مېنىڭ ئېتقادىم.

tugrul525

	تورداشلارنىڭ سەمىمى، يوللۇق پىكرىنى ئاڭلايمەن. مەن كائىناتنىڭ قانداقتۇر ئۆزلىكدىن پەيدا بۇلۇپ قالىدىغانلىقىغا ئىشەنمەيمەن. چۈنكى كائىنات مىسلىسىز نەپىس يارىتىلغان. ئادەتتە كۇپ شەكلىدىكى بىردانە ئاددى تاشنىڭ ئۆزىدىن پەيدا بۇلۇپ قالغىنىغا ساراڭمۇ ئىشەنمەيدۇ. بۇ تاشنى چۇقۇم بىر ئادەم شەكىلگە كەلتۈرگەن، سىلىقلىغان دەيدۇ. ئەمدى ئالەمدىكى، جانلىقلاردىكى، ئىنساندىكى بۇ نەپىسلىك ئۆزلىكىدىن پەيدا بۇلۇپ قالغاندىمۇ؟؟ ياق  ياق  چۇقۇم بىر قۇدرەتلىك ئىلاھ ياراتقان. ئۇنىڭ قۇدرىتى چەكسىزدۇر. مەن شۇنداق بىر پەقەت ۋە پەقەت بىردىنبىر ئىلاھنىڭ مەۋجۇتلىقىغا ئىشىنىمەن. پۈتۈن ئالەمدىكى ھەممە ئىش ئۇنىڭ ئورۇنلاشتۇرىشىدا بۇلىدۇ. ئادەتتە بىر ئادەم بىزنىڭ ئانچىكى بىر ئىشىمىزغا ياردەم قۇلىنى سۇنسا رەھمەت ئېيتىمىزغۇ؟؟ بەزىلېرىمىز ئازراق نەپ تەگكەن يەنە بىر ئادەمنىڭ قۇڭىدىن چىقالماي قىلمىغانلېرىمىز قالمايدىغۇ؟؟  مۇشۇنىڭغا ئوخشاش، مىنى كەم-كۈتسىز ياراتقان، مېنى زىيان-زەخمەتتىن ساقلىغان، ماڭا تەن، جان ئاتا قىلغان، پۈتكۈل كائىناتتىكى جىمى مەخلۇقاتقا رىزىق ئاتا قىلغان سېخى ئىلاھىمغا باش ئىگىمەن. باشقا ھەرقانداق نەرسىگە باش ئەگمەيمەن. ئىلاھىم مېنى بەزىدە شۇنچىلىك قۇدرەتلىك، شۇ قەدەر سىرلىق ياراتقىنىنى بەزىدە شۇنچىىلىك ئاجىز شۇنچىلىك ئاددى ياراتقانلىقىنىڭ تىگىگە مەڭگۈ يېتەلمەيمەن. يولدىن ئىزىپ، گۇناھلارغا پېتىپ، ئۆزەمنىڭ بەندىلىكىنى ئۇنتۇپ قىلمىغانلېرىم قالمىغاندا، روھىم، جىسمىم خانۇ-ۋەيران بولغاندا، روھىم جىسمىمنى كونتىرول قىلالمىغاندا شۇنچىلىك قورقۇنۇش، شۇنچىلىك تەنھا، شۇنچىلىك بىچارە كۈنگە قالدىمكى ئۆزەمنىڭ تىرىك ياكى ئۆلۈكلىكىمنى، ئوڭۇم ياكى چۈشۈم ئىكەنلىكىنى پەرق ئىتەلمەيدىغان دەرىجىگە بېرىپ قالدىم. يىغلاۋاتىمەن. ئىنسان بالىسى يىغلاۋاتىدۇ. شۇنداق سورىدىم:‹‹ ئىلاھم مېنى نىمىشقىمۇ ياراتقانسەن؟سەن مېنى ئۇنتۇپ كەتتىڭ؟›› شۇنداق بىر ئاچچىق ئىچىمدىن يېنىپ بۇغۇزۇمغا كەپلەشتى. پۈكۈل ئالەم يوقتەك. بىر قاراڭغۇلۇقتا مەن يالغۇز قالغاندەك، جىنىم تېنىمدە ئەمەستەك شۇنداق بىر تۇيغۇغا كەپ قالدىم. ئولتۇرۇشۇپ ئالدىمغا تىزلىنىپ قالدىم. دۈمبەمدىن بىرسى ئىتتىرگەندەك ئالدىمغا يۈكۈنۈپ قالدىم. ئورنۇمدىن تۇرۇشقا شۇنچىلىك تىركەشتىم لىكىن تۇرالمىدىم.