاب چىقمىسىمۇ، كايىمايدۇ ھەرگىز مۇئەللىم. توغرا چۈشىنەر ئۆزىچە. «تىرىشچان»بىزلەرنى ئويلاپ. تىرىشىدۇ بىزنىڭ بالىلار، ئۇخلىمايدۇ كېچىچە. دەرس ۋاقتى…… ئەڭ ياخشى ئارام ۋاقتى. تۈن قاراڭغۇسىنى ، قۇربان قىلغان تور دۇنياسىغا. ……………………….    ياتاق ئىچىمۇ ھەم، جىمجىت شۇنچىلىك. ھەممە سىڭىپ كەتكەن، شۇ مەۋھۇم دۇنياغا. پەقەت تاماق پەيتى، ئەھۋال باشقىچە. سۆزلىمەس ئېغىزلار، ئېچىلار بىردىنلا. مەۋھۇم دۇنيادىن، كۆرگەن بىلگەنلىرىنى، زوق-شوق بىلەن، بايان ئەيلەيدۇ،بىلمىگەنلەرگە. ھەيرانمەن……… ئۇلارغا ھەم  ئۆزۈمگە. دەرسلىك كىتاب، تۇرسا تەلمۈرۈپ، تورغا ئاشىق بولۇپ، پەرۋاسىز يۈرگەنلىرىمگە. ئۆتىدۇ ۋاقىت، بەرىكەت كۆتۈرۈلگەن. ھەممە ئۆزى ئۈچۈن، ئالدىراش يۈرگەن. ئىمتىھان ئالۋاستى، كىلەر يېقىنلاپ. «تىرىشچان»بىزلەرنى بىردىن بېقىنلاپ. قورقۇش ئىلكىدە، ئېلىنغان كىتاب، بولۇپ قالغان بىزگە، دورىسى بىتاب…. ………………………. دەرس ۋاقتىدا، بۇ تەگسىز خىياللار، كىرۋالدى كاللامغا. بولدى بەس……..! مۇئەللىم سۆزى ، كىرگىن قۇلقۇمغا. مەقسەت،نىشاننى ، ئۆزگەرتەي دەرھال. دەرس ۋاقتى….. پەقەتلا،پەقەت، ئىمتىھان قايغۇسى ئۈچۈن، بولمىغىن دورا. دەرس ۋاقتى….. ھەرخىل كىنىشكىلار ئۈچۈن، سېلىنغان مەبلەغ، ئەرزىمەيدۇ ئەسلا، بۇنداق بولۇشقا. ھايات ھەقىقىتى ئۈچۈن، ئوزۇق بول بىزگە. مەنبە:ئۆز قەلىمىم -شىرنە

ئۆل

	مەن ياخشى ئوقۇغۇچى ئىدم

dilsiri

	مەن دائېم  دەرسى ۋاختىدا  دەرىسلىك كىتاپقا   رەسىم سىزىپ ئوينايتىم

hiyal0097

	مەنمۇ شۇ سەل كەپسىزتىم ، قۇلاقمۇ بىر ئىككى قېتىم سۇزۇلۇپمۇ كەتكەن

مارشال

	مەن باشلانغۇچتا  ئۇقۇغان چاغدا،ئوقۇتقۇچى بەرگەن تاپشۇرۇقلارنى قەتئىي ئىشلىمەيتىم. ئۇ سىنىپ مەسئۇلۇم تۈگەپ كەتكىلى ئۇزاق يىللار بولدى،لېكىن،ئۇ ئوقۇتقىچىمنىڭ ئەجىر-مېھنىتىنى ھەر دائىم ئەسلەپ تۇرىمەن.

jassurman

	مەكتەپ ھاياتىمنى ئويلىسام... رەسىم دىگەنى خېلى سىزىپ قويتىم كىتابلىرىمغا. قايسى بەتتە بوش ئورۇن بولسىلا، ئۆزۈمنىڭغۇ قالمايتى، ھەتتا پارتىدىشىمنىڭكىنمۇ بوش قويمايتىم. يەنە بىر ئادىتىم، مىنىڭ كىتابلىرىمنىڭ 2 بولۇڭى قالمايتى قاچان قارىسام چىشلەپ...توۋا

LahMaN

	باشلانغۇچتىكى ۋاقىتلىرىمدا. ھەر بىر ئۇقۇتقۇچى دىگەننى كورسەم بىسىم .تەھدىت . پەيدا بۇلاتتى، ئۇلارنى پەقەتلام ياختۇرمايتتىم، تۇللۇقسىزغا چىققاندا . مۇئەللىملەگە بولغان ھورمىتى بولغان ، ھازىر ئۇلانى سىغىنمەن . ئەسلەيمەن،

delfen

	ئوقۇغۇچىلىق ھاياتىغا ھىچنىمە يەتمەيدۇ!

oyhanogul

mahatjan

	بۇ تىمىنى بەك ياخشى يېزىپسىز رەخمەت سىزگە، ئوقۇغۇچىلارنىڭ دەرسكە تىرىشماسلىقىدا ھەر خىل سەۋەپلەر بار، يەنى ئالى مەكتەپلەرگە كىرمەك تەس، چىقماق ئاسان، خىزمەتكە ئورۇنلاشماق تەس ،ئىشلىمەك ئاسان.