خارلانغان نان، ئاچ قالغان ئىنسان !

dihanogli1

	خارلانغان نان. مەن بۈگۈن [2012] پروگرامما، office ، لايىھە مۇسابىقىسى  گە   ئەرەنتىر شىركىتى تەمىنلىگەن مۇكاپات بۇيۇمىنى تاپشۇرۇپ ئېلىش ئۈچۈن  ، قەشقەر گە بارغان ئىدىم . ئەرەنتىر شىركىتى تەمىنلىگەن مۇكاپاتنى ئېلىپ  قايتاشىمدا ،    قەشقەر يېڭى  بازارغا كىردىم .   بىرقىسىم سودىلىقلىرىمنى قىلىپ بۇلۇپ  بازاردىن چىقىپ كېتىش ئالدىدا  ، كىشىنى ئېچىندۇرىدىغان مۇنداق بىرئىشقا يۇلۇقتۇم !  ئۇ بولسىمۇ ، كونا ئاياغ بازىرى (ئەسكى - تۈسكى بازىرى) دىكى   ئەرزان باھادا بولسىمۇ سېتىۋىتىش ئۈچۈن ئەسكى چىپتا-تاغارلارغا قاچىلاپ ، دۆۋلەپ قۇيۇلغان ، خارلانغان نانلار ئىدى!!! كىشىنى ئېچىندۇرىدىغان بۇنداق ‹‹ مەنزىرە›› مېنى قاتتىق ئەپسۇسلاندۇردى . بىز ئەشۇنداق  گۆھەردەك نانلىرىمىزنى  ئەسكى چىپتا-تاغارلارغا قاچىلاپ ، كونا ئاياغ بازىرى (ئەسكى - تۈسكى بازىرى)  غا تاشلىۋەتكۈدەك  ‹‹ ھاللىق سەۋىيەگە ›› ، توقچىلىققا يەتكەندىمىزمۇ؟ مەن   مىڭ ئەپسۇسلار ئىچىدە  ،   كەڭ تورداشلارنىڭ بۇنداق ناچار  ئىسراپخورلۇقتىن  ھەزەر ئەيلىشىنى ، توي - توكۈن ، نەزىر - چىراق ،  رېستۇران ئولتۇرۇشلىرىدا   تائاملىرىمىزنى ، گۆھەردەك نانلىرىمىزنى  بۇزۇپ چاچماسلىقىنى ، خارلىماسلىقىنى ، ئىسراپ قىلماسلىقىنى تەۋسىيە قېلىمەن .!!!!! تېلفۇنۇم ئارقىلىق تارتىلغان نەخ مەيداندىكى رەسىملەر: ئاچ قالغان ئىنسان . ئافرىقا ئاچارچىلىق گىردابىدا ئېڭرىماقتا . ئافرىقىدا  60 يىلدىن بۇيان ئەڭ چوڭ ئاچارچىلىق ئاپىتى يۈز بەردى سومالى، ئېپوپىيە، كېنىيە، جىبۇتى قاتارلىق دۆلەتلەردە 12 مىليون 400 مىڭ كىشى ئاچارچىلىق ئىچىدە تۇرمۇش كەچۈرمەكتە.     ئافرىقىدا ئاچارچىلىق ۋە قۇرغاقچىلىق ئەڭ ئېغىر يۈز بەرگەن دۆلەت سومالى بولۇپ، پايتەخت موگادىشۇ ئاچ ئىنسانلار ئېقىنىغا سەھنە بولماقتا. ب د ت نىڭ سانلىق مەلۇماتلىرىغا ئاساسلانغاندا، سومالىنىڭ جەنۇبىدىكى 3 يېرىم مىليون ئادەمنى ئۆز ئىچىگە ئالغان 12 مىليون ئادەم ئاچارچىلىقنىڭ پەنچىسىدە ئىزىلىۋاتقان بولۇپ، يۈز مىڭلارچە ئادەم پاناھلىنىش لاگېرلىرى جايلاشقان پايتەخت موگادىشۇغا بېرىشقا تىرىشماقتا.   سومالىدا ئاچارچىلىق ئاپىتى سەۋەبىدىن 29 مىڭ كىچىك بالا  قازا قىلدى. ئىناق جەمىيىتىمىزنى ، خاتىرجەم تۇرمۇشىمىزنى قەدىرلەيلى .   ئاش - نان ،  پۇل - ماللىرىمىزنى بۇزۇپ چاچمايلى ، ئىسراپ قىلمايلى. ‹‹ ئاللاھ تائالا  ئىسراپ قىلغۇچىلارنى ياخشى كۆرمەيدۇ ›› بوۋام بىر كۈنى بىزگە تەربىيە قىلىپ شۇنداق دېدى ؛ ماۋۇ خىلدىكى 3 خىل كىشى ھامان ھالاك بولىدۇ ، ‹1› ئۆزىنىڭ كۈچ – قۇدرىتىگە چەكسىز ئىشىنىپ كېتىدىغانلار ‹2› ئاش - تائامنىڭ ئۆزىگە يېتەرلىك مىقدارىنى بىلمەيدىغانلار ‹3› ئاداۋەت ئەھلىنىڭ سۆزىگە ئىشىنىپ ئۇلارنىڭ خۇشامەتلىرىگە ئالدانغانلار . بوۋام يەنە سۆزىنى داۋاملاشتۇردى ؛ يەنە شۇنداق 3 خىل كىشى باركى مەڭگۈ غەم – ئەندىشىدىن قۇتۇلالمايدۇ ، ‹1› ھەمىشە يامان ئىشنىڭ قەستىدە يۈرگەنلەر - ‹2›قۇدرىتىنىڭ بارىدا ياخشى ئىش قىلمىغانلار ` ‹3›نادانلىق بىلەن ئويلىماي ئىش قىلىپ ئاخىرىدا ھەسرەتتە قالغان كىشلەر