ئۈستۈمدە بىر تاغ باردەك مېنى بىسىۋالدى. كۈچەپ تەرلەپ كەتتىم. بېلىممۇ بۇشىشىپ، ئاستى بەدىنىم بىلەن ئۇستى بەدىنم ئوتتۇرسىدا ھېچقانداق نەرسە يوقتەك بۇلۇپ قالدى.  قۇلۇمدىمۇ كۈچۈم قالمىدى. ئامالسىز ئىككى قۇلۇمنىڭ ئوتتۇرسىدىن پىشانەمنى يەرگە تەككۈزۈپ، ئىككى تىزىم بىلەن بەدىنىمنى كۆتۈرۈپ تۇرۇپ قالدىم. ‹‹ھەي ئىنسان بالىسى، مەن سېنى ئۇنتۇپ قالمىدىم. سەن مېنى ئۇنتۇپ قالدىڭ!!››. يىغلاۋاتىمەن. ئەمدى ھۆڭرەپ يىغلاشقا باشلىدىم. ئاتا-ئانام نامازنى تەرك ئەتمەيدىغان مۆمىن مۇسۇلمانلاردىن. كىچە-كۈندۈز مېنىڭ، ئۇكىلېرىمنىڭ، ئائىلىمىزنىڭ بەخىت-تەلىيىنى ئەڭ مۇھىمى بىزگە ئىمان تىلەيدىغان ئاپام مېنىڭ بۇ ھالىمنى كۆرۈپ، قالغانلارنى مېنىڭ يېنىمغا كەلتۈرمىدى. ئۇلارنىڭ نىمە دىيىشۋاتقانلىقىنى بىلەلمىدىم. ‹‹ رەببىڭنى تونۇ. سەن بىر بەندە. مەن بەرگەننى يەيسەن، مەن بەرگەننى ئىچىسەن. مېنى تۇنۇساڭ پاك نەرسىلەرنى يەيسەن، پاك نەرسىلەرنى ئىچىسەن. مېنى تۇنۇمىساڭ ئۇ دۇنيا،بۇ دۇنيا نىجاسەت ئىچىدە ياشايسەن. مەن ھېچقاچان مېنى تۇنۇغانلارغا رەھمىتىمنى ئاياپ باققىنىم يوق. مېنىڭ رەھمىتىم چەكسىز. سەن ياشاۋاتقان دۇنيادىكى پۈتۈن مال-دۇنيا، جاۋاھىراتلارنى يىغساڭمۇ مېنىڭ رەھمىتىم ئالدىدا ھېچنىمە ئەمەس. سەن ياشاۋاتقان دۇنيانىڭ ئۆزى بىر زەرىچە. ئۆزەڭنىڭ بىر كىشلىك  نەپسىڭ ئۈچۈن ئىنسانغا بويسۇنۇسەنۇ، مېنىڭ كائىناتقا قىلغان رەھمىتىم تۈپەيلى، بىر قېتىم سەجىدە قىلدۇرپ قويسام شۇنچىلىك جاھىللىق قىلىپ كەتتىڭغۇ؟ ئىنساننى تۇنۇيسەن، مېنى تونۇمايسەن؟؟ ئىنسانغا يېلىنىسەن، ماڭا يېلىنمايسەن؟؟ ئىنساندىن تىلەيسەن، مەندىن تىلىمەيسەن؟ ئىنسانغا ئەگىشىپ كۆرگەن كۈنىڭنىڭ قانچىلىكلىكىنى ئۆزەڭمۇ بىلىسەن. ئىنسان مۇھتاجلىق تۈپەيلى ساڭا ياردەم قىلىدۇ. مەن ھېچقانداق نەرسىگە مۇھتاج ئەمەسمەن. ئىنساندىن يامانلىق، ياخشىلىق ھەممىسى كىلىدۇ. مەندىن ساڭا ياخشىلىقلا كېلىدۇ. چۈنكى ئىنساننى مەن ياراتقان. مەن سىلەرگە ھەممىدىن بەك كۆيىنىمەن. سىلەرنى ھەممىدىن بەك چۈشىنىمەن. ماڭا ئەگەشكىن›› ئاستا-ئاستا بوشىشىپ كەتتىم. ئۈستۈمدىكى تاغمۇ يۇقاپ كەتتى. قوپە ھوي! مۇشۇ ئىشلارغىمۇ ئىشىنىپ يۈرەمسەن. ھەممىسى كاللاڭدىكى خىيال ئۇ. ئۆيۈڭگە كىرىپ ئۇخلا. ئەتە سەھەردە يەنە ئىشقا بارىسەن. ئەتراپىڭغا قاراپ باق. ئاغىنىلېرىڭنىڭ ھەممىسى بىناغا كۆچۈپ بولدى. ئالدىلېرىنىڭ ئىسىل ماشىنىلېرى بار. ھەممىسىنىڭ كەينىدە تىرىكى بار. سەنلا ئەزمەڭنى ئىزىپ يۈرىسەن. چاققانراق بىرەر باشلىقنىڭ پېشىگە ئېسىلۋالساڭ، سېنىڭمۇ كۈنۈڭ تۇغۇلىدۇ دىگەن گەپ. خەقنىڭ ئالدىدا غادىيىپ ياشايسەن. بىردىن قورقۇپ، مىڭنى قورقۇتۇش دىگەن شۇ. ئادەم دىگەن ئەتراپىدىكىلەر بىلەن ئارلىشىپ ئۆتىدىغان گەپ. يېقىندىن بۇيان ئەتراپىڭدىكىلەر بىلەن سەل قۇيۇق ئارلاشمايدىغان بۇلىۋالدىڭ. بۇنداق قىلساڭ ئاران كەلگەن پۇرسەتنى باشقىلار ئىگەللىۋالىدۇ. تەڭتۇشلېرىڭ ئالدىڭدا غادىيىپ سېنى ئۇنىڭغا- بۇنىڭغا بۇيرىسا ھەرقاچان كۆڭلۈڭ كۆتۈرمەيدۇ. بۇ مۇشۇنداق جاھان. قانداق دېدىم؟ ئىشىڭنى قىل لەنىتى شەيتان. كىم دەيدۇ مېنىڭ تىرىكىم يوق دەپ؟؟ مېنىڭ تىرىكىم بار. بۈگۈندىن باشلاپ مېنىڭ تىرىكىم باربولدى. سەن دىگەن ئۇ نەرسىلەرگە مەن قىزىقمايمەن. بىلىسەن، بىلىپ تۇرۇپ مېنى ئازدۇرماقچى بۇلىسەن. دىلىمنى ئىگەللىمەكچى بولىسەن. مەن ساڭا دەپ قۇياي. بۇ مۇمكىن ئەمەس. سەن دەۋاتقان ئۇ نەرسىلەر ئاللاھىمنىڭ رەھمىتى ئالدىدا نىمىتى؟ سەن دەۋاتقان ئۇ تىرەكلەر ئاللاھىمنىڭ تىرىكى ئالدىدا نىمىتى؟ سەن دەۋاتقان ھۆرمەتلەر ئاللاھىمنىڭ ھۆرمىتى ئالدىدا نىمىتى؟  مانا مەن ئەمدى غادىيىپ ياشايمەن!!!! ئىنساندەك ياشايمەن!!!! كۆردۈڭمۇ، مېنىڭ ئاللاھىمنىڭ قۇدرىتىنى؟ئىككى مىنۇتنىڭ ئالدىدىكى چۈشكۈن ھالىتىم، ئاللاھىمنى تۇنۇغاندىن كېيىن قانداق ئۆزگەرگىنىنى؟؟ قاراپ باق!! كۆزلېرىمدىكى نۇرغا  قارا باق!! تۇمۇر تۇمۇرىمدىكى ئۆركەشلەپ ئېقىۋاتقان قانلېرىمغا قاراپ باق!!! ماڭا بۇنى ئاللاھ بەرگەن. بىلەمسەن؟ ماڭا ئاللاھ يەنە بېرىدۇ. بۇنىڭدىنمۇ ئارتۇق كۈچ-قۇدرەت، بۇنىڭدىنمۇ ئارتۇق روھ بېرىدۇ. مەن مۇشۇلارغا تايىنىپ ئۆزەم يەتمەكچى بولغان نىشانغا يېتىمەن. ھەرگىز كەينىمگە يانمايمەن!!! ئالدىراپ خوش بۇلۇپ كەتمە ئىنسان بالىسى!! سەن مېنىڭ كىملىكىمنى راستىنلا بىلمەيدىكەنسەن. مېنىڭ ئاجىزلارنى ئازدۇرۇشقا ئىشلەتكەن نەيرەڭۋازىقلېرىمنى يەڭگەن بولساڭ، ئەمدى كۈچلۈكلەرنى ئازدۇرۇشقا ئىشلەتكەن نەيرەڭۋازلىقىمنى تېتىپ باق. مەن ئازدۇرمىغان كىم بار. بىلسەڭ نەسلىڭنىڭ تىگى ئادەمنى مانا مەن ئازدۇرغان. سېنىڭ ئازدۇرۇشلېرىڭغا قانداق تاقابىل تۇرۇشقا ماڭا ئاللاھ ياردەم قىلىدۇ. ئاللاھ ماڭا قانداق قىلىشنى ئۆگىتىدۇ. ئاللاھ مەن بىلەن بىللە!!!!!!!

tanha777

	قولىڭىزغا دەرد بەرمىسۇن!

zohran1

	ئۇلۇغ ئاللاھ مىنى ۋە بىزنى توغرايولغا باشلىغىن ،سەن ھىدايەت قىلغانلارنىڭ يولىغا باشلىغىن.ساڭىلا سىغىنىپ شەيتاننىڭ شەررىدىن پاناھ تىلەيمەن.

蓝狼-0947

	ئاللا ھەممىزگە پايدىلىق ئېلىم ئاتا قىلسۇن  .  ا مىين

gulbaxikar

	ئىتىقادتا ئاخىرغىچە چىڭ تۇرماق بەرداشلىق بەرمەك ئىنسان ئۈچۈن ئەڭ قىيىن ئۆتكەل!

pak-nur

	بۇ رەسىمدىكى تاش خوتەندە راستىنلا باركەن، دوستۇمنىڭ دىيىشچە بۇتاشنى تۇتۇپ تۇرۋاتقان ئۇلى ئادەمنىڭ بوينىچىلىك كىلىدىكەن. راستىنلا ئىشەنگۈسى كەلمەيدۇ.

bugrafizikanit

	ئىسىل تىما ئىكەن .......................

خەلىفە

	ئاللاھ ئىمانىڭىزدا مۇشۇنداق پۇلاتتەك ئىرادە،ئاللاھ ئاتا قىلسۇن ھەممىزگە تەۋپىق ھىدايەت ئاتا قىلسۇن ئامىن

azizgul

	رەببىنى تۇنۇغانلار، بويسۇنغانلار ھەقىقىي بەخىت سائادەت ئىگىلىرىدۇر !

madonna

	ئاللاھتىن باشقا ھېچ بىر ئىلاھ يوق .