مەغلۇپ بولسىڭىزمۇ ھاياتتىن ۋاز كەچمەڭ !

ertugrul

	ھاياتلىق مۇساپىسىدە ھەمىشە خۇشاللىق، ھەمىشە ئۇتۇقلا بولمايدۇ. ئىنسان بەزىدە ماددىي ۋە مەنىۋى زىيان - زەخمەتلەرگە، يېڭىلىشلارغا ئۇچراپ تۇرىدۇ. زىيان - زەخمەت ئاچچىق، يېڭىلىش ئاچچىق، پىلاننىڭ بەربات بولۇشى ئاچچىق، دېمەك زىيان تارتىش شۇنداق ئاچچىق نەرسە. ئەمما نۇرغۇن كىشىلەر خۇددى «ئاچچىق لىموندىن تاتلىق ئىچىملىك ياسىغان»دەك بۇ ئاچچىق زىياننى پايدىغا ئايلاندۇرالايدۇ. ئىسلام مۇتەپەككۇرى ئەللامە مۇھەممەد غازالى«ھاياتىڭىزنى يېڭىلاڭ»ناملىق ئەسىرىدە مۇنداق دەپ يازىدۇ: - نۇرغۇن كىشىلەر ئالدىغا چىققان قىيىنچىلىق ۋە توسقۇنلۇقلارنى كۆرۈپ قىلماقچى بولغان ئىشلىرىدىن ۋاز كېچىدۇ. شۇ سەۋەبلىك ئۆزلىرىنىڭ قابىلىيىتىنى ئىشقا سالالمايدۇ. ئەگەر ئىنسانلار بىلسە ئىدى، قىيىنچىلىقلار ۋە توسقۇنلۇقلار تالانتلارنى ئۆستۈرىدىغان مۇنبەتلىكلەردۇر. نۇرغۇنلىغان تالانتلار قىيىنچىلىق ۋە توسقۇنلۇق ئىچىدە بىخ ئۇرۇپ چىققان. دېئىل كارنېك مۇنداق دەپ يازغان «كاتتىلار ۋۇجۇدقا چىقارغان غەلىبىلىك ئىشلارنىڭ ھەممىسى بىرەردىن كەمچىللىك ھېس قىلىشنىڭ تۈرتكىسى بىلەن ئوتتۇرىغا چىققان. مەسىلەن: شائىر مىلتون ئەگەر ئەما بولمىغان بولسا، شۇ مەشھۇر شېئىرىنى يازالمىغان بولار ئىدى. بىتخۇۋىن ئاڭلىماس بولمىغان بولسا، شۇ مەشھۇر مۇزىكا ئەسىرىنى ۋۇجۇدقا چىقىرالمىغان بولار ئىدى.» چۈنكى، بۇ مېيىپ ئىنسانلار ئۆزلىرىگە كەلگەن بۇ ئاچچىق قىسمەتنى قوبۇل قىلغان. ئاندىن ئۆزلىرىدىكى كەملىكنى تالانتقا، ئاچچىقنى تاتلىق شاراپقا ئۆزگەرتىشكە تىرىشقان. مانا بۇ ئاچچىق لىموندىن تاتلىق ئىچىملىك ياسىغانلىقتۇر. تالانتنى قىيىنچىلىقلار تۇغىدۇ ئەللامە مۇھەممەد غازالى مەزكۇر ئەسىرىدە يەنە مۇنداق دەپ يازغان: - دېئىل كارنېك ئېمىرسوننىڭ «ئىجادىيەت كۈچى» ناملىق ئەسىرىدىن نەقىل قىلىپ مۇنداق دېگەن«قىيىنچىلىق ۋە توسقۇنلۇقلاردىن خالىي بولغان مۇقىم تۇرمۇش ئۇلۇغ ئادەملەرنى يارىتىدۇ دەپ كىم ئېيتىپتۇ؟ ئىش تامامەن بۇنىڭ ئەكسىچە بولىدۇ، يەنى ئۇلۇغ ئادەملەرنى ۋە نادىر تالانتلارنى پەقەت قىيىنچىلىقلار بىلەن توسقۇنلۇقلار يارىتىدۇ. ئۆزىگە مەرسىيە ئوقۇشقا ۋە تۇرمۇشتىن شىكايەت قىلىشقا ئادەتلىنىپ قالغانلار، قاتمۇ - قات يېپەكنىڭ ئۈستىدە يېتىپ راھەتلەنسىمۇ يەنىلا مەرسىيەسىنى ۋە شىكايەتلىرىنى داۋاملاشتۇرىدۇ. تارىخ گۇۋاھكى، ئۇلۇغلۇق بىلەن سائادەت ئۆز تىزگىنىنى ياخشىسىمۇ بار، يامىنىمۇ بار ۋە ياخشىسى بىلەن يامىنى پەرق ئېتىلمەيدىغان مۇھىتلاردا ئۆسكەن ئەزىمەتلەرنىڭ قولىغا تۇتقۇزغان.» ئىنسانلار بىر خىل ئەمەس ئەللامە مۇھەممەد غازالى يەنە مۇنداق دەپ يازغان: - ھەركىمدە ئاچچىقنى تاتلىققا، قايغۇنى خوشاللىققا ئۆرۈيەلەيدىغان قۇۋۋەت يوق. دەرتلىنىشكە ۋە شىكايەتكە ئادەتلىنىپ قالغانلارنىڭ مۇنداق قىلالىشى تېخىمۇ مۇمكىن ئەمەس. پەقەت قەلبى چوڭ، سەۋرىسى تولۇق ۋە ئىرادىلىك ئىنسانلار شۇنداق قىلالايدۇ. 19 - ئەسىرنىڭ ئىسلاھاتچى ئۆلىماسى شەيخۇلئىسلام ئىبنى تەيمىيە تۈرمىدىكى ھاياتىنى تەسۋىرلەپ «تۈرمىگە تاشلانغانلىقىم مېنىڭ ئۈچۈن خىلۋەت، يۇرتۇمدىن پالانغانلىقىم مېنىڭ ئۈچۈن ساياھەت، جاپالىرىم رىيازەتتۇر» دېگەن ئىكەن. مەنبە:  ئىلىم -ھىكمەت دۇردانىلىرى  ناملىق كىتاپتىن ئىلىندى .