basut

	دېگىنىڭىز توغرا قېرىندىشىم،ھەممىمىز دىققەت قىلىشىمىز كېرەك،باشقا دۆلەتلەرنى مىسالغا ئالمىساقمۇ ئۆزىمىزنىڭ يۇرتىدىلا قىيىنچىلىق ئىچىدە ياشاۋاتقان قېرىنداشلىرىمىز نۇرغۇن،شۇڭا ناننى ۋە باشقا يېمەكلىكلەرنى ھەرگىز خارلىماسلىقىمىز كېرەك.ئاللاھ مۇشۇ قىلمىشلىرىمىزنىڭ جازاسىدىن ساقلىغاي.

nazpari

	يۇقىرىدىكى بۇ بىر پارچە رەسىم 1993-يىلى سۇداندا تارتىلغان رەسىم. فوتوگىراف بۇ رەسىمنى تارتقان ۋاقىتتا ئەتراپتا ئاچارچىلىقتا قالغان نۇرغۇن بالىلارنى كۆرگەن ھەمدە جەمئىيەتتە غۇلغۇلا قوزغىغۇدەك رەسىم ئىكەنلىكىنى ئويلاپ بۇ بىر پارچە رەسىمنى تارتىۋالغان. بۇ رەسىم جەمئىيەتكە تونۇلغاندىن كىيىن ، ئۇ فوتوگىراف باشقىلارنىڭ سۇئال-سورىقى ئاستىدا قالغان.    _ سەن شۇ بالىنى سۆرەتكە تارتقاننىڭ ئورنىدا ئاۋۇ تاپ يەيدىغان قۇزغۇننىڭ ئازابىدىن قۇتقۇزۇپ قالساڭ بولمامدۇ ؟ ............ فوتوگىراف چۈشەندۈرۈپ : - مەن بىرنى قۇتۇلدۇرسام ئەتراپتا ئۇنداق بالىلار نۇرغۇن ئىكەن قايسىبىرىنى قۇتقۇزۇپ بولالايمەن دەپ ئۆزىنى ئاقلىغان بولسىمۇ ئاخىرى ۋىجدان ئازابىغا چىدىماي ئۆزىنى ئۆلتۈرىۋالغان. قارايدىغان بولساق، ھەر 6 سىكۇنتتا بىردىن بالا ئاچارچىلىقتىن ئۆلىۋاتىدۇ دەيدىغان مەلۇماتلار بار. ئاش-نىنىمىزنى قەدىرلەيلى دوستلار. بىز تىخى ئۇنداق توقلۇق دەرىجىسىگە يەتكىنىمىز يوق. توغرا، توقلۇق باي-باياشاتچىلىق مۇشۇ شىنجاڭدىلا بار. كۆرۈپ تۇرىۋاتىمىز. ئەنخۇي ئۆلكىسىدە يەر تەۋرەپ ئاچارچىلىق يۈز بىرىۋاتىدۇ. ئۆزىمىزنى ئۆزىمىز قەدىرلەيلى .......

baburxah

	ناننى خارلىغان ياخشى كۈن كۆرمەس، ئافرىقىدىكى ئاچارچىلىقتا قالغانلارنى ئويلىسام بەزىدە غىققىدە بولۇپ قالىمەن، خۇدا ئاسان قىلسۇن ئۇلارغا، بىر يىلدىن ئاشتى ئىسراپچىلىق بولمىسۇن دەپ رىستورانلىغىمۇ كىرمىدىم، بەزىدە ئىككى ۋاق نان چاي ئىچىپ كىتىمەن.

sodigar0908

	ئاللاھ نىڭ بەرگەن كۈنلىرىگە تۈمەنلىگەم شۈكۈرلەر ئېيتايلى~! ‹‹ يەڭلا ئىچىڭلار، ئىسراپ قىلماڭلار~!››  ئىلاھى بۇيرۇق....

man.1

	ئەتىراپىمىزغا   قارىساقمۇ    مۇنداق  ئىشلار  ،  ئەتىراپىمىزدا   خېلىلا  ئېغىر      ھەي   ئەپسۇسلانغىدەك   ئېشلار    ھە .  مەن  مۇنداق   كورۇنشلەرنى  كورسەم   بەك  ئېچىنىپ   كىتىدىكەنمە.   مۇمكىن  بولسا  ھە....................

kanat

	بۇ ئۆتنە ئالەم،ھازىر ئىسراپ قىلساق كىين ھامان جازاسىنى تارتىمىز،ئىسراپخورلۇق ئېغىر گۇناھ،ئىسراپ قىلمايلى قېرىنداشلار،شۇ ئىسراپخور بايۋەتچە غوجاملار بۇ نەسىھەتلىرىمىزنى بىر كۆگەن بولسا ياخشى بولاتتى.

wijdan.

	بىردە خار بولغان نەرسە بىردە ئەزىز بولىدۇ،ئادەم ئىنسانچىلىقتا ئۇ بۇ سەۋەنلىكلەردىن خالى بولغىلى بولمايدىكەن ،ئىشقىلىپ ئاقىۋىتىمىزنى ئويلىساق بولاتتى!!!

larzan

	ئادەمنىڭ قەلبىنى ئەزگۇدەكلا رەسىملەردە بۇ.