دوستۇم ، مۇھتاج كىشىلەرگە قانداق ياردەم بىرەلەيسىز ؟

Gvljahan

	دوستۇم  ،  مۇھتاج كىشىلەرگە قانداق ياردەم بىرەلەيسىز ؟   مۇشۇ كۈنلەردە ، تاراتقۇلاردا "پالانى يەردە پۇستانى كىشى  ئۆز يېنىدىن مۇنچە پۇل چىقىرىپ ساخاۋەتلىك ئىشلارنى قىلدى  " ياكى  " ** شەخسىيەتسىز ھالدا **مىڭ يۇەننى مۇھتاجلارغا ئىئانە قىلدى "دىگەندەك پاراڭلارنى ئاڭلاپ تۇرىمىز ، شۇنداق  ، خەلقىمىز ھەقىقەتەن پۇل-مالغا كۆزى قانى توق ، باغرى يۇمشاق خەلق  ، بەزىدە ئاشۇنداق خەۋرلەرنى ئاڭلىغىنىمدا ئۇلاردىن خۇددى يېقىن قېرىندىشىم ساۋابلىق ئىشتىن بىرنى قىلىۋەتكەندەك مەمنۇن بۇلۇپ  ،دۇئالىرىمدا ئاشۇنداق ياخشى كىشىلىرىمىزگە ئۇزۇن ئۆمۈر ، ئىشلىرىغا بەرىكەت تىلەپ ، ئاللاھتىن مىنىمۇ شۇنداق ياخشى يوللاردىن قايتۇرماسلىقىنى  تىلەيمەن ، تۇرمۇش دىگەندە ھەرخىل ئىشلار تۈپەيلى ئويلىغىنىمىزنى قانچىلىك قىلالىساق شۇنچىلىك قىلىدىكەنمىز ..... قىسقىسى  ،مىنىڭ دۇرۇس يوللاردا يۈرۈپ   قىيىنچىلىق تۈپەيلى قۇلى قىسقىلىق قىلغانلارغا نەچچە يۈز يۈەن ھەتتا زۆرۈر بولسا مىڭ يۈەنلەپ ئاتىۋەتسەم مەيلىكى ، كوچا دوقمۇشىدا ئولتۇرۇپ ،  بەش ئەزاسى ساپساق ، قاسماق قولىنى  باشقىلارغا سوزۇپ ئولتۇرغانلارغا بىر تىيىنمۇ بەرگۈم كەلمەيدۇ ، ئۇنىڭدىن كۆرە ئۆيدىكى ئاغرىق ھەمرىيى ياكى ، ئۇقۇشتىكى بالىلىرى ئۈچۈن بىر ئىستاكان گازىر بولسىمۇ سېتىپ ھالال تىرىكچىلىك قىلغانلارغا پۇل خەجلەپ بەرسەم دۇرۇس دەپ قارايتتىم ..... بىر نەچچە يىل ئاۋالغۇ دەيمەن ، بىر كۈنى كەچقۇرۇن  دوستۇم بىلەن  تاماق يەپ تاماقخانىدىن چىقىپ كىتىۋېتىپ  ئالدىمىزغا 7ياشلار چامىسىدىكى بىر ئوماق بالا "پەشمەت ئېلىڭلار ئاچىلار ، پەشمەت ، ئۆزىمىز ياسىغان " دەپ كەپ قالدى ، بالىنىڭ كىچىككىنە تۇرۇپ چوڭلاردەك سودا كوچىسىغا كىرىپ كەتكىنىگە قاراپ كۆڭلۈمنىڭ بىر يەرلىرىدە "بىر سەۋەبى بار " دەپ ئويلىدىم- دە ، بالىنىڭ ئالمىدەك قىزغۇچ  ئوماق يۈزلىرىگە ئامراقلارچە قاراپ قۇيۇپ : -مەكتەپتە ئوقۇمسەن ئۇكام ؟ دەپ سورىدىم . -ھەئە  دىدى بالا ، شۇنىڭ بىلەن ئۇنىڭدىن 3يۈەنگە بىر بولاق پەشمەت ئالدىم ، دوستۇم بۇنى كۈرۈپ  : تېخى ھازىرلا تاماق يىگەن تۇرساڭ ، ئۇنى نەگە يەيسەن ؟ -دەيدۇ . - مەن پەشمەتكە ئامراق  ، ئۇنىڭدىن باشقا بالىغا سودا قىلىپ بىرىۋاتىمەن ، ئۇنىڭغا پۇل كېرەك . ھىچكىم ئۇنىڭدىن نەرسە سېتىۋالمىسا ، ئاپىسىغا نىمە دەيدۇ ؟ - دىدىم مەن ، شۇنىڭ بىلەن دوستۇم باشقا گەپ قىلمىدى . بىزنىڭ ناھىيىنىڭ كىتاپخانا ئالدىدا داۋاملىق بىرنەچچە ساھىل ئولتۇرىدۇ ، ناھايتى مەينەت كىيىملەر بىلەن ، پۇت-قوللىرى ساپساق  ، ئەگەر مەن مۇناسىۋەتلىك ئۇرۇنلاردا ئىشلىگەن بولسام ئۇنداقلارنى ئاللىبۇرۇن پۇت -قولىنى يەرگە تەگكۈزمەي ، تەقىپ ئاستىغا ئېلىپ ھالال ئىشلەپ پۇل تاپىدىغان يولغا سېلىپ قويغان بولاتتىم ياكى ئۇدا ئۈچ قېتىم كوچىدا بايقىلىپ قالسا ئۇدۇل تۈرمىگە يولغا سالاتتىم . راست .بۇنداق ئىشقا سەل قارىغىلى بولمايدۇ ، بۇلۇپمۇ 21- ئەسىردىكى گۈللىنىۋاتقان سوتسىئالىستىك دۆلىتىمىزدە ....................... بىر كۈنى دەل شۇ كىتاپخانىمىزنىڭ ئالدىدىن ئالدىراش ئۈتۈپ كىتىۋېتىپ كىتاپخانا ئالدىدا ساھىل ئەمەس ، خىيال بىلەن ئىڭىكىنى تىرەپ ، باش ياغلىقتەك ئورۇنغا ياغلىق يايمىسى ئېچىپ ئولتۇرغان بىر ئايالنى كۈرۈپ قالدىم ، ئايال بەك بولسا 40نەچچە ياشتا ، چاچلىرىنى چۈشۈرىۋېتىپتۇ ، ياغلىقىنىڭ تېگىدىن بىلىنىپ تۇرىدۇ ، كىيىملى ناھايتىمۇ ئاددى ساددا ، ئەمما پاكىزە ، قەدەملىرىم  ساھىلنىڭ ئالدىدا بولسا ناھايتىمۇ تىز  يۈرۈپ كىتەتتى ، ئەمما شۇ كۈنى ئالدىراپ مېڭىپ 10نەچچە مىتىر ئۈتۈپ كىتىپمۇ تۇيۇقسىز توختاپ قالدىم ، كۆڭلۈمدە ئاۋۇ ئايالنى تەھلىل قىلىۋاتاتتىم  ، : بىچارە  ، بازارلاردا ياغلىق سودىگەرلىرى دىگەن ساماندەك  ، كىم ياغلىققا ئىھتىياجلىق بولسا تاللاپ تۇرۇپ سېتىۋالالايدۇ  ، مۇنۇ ئايالنىڭ قېشىغا ھىچكىم يولىماپتۇ ، بۇ يا تۇل ، يا ئۇششاق بالىلىرىغا ئاش- ئۇزۇقنىڭ غېمىنى قىلىپ بىر بوخچىما ياغلىق بىلەن كوچىغا  چىقىپتۇ  ، بۇ ئايال پۇل ئۈچۈن ئۇچۇق ئاشكارە ئىپپەت سودىسى قىلىۋاتقان ياكى قاۋاق سودىسى قىلىۋاتقان ئايال شەكىللىك ئىپلاسلارغا قارىغاندا نەقەدەر پاكىزە -ھە ؟!  گەرچە ئۈيۈمدە ياغلىقىم دىگەن يىتەرلىك بولسىمۇ ، بۇ ئايالنىڭ ئالدىغان بېرىپ ئىڭىشىپ تۇرۇپ بىر تال ياغلىق تاللىسام نىمىشقا بولمىغۇدەك ..........شۇلارنى  ئويلاپ ئاستا كەينىمگە ياندىم ، بېرىپ ئايالنىڭ ياغلىقلىرىغا سەپ سالدىم ، ئايال جىمقىتقىنا يەرگە قاراپ ئولتۇرغان تۇرقىدىن سەل قىمىرلاپ ، چىرايى ئېچىلدى  ،  ياغلىقلار ۋاي دەپ كەتكۈدەك ئەمەستى  ، شۇنداق بولسىمۇ ، چۆرىسىگە چىرايلىق چىلتەك تۇتۇلغان ئۈچ بۇرجەك  ئاق رەڭلىك ياغلىقتىن بىرنى تاللىۋالدىم - دە ، ئايالدىن سورىدىم   : ئۆيلىرى قەيەردە ؟(مەخسىدىم ئۇنىڭ يەرلىك ياكى باشقا يۈرتلۇق ئىكەنلىكىنى بىلىپ بېقىش ئىدى ) . - كىتاپخانىىڭ كەينىدىكى كوچىدا ، مىسكىن ئاۋازدا جاۋاپ بەردى ئايال . -بالىلىرىڭىز بارمۇ ؟ - بار ، ئۈچ بالام بار ...... ئەمدى گەپ سوراش ئارتۇقچە ئىدى ، ياغلىقنىڭ باھاسىنى سورىدىم ،  ئايال بازار دىكى ئوخشاش تۇردىكى ياغلىقلارنىڭ باھاسىدىن ئۆرەرەك باھانى تەۋەككۈلچىلىك بىلەنلا دىدى  ، بۇنى چۈشىنىشكە توغرا كىلەتتى ، چۈنكى مۇھتاجلىق ئۇ ئايالنى ئاشۇنداق "تەۋەككۈل" دەي-دەيگە سالالايدۇ ، مەن سەل مۇۋاپىقراق باھانى دىدىم ، ئايال ئاتايىن كەينىگە يېنىپ مال سورىغان مىنى قاچۇرۇپ قۇيۇشتىن ھېيىقتىمۇ ئەيتاۋۇر مان سورىغان باھاغا ئۇنىدى ...شۇنداق قىلىپ مەنمۇ يەتمەكچى بولغان مەخسىدىمگە يەتتىم ، بۇ ئارىلىقتا ئايالنىڭ چۆرىسىگە يەنە 2-3 ئايال ئولاشتى ................... ياغلىقنى قولۇمغا يۆگەپ ئويناپ كىتىۋىتىپ ، شۇلارنى ئويلاپ قالدىم ، پۇل دىگەن يامان نەرسە ، ئادەمنىڭ رىسقىنى ھىچكىم ئۆزى ئالدىن مۆلچەرلەپ ، تەغدىرىنى  ئۆزى بەلگىلەپ ئاندىن تۇغۇلالمايدۇ  ، لىكىن بەزى ئادەملەر باركى :  يۇقۇرىدىن تۆۋەنگە باشقىلارنىڭ رىسقىغا چاڭ سالالايدۇ ياكى ئۆزىنىڭ قاچىىسدىكى رىزقىنى باشقىلارغا بۈلۈپ بىرەلەيدۇ ، بىزچۇ ؟ رىسقىمىزنى باشقىلارغا قانچىلىك بۈلۈپ بىرەلەمىز ؟ بالىلىرىمىزنىڭ رىسقىچۇ ؟ ئۇلارئۆز رىسقىنى قانچىلىك تۇتۇپ تۇرالايدۇ ؟! رىزىق دىگەن زادى نەدىن نەگىچە ؟ رىزىق دىگەننى قاچانغىچە "ئادەم تۇغۇلسا رىزقى  بىللە تەڭ ئاسماندىن چۈشىدۇ " چۈشىىنىمىز ؟  ، ماقۇل  ، بىز بىلمەيدىغان رىزىقلىرىمىزغۇ ئاسماندىن چۈشكەن بولغاي ، ئۇنىڭدىن ئۆزىمىز قانچىلىك بەھىر ئالالالىدۇق ؟  كۆپىمىز بىلىمىز ھىچقانچە ، ھىچقانچە ......... بولمىسا ئەتىراپىمىزدىكى مۇھتاجلار تا ھازىرغىچە ۋايساپ قاخشاپ يۈرمىگەن بۇلاتتى ، بولمىسا جەمىيىتىمىزنىڭ باي كەمبەغەللىك پەرقى مەيلى پۇل-مال جەھەتتىن بولسۇن  ، مەيلى مەنىۋى جەھەتتىكى قاغجىراش ياكى نۇر چاقناشلار بولسۇن  پەرق ئۇنچىۋالا زورىيىپ كەتمىگەن بولاتتى ......بولمىسا بانكىلار ئەڭ ئاساسى تۇرمۇش ئېھتىياجلىرىمىز تۈپەيلى بىزنى 10نەچچە يىللاپ ئالدىغا ھۆكىرەپ تۇرغان  شىرنىڭ ھەيكىلى قۇيۇلغان ئىشىكىگە تەلمۈرتمىگەن بولاتتى  . بۇ گەپنى قىلىۋېتىپ بىرەيلەننىڭ " تاش شىرلار كىمگە قاراپ ھۆكىرەيدۇ ؟ "دىگەن سۇئالى يادىمغا كىچىپ قالدى ......تاش شىرنىڭ كىمگە قاراپ ھۆكىرەيدىغانلىقىنى ئېنىق بىرنىمە دىيەلمىسەممۇ بىر نوقتىنى بىلىمەن ، تاش شىر ھىچ بولمىغاندا بانكا باشلىقىغا قاراپ ھۆكىرىمەيدۇ ...شۇنداققۇ ؟ گەپلىرىمنىڭ تېرىلىپ كەتكەن ئۇچىلىرىنى  يىغسام ، قىسقىسى بىز خەقنىڭمۇ ھۇشىمىزنى يىغىدىغان پەيتىمىز كەلدى  ، "مىڭ ئېغىز كاپ-كاپتىن بىر ئېغىز چىپ-چاپ ياخشى  " دەپ بەك توغرا ئېيتقان  ئاقباشلار ، دىمەك بىزگە ئەمدى قۇرۇق غەيۋەت شىكايەت  ، ئاقماس لاۋزا كۈلكە -پاراڭلار ئارتۇقچە ، خۇددى ئابدۇكېرىمكامنىڭ قىمارۋاز دىگەن ئىپىزۇتىدا دىيىلگەندەك "كارغا كەلمەس ، ھالال نەپ بەرمەس ئىشلار "بىزگە ھەقىقەتەن ئارتۇقتىن ئارتۇق  ، ئۇنىڭ ئورنىغا ئىدىتلاپ قىلغان كەسپى خىزمەتنىڭ نەتىجىسى ياكى ھالاللاپ قىلغان سودىنىڭ پايدىسى ، ياكى  كۆڭلى يېقىن تىلى دىلى يېقىن قېرىنداشلىرىمىزغا قىلىنغان كىچىككىنە بولسىمۇ ئەمەلى ياردەم قاتارلىقلار بىزنىڭ مەنىۋىيىتىمىزنى بېيىتىشتىن سىرت ئۆزىمىزنىڭ ھەم ئۆزلىرىمىزنىڭ رىسقىنى بېيىتىشى مۇمكىن  ، دوستلىرىم  ، ھال كۈنىمىز ياخشىلىنىپ ، ياخشى يەپ (ياخشى ئىچىپ دىمەيمەن ، چۈنكى ياخشى ئىچىملىك  ئاپپاق سۈت  ، پاكىزە سۇ ، تاتلىق مىۋە شەرۋىتى خالاس...  ) ياخشى كىيىپ يۈرگەن شۇ كۈنلەردە ئەتىراپىمىزدىكى مۇھـتاجلارنى ئۇنتىمايلى ، ياردەم ئاۋال قۇلۇم خۇشنىدىن  ، ئاندىن مەھەللىدىن ، ئاندىن يۇرتتىن ، ئاندىن قەۋمدىن ھالقىغاندا ئاندىن كۆڭلىمىز تىنىدىغۇ دەيمەن .................ئارتۇق پۇللىرىمىز بولسا  ، سۈپىتى ئانچە بولمىسىمۇ ئۆز ئادەملىرىمىزنىڭ ماللىرىدىن ئانچە - مۇنچەئېلىپ قۇيۇڭ  ، لازىم بولمىسىمۇ ئالدىڭىزغا يولۇققان ساتارمەنگە ئاغدۇر كۆپتۇر سودا قىلىپ بىرىڭ ، بۇلارنىڭ ھەممىسى ياخشى ئەمەللەرگە كىرىدۇ ، يىپ-يىنىك بۇلۇپ قالىسىز . باشقىلارغا تۇتام-تۇتاملاپ ئاتا قىلالمىسىڭىزمۇ ئۆز ۋاقتىدا ، ئۆز جايىدا سەرپ قىلغانلىرىڭىز ئاشۇ تۇتاملاپ سەرپ قىلغانلارنىڭ ساۋابىدىن قېلىشمايدۇ ئەلۋەتتە ....................................................

wijdan.

	بەكمۇ ئەمەلىيەتنى چىقىش قىلغان ھالدا يېزىپسىز،ئەگەر ھەممىمىز سىز يازغاندەك بولالىغان بولساق دۇنيادىكى ئالدىنقى قاتاردىكى باي دۆلەت بولۇپ قېلىشىمىزدا گەپ يوقتى!ھېلىمۇ تېرىشايلى!!!

tanha858

	ناھايىتى ياخشى يېزىپسز

burkut327

	ماۋۇلار ئەمەلىي تەكلىپ بوپتۇ، قىلايلى دېسەكلا قىلالايدىغان ئىشلار.ھەممە نەرسىنى تور،تاللا بازىرى، مەخسۇس سىتىش دۇكانلىرىدىن سىتىۋىلىشقا ئالدىراپ كەتمەي باشقا ياقلارغىمۇ نەزىرىمىزنى ئاغدۇرۇپ باقساق بولىدۇ.

Gvljahan

	burkut327 يوللىغان ۋاقتى  2012-3-27 12:31 PM ماۋۇلار ئەمەلىي تەكلىپ بوپتۇ، قىلايلى دېسەكلا قىلا ... ئاغزىڭىزغا ناۋات.............

jassurman

	بۇ تىما ھەقىقەتەن رىئاللىق، مەنمۇ جەمئىيەتتىكى بۇنداق رىئاللىقلارنى خېلى كۈزىتىپ ئۆتىمەن. بۇ تىما ماڭا بەك تەسىر قىلغان بىر ئىشنى يادىمغا سالدى. 2010-يىلى مەن فارفۇر زاۋۇتى (تاۋزىچاڭ) خوڭخۇي گۈللىكىدە تۇرىۋاتقان چاغلار ئىدى. خىزمەت ئورۇنۇم 6-ئوتتۇرا ئۇدۇلىدىكى ئېلېكتىرون سارىيدا ئىدى. ھەركۈنى ئوخشاش رىتىمدا ئىشقا بېرىپ كىلىپ تۇراتتىم. بىر كۈنى ئەتىگەندە قورۇ ئالدىدىكى ئاپتۇبۇس بىكتىدە، بىكەتكە ئورۇنلاشتۇرۇلغان «ئۈرۈمچى كەچلىك گىزىتى» نى كۆرۋاتاتتىم. بۇنىڭ مىنىڭ ھەركۈنلۈك ئادىتىم ئىدى. تۇيۇقسىز بىر 7-8 ياشلاردىكى، دۈمبىسىگە سومكا ئاسقان بىر بالا مىنى بوشقىنا چاقىردى. ئۇ ھەقىقەتەن تىرنىقىنى تاتىلاپ، بېشىنىمۇ كۆتۈرمەي تۇراتتى. ئۇنى بىر قۇر كۈزىتىپ چىقتىم، كىيىملىرى سەل پەل كونا، كىرلىشىپ قالغان جايلىرىمۇ يوق ئەمەس ئىدى. ئۆزۈممۇ كىچىك بالىلارغا ئامراق بولغاچ، ئۇنىڭ بىلەن پاراڭلىشىپ كەتتىم. -ئىسمىڭ نىمە؟ -ئابدۇسالام -قانچىگە كىردىڭ ئۇڭا؟ -7 گە -قانچىنچى يىللىقتا ئوقۇيسەن؟ -2 دە -19-باشلانغۇچتا ئوقۇمسەن؟ -ياق، 31-باشلانغۇچتا (ئېنىق يادىمدا قالماپتۇ، لىكىن شەرقى ئايلانما تەرەپتىكى بىر باشلانغۇچ ئىكەنلىكى ئېنىق) -داداڭچۇ نىمە ئىش قىلىدۇ؟ 61-يول ئاپتۇبۇسى كەلدى، ئۇ سەل جىددىيلىشىپ: -ئاكا ماڭا 1 كوي بىرەمسىز؟ مەن ئۇنىڭ بۇ سۇئالىدىن بىر ئاز تۇرۇپ قالدىم. ھەمدە تېخىمۇ تەپسىلى بىلىپ بېقىش ئۈچۈن سورىدىم. -نىمە قلىسە ئۇكا؟ -ئاپتۇبۇس چىقىمەن -داداڭ ئەتىگەندە پۇل بەرمەمدۇ؟ -بىرىتى، بۈگۈن يوقكەن مەن سەل چۈشەنگەندەك بولدۇم. شۇندىلا بۇ ئوماق سەبىگە تېىخمۇ ئىچىم ئاغرىدى. مىنىڭمۇ كىچىك ۋاقتلىرىمدا خېلى ئىسىق-سوغۇق كۈنلەرنى ئىسىمدە. ئەگەر يەنە بىردەم پاراڭلاشقان بولسام، بەلكىم مەن ئاران توختىىتىۋالغان ياشلىرىمىنى باشقۇرالماسلىقىم مۇمكىنتى. مەن ئۇنىڭغا 5 يۈەن ۋە پارچە 5 مۇ بەردىم. چۈنكى ئۈرۈمچىدە كىچىك بالىلاردىن 5 مو ئالىدۇ. ئۇ كەتتى، مەن يەنىلا گىزىتتىن بايا ئوقۇۋاتقان جايلىرىمىنى ئىزدەشكە باشلىدىم، لىكىن يەنىلا خىيالىم ئۇنىڭدا ئىدى. بۇ سەبى نىمىشقا مۇشۇ كۈنگە قالدى؟ ئۇ ھەركۈنى مۇشۇنداق ئۆتەمدىغاندۇ؟ ياكى بۈگۈنكىدەك  دادىسى ئۆيگە قايتمىغان كۈنلەردە مۇشۇنداق بىجارە بوپ قالامدىغاندۇ؟ ھەي ئاتا-ئانىلار....نىمە ئىشلارنى قىلىۋاتقانسىلەر؟

sabaat

	بۇ تىيمىڭىزغا بالدۇرۇراق كىرمىگىنىمگە پۇشايمان قىلۋاتمەن. نىمە دىگەن توغرا گەپلەر بۇ، مەنمۇ چۇقۇم  شۇنداق قىلىشقا تىرىشىمەن. مۇشۇنداق ياخشى تىيمىنى يوللىغىنىڭىزغا رەخمەت.

blueleaf

	ناھايىتى ئورۇنلۇق گەپلەركەن .بىزنىڭ ناھىيىدىمۇ بىر مېيىپ ئاكاش بارتى ، بۇرۇن ئۇمۇ كىچىك يايما يېيىپ ياغلىق ،پايپاق دېگەندەكلەرنى ساتىدىغان ئوقۇشقا ماڭىدىغاندا ئاپام ئاشۇ ئاكاشتىن بىر جەينىماز ئېلىپ بەرگەنتى ..بۇ تەتىلدە ئۆيگە قايتقاندا قارىسام قايناق بازاردا خېلى ياخشى بىر دۇكان ئېچىۋاپتۇ .سودىسىمۇ يامان ئەمەسكەن .   يەنە بىزنىڭ مەھەللىدە بىر ئادەم بولىدىغان ،ئۆزى ساپساق ،لېكىن كوچىغا چىقىپ تىلەمچىلىك قىلىدىغان ،جۈمە كۈنلىرى مەسجىد ئالدىدا ،باشقا كۈنلىرى دوختۇرخانا ئالدىدا ،ھېيت بايرام كۈنلىرى قەبرىستانلىقتا دېگەندەك ، ھەتتا ئون نەچچە ياشلاردىكى قىزىنى قەبرىستانلىققا ئەۋەتىپ تىلەمچىلىك قىلدۇراتتى ،دادام دائىم رامىزاننىڭ زاكىتىنى ئاشۇنىڭغا بېرىمەن دەيتتى ،ئاپام بولسا  زاكاتقا ئۇنىڭدىن بەكرەك  ئېھتىياجلىق كىشىلەرگە بىرەيلى دەپ تۇرۇۋالاتتى .بىر كۈنى ئاپام كوچىدا كېتىپ بارسا بىر تىلەمچى ئۇچراپتۇ ،قارىسا ئاشۇ ئادەمكەن ،ئۇمۇ ئاپامنى تونۇپ بىزە خىجىل بولغاندەك ،بولدى كېتىۋەرسىلە ئۇكام ،ئەرلىرى  دائىم بېرىپ تۇرىدۇ دەپتۇ .بۇرۇن تىلىسىمۇ ئەمدى خېلى پۇللۇق بولۇپ قالغاندىن كېيىن دەسمى قىلىپ بىرەر ھالال ئىش قىلسىچۇ دەيدۇ دائىم ئاپام .

awatbag

	نىمە دىگەن ياخشى يىزىلغان تېما ماۋۇ ،بىز قاچانمۇ ئۆزىمىزنى قەدىرلەيدىغان بولامىز ،ئويلىنپ بېقىشقا تىگىشلىك بىر ئىشنى ئوتتۇرغا قويۇپسىز قېرىندىشىم. نەچچە يىل بولدى قاغىلىق ناھىيەشىنخۇاكىتابخانىسىنىڭ يان تەرىپىدە بىر مېيىپ ئادەم مايلامچىلىق قىلىدۇ ،مەن شۇ يەردىن ھەرقىتم ئۆتۈپ قالسام نىمە بولۇشىدىن قەتئى نەزەر ئاۋۋال شۇ ئادەمگە ئايىغىمنى بىر مايلىتىۋىتپ ئۆتۈپ كىتىمەن،پۇت قوللىرى ساق تۇرۇپ تىلەپ يىيىشنى ئۆزىگە كەسىپ قىلىۋالغانلار ،ئۆزى مېيىپ بولسىمۇ ھالال ئەمگېكى بىلەن تۇرمۇش كەچۈرىۋاتقان قېرىنداشلىرىمىزدىن ئۈگەنسە بولاتتى ئەسلى .