نەزەر

	ئاللاھ ساقلىسۇن ،ئاللاھ جاننى ئالمىغۇچە بىز ۋازكەچسەك ھەرگىزمۇ بولمايدۇ ..........

quxtikiakku

	بۇ دۇردانىلەر ئۇمۇتسىزلەنگەن، نىشانسىز ياشاۋاتقانلار ئۇچۇن بىر خىل نۇرلۇق چىراق ئىكەن.

izqi.mardan

	ئاللاھتىن ئۈمۈدىمىزنى ئۈزمەيمىز...........

gulbaxikar

	قىيىنچىلىق ئىچىدىن بۇشۇشۇپ كەتمەي ھايات يولىنىڭ يىڭى سەھىپىسىنى ئاچقۇچىلار ئەڭ قەيسەر كىشىلەردۇر! باشقىلاردىن ئاڭلىسام ، مىنىڭ تولۇقتىكى سىنىپ مەسئولىم  بورۇن تۈرمىگە كىرىپ قاپتىكەن، شۇ يەردە بىكار  بولسىلا خەنزوچە لوغەتنى يادلاپ خەنزوچە سەۋىيىسى دەھشەت ئۆسۈپ كىتىپتىكەن !

yutuz

	ھەجەپ بەلەن خۇش ياختى ماۋۇ تىمىدىكى دۇردانىلەر، ھارمىغايسىز.

pak-nur

	بىر مۇشكىلاتنىڭ كەينىدە بىر ئاسانلىق بار.

浪漫的回忆

	ئاللاھقا سەۋىر قىلەي،ھەممىسى ئۈتۇپ كىتىدۇ

sargarda

	ئەگەر   مۇشۇنداق  ئېلھاملاندۇرۇش  تېپىدىكى  كىتابلارنى  كۆرۈپ  تۇرمىغان  بولسام  ،  ئاللىقاچان چۈشكىنلىشىپ  كەتكەن  بۇلاتتىم  .

oyhanogul

	浪漫的回忆 يوللىغان ۋاقتى  2012-3-27 07:33 PM ئاللاھقا سەۋىر قىلەي،ھەممىسى ئۈتۇپ كىتىدۇ كەچۈرۈڭ مەن سۆزىڭىزگە رەددەيە بېرىمەن . سەۋىرچانلىق ياخشى خىسلەت بىراق چەكتىن ئېشىپ كەتسە بالا_قازا بولىدۇ. مەن دىمەكچى دۈشمىنىگە سەۋىر قىلغان ئادەم ياخشى ئادەم بۇلالمايدۇ. «مۇھەممەد سەللەللاھۇ ئەلەيھىۋەسسەللەم _ بۇرادەرلىرىڭلارنىڭ خاتالىقىغا سەۋىر قىلىڭلار،بېشىڭلارغا ئاللاھ تەرىپىدىن كەلگەن قازاغا سەۋىر قىلىڭلار،قېرىنداشلىرىڭلاردىن كەلگەن قازاغا سەېىر قىلىڭلار ، ئەمما سىلەرنى دۈشمەن تۇتقانلارنى سىلەرمۇ دۈشمەن ھىساپلاڭلار قىلمىشى چەكتىن ئاشقانلارغا قارىتا ھەرىكەت قىلىڭلار». دىگەن