خانىم، مەن سىزنى ئالىمەن

nazpari

	توردا تونۇشقىنىغا بىر يىلدىن ئىشىپ قالغان فاتىمە خانىمنى قادىر چىن كۆڭلىدىن ياخشى كۆرۈپ قالغانىدى. فاتىمە خانىمنىڭ ھەربىر سۆزىنىڭ ئورۇنلۇق ئىكەنلىكى، مۇنبەردىكى تىما، ئىنكاسلىرىنىڭ تىتىملىقى، پىكىرلىرىنىڭ جەلپ قىلارلىقى قادىردا دەسلەپتە قىزىقىش، ھۆرمەت تۇيغۇسىنى ئويغاتقان بولسا، چ چ پاراڭلىشىش دىتالىدا مۇنبەر تىمىلىرى، تۇرمۇش، دۇنيا خەۋەرلىرى، تارىخي ۋەقەلەر، رومانلار توغىرسىدا قىلىشقان پاراڭلىرىنىڭ بىر يەردىن چىقىشى بارا-بارا ئۇنى ياخشى كۆرۈش دەرىجىسىگە باشلاپ بارغانىدى. قادىر ئاخىرى ئويلىشىپ كۆڭلىنى فاتىمە خانىمنىڭ يۇرتىغا بىرىپ يۈز تۇرانە دىيىش قارارىغا كەلدى. شۇڭا بۈگۈن شىركەتتىن بالدۇرلا قايتىپ كىلىپ ئۆيگە قايتىپلا چ چ نى ئاچتى. فاتىمە خانىمنىڭ باش سۆرىتى ھامان قارىيىپلا تۇراتتى، ئەمما قادىر ئۇنىڭ توردا داۋاملىق بار ئىكەنلىكىگە ئىشەنچ قىلاتتى. ھەم شۇنداق بولىدىغانلىقىنى بىلەتتى. ئۇ ھاياجانلىق ئىزتىراپ قاپلاپ تۇرغان يۈرىكىنى تۇتۇپ بىر ھازا تۇرىۋالغاندىن كىيىن ئالدىرىماي خەت يازدى : _    _ ئەسسالامۇ ئەلەيكۇم، فاتىمە خانىم قانداق ئەھۋالىڭىز ؟ ئالدىراشمۇ ؟    _ۋەئەلەيكۇم ئەسسالام قادىر بەي، مەن اللەنىڭ رەھمىتى بىلەن ياخشى تۇردۇم، ئالدىراش ئەمەس. سىزچۇ ؟    _ مەن شىركەتتىن ھازىرلا قايتىپ كىلىشىم.    _بۈگۈن بەكلا بالدۇر قايتتىڭىزمۇ قانداق ؟    _ ھەئە، ......................    _ ....................    _فاتىمە خانىم، xxx مۇنبىرىگە كىردىڭىزمۇ؟    _ھەئە، مەن ھازىر شۇ مۇنبەردە، ماۋۇ تىمىنى كۆرۈپ بىقىڭ . (ئادرىسىنى ئەۋەتىپ بەردى )    _ھە  بولىدۇ.........    _ .....    _مەن كۆرۈپ بولدۇم، سىز قانداق قارايسىز؟ قادىر داۋاملىق فاتىمە خانىم بىلەن مۇشۇ ئۇسۇلدا مۇشۇ شەكىلدە پاراڭلىشاتتى. ئەھۋال سوراش، تىما ئادرىسى ئەۋەتىش، شۇ بىر تىما ئۈستىدە بىر-بىرىنى قايىل قىلغۇچە مۇنازىرە قىلىش....    _مىنىڭچە ئۆزىنى تونىتىش ئۈچۈن قىلغان ئىشىمىكىن.    _قانداق دەيسىز ؟    _ ئۇنداق بولمىسا نىمە قىلىدۇ تارتقان سۆرەتلىرى بىلەن قوشۇپ يوللاپ، ئايدا ناماز ئوقۇسا بولمايدۇ دەيدىغان ئايەت ياكى ھەدىس يوققۇ ؟ اللە ھەربىر بەندىسىگە بەش ۋاقت نامازنى پەرز قىلغان، بەندە مەيلى قەيەردىلا بولسۇن چوقۇم ئۇ پەرزنى ئادا قىلىشى كىرەك. نامازغا باھانە يوق.    _سىز رىيا ئەمەل دىمەكچىمۇ ؟    _ھەئە، گۇناھلارنىڭ ئەڭ ئىغىرىنىڭ بىرى رىيا ئەمەل. ئىككىيلەن مەلۇم بىر مۇنبەرگە يوللانغان (ئاي شارىدىكى ناماز ئوقۇغان ئادەم) دىگەن تىمىدا پاراڭلىشىۋاتاتتى. تىما مەزمۇنىدا بىر چەتئەللىكنىڭ ئاي شارىدا تۇرۇپ ناماز ئوقۇغان سۆرىتى تارتىلغان ھەمدە شۇنىڭغا ئائىت خەۋەرلەر قىستۇرۇلغان ئىدى. ئىككىيلەن بىر ھازا مۇنازىرە قىلىشقاندىن كىيىن توختاپ قالدى. قادىر ئاخىرقى كۈچىنى بارماقلىرىغا يىغىپ فاتىمە خانىمغا خەت يازدى :      _ فاتىمە خانىم، كۆڭلىڭىزگە كەلمىسە مەن سىزگە بىر گەپنى دىسەم بولامدۇ ؟    _ ئەلۋەتتە، ھازىرقىچە بۇنداق تەكەللۇپ قىلىپ كەتمىگەن ئىدىڭىز، نىمە بولدى سىزگە؟ دەۋىرىڭ    _ بىز تونۇشقان بىر يىلدىن بىرى سىزنىڭ ئەدەپ-ئەخلاقلىق ھايالىق ئىمانلىق مۇسۇلمان ئايال ئىكەنلىكىڭىزنى ھىس قىلدىم. ماقۇل بولسىڭىز بىز توي قىلساق !!!    _ قادىر بەي، بۈگۈن مىجەزىڭىز يوقمۇ نىمە؟ دورا ئىچتىڭىزمۇ ؟    _گەپنى باشقا ياققا بۇرىۋەتمىسىڭىز سىزدىن ئۆتۈنۈپ قالاي. قادىرنىڭ يوغان كۆزلىرىدىن راستىنلا ئىككى تامچە ياش سىرغىپ چۈشۈپ كەتتى.    _ئەجەپ بۇ تەكلىپنى قويۇپ قاپسىزغۇ؟ مەن سىزنىڭ ھەدىڭىزدەك تۇرسام.    _كۆڭۈل دىگەن شۇنداق يۈگەنسىز بولىدىكەن سىز بىلەن ئۈچ ئاينىڭ ئالدىدىكى بىر تىمىدا سىز دىگەن گەپ بۇ. ئەمدى گىپىمگە جاۋاپ بەرسىڭىز ئۆتۈنۈپ قالاي سىزدىن    _سىزمۇ بىلىسىز ، مەن بىر توي قىلىپ ئاجىرشىپ كەتكەن ئايال. يىشىممۇ سىزنىڭكىدىن خىلىلا چوڭ.    _نىمە بوپتۇ، پەيغەمبەر ئەلەيھىسسالاممۇ ئۆزىدىن نەچچە ياش چوڭ ئايالنى ئەمرىگە ئالغانغۇ؟    _بۈگۈن كەيپىياتىڭىز ياخشى ئەمەستەك قىلىدۇ، ئەتە پاراڭلىشايلى بولامدۇ؟    _مەندىن نىمىشقا ئۆزىڭىزنى قاچۇرىسىز؟ مەن سىزگە نەچچە پارچە سۆرىتىمنىمۇ ئەۋەتىپ بەردىم. سەتمىكەنمەن يا؟    _قادىر بەي، نىكاھ دىگەن ئوينىشىدىغان ئىش ئەمەس. سىز تىخى كىىچىك كۆپ ئىشلارنى بىلمەيسىز. بۇ سىزدىكى قىزىقىش، ئويلاپ باقتىڭىزمۇ؟ بۇ ئىشلارغا ئاتا-ئانىڭىز نىمە دەيدۇ؟ مەھەللە-كويلارچۇ؟ مەن سىزنى بىر ياخشى مۇنبەردىشىم دەپ بىلىمەن. ئۆز ئىنىمدەك كۆرۈپ كەلگەن تۇرسام، ئەمدىلىكتە سىز بۇنداق دىسىڭىز .........    _قاملاشمىدى شۇنداقمۇ؟ ماڭا ئىچىڭىز ئاغرىسۇن فاتىمە ، ئەمدى سىزنى خانىم دىمەيمەن. مەيلى سىز توي قىلغان بولۇڭ قىلمىغان بولۇڭ ئەمەلىيىتىم ئارقىلىق سىزنى تەسىرلەندۈرىمەن. سىزنى چوقۇم ئەمرىمگە ئالىمەن. سىزدەك ياخشى ئايالنى ئالمىسام بىر ئۆمۈر پۇشايماندا ئۆتىشىم مۇمكىن.    _.................    _گەپ قىلىڭە فاتىمە، نىمە بولدى؟ اللەھقا ئامانەت دەپمۇ قويماي چۈشۈپ كەتتىڭىزما؟    _ياق چۈشۈپ كەتمىدىم، مەن بار.    _ئەمىسە ئاڭلاڭ فاتىمە، مەن شىركەتتىن بىر ھەپتىلىك رۇخسەت سورىدىم. ئەتە ئەتتىگەن اللە نىسىپ ئەتسە، يولغا چىقىمەن.    _سەپەر قاياققا؟    _قەشقەرگە، يەنى سىزنىڭ يۇرتىڭىزغا    _ۋاي توۋا دەڭە، نىمىش قىلىسىز كىلىپ ؟    _فاتىمە، يۇرتىڭىزغا بارىمەن دەۋاتسام كىلىپ نىمە ئىش قىلىسىز دەيسىزغۇ؟ قارىغاندا بارسام قارشى ئالمايدىغان ئوخشىمامسىز؟    _ياق ياق ئۇنداق ئىش يوق.......    _ئۇنداق بولسا كىلىشتۇق ياخشىراق جاۋاپنى ئويلىنىشىڭىزنى ئۈمىد قىلىمەن . سىزنىڭمۇ ياش ئۆمرىڭىز خازان بولۇپ كەتسە بولمايدۇ. اللە ئىككىمىزنى سادىق ھەمرالاردىن بولۇپ ئۆتسۇن دەپ بۇ مەۋھۇم دۇنيادا ئۇچراشتۇرغان چىغى. اللە كۆڭلۈمگە سالغان بۇ ئىشتىياقتىن اللە تىنىقىمنى توختىتىپ قويمىغۇچە ھەرگىز ۋاز كەچمەيمەن.    _ئويلىشاي، اللەغا ئامانەت.    _ياخشى جاۋاپقا ئىرىشىشىمگە اللە مەدەتكار بولسۇن ! اللەغا ئامانەت. فاتىمەنىڭ بىر جۈپ قاپقارا كۆزلىرى يەنە ياشلاندى، يۈرىكى بولسا قادىرنىڭ ئەخلاقلىق يىگىت ئەمەسلىكىنى ئىنكار قىلالمايتتى. تونۇشقان بىر يىلدىن بىرى ئەخلاققا زىت بىرەر ئىغىز سۆز قىلىپ باقمىغانلىقىنى ياخشى بىلەتتى. ئۆزىمۇ ئۆزىدىن بەش ياش كىچىك بۇ بالىنى خىلى ھۆرمەتلەيتتى. فاتىمە ئاخىرى اللەقا مەسلىھەت سىلىش ( ئىستىخارە نامىزى ئوقۇش ) ئۈچۈن ئورنىدىن تۇردى. ئەتىسى ئەتتىگەندە بىر ياخشى خۇشخەۋەرگە ئىرىشكەن قادىر خۇشاللىقىنى ئىچىگە سىغدۇرالمىغان ھالدا ئانىسىنىڭ قىشىغا يۈگۈردى.       _ ئەسسالامۇ ئەلەيكۇم ئانا، قانداق ئەھۋالىڭىز؟    _ۋەئەلەيكۇم ئەسسالام ئوغلۇم، بۈگۈن كەيپىياتىڭىز باشقىچە خۇشالغۇ؟ خۇشخەۋەر بارمۇ نىمە؟    _ئەلۋەتتە، ھىلىقى سىزگە گىپىنى قىلىپ بەرگەن فاتىمە خانىم بارغۇ، شۇ ئايال ياق مىنىڭ نەزەرىمدىكى ئەخلاقلىق قىز توي تەكلىپىمگە قوشۇلدى.    _ئاھ خۇدا، بالىلىرىمنىڭ ئۆمرىنى ئۇزۇن، ئەقلىنى زىيادە قىلغىن. شۇ قىزىمنى ماڭا كىلىن قىلىپ بەرسەڭ دەپ نامىزىمدا تىلىگەنلىرىم ئاخىرى ئىجابەت بولۇپتۇ دە. ئوغلۇم قاچان يولغا چىقىسىز؟    _ھازىر بىكەتكە بىرىپ بىلەت ئىلىپ كىلەي چۈشتىن كىيىن ماڭسام قانداق بولاركىن؟    _بولىدۇ بالام، ياراتقان اللە سەپىرىڭىزنى ئوڭۇشلۇق قىلسۇن. ....................... سەپەر ھاردۇقى يەتكەن قادىر يولوچىلار ئاپتۇبۇسىدىن چۈشۈپ ئۇياق بۇياققا قارىدى، يېراقتىن پەرىشتىلەردەك كىيىنىۋالغان فاتىمە خانىم قول پۇلاڭلىتىپ قادىر تەرەپكە كىلىۋاتاتتى..... مەنبە : ئۆزۈم ئەسكەرتىش يازغۇچىنىڭ بۇ ھىكايە بىلەن ھىچقانداق باغلىنىش مۇناسىۋىتى يوق. تولۇقلىما مەزمۇن (2012-3-27 10:55 AM): ئاخىرىنى يىزىۋاتىمەن، باشقىلارنىڭ تەلىپى بىلەن

esyankar75

	ئاخىرى يوقمۇ؟

ALDIYAR

	مەن بۇ ھىكايىگە بىر نەرسىلەرنى دىگىم كىلۋاتىدۇيۇ لېكىن سۆز لىرىمنى نەدىن باشلاشنى بىلەلمەيۋاتىمەن. بۇ ھىكايىنىڭ ئاخىرسى يوقما؟؟؟

bujahan

	تۈگەپ كەتتىمما؟ ئاخىرى قېنى مۇنبەردە فاتىمە دەپ بىر تورداش بارتى شۇ ئەمەستۇ.چاقچاق-ھە.

aysiman

	تور دۇنياسى نىيەتكە باغلىق نىيىتى دۇرۇس بولسا قارشى تەرەپمۇ ياخشى بولىدۇ . ئاللاھ بەختىنى بەرسۇن .

nazpari

	ئەسلى مۇشۇنىڭ بىلەن تۈگىتەي دىگەن، ئەمما باشقا مۇنبەردىكى تورداشلارنىڭ كۈچلۈك تەلىپى بىلەن ئاخىرىنى يىزىۋاتىمەن، اللە خالىسا كەچتە ھوزورۇڭلاردا بولىدۇ.

gulbar5

	ھىكايە ياخشى چىقپتۇ ، ئاخىرىغا  تەشنا  مەن

nafisa11

	ياخشى چىقپتۇ ،ئاخىرىنى كەشتە كۈرەيلى  .تەقەززا قىمماڭ ھە!!!!!!!!!!!

zulfay

	خۇددى ئۆزىڭىزنىڭ تۇرمۇشى بىلەن مۇناسىۋەتلىكتەك بىلىنىپ كەتتى. لېكىن خەتنى بەك توغرا ئۇرۇپسىز، ئوقۇغان ئادەمدە بىر خىل راھەتلىك تۇيغۇسى بولىدىكەن. ئاخىرىنى ئوقۇشقا نىسىپ بولسۇن.

basut

	فاتىمەنىڭ بىر جۈپ قاپقارا كۆزلىرى يەنە ياشلاندى، يۈرىكى بولسا قادىرنىڭ ئەخلاقلىق يىگىت ئەمەسلىكىنى ئىنكار قىلالمايتتى. دېمەك،فاتىمەنىڭ يۈرۈكى قادىرنىڭ ئەخلاقلىق يىگىت ئەمەسلىكىنى سېزىۋاتىدۇ،شۇنداقمۇ نازپەرى خانىم؟ مەن شۇنداق چۈشەندىم